ԹԵ ԻՆՉՈւ Է ՁԵՐ ՎԵՐԱԲԵՐՄՈւՆՔՆ ԱՌԱՎԵԼ ԿԱՐԵՎՈՐ ՁԵՐ ԻՆՏԵԼԵԿՏԻՑ

1490

Երբ հասունանում է հաջողության պահը` հեշտ է կարծել, որ այն մարդիկ, ովքեր փայլել են իրենց ինտելեկտով, պատրաստվում են անխուսափելիորեն թողնել  Ձեզ ստվերում: Սակայն Ստենֆորդի համալսարանի նոր հետազոտությունները կփոխեն Ձեր կարծիքն (ու Ձեր վերաբերմունքը):

Հոգեբան Քերոլ Դվիկը, իր ողջ կարիերան նվիրել է վերաբերմունքի և աշխատանքի ուսումնասիրությանը: Իր ամենավերջին ուսումնասիրությունը ցույց է տալիս, որ Ձեր վերաբերմունքն է Ձեր հաջողության գրավականը, այլ ոչ թե խելքն ու ինտելեկտը։

ՈՐՆ Է ՎԵՐԱԲԵՐՄՈւՆՔԻ ԵՎ ՄՏԱԾՈՂՈւԹՅԱՆ ՄԻՋԵՎ ԿԱՊԸ

Մարդկանց վերաբերմունքն իրենց հանդիպող և շրջապատող երևույթների հանդեպ անմիջականորեն կապված է իրենց մտածողության ձևի հետ: Եթե կարծում եք, որ ձեր ինտելեկտը կարող է զարգանալ, դուք սկսում եք այլ կերպ վարվել: Դվիկը պարզել է, որ մարդկանց հիմնական վերաբերմունքները բաժանվում են երկու խմբի՝

1. Կարծրացած մտածողություն (Fixed Mindset)

2. Զարգացող մտածողություն (Growth mindset)

Без-названия (2)Կարծրացած մտածողության տեր մարդիկ վստահ են, որ իրենք հենց այն են ինչ պետք է լինեն և որևէ կերպ չեն ցանկանում փոխվել: Այսպիսի մարդիկ կարող են բախվել լուրջ խնդիրների՝ հանդիպելով մարտահրավերների, քանի որ այն ինչ կթվա իրենց անիրականանալի և/կամ իրենց ուժերից վեր՝ կկոտրի, կհուսախաբեցնի, կստիպի զգալ ոչ պիտանի հասարակության համար:

Զարգացող մտածողությամբ մարդիկ հավատում են, որ շատ աշխատելով կարող են կատարելագործել իրենք իրենց: Կյանքի որոշիչ գործոնն այն է, թե ինչպես ես դու վերաբերվում անհաջողություններին և խնդիրներին: Զարգացող մտածողությամբ մարդիկ բոլոր անհաջողություններին և խնդիրներին ողջունում են բաց ձեռքերով:

Համաձայն Դվիկի ուսումնասիրությանը՝ կյանքում հաջողությունը կայանում է նրանում, թե ինչպես ենք վերաբերվում մեր ձախողումներին: Նա այսպես է նկարագրում զարգացող մտածողությամբ մարդկանց մոտեցումն իրենց հանդիպող ձախողումներին. <<Ձախողումն ինֆորմացիա է, որը մենք ինքներս ենք դասակարգում որպես ձախողում, բայց իրականում իրերն ունեն այլ տեսք, մասնավորապես ձախողումը կարելի է նկարագրել այս կերպ . <<Այս տարբերակն այս պահի համար չէ, և ես եմ այս խնդրին լուծում տվողը, ուստի կփորձեմ կրկին՝ այս անգամ գործելով այլ կերպ>>:

ԽՈՐՀՈւՐԴՆԵՐ ՔԵՐՈԼ ԴՎԻԿԻՑ

Carol-Dweck

ԻՆՉՊԵՍ ՓՈԽԵԼ ՁԵՐ ՄՈՏԵՑՈՒՄԸ

Անկախ այն բանից, թե ձախողումը Ձեզ որ կողմ կտանի, Դուք կարող եք փոխվել ու զարգացնել Ձեր մտածողությունը: Առաջարկում ենք ռազմավարության մի քանի տեսակներ, որոնք հիանալի  կհստակեցնեն և հնարավորություն կտան Ձեզ իրերին այլ տեսանկյունից նայել։

Դադարե՛ք մնալ  անօգնական:  Մենք կորցնում ենք հույսն այն պահերին, երբ մեզ անօգնական ենք զգում: Փորձությունը հենց այն է, թե մենք ինչպես ենք արձագանքում այդ զգացողությանը: Մենք կարող ենք կամ սովորել դրանից, շարժվել առաջ, կամ թույլ տալ, որ ձախողումը մեզ դեպի իր կողմը տանի: Կան բազմաթիվ հաջողակ մարդիկ, ովքեր երբեք չէին հասնի հաջողության, եթե այդ տեղը զիջեին անօգնականության զգացողությանը: Օրինակ՝ Ուոլտ Դիսնեյը  հեռացվեց <<Կանզաս Սթրիթ Սթարից>>, քանի որ նա չուներ բավական երևակայություն և լավ գաղափարներ, Օփրա Ուինֆրիին հեռացրեցին Բալթիմորում հեռուստահաղորդավարուհու աշխատանքից իր չափազանց էմոցիոնալ պատմությունների համար: Հենրի ֆորդը նախքան <<FORD>> -ի առաջատար ընկերության ստեղծումն ունեցել է երկու ձախողում, իսկ Սթիվեն Սփիլբերգը  մի քանի անգամ մերժվել է Հարավային Կալիֆորնիայի համալսարանի կինեմատիկական արվեստի դպրոցի կողմից: Պատկերացրեք, ինչ տեղի կունենար, եթե այս մարդկանցից որևէ մեկն ունենար կարծրացած մտածողություն: Նրանք պազապես կհուսահատվեին ու իրենց հաջողության տեղը կզիջեին ձախողմանը:Իսկ ահա զարգացող մտածողությամբ մարդիկ երբեք իրենց անօգնական չեն զգում, որովհետև գիտեն, հաջողակ լինելու համար պետք է պատրաստակամորեն ընդունել անհաջողությունը, որովհետև անհաջողությունը կրկին սկսելու հնարավորություն է միայն, այս անգամ արդեն՝ առավել խոհեմ:

pexels-photo-573259

Անսահման սիրեք Ձեր աշխատանքը: Ձեր շրջապատում  կլինեն մարդիկ, ովքեր առավել տաղանդավոր են, քան Դուք, բայց այն ամենը, ինչում կպակասի Ձեր տաղանդը նրեդրեք Ձեր սիրո մեջ: Աշխատանքն անսահման սիրելը, որը հաճախ կարելի է անվանել նաև կիրք,  մարդկանց ձգում է գերազանցության: Ուորեն Բաֆեթը խորհուրդ է տալիս, գտնել Ձեր ամենաիրական կրքերը՝ կիրառելով 5/25 տեխնիկան: Նշեք 25 Ձեզ համար ամենակարևոր հետաքրքրությունները, այնուհետև ընդգծեք նշվածներից 20 հիմնականները: Մնացած 5-ը Ձեր իրական կրքերն են, իսկ մնացածները պարզապես շեղում են Ձեզ:

pexels-photo-450271

Գործե՛ք: Զարգացող մտածողությամբ մարդկանց հաջողության գաղտնքին այն չէ, որ նրանք առավել խիզախորեն են մոտենում անհաջողություններին և կարողանում են հաղթահարել իրենց վախերը, այլ այն, որ նրանք գիտեն, որ վախն ու անհանգստությունը կաթվածի են ենթարկում բոլոր էմոցիաները և որ այդ կաթվածի բուժման ամենալավ միջոցը գործելն է:

pexels-photo-277124

Անդադար գերազանցեք ինքներդ Ձեզ: Մեկ անգամ Բրուս Լին վազքի հերթական պարապմունքերից մեկի ժամանակ իր աշակերտներին հանձնարարեց վազել երկու մղոն ավելի: Աշակերտներից մեկը հանդիմանելով ասաց, որ ինքը կմահանա, եթե երկու անգամ ավել տարածություն անցնի, Բրուս Լին պատասխանեց. <<Ուրեմն արա դա>>: Աշակերտն այնքան բարկացավ, որ երկու մղոնի փոխարեն , վազեց հինգ մղոնից ավելի: Բրյուսն իր հանձնարարությունը բացատրեց այսպես. «Դուրս գալով պայքարից, դու միևնույնն է մեռած կհամարվեիր»: Եթե դուք միշտ սահմանափակեք Ձեր կարողությունները, այն կտարածվի  Ձեր ողջ մնացած կյանքի, Ձեր աշխատանքի վրա, և գուցե մնացած ամեն ինչի վրա: Չկան սահմաններ, Կան հարթություններ, բայց չպետք է այնտեղ մնալ, պետք է դուրս գալ այնտեղից: Մարդը պետք է անընդհատ գերազանցի ինքն իրեն:

pexels-photo-669011

Սպասե՛ք արդյունքներին: Զարգացող մտածողությամբ մարդիկ կարողանում են համբերել ու հաղթահարել անհաջողությունները, քանի որ երբեք չեն դադարում սպասել արդյունքներին: Արդյունքների ակնկալիքը Ձեզ դրդում է հզորացման:

pexels-photo-669610

Եղե՛ք ճկուն: Բոլորը կարող են իրենց կյանքում հանդիպել անսպասելի ու անկախատեսելի դժբախտությունների ու ձախողումների: Զարգացող մտածողությամբ մարդիկ այդ իրավիճակին վերաբերվում են որպես խթանման միջոց: Երբ դժբախտությունն այցելում է այս մարդկանց, նրանք չենք կորցնում ճկունությունը մինչև հասնեն սպասված արդյունքներին:

pexels-photo-296878

Մի՛ դժգոհեք, երբ ամեն բան իր հունով չընթանա: Դժգոհությունը կարծրացած մտածողության ակնհայտ դրսևորում է: Զարգացող մտածողությունն ամեն կերպ փնտրում է ելք ու հնարավորություն:

Նյութը պատրաստելիս օգտվել ենք հետևյալ աղբյուրից:

Powered by staff.am.