Այս կիրակին՝ մայիսի 27-ը staff.am թիմի համար յուրահատուկ էր և շատ սպասված։ Ի թիվս մոտ 800 հյուրերի, COAF-ի Սմարթ կենտրոնի բացմանն էր հրավիրված նաև staff.am- ը։ Այս տարվա սկզբին Հայաստանի մանուկներ հիմնադրամի և staff.am կարիերայի օնլայն հարթակի միջև կնքվեց համագործացության հուշագիր, որի շրջանակներում, ի դեմս այլ համագործացության ակնկալվում է նաև համագործացություն Սմարթ կենտրոնում թրեյնինգների և դասընթացների կազմակերպման համատեքստում։

DSCN2262

Ասել, որ Սմարթ կենտրոնի նախագիծը մասշտաբային է Լոռու մարզի և առհասարակ Հայաստանի համար, նշանակում է ոչինչ էլ ամենևին չասել։ Յուրօրինակ ճարտարապետությամբ այս եռաթև կառույցը, որը գտնվում է Դսեղ եւ Դեբեդ գյուղերի խաչմերուկում տարբերվելու է իր ծրագրերով։ Այստեղ  սովորողների տարիքային սահմանափակում չի լինելու, կենտրոնում գործելու են ծրագրավորման, ռոբոտաշինության, արհեստների  ու  արվեստների կենտրոններ, ինչպես նաև առողջապահական կրթական կենտրոն: Կենտրոնում գործելու և նաև սմարթ գրադարան, որը բոլոր ծրագրերի իրականացման կապող օղակն է լինելու: Տեղեկատվական տեխնոլոգիաները և օտար լեզուն ՍՄԱՐԹ ծրագրերի և ուսուցման նյութերի հիմքում են լինելու։ Կենտրոնի աջակիցների ցանկում են՝ SAP ընկերությունը, որը Հայաստանի ուսանողներին հասանելի նորագույն տեխնոլոգիաներ է մշակում, ինչպես օրինակ բլոկչեյնը, PicsArt համաշխարհային ճանաչում ունեցող հավելվածը, LEGO-ն և այլ միջազգային կազմկերպություններ։

«Եթե ուզում ես ոգեշնչել մարդկանց, հատկապես երիտասարդներին, պետք է կառուցել մի այնպիսի բան, որ բացառիկ ազդեցություն կունենա։ Իմ ընկերոջ խոսքերն են։ Ու մենք Հայաստանի գյուղական այս չքնաղ բնության գրկում ստեղծեցինք ՔՈԱՖ ՍՄԱՐԹ կենտրոնը»,- հյուրերին ողջունեց Հայաստանի մանուկներ հիմնադրամի հիմնադիր և գործադիր տնօրեն Գարո Արմենը։

Հայաստանի մանուկներ հիմնադրամը (COAF) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: 2015թ. սկսած՝ COAF-ը մշակել և իրագործում է նոր տեսլական՝ ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովելու գյուղական աշխարհի համար, ինչի արդյունքում շահում են անհատները, հասարակությունը և միջավայրը: ՍՄԱՐԹ-ը կդառնա զարգացման օրինակելի մոդել և կկրկնօրինակվի Հայաստանի այլ մարզերում և համայնքներում»:

Անչափ ուրախ ենք, որ նման կենտրոններ բացվելու են Հայաստանի տարբեր գյուղական համայնքներում, օգնելու և զարգացնելու են համայնքների բնակիչներին, փոխելու են նոր սերունդի պատկերացումներն ու աշխարհընկալումը։ Մաղթում ենք հաջողություն այս նախաձեռնությանը և ուրախ ենք որ թեկուզև փոքր, բայց մեր համար կարևոր ներդրում ենք ունենալու staff.am-ի և COAF-ի համագործակցության շրջանակներում։

Միջոցառումը լուսանկարներում․

Powered by staff.am.