Սկիզբ / HR ոլորտ / 6 -րդ տարածաշրջանային ՄՌ համաժողով․ Փոփոխությունների կառավարում

6 -րդ տարածաշրջանային ՄՌ համաժողով․ Փոփոխությունների կառավարում

Սույն թվականի հոկտեմբերի 13-14-ը Արմենիա Մարիոթ հյուրանոցում կայացավ 6-րդ տարածաշրջանային ՄՌ համաժողովը «Փոփոխությունների կառավարում» խորագրով:

Համաժողովն ավանդաբար կազմակերպվում է Cascade People & Business ընկերության և Հայաստանի ՄՌ Ասոցիացիայի կողմից:  Այս տարվա համաժողովի գործընկերներն էին ԱԿԲԱ ԿՐԵԴԻՏ ԱԳՐԻԿՈԼ ԲԱՆԿԸ, Մայքրոսոֆթ Արէյ «Մայքրոսոֆթ» կորպորացիայի հայաստանյան ներկայացուցչությունը և Բրեվիս ընկերությունը:

Թվով արդեն 6-րդ տարածաշրջանային ՄՌ համաժողովի առանձնահատկություններից մեկն այն էր, որ այս անգամ անդրադառնալով փոփոխությունների կառավարմանը, կազմակերպչական թիմը փոփոխություններ էր իրականացրել նաև համաժողովի ձևաչափում՝ մասնակիցներին ու խոսնակներին տրամադրելով ոչ միայն ֆիզիկական, այլև վիրտուալ շփման հարթակ: Միանալով Whova գլոբալ հավելվածին՝ կազմակերպիչները ստեղծել էին  հնարավորություն մասնակիցների համար՝ զարգացնել և ամրապնդել մասնագիտական ամուր ցանց ոչ միայն մինչև համաժողովը և դրա ընթացքում, այլև ևս 6 ամիս միջոցառման ավարտից հետո:

Համաժողովին հրավիրված էին  փոփոխությունների կառավարման ոլորտում միջազգային որակավորում ունեցող 15 փորձագետներ Հայաստանից, Ռուսաստանից,  Վրաստանից, ԱՄՆ-ից, Ավստրիայից, Դանիայից, Լեհաստանից և Ղրղզստանից,  որոնք համաժողովի 2 օրերի ընթացքում ներկայացան ելույթներով և վարպետության դասերով: Անցկացվեց թվով 6 վարպետության դաս, քննարկվեցին փոփոխությունների կառավարման ոլորտի խորքային այնպիսի հարցեր, ինչպիսիք են՝ փոփոխությունների կառավարումը պետական կառավարման համակարգում, կազմակերպությունների տրանսֆորմացիա agile մոտեցմամբ, փոփոխությունների գեյմիֆիկացիա (Gamification of changes), փոփոխությունների հոգեբանություն և այլն:

«Տարածաշրջանային ՄՌ համաժողովը, որն ամեն տարի կազմակերպվում է Cascade People & Business ընկերության և Հայաստանի ՄՌ Ասոցիացիայի համատեղ ջանքերով, դարձել է ոլորտի տարեկան գլխավոր և ամենասպասված իրադարձությունը։ Ամեն տարի մենք մեծ խանդավառությամբ կազմակերպում ենք այս կոնֆերանսը և իրականում ունենք մեծ վստահություն, որ այս կարևոր իրադարձությունը պետք է ծառայի այսօրվա բիզնեսին բարգավաճմանը՝ բերելով նոր գաղափարներ, գիտելիքներ, արժեքավոր ծանոթություններ, հաճելի հիշվող րոպեներ և նոր մարտահրավերներ: Ամեն տարվա թեման ընտրվում է նախորդ տարիներին արված հարցումների հիման վրա: Այս անգամ անդրադարձել ենք փոփոխությունների կառավարմանը (change management),  քանի որ մեր համայնքը մատնանշել է անցյալ տարի այս թեման,մ որպես առավել արդիական և անհրաժեշտ: Այս համաժողովը հետաքրքիր կլինի բոլոր այն մարդկանց համար, ովքեր տարբեր կազմակերպություններում որոշումներ կայացնող անձինք են», – նշեց Cascade People & Business ընկերության հիմնադիր և գործադիր տնօրեն, Հայաստանի ՄՌ Ասոցիացիայի նախագահ Արփի Կարապետյանը:

Այս տարվա համաժողովն ուներ նաև անակնկալ մասնակիցների համար՝  augmented reality (ընդլայնված իրականություն) տեխնոլոգիաների ներդրմամբ խաղ: Հավելվածը, որի միջոցով մասնակիցները խաղացին, հատուկ համաժողովի համար մշակվել և ներդրվել էր պատանի ծրագրավորողների կողմից, որոնք ներկայացնում են M.In.D ստարտափը:

mr2

Համաժողովին ներկա էին մոտ 200 մասնակիցներ ավելի քան 60 տեղական և միջազգային կազմակերպություններից շուրջ 15 երկրներից: Միջոցառմանը զուգահեռ՝  2 օրերի ընթացքում, գործում էր նաև ՄՌ Էքսպո:

Համաժողովը ոլորտի ամենասպասված իրադարձությունն է տարածաշրջանում ՄՌ համայնքի համար: Ամեն տարի այն միավորում է միջազգայնորեն ճանաչված մասնագետների, խոսնակների, թոփ մենեջերների, բիզնեսմենների, ՄՌ ղեկավարների և փորձագետների, որոնք պատրաստ են՝ կիսվել իրենց փորձով և ոլորտի նոր զարգացումների վերաբերյալ իրենց գիտելիքներով:

Բացման արարողությանը և հարցազրույցներին կարող եք հետևել այստեղ։

Համաժողովի ընթացքում անցկացված մաստեր կլասներին կարող եք հետևել՝ այցելելով ստորև հղումներով։

play-button (4) SERGEY DOLZHENKOV.Psychology of Changes 
play-button (4) MAGDALENA WOJCIECHOWSKA. Coping with resistance – how to navigate outside of comfort zone
play-button (4) KRZYSZTOF OGONOWSKI. Working with change sponsors
play-button (4) JACOB HOLMEHAVE. Wallbreakers an award winning game about change management 
play-button (4) PAVEL KOVALEV. Integrated Talent Management

Իսկ վերջերս StaffTalks նախագծի շրջանակներում զրուցել ենք Arpi Karapetyan-ի հետ՝ թեման ծավալելով ՀՀ-ում Մարդկային ռեսուրսների կառավարման ոլորտի շուրջ, որն օգտակար խորհուրդներ է պարունակում նամանվանդ ՄՌ ոլորտի մասնագետների և նրանց համար, ովքեր իրենց առաջին քայլերն են կատարում այս ոլորտում:

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

Kidnapping-Of-Edgardo-Mortara-Director-Steven-Spielberg

ԹԵ ԻՆՉՈւ Է ՁԵՐ ՎԵՐԱԲԵՐՄՈւՆՔՆ ԱՌԱՎԵԼ ԿԱՐԵՎՈՐ ՁԵՐ ԻՆՏԵԼԵԿՏԻՑ

  Երբ հասունանում է հաջողության պահը` հեշտ է կարծել, որ այն մարդիկ, ովքեր փայլել են …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.