ԷՅՉ-ԷՍ-ԲԻ-ՍԻ ԲԱՆԿ ՀԱՅԱՍՏԱՆ ՓԲԸ

Բարեկեցություն 

Մենք ուշադրության կենտրոնում ենք պահում մեր աշխատակիցների հոգեկան, ֆիզիկական և ֆինանսական բարեկեցությունը:

Աշխատանքի վարձատրություն

Մենք առաջարկում ենք մրցունակ աշխատավարձեր, հրապուրիչ պարգևավճարներ և աշխատանքի կատարման վրա հիմնված խրախուսական վճարներ:

Ճկուն աշխատանքային գրաֆիկ 

Ճկուն աշխատանքային գրաֆիկն առանձնահատուկ առավելություն է, որ մենք տրամադրում ենք մեր բոլոր աշխատակիցներին` նպատակ ունենալով հավասարակշռություն ստեղծել նրանց անձնական կյանքի և աշխատանքի միջև:

Անձնական և մասնագիտական աճ 

Մենք իրականացնում ենք աշխատակիցների վերապատրաստման և կատարելագործման ծրագրեր` հնարավորություն ընձեռելով նրանց զարգանալու և դառնալու իրենց ոլորտի հմուտ մասնագետներ:

Ամանորին երազանքներն իրականանում են: «Էյչ-Էս-Բի-Սի Բանկ Հայաստան» ՓԲԸ-ի (այսուհետ՝ HSBC Հայաստան կամ Բանկ) շնորհիվ այս տարի ամանորյա հրաշքներին  հավատացին Կոտայքի մարզի 35 համայնքի շուրջ 250 փոքրիկներ, որոնք ստացան նվերներ Ձմեռ պապիկից: 

HSBC Հայաստանը այս տարի ևս կազմակերպեց արդեն ավանդական դարձած «Խաղալիքների հավաքը» (Toy Drive): «ՍՕՍ Մանկական Գյուղեր» հայկական բարեգործական հիմնադրամի ջանքերով երեխաների` Ձմեռ պապին ուղղված նամակները հասան Բանկի աշխատակիցներին, որոնք, այցելելով Կոտայքի մարզ, հեքիաթային օր պարգևեցին Ձմեռ պապին հավատացող ու սպասող մանուկներին:

2007 թ․-ից ի վեր ողջ աշխարհում HSBC բանկի աշխատակիցները «Հնարավորություն երիտասարդներին» ծրագրի շրջանակում Ամանորին ընդառաջ խաղալիքներ են գնում կարիքավոր ընտանիքների երեխաների համար՝ առաքելով դրանք տեղի գործընկեր բարեգործական կազմակերպությունների գրասենյակներ:  

««Խաղալիքների հավաքը» համայնքներին ուղղված աջակցության ծրագիր է, որն արդեն 15 տարի անընդմեջ իրականացվում է HSBC Հայաստանի կողմից: Յուրաքանչյուր տարի անչափ հպարտությամբ եմ հետևում, թե ինչ ոգևորությամբ են մեր աշխատակիցները մասնակցում նախաձեռնությանը և ինչ հոգատարությամբ են նախապատրաստում նվերները` ցանկանալով տոն պարգևել երեխաներին, որոնց համար ուշադրությունն ու ջերմությունն առանձնահատուկ նշանակություն ունեն:

Որպես սոցիալական պատասխանատվության դրսևորում` մեր բանկն  իրականացնում է բազմաթիվ ծրագրեր, որոնց միջոցով իր ներդրումն է ունենում համայնքների կյանքում: Սակայն այս նախաձեռնությունը յուրահատուկ խորհուրդ ունի. ծրագրի շնորհիվ բազմաթիվ երեխաներ հավատում են, որ Ամանորին կարող են իրականանալ իրենց ամենաանհավանական թվացող երազանքները», - նշում է HSBC Հայաստանի գլխավոր գործադիր տնօրեն Իրինա Սեյլանյանը: