Պարտնյոր ՍՊԸ

"Պարտնյոր" ընկերությունը ստեղծվել է 1997-ին ընկերության գլխավոր տնօրեն Աշոտ Ազատյանի կողմից և հանդիսանում է Հայաստանում ամենախոշոր ներմուծող կազմակերպություններից մեկը։ Ընկերությունը հանդիսանում է Հայաստանում այնպիսի հայտնի ապրանքանիշների պաշտոնական ներկայացուցիչը, ինչպիսիք են Էս Սի Ջոհնսոնը (Գլեյդ, Միսթեր Մուսքուլ, Պրոնտոն , Տուալետնի Ուտյոնոկը, Սալամանդերը, Կիվին, Ռեյդը, Օֆֆը, Զիփլոքը), Սիսմա Գրուփը (Քոթոնևը, Սամուրայը, Լոջեքսը, ֆարմաքոթոնը),Սիլվերը, Էվրիկան, Ռուսալոչկան,Դելիֆրանսը, Թեթլին, Հելլենիկան, Սևենթինը, Լոռվեննը, Ռադիանտը: Բոլոր ապրանքները ունեն համապատասխանության հավաստագրեր և պարբերաբար անցնում են բժշկական ստուգումներ։ Ընկերության տրամադրության տակ կա 3200 մ² արտադրական և պահեստային տարածք,որը գտնվում է Երևանի կենտրոնից ոչ հեռու։ Ընկերությունում աշխատում են ավելի քան 30 պրոֆեսիոնալ մասնագետներ, եւ ընկերության ներմուծած բրենդերն հայտնի են Հայաստանի Հանրապետության և Լեռնային Ղարաբաղի Հանրապետության 48 քաղաքներում: Ընկերության հաճախորդներն են սուպերմարկետների ցանցերը , շուկաները, փոքր խանութները, մանրածախ խանութները, դեղատները, մեծածախ շուկան և այլն: Ընկերության աշխատակիցները հետևում են շուկայում տեղի ունեցող փոփոխություններին, մասնակցում միջազգային ցուցահանդեսների՝ փնտրելով նոր և արդյունավետ համագործակցության առաջարկներ ժամանակակից միջազգային շուկայում: "Պարտնյոր" ընկերությունը բաց կազմակերպություն է, որը առաջարկում է որակյալ ապրանքներ և ձգտում լինել շուկայում առաջատարը։