Սկիզբ / staff.am / Mobile Eating the World – staff.am-ը GoNative Tech Conference -ի գործընկեր։ Հարցարզույց նախաձեռնության հեղինակ՝ Դավիթ Սիրադեղյանի հետ
cover

Mobile Eating the World – staff.am-ը GoNative Tech Conference -ի գործընկեր։ Հարցարզույց նախաձեռնության հեղինակ՝ Դավիթ Սիրադեղյանի հետ

GoNative կոնֆերանսը, որն առաջին անգամ անցկացվեց 2017թ․ նոյեմբեր ամսին, բավականին սպասված էր և շատ լավ ընդունվեց Տեղեկատվական տեխնոլոգիաների ոլորտի մասնագետների կողմից, իսկ այժմ արդեն GoNative-ի թիմն ակտիվորեն զբաղվում է երկրորդ կոնֆերանսի կազմակերպման աշխատանքներով։ Mobile Eating the World․ որը թարգմանաբար նշանակում է՝ Մոբայլը գրավում է աշխարհը, մեկ հարկի տակ է հավաքելու հայկական լավագույն ՏՏ մասնագետներին, ովքեր իրենց փորձով կկիսվեն մյուսների հետ։ staff.am-ը անչափ կարևորում է ՏՏ ոլորտի զարգացումը ՀՀ-ում, և մասնավորապես թրեյնինգի, գիտելիքի և փորձի փոխանակման հնարավորւթյունները, և սիրով միացել է GoNative-ին որպես հովանավոր։ staff.am—ի միջոցով ակտիվ լուսաբանելու ենք GoNative-ի բոլոր թարմացումները, հետևեք մեզ։ Իսկ առաջին թողարկումն սկսում ենք նախաձեռնության հեղինակ Դավիթ Սիրադեղյանի հետ հարցազրույցով։

Դավիթ Սիրադեղյան, GoNative առաջին կոնֆերանս

Դավիթ, ամենակարևոր հարցը. ի՞նչ նպատակի է ծառայում GoNative-ը։

GoNative կոնֆերանսի նպատակն է կիսվել գիտելիքներով մյուսների հետ, օգնել բոլորին դառնալ ավելի պրոֆեսիոնալ մասնագետ, նպաստել Հայաստանում ՏՏ-ի զարգացմանը, ինչպես նաև նպաստել Հայաստանը տարածաշրջանային ՏՏ հսկա դարձնելու գործին։ Ոչ մեկի համար գաղտնիք չէ, որ ՏՏ ոլորտը Հայաստանում արդեն երկու տասնամյակ, եթե ոչ ավելին զարգացում է ապրում։ Հատկապես վերջին տասնամյակում Հայաստանում որակյալ ինտերներտային ծածկույթի կտրուկ ավելացումը մի նոր դուռ բացեց այս ոլորտի զարգացման համար, հիմա կարելի է անգամ հեռավոր սահմանամերձ գյուղում տանը նստած աշխատել որպես ՏՏ ինժեներ։ Հայաստանում կան բազմաթիվ տաղանդավոր ՏՏ մասնագետներ, գործում են բազմաթիվ՝ այդ թվում համաշխարհային մեծ ճանաչում ունեցող ընկերություններ։ Ինչպես արդեն նշեցի ոլորտը զարգանում է, սակայն կար մի բան, որը իսպառ բացակայում էր՝ դա ՏՏ կոնֆերանսներն էին ինչպիսիք են օրինակ Goto Conference, RWDevCon, DEVOXX, UIKonf եւ այլն։ Դեռ մի քանի տարի առաջ ծնվել էր գաղափար կազմակերպել այդպիսի մի կոնֆերանս Հայաստանում, անցյալ տարի գարնանը Բեռլինում մասնակցեցի UIKonf-ին և Հայաստան վերադառնալով որոշեցի անհապաղ սկսել աշխատանքները՝ նման մի կոնֆերանս կազմակերպելու ուղղությամբ։ Մի քանի ամիս անց տեղի ունեցավ առաջին GoNative կոնֆերանսը։

Ի՞նչ ֆորմատով է այն անցկացվում, և ինչպես են ընտրվում speaker-ները։

Առաջին GoNative-ը իր բովանդակությամբ և ֆորմատով բավականին նման էր Goto Conference-ին , որը շատ հայտնի է Եվրոպայում։ Առաջին կոնֆերանսի ելույթները շատ բազմազան էին՝ մոբայլ ծրագրավորում, խաղերի ծրագրավորում, backend ծրագրավորում եւ այլն։ Այս անգամ կոնֆերանսը լրիվ նվիրված է մոբայլ ծրագրավորմանը։ Ելույթ ունեցողները ընտրվել էին մի պարզ սկզբունքով՝ Հայաստանի լավագույն ՏՏ ընկերությունների լավագույն և փորձառու մասնագետները։ Քանի որ մեր ՏՏ ըներությունները և լավագույն մասնագետները շատ են, ամեն անգամ փորձելու ենք նոր մարդկանց հրավիրել ելույթ ունենալու։

Զարգացման ինչպիսի՞ ուղղություններ ես տեսնում ապագայում GoNative-ի համար։ Արդյոք ունե՞ս հավակնություններ այն դարձնելու միջազգային ֆորմատի կոնֆերանս։

Անշուշտ ունեմ գաղափար և տեսլական, թե ուր կհասնի և ինչ կդառնա այս կոնֆերանսը։ Թե ինչպես կզարգանա GoNative-ը կախված է նաև ՏՏ ոլորտի մասնագետների վերաբերմունքից նրա հանդեպ։ Մինչ օրս ոլորտի մասնագետները կարծես թե լավ են ընդունել այն և ցուցաբերում են հետաքրքրվածություն։ Իմ երազանքն է, որ GoNative-ը դառնա միջազգային ֆորմատի կոնֆերանս և ես հավատում եմ, որ այդ օրը սարերի հետևում չէ։ Առաջին կոնֆերանսից հետո հարցում ուղարկեցինք գրեթե բոլոր մասնակիցներին, բոլորի կողմից կար հետաքրքրություն։ Մասնակիցները հայտնեցին ցանկություն, որ այն լինի տարեկան երկուսից երեք անգամ և գոնե մեկը լինի ամբողջությամբ թեմատիկ։ Այդ ցանկությունը արդեն իսկ դառնում է իրականություն։ Եթե նախորդ անգամ ես մենակ էի որպես կազմակերպիչ, ապա այս անգամ մենք աշխատում ենք խմբով, շատ պրոֆեսիոնալ մոտեցում է և այս մեկը շատ ավլեի լավն է լինելու։ Օգտվելով առիթից ուզում եմ իմ խորին շնորհակալությունը հայտնել sort-downJoomagsort-downSFLsort-downStaff.am  և ISTC-ին այս ամենը իրականություն դարձնելու հարցում ունեցած մեծ ավանդի և աջակցության համար։

Mobile Eating the World – Ինչո՞վ է պայմանավորված այս անգամ կոնֆերանսի թեմայի ընտրությունը։ Կպատմե՞ս մի փոքր, ով է թիրախային լսարանը, և ում համար է կոնֆերանսը նախատեսված այս անգամ։

Թեմայի ընտրությունը պայմանավորված է մոբայլ ծրագրավորման և ընդհանրապես սմարթֆոնների կտրուկ աճով։ ՏՏ-ն այն ոլորտն է, որը կարելի է ասել թելադրում է ողջ երկիր մոլորակի տեխնոլոգիական զարգացումը և այս զարգացման մեջ ամենամեծ տարածում/զարգացում ունեցող ուղղություններից մեկը հենց մոբայլն է։ 2017-ին աշխարհում բջջային հեռախոս կամ սմարթֆոն ունեցողների թիվը կազմել է 4.77 միլիարդ մարդ, իսկ ահա 2019-ին արդեն ակնկալվում է 5.07 միլիարդ օգտատեր, սա կազմում է երկիր մոլորակի բնակչության 62.9%-ը, միթե՞ կարելի է անտարբեր մնալ նրա հանդեպ 🙂 2007-ին աշխարհում կար 400 միլիոն բջջային հեռախոսների օգտատեր և 1.1 միլիարդ համակարգչային օգտատեր, արդեն 2014-ին բջջային հեռախոսների և համակարգիչների օգտատերերի թիվը հավասարվեց և հասավ 1.6 միլիարդի, իսկ ահա 2015-ին բջջային օգտատերերի թիվը հասավ 1.9 միլիարդի՝ գերազանցելով համակարգչից օգտվողների թվին 200 միլիոնով։ Թիրախային լսարանը բոլոր այն ՏՏ մասնագետներն են ովքեր ուզում են զբաղվել մոբայլ ծրագրավորմամբ։

Արդյո՞ք մասնակցությունն անվճար է: 

Այո մասնակցությունը լիովին անվճար է։ Մենք չունենք գումար աշխատելու նպատակ։ Բոլոր կարիքները հոգում ենք ինքներս և կան աջակցողներ ու հովանավորներ։ Ինչպես արդեն նշեցի նպատակը ոլորտի զարգացման գործում ներդրում ունենալն է, գիտելիքներով կիսվելը։ Հանուն արդարության նշեմ, որ օրինակ եվրոպայում նմանատիպ կոնֆերանսների մասնակցությունը սկսվում է մի քանի հարյուր եվրոյից։ Հաշվի առնելով, որ հայ մասնագետների համար այդպիսի կոնֆերանսներին մասնակցելը, բացի կոնֆերանսի տոմսի արժեքից ներառում է նաև ավիատոմս, վիզա ինչպես նաև հյուրանոցի ծախս, ապա այնտեղ ներկա գտնվել իրենց կարող են թույլ տալ շատ-շատ քչերը։ Մենք այս ամենը կազմակերպում ենք անվճար։

Ինչպե՞ս գրանվցել

Մասնակցելու ցանկություն ունեցողները կարող են գրանցվել կայքի միջոցով, որն արդեն հասանելի է  sign-out-option Gonative.tech։ Գրանցվելիս անհրաժեշտ է լրացնել անուն, ազգանուն, էլ փոստը և Linkedin-ի էջը։ Կարճ ժամանակում մենք կուսումնասիրենք բոլոր հայտերը և մասնակցության անհատական հրավերներ կուղարկենք ընտրված մասնակիցներին։ Ընտրությունը կատարվելու է մի քանի կրիտերիաների հիման վրա, մասնագիտական փորձ, գիտելիքներ և այլն։ Այս ինֆորմացիան կվերցնենք Linkedin-ի էջից։ Ֆիլտրելու նպատակը այն է, որ մասնակցեն հետաքրքրված անձինք, ինչպես նաև նրանք, ովքեր ունեն համապատասխան մասնագիտական փորձ։

GoNative-ի առաջին կոնֆերանսը նկարներում

Այցելեք staff.am այսօր և ստեղծեք Ձեր օնլայն CV-ին

Դիտեք նաև

1804

5 աշխատանքներ, որոնք պահանջում են թիմային աշխատանքի հմտություն

Նախագծի արդյունքի հաջողության հիմքը մարդիկ են, ովքեր ներգրավված են նախագիծն իրականացնող թիմում,այլ կերպ ասած՝ նախագծի …

Leave a Reply

Your email address will not be published. Required fields are marked *