Սկիզբ / HR ոլորտ / Կուլիսներից այն կողմ. պանելային քննարկում ՄՌԿ մասնագետների հետ

Կուլիսներից այն կողմ. պանելային քննարկում ՄՌԿ մասնագետների հետ

Մարտի 7-ին կայացավ staff.am և Loft HR ակումբի համատեղ «Կուլիսներից այն կողմ» հանդիպումը, որն, ինչպես և խոստացել էինք, անցավ ինտերակտիվ ֆորմատով․ քննարկում, հարց-պատասխան ՄՌԿ մասնագետների, ռեքրութերների հետ։

Հանդիպումը բաղկացած էր 2 պանելային քննարկումից, որոնք վարեցին LOFT․ HR ակումբի հիմնադիր Անի Մերուժանի Մարգարյանը և staff.am-ի համահիմնադիր Լուիզա Ավետիսյանը։

1-ին քննարկումն ուղղված էր CV կազմելու, թափուր աշխատատեղերին դիմելու և հարցազրույցին մասնակցելու ճիշտ մոտեցումներին։

Այս քննարկման ընթացքում իրենց հարուստ փորձով և կարծիքներով կիսվեցին Finca, UcomPicsArt Armenia, staff.am,  BetConstruct, Optym ընկերության ՄՌԿ մասնագետները և ներկայացուցիչները:

Մեծ ոգևորություն կար և՛ ընկերության ներկայացուցիչների, և՛ մասնակիցների կողմից:

Հաճելի է փաստել, որ staff.am և LOFT․ HR ակումբի համագործակցությունը ողջունեցին մեր գործընկեր կազմակերպությունները:

PicsArt Armenia Ուսուցման և զարգացման բաժնի ղեկավար Անի Թորանյանը նշեց,- <<HR ոլորտում նման մարդաշատ հանդիպումը ողջունելի է: Մաղթում ենք նորանոր նախաձեռնություններ և հաջողություններ>>:

BetConstruct ընկերության Հավաքագրման և կազմակերպչական զարգացման բաժնի ղեկավար Աննա Պողոսյանի խոսքով՝ նմանատիպ մեծ ռեքրութմենք ունենալու գործում staff.am կարիերայի օնլայն հարթակը մեծ օգնություն է:

Հարց-պատասխան ֆորմատով անցկացվող այս հանդիպմանը ՄՌԿ մասնագետներից յուրաքանչյուրն անդրադարձավ իր ընկերության ռեքրութմենթի առանձնահատկություններին՝ նշելով կարևորագույն մանրամասներ պոտենցիալ դիմորդների համար:

Ուշագրավ էր նաև սպոնտան խաղ-հարցը` ուղղված բոլոր պանելիստներին․ պանելիստներից յուրաքանչյուրը պետք է պատկերացներ, որ իր ընկերության rock star-ը դահլիճում է, և պետք է այնպիսի խրախուսական խոսքերով հանդես գար, որ թեկնածուն մեծ ոգևորվածությամբ դիմի տվյալ հաստիքի համար։

Դե իսկ եթե պանելային քննարկման ընթացքը խոսում էր փոխադարձ հետաքրքրվածության  մասին, ընդմիջումը չէր կարող էլ ավելի ակտիվ ընթացք չունենալ։ Մասնակիցները հնարավորություն ունեցան իրենց հուզող հարցերն ուղղել պանելիստներին և տեղում ստանալ պատասխաններ։

2-րդ քննարկման ժամանակ պանելիստների կողմից մանրամասն ներկայացվեց ռեքրութմենթի գործընթացը «կուլիսներից այն կողմ»։ Խոսեցինք  այն ներքին ընթացակարգերի մասին, որոնցով անցնում է յուրաքանչյուր նոր դիմում։

Երկրորդ մասի պանելիստները հետևյալ ընկերություններից էին Joomag Armenia, Synergy International Systems, HSBC Bank Armenia, PicsArt Armenia, UcomFinca:

Դահլիճում ներկաները կարող էին հարցեր ուղղել այլ ձևաչափով։ Օգտվելով հատուկ համակարգից՝ քննարկումը կազմակերպված էր այնպես, որ շատ քվորում ստացած հարցերին անպայման ՄՌԿ մասնագետներն անդրադառնում էին՝ պատասխանը հիմնականում տրամադրելով իրենց ընկերության ռեքրութմենթի առանձնահատկություններից ելնելով։

Capture1
Իսկ staff.am և LOFT․ HR ակումբի համագործակցության արդյունքում անակնկալներ միշտ կարելի է սպասել։ Հանդիպման վերջում ամենաշատ քվեներ ձեռք բերած մասնակիցները ստացան փոքրիկ նվերներ staff.am-ի կողմից, իսկ կանանց տոնին ընդառաջ մեր պանելիստների տոնը գեղեցկացրեցինք անուշաբույր ծաղիկներով:

Capture52«Այս բաժակը, որի վրա հետաքրքիր միտք է գրված՝ “Do what you love and never work a day in your life”, ինձ նվիրել են «Կուլիսներից այն կողմ» սեմինարին՝ լավագույն հարցի համար: Շնորհակալ եմ staff.am և LOFT․ HR club հետաքրքիր, օգտակար սեմինարի ու նաև կարևոր ուղերձ ունեցող բաժակի համար»,- Մագա Մարուքյան

Ամփոփիչ տեսահոլովակը

Կարծիքներ մասնակիցներից

«Հանդիպման արդյունքում ձեռք բերեցի ծանոթություններ ու օգտակար տեղեկություն։ Խորհուրդ կտամ հնարավորինս շատ նմանատիպ հանդիպումներ անցկացնել»,- Էմմա Մարգարյան։

«Ամենակարևոր ձեռքբերումը հանդիպման արդյունքում աշխատաշուկայում առկա կազմակերպությունների ՄՌ կառավարման աշխատելաոճերին ծանոթանալն էր», – Հայկուհի Հովհաննիսյան։

«Ինձ համար ձեռքբերում էր տվյալ ոլորտի մարդկանց հետ շփումը։ Խորհուրդ կտամ շարունակել նույն ոգով»,- Հայարփի Զիրոյան։

«Հանդիպումը լավ հնարավորություն էր նոր կապերի ձեռքբերման համար։ Նաև կարողացա HR մասնագետների հետ շփման արդյունքում բացահայտել ոլորտի գաղտնիքները», – Աննա Գրիգորյան։

«Կարողացա ստանալ մշտապես հուզող հարցերի պատասխաններ։ Ցանկանում եմ, որպեսզի հաճախակի կազմակերպվեն նման հանդիպումներ»,- Մարինե Կուսիկյան։

Հանդիպումը լուսանկարներում

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

all-cover

staff.am-ի այցը аll.me` նորարարական IT ընկերություն

Staff.am թիմի այցն այս անգամ նույնպես շատ տպավորիչ ու յուրահատուկ էր․ այցելել էինք միջազգային ընկերություն, …

Leave a Reply

Your email address will not be published. Required fields are marked *