ruben vardanyan
Սկիզբ / Խորհուրդներ / StaffBlog հարցազրույց․ «Շատ կարևոր մասնագիտություն կդառնա թարգմանչի մասնագիտությունը, բայց ոչ լեզուների թարգմանչություն»

StaffBlog հարցազրույց․ «Շատ կարևոր մասնագիտություն կդառնա թարգմանչի մասնագիտությունը, բայց ոչ լեզուների թարգմանչություն»

Մեկնարկեց «Վերափոխելով բանականությունը» խորագրով «Գլոբալ ինովացիոն ֆորում»-ը, որի ընթացքում աշխարհի 20 երկրների ավելի քան 90 գիտնականներ, նորարարության և բիզնես ոլորտի ներկայացուցիչներ քննարկում են արհեստական բանականության դրսևորումները տարբեր ոլորտներում։ StaffBlog-ը՝ որպես կարիերայի մեդիա գործընկեր, ձեզ հետ կկիսվի կարիերայում AI-ի ունեցած ազդեցության մասին՝ հարցազրույց ունենալով ակնառու հյուրերի, ներկաների և տարբեր ոլորտի գիտնականների հետ։

Այս թեմայով մեր զրուցակիցն է գործարար, բարերար, FAST համահիմնադիր Ռուբեն Վարդանյանը։

Այս փոխակերպվող թվային աշխարհում ինչպիսի՞ փոփոխություններ պետք է կատարենք մեր կարիերայի պլաններում։ 

Մենք բոլորս պետք է հասկանանք, որ ամեն բան փոխվել է և անհրաժեշտ է ժամանակ տրամադրել կրթությանը և ներդրումներ կատարել: Պետք է պատրաստ լինել և ակնկալել, որ օրերից մի օր մեր ձեռք բերած մասնագիտության հետ կապված պահանջները կարող են փոփոխվել: Հետևաբար` անհրաժեշտ է սովորել ողջ կյանքի ընթացքում, ձեռք բերել գիտելիքներ ողջ կյանքի համար և շատ ջանք ներդնել կրթության, ուսման մեջ:

Թվարկեք մի քանի մասնագիտություններ, որոնք կառաջանան այս փոխակերպումների արդյունքում։ 

Շատ կարևոր մասնագիտություն կդառնա թարգմանչի մասնագիտությունը, բայց ոչ լեզուների թարգմանչություն: Խոսքս մարդկանց մտքի, մտածելակերպի թարգմանության մասին է,որը կապող օղակ կհանդիսանա տարբեր մտքեր ունեցող մարդկանց համար:

Մենք խոսում ենք նույն լեզվով, բայց չենք հասկանում միմյանց: Մարդ, ով զբաղված է գիտությամբ, բիզնեսով  կամ այլ գործով երբեմն լսում է, բայց չի հասկանում: Այդ իսկ պատճառով սա դառնալու է կարևորագույն մասնագիտություն ապագայում՝ կապելով ինժեներին, բժշկին, դասախոսին՝ արդյունքում սկիզբ դնելով որևէ նորամուծության:

 

Զրուցեց Նազելի Բադալյանը

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover

Meet & Greet հայրենադարձների հետ. կայացավ staff.am և Repat Armenia-ի համատեղ միջոցառումը

Ո՞ր մասնագիտություններն են առավել պահանջված Հայաստանում, ի՞նչ հիմնական հմտություններ է պահանջում գործատուն աշխատանքի առաջարկ կատարելու …

Leave a Reply

Your email address will not be published. Required fields are marked *