HSBC. Ավելի քան 150 տարվա պատմություն ամբողջ աշխարհում, ավելի քան 20 տարվա պատմություն Հայաստանում։ staff.am-ը այցելել է HSBC Բանկ Հայաստան

5361

[one_half]

maps-and-flags Գլխավոր գրասենյակ`  Տերյան փողոց 66 Երևան

ԹԱՓՈՒՐ ԱՇԽԱՏԱՆՔՆԵՐ

HSBC-ն աշխարհի ամենամեծ բանկային և ֆինանսական ծառայություններ տրամադրող կազմակերպություններից է:  HSBC Խումբը գործում է 67 երկրում և տարածաշրջանում, սպասարկում է շուրջ 38 միլիոն հաճախորդի և ունի ավելի քան 3,900 գրասենյակ ամբողջ աշխարհում։ Ահա այդ գրասենյակներից մեկում էլ հյուրընկալվել էր staff.am թիմը։

4 ժամից ավելի տևած հանդիպումն ընկերության աշխատակիցների հետ անչափ տպավորիչ էր, հետաքրքիր և բացահայտումներով լի։ Ի դեպ HSBC-ին առաջին ոչ ՏՏ կազմակերպությունն էր ուր այցելել էինք, և ի զարմանս մեզ, իր նորարար, հյուրընկալ և բաց լինելով, ոչնչով չէր զիջում ՏՏ ոլորտին պատականող ընկերություններին։ 

Այս անդրադարձում խոսել ենք տարբեր թեմաների շուրջ՝ HSBC Բանկի պատմությունից մինչև կորպորատիվ միջոցառումներ։ Անչափ շնորհակալ ենք Բանկի հասարակայնության հետ կապերի գծով մենեջեր Արմինե Բաբուրյանին այս հանդիպումը կազմակերպելու համար։

Armenian_Taraz_Party_2
Ամանորյա թեմատիկ միջոցառում 2018՝ հայկական տարազներով
What_where_when
Ինչ, որտեղ, երբ ինտելեկտուալ խաղի մասնակից թիմերից մեկը
FamilyFunDay2
Family Fun Day միջոցառում աշխատակիցների և նրանց ընտանիքների համար

Դե ինչ սկսենք․ հավատացնում ենք, որ շատ հետաքրքիր թեմաների ենք անդրադարձել, որոնք կհետաքրքրեն ոչ միայն HSBC Հայաստանի թիմին միանալ ցանկացողներին։Paul_image

 Փոլ Էդգար, Գլխավոր գործադիր տնօրեն
down-arrowastxik_image

Աստղիկ Դավթյան,  Անձնակազմի կառավարման դեպարտամենտի  տնօրեն
down-arrow

sonyan_image

Սոնյա Հյուսիսյան,  Ֆինանսական վերահսկողության գծով մենեջեր
down-arroweduard_image_2

Էդուարդ Առաքելյան, Կորպորատիվ վարկային կառավարիչ
down-arrowAlvina_image

Ալվինա Մարտիրոսյան , Բանկի մասնաճյուղերից մեկի կառավարիչ
down-arrowGagik_image

Գագիկ Պարոնյան, Ֆինանսական շուկաներում գործառնությունների դեպարտամենտի տնօրենի տեղակալ
down-arrowmart_1

Մարտին Մարտիրոսյան, Կորպորատիվ Վարկավորման ռիսկի ղեկավար
down-arrowliana_image

Լիանա Խուցիյան, Մանրածախ բանկային ծառայությունների դեպարտամենտի Մարքեթինգի բաժնի ղեկավար
down-arrowarman_image_2

Արման Խաչատրյան, Վարկային գործառնությունների բաժնի մասնագետ
down-arrow

Մեր առաջին զրուցակիցը Բանկի Գլխավոր գործադիր տնօրեն Փոլ Էդգարն էր, ով 2016թ. հուլիսի 01-ից նշանակվել է HSBC Բանկ Հայաստանի գլխավոր գործադիր տնօրեն։ Փոլը HSBC Բանկում աշխատում է արդեն 24 տարի և միջազգային բանկային գործի ոլորտում հարուստ փորձ ունի: Նա զբաղեցրել է տարբեր ղեկավար պաշտոններ HSBC խմբի անդամ ընկերություններում:

DSCN3706

Փոլ Էդգար, Բանկի Գլխավոր գործադիր տնօրեն

– Իմ խորին համոզմունքն է, որ HSBC Բանկն իր աշխատակիցներին տրամադրում է կարիերայի անմրցելի հնարավորություններ։ Հայաստանում մենք առաջարկում ենք բանկային ծառայությունների լիարժեք սպեկտր, որն էլ մեր մասնագետներին հնարավորություն է տալիս մասնագիտական աճ ունենալ բանկային ոլորտի իրենց նախընտրելի ճյուղում, ընդ որում՝ ինչպես Հայաստանում, այնպես էլ դրա սահմաններից դուրս։ Ես ինքս, դրա լավ օրինակն եմ․ միացել եմ բանկին 1994թ․-ին և առիթ եմ ունեցել աշխատելու ավելի քան 10 երկրներում՝ Հեռավոր Արևելքից մինչև Եվրոպա, և աշխատել եմ բանկի տարբեր ստորաբաժիններում ու բիզնես ճյուղերում։ Նշեմ, որ այս նույն հնարավորությունն ունեն նաև հայաստանյան թիմի անդամները։ Մենք բազմաթիվ հաջողության պատմություններ ունենք, երբ հայազգի մասնագետները տեղափոխվել են այլ երկրներ` աշխատելու որպես հիմնական աշխատակից կամ մասնակցելու ժամանակավոր նախագծերի ։

DSCN3677-(1)

Փոլը նշեց, որ HSBC Խմբին պատկանող բոլոր գրասենյակներում աշխատելաոճն ու միջավայրը շատ նման են, այսինքն` հայազգի մասնագետները երբեք խնդիր չունեն նոր կորպորատիվ միջավայրին սովորելու։

– Open, dependable, connected (բաց, վստահելի և միասնական), սրանք են HSBC Խմբի արժեքները, որոնցով առաջնորդվում ենք մեր բոլոր գործառույթներում՝ կլինի դա շփումը մեր հաճախորդների, թիմակիցների թե գործընկերների հետ։ Ես անհատապես հանդիպում եմ HSBC Բանկ Հայաստան ընդունված բոլոր նոր աշխատակիցների հետ, և հորդորում նրանց աշխատավայրում, որտեղ մենք անց ենք կացնում օրվա մեծ մասը, հետևել այս արժեքներին և դրանցով առաջնորդվել ցանկացած որոշում կայացնելիս։

35300597_953434431484852_4995040926523981824_nՓոլի հետ շարունակեցինք  զրույցը HSBC Բանկում Diversity and Inclusion-ի (թարգմանաբար՝ բազմազանություն և ներառում, այսինքն խտրականության բացառում) մշակույթի մասին։ Ի դեպ․HSBC-ին  ամբողջ աշխարհում շատ է կարևորում հավասար իրավունքների առկայությունը, և խտրականության ի սպառ բացակայումը։

– Diversity and Inclusion-ը մեր ռազմավարական ուղղություններից է, որին շատ մեծ տեղ ենք տալիս նաև Հայաստանում։ Մենք ցանկանում ենք, որպեսզի մեր անձնակազմի բոլոր անդամները զգան իրենց գնահատված և հարգված: Մեր հաճախորդները՝ կլինեն կորպորատիվ թե ֆիզիկական անձ, նույնպես անհատներ են, և մեր նպատակն է որպեսզի մեր անձնակազմը հաճախորդի հետ շփման մեջ ցուցաբերի իր անհատականությունը, որն, իհարկե, պետք է միանշանակ համընկնի այն արժեքային համակարգի հետ, որում գործում է HSBC Բանկը։ Ճիշտ մշակույթ ունենալը ամենօրյա տքնաջան աշխատանքի արդյունք է միայն, և մենք միշտ աշխատում ենք հավասարությունն ու մարդկանց անհատականությունն իսկապես առաջ բերելու ուղղությամբ։ Շատ ենք կարևորում գենդերային հավասարությունը, օրինակ` իմ անմիջական թիմում 12 ավագ ղեկավարներից  5-ը կանայք են և մեր նպատակն է այդ ցուցանիշն էլ ավելի բարելավել։

DSCN3686

Մեր հաջորդ հարցը Փոլին աշխատակիցների նվիրվածության մասին էր։ Շատ են այն աշխատակիցները, ովքեր Բանկում են արդեն, 5, 10, 15 տարի և ավելի։

– Հայաստանում մարդիկ շատ նվիրված են իրենց աշխատանքին, օրինակ` ըստ HSBC Խմբի կողմից իր աշխատակիցների համար անցկացվող գլոբալ հարցման արդյունքների HSBC Բանկ Հայաստանի աշխատակիցների 80%-ից ավելին խորհուրդ կտային HSBC-ին որպես գործատու, սա շատ լավ ցուցանիշ է։ Կարծում եմ նվիրվածության պատճառներից ամենակարևորը կորպորատիվ մշակույթն է, որի հիմքում ընկած է հավասարությունը։ Անկախ պաշտոնից մարդիկ կարող են արտահայտվել և իրենց կարծիքը հասանելի դարձնել։ HSBC Բանկ Հայաստանում այժմ շուրջ 400 մասնագետներ են աշխատում, և մենք երբեք առիթը բաց չենք թողնում իրենց կարծիքը տարբեր գործընթացների բարելավման թեմայով լսելու։

Փոլը նշեց, որ իր ժամանակի մեկ երրորդը տրամադրում է Բանկի անձնակազմին, ընդ որում ոչ միայն իր անմիջական ենթակայության տակ գտնվող թիմի, այլ նաև ամբողջ բանկի։

– Պարտադիր հանդիպում եմ Բանկին միացած բոլոր նոր թիմակիցների հետ, այնուհետև հանդիպում եմ նրանց հետ 6 ամիս անց, հասկանալու այն առաջընթացը, որը նոր թիմակիցները արձանագրում են։ Պարբերական անհատնական հանդիպումներ եմ ունենում ոչ միայն իմ անմիջական ենթակայության տակ գտնվող անձնակազմի, այլ նաև նրանց անմիջական ենթակայության տակ գտնվող աշխատակիցների հետ, զրուցում ենք հիմնականում իրենց կարիերայի զարգացման վերաբերյալ, ինչպես Բանկը կարող է օգնել, և ինչպես կարող են նրանք նպաստել Բանկի շարունակական զարգացմանը։ Նաև պարբերաբար այցելում եմ Բանկի մասնաճյուղեր, զրուցում սպասարկման ոլորտի մեր մասնագետների հետ։ Բավականին շատ ժամանակ է իրականում պահանջվում այս ամենի համար, բայց հավատացած եմ, որ մարդկանց մեջ ներդրումն ամենակարևորն է մեր կազմակերպությունում։

DSCN3711

HSBC Բանկում տեղեկացանք, որ Կորպորատիվ պատասխանատվության ծրագրերում Բանկի գլխավոր գործադիր տնօրենն անմիջական մասնակցություն ունի։ Այս ծրագրերի  մասին քննարկմամբ էլ հենց ամփոփեցինք մեր զրույցը Փոլ Էդգարի հետ։

– Մենք բավականին մեծ դրամական ֆոնդեր ենք տրամադրում գործընկեր կազմակերպություններին, ում հետ իրականացնում ենք սոցիալական ծրագրեր, նաև կնշեմ, որ մեր անձնակազմն էլ սիրով մասնակցում է նման միջոցառումներին։ Օրինակ 2017թ․-ը ամփոփեցինք Toy Drive (թարգմանաբար՝ խաղալիքների հավաք) ծրագրով, որի շրջանակներում մեր գրեթե բոլոր 400 աշխատակիցները ամանորի կապակցությամբ խաղալիքներ էին գնել Տավուշի սահմանամերձ գյուղերի երեխաների համար, և բացի այն որ բոլորը մասնակցել էին խաղալիքների հավաքին, շատերը նաև անձամբ այցելել էին գյուղեր դեկտեմբեր ամսվա վերջին, խաղալիքները երեխաներին բաժանելու համար։ Սոցիալական ծրագրերից են նաև կրթական ծրագրերը, համայնքային զարգացման ծրագրերը, ինչպես նաև շրջակա միջավայրի պահպանությանը ուղված ծրագրերը։ Այս տարի առաջին անգամ իրականացնում ենք HSBC Խմբի Water Programme-ը (թարգմանաբար՝ Ջրային ծրագիր), որի արդյունքում հայկական Տիգրանաշեն գյուղում շուրջ 170 մարդ կունենա մաքուր ջրի հասանելիություն։

Աշխատակիցները հավաքագրում են ամանորյա նվերներ սահմանամերձ շրջանների երեխաների համար
Աշխատակիցները հավաքագրում են ամանորյա նվերներ սահմանամերձ երեխաների համար

Մեր հաջորդ զրուցակիցը HSBC Բանկ Հայաստանի Անձնակազմի կառավարման դեպարտամենտի  տնօրեն Աստղիկ Դավթյանն էր։ Աստղիկն ավելի քան 10 տարի է աշխատում է Բանկում, և Մարդկային ռեսուրսների կառավարման դեպարտամենտում ղեկավարել է մի շարք ստորաբաժանումներ։ Աստղիկի հետ զրուցեցինք մարդկային ռեսուրսների կառավարման մի շարք հետաքրքիր թեմաների շուրջ։

Astghik1

Աստղիկ Դավթյան,  Անձնակազմի կառավարման դեպարտամենտի  տնօրեն

Կարծում եմ HSBC Բանկում աշխատելու մի շարք առավելություններ կան ոչ միայն սկսնակ, այլ նաև արդեն կայացած մասնագետների համար։ Այս տեսակետին եմ ոչ միայն որպես անհատ և աշխատակից, այլ նաև ի պաշտոնե, քանի որ այն ստորաբաժանումը, որը ես ղեկավարում եմ հանդիսանում է այդ առավելությունների անուղղակի խթանիչ ուժը Բանկում։

Ամփոփեցինք HSBC Բանկում աշխատելու առավելությունները՝

checkedԱշխատանքային լայն հնարավորությունները և մասնագիտական աճի մեծ հորիզոնը, որը Բանկը տրամադրում է, ընդ որում ոչ միայն Հայաստանում այլ նրա սահմաններից դուրս։ Ի շնորհիվ իր գլոբալ ծածկույթի և 67 երկրներում ունեցած իր ներկայացուցչությունների HSBC-ին նոր հնարավորություններ է տալիս մասնագետներին ձգտել ավելիին։ HSBC Բանկ Հայաստանի պատմության մեջ ավելի քան 50 մասնագետներ ենք ունեցել ովքեր այժմ աշխատում են տարբեր երկրներում Հոնկոնգից մինչև Կանադա։

checkedՄենք տրամադրում ենք ճկուն գրաֆիկով աշխատանքի հնարավորություն, և այս առավելությունը հատկապես կարևոր է մեր կին թիմակիցների համար։ Սա նշանակում է, որ մասնագետը` պահպանելով շաբաթական սահմանված աշխատաժամերը, կարող է հարմարեցնել դրանք իր ռեժիմին, իհարկե նախօրոք դա համաձայնեցնելով ղեկավարի հետ։ Այս պահին մտածում ենք նույնիսկ տանից աշխատելու հնարավորության մասին։

checkedՄեր աշխատակիցներից շատերը գնահատում են Բանկի կողմից կազմակերպված Կորպորատիվ Պատասխանատվության միջոցառումներին իրենց անմիջական մասնակցությունը։ Մի բան է, որ գործատուն իրականացնում է սոցիալական պատասխանատվության ծրագրեր, լիովին այլ մոտիվացիոն աղբյուր է, երբ մասնագետն ինքն է անմիջական մասնակցություն ունենում այդ միջոցառումներին։

checkedԲժշկական ապահովագրությունը, որը լավագույններից է հանդիսանում մեր շուկայում։

checkedԲանկային ծառայություններից հատուկ սակագներով օգտվելու հնարավորություն (վարկեր, կրեդիտ քարտեր, փոխանցումներ և այլն)։

checkedՄրցունակ աշխատավարձեր և տարեկան գրավիչ պարգևավճարներ (տարեկան bonus)։

DSCN3727

– Անհնար է խոսել HSBC Բանկի առավելությունների մասին որպես գործատու, և չխոսել Բանկի կողմից տրամադրվող թրեյնինգի և զարգացման բազմաթիվ հնարավորությունների մասին՝ ինչպես օնլայն այնպես էլ classroom թրեյնինգի տարբերակով։ Ընդ որում` մենք համագործակցում ենք և տեղական առաջատար կազմակերպությունների հետ և միջազգային։ Այս թրեյնինգների միջոցով ապահովում ենք ոչ միայն անհատի մասնագիտական որակավորումը, այլ նաև նպաստում ենք անձնական զարգացմանը։

35300597_953434431484852_4995040926523981824_n

Աստղիկը նշեց, որ շուտով վերագործարկվելու է HSBC Համալսարանը, որը նախկինում գտնվում էր Լոնդոնի մոտակայքում գտվող Bricket Wood քաղաքում։ Այժմ նման կենտրոններ կլինեն մեկից ավելի քաղաքներում, և, իհարկե, նաև Եվրոպայում, ու հայազգի մասնագետների համար հասանելիությունն ավելի դյուրին կլինի։

– Իրականում տարվա մեջ մեր աշխատակիցները մի քանի թրեյնինգի են մասնակցում՝ online կամ classroom, այսինքն` կան նվազագույն պարտադիր թրեյնինգներ, որոնք պետք է բոլոր մասնագետները անցնեն, իսկ դրանից զատ կան նաև անսահման թվով օնլայն թրեյնինգներ, որոնց արդեն հնարավոր է մասնակցել ցանկության դեպքում։
Work-life balance-ի (թարգմանաբար՝ կյանք/աշխատանք բալանս) խթանումը շատ կարևոր է Բանկում։ Մենք հավատացած ենք, որ միայն առողջ մարմնում է հնարավոր ունենալ առողջ հոգի, այդ իսկ պատճառով մեծ կարևորություն ենք տալիս նման նախաձեռնություններին։ Ի դեպ, նմանօրինակ ծրագրերը չեն սահմանափակվում միայն հայկական գրասենյակով, ամբողջ HSBC Խմբի մասշտաբով առողջ ապրելակերպը ռազմավարական կարևոր ուղղություն է, և գլոբալ մարդկային ռեսուրսների կառավարման ստորաբաժանման առաջատար (flagship) ծրագրերից մեկն է։

Astghik3_with-logo

Աստղիկի հետ զրույցը շարունակեցինք Բանկում առկա Performance Management-ի
(թարգմանաբար՝ Կատարողականության գնահատում), որը լավագույններից է աշխատաշուկայում։

– Հիմնականում աշխատաշուկայում նման համակարգերը սահմանափակվում են միայն աշխատակցի անմիջական կատարողականի գնահատմամբ, և չեն ներառում վարքագծային և արժեքային պարամետրեր։ Ըստ մեր համակարգի, տվյալ ժամանակահատվածի համար գնահատվում է ոչ միայն տվյալ աշխատակցի աշխատանքի արդյունքը՝ այսինքն` ինչ կոչվածը, այլ նաև ինչպես է աշխատակիցը հասել այդ արդյունքին։ Սա շատ կարևոր է և սերտորեն կապված է HSBC Խմբի արժեհամակարգի, հաճախորդների նկատմամբ պատշաճ վարվելակերպի, սպասարկման մասնագետների կողմից իրականացված վաճառքի պատշաճ և մեր գործառույթների հետ խստագույնս համահունչ լինելու հետ։

Իսկ զրույցն ամփոփեցինք HSBC Բանկում նոր մասնագետների հավաքագրման (recruitment)-ի մասին խոսելով, քանի որ հավատացած ենք, որ շատերն են ցանկանում միանալ HSBC թիմին։

– Ունենք HSBC ստանդարտներին համապատասխան մշակված դիմում-հարցաթերթիկ, որն ապահովում է նախնական ընտրության փուլում անհրաժեշտ բոլոր տվյալների առկայությունը։ Այդ փուլն իրականում ամենակարևորն է, այդ իսկ պատճառով կխնդրեի բոլոր թեկնածուներին մանրամասն և պատշաճ կերպով լրացնել դիմում-հարցաթերթիկը։ Առաջին փուլը հաղթահարած թեկնածուները մասնակցում են թեսթավորմանը, անկախ պաշտոնից, ընդ որում պարտադիր թեսթերից մեկը, որը կոչվում է Situational judgement test, չունի ճիշտ և սխալ պատասխան, այլ նպատակ ունի գնահատելու թեկնածուի արժեհամակարգի համապատասխանությունը մեր կորպորատիվ արժեքներին։ Ունենք մի շարք այլ թեսթեր, որոնք կախված մասնագիտական ուղղվածությունից բնականաբար տարբեր են, սակայն արժեհամակարգին վերաբերվող և նաև տրամաբանական ուղղվածություն ունեցող ևս մեկ թեսթ, պարտադիր են բոլոր թեկնածուների համար։

Մեր հաջորդ զրուցակիցը Սոնյա Հյուսիսյանն էր, որ այժմ զբաղեցնում է Ֆինանսական վերահսկողության գծով մենեջերի պաշտոնը։ Սոնյայի հետ խոսեցինք ֆինանսաբանկային ոլորտում աշխատանքն ու ընտանիքը համատեղելու մասին։

Sona

Սոնյա Հյուսիսյան,  Ֆինանսական վերահսկողության գծով մենեջեր

– Ես 5 տարի է արդեն աշխատում եմ Բանկում, ընդունվել եմ Ֆինանսների կառավարման դեպարտամենտ և մինչ օրս այդ դեպարտամենտում եմ։ HSBC-ում ամենից շատ գնահատում եմ այն, որ մենք մենակ չենք, և պատկանում ենք ավելի խոշոր մի կառույցի, որն ունի շատ հարուստ փորձ ամբողջ աշխարհում, որտեղից ստանում ես աջակցություն, առավելի հեշտանում են առաջացած խնդիրներին լուծում տալը, որովհետև կարողանում ես օգտվել տարիների ընթացքում կուտակված փորձից։ Այսինքն` աշխատանքիդ հենց առաջին օրվանից էլ, դու զգում ես քեզ վստահ, ապահով և  լավ ձեռքերում, ի շնորհիվ HSBC Խմբի, որի մի մասնիկն էլ հենց դու ես կազմում։
Նաև շատ գնահատում եմ այլ երկրներում աշխատող մեր կոլեգաների հետ ամենօրյա շփումը, որի միջոցով ձեռք ես բերում հետաքրքիր փորձ և սովորում ես նրանցից, դառնում ես ավելի ճկուն և բաց, ինչ-որ առումով էլ կոսմոպոլիտան

35300597_953434431484852_4995040926523981824_nՍոնան նաև նշեց, որ HSBC-ին մասնագիտական և կարիերայի աճի մեծ հնարավորություններ է տալիս, եթե անհատն ունի ձգտում, աշխատասեր է և չի վախենում նոր բաներ սովորելուց, ապա ընկերությունը դա միայն ողջունում է և օգնում անհատական և մասնագիտական աճին։ Կան բազմաթիվ թրեյնինգներ, օգտակար հոդվածներ և նյութեր, և եթե կա նաև ցանկություն այդ ամենը սովորելու և առաջ գնալու, ապա ոչինչ չի կարող խանգարել։

DSCN3791

– Բանկ եմ տեղափոխվել այլ ոլորտից, և սկզբնական շրջանում բավականին դժվար էր, շատ նորություն կար, սակայն ինձ շատ են օգնել, աջակցել են մասնագիտորեն և շատ բան եմ սովորել։ Թրեյնինգների հնարավորություն նույնպես կա, և եթե մասնագետն ունի թրեյնինգի կարիք, ապա անմիջական ղեկավարի հետ քննարկելով այդ հարցն արագ լուծում է ստանում։

Սոնային խնդրեցինք նաև խոսել իր փորձի մասին, որպես աշխատող մայր։

– Իհարկե, կախված է մարդու բնույթից, սակայն անհատապես ինձ համար դժվար չէ համատեղել ընտանիքն ու աշխատանքը։ Նախ` կարծում եմ, որ տղայիս համար ես լավ օրինակ եմ որպես աշխատող մայր, նա գիտի, որ տղամարդու և կնոջ մեջ տարբերություն չկա և կինն էլ պետք է կայանա որպես մասնագետ և հասարակության մեջ զբաղեցնում է նույն տեղը ինչ-որ տղամարդը։ Մյուս կողմից, կարծում եմ, որ աշխատող մայրիկներն աշխատանքի ընթացքում շատ բան են սովորում, կայանում են որպես մասնագետ, թրծվում են որպես անհատականություն և, իհարկե, այդ ամենը փոխանցվում է երեխային։

Մեր մյուս զրուցակիցը Էդուարդ Առաքելյանն էր, ով Կորպորատիվ վարկային կառավարիչ է։

Eduard

Էդուարդ Առաքելյան, Կորպորատիվ վարկային կառավարիչ

– HSBC-ին ցանկալի գործատու է շատ երիտասարդների համար, իսկ ես միշտ մտածել եմ Կորպորատիվ վարկային կառավարչի մասնագիտության մասին, քանի որ կարծում եմ կորպորատիվ վարկավորումը բանկային գործառույթների առանցքային ուղղություններից մեկն է։

HSBC Բանկ եկել եմ 2010 թվականին, որպես Հանրապետության Հրապարակ մասնաճյուղի հաճախորդների սպասարկման մասնագետ։ Մոտ 2,5 տարի մասնաճյուղում զբաղվել եմ տարբեր գործառույթներով, որից հետո թափուր աշխատատեղի համար հայտարարված մրցույթին մասնակցելով, ընդունվեցի Ֆինանսական շուկաներ դեպարտամենտ։

Այս բաժնում անցկացրած 1 տարվա ընթացքում բավականին շատ բան սովորեցի, ինչն էլ նպաստեց կարիերայիս աճին և 2015թ.-ին Միջազգային առևտրի ֆինանսավորման բաժնում վաճառքների գծով կառավարչի պաշտոն ստանալուն։ Հետագայում այնպես պատահեց, որ Ֆինանսական շուկաներում բաժնի ղեկավարի ժամանակավոր թափուր աշխատատեղ բացվեց, իսկ ես լավ թեկնածու էի և ահա ռիսկի գնալով որոշեցի դիմել և մոտ 1 տարի անցկացրեցի Ֆինանսական շուկաների կառավարման դեպարտամենտում, որպես Վաճառքի բաժնի ղեկավարի ժամանակավոր պաշտոնակատար։ Այս պաշտոնն ինձ շատ օգնեց կարիերայի աճի տեսանկյունից, մասնավորապես թիմի ղեկավարման հմտություններ ձեռք բերելու, միջազգային թիմերում կապեր հաստատելու և առհասարակ որպես մասնագետ զարգանալու հարցում։
Այնուհետև 2017թ.-ին ստացա Վարկային կառավարչի վաղուց սպասված առաջարկը։
Այսինքն, եթե ամփոփենք, պետք է ունենալ կարիերայի զարգացման հստակ ուղի, լինել աշխատասեր, և երբեք չվախենալ ռիսկի գնալուց։

DSCN3808.jpg

Էդուարդի հետ խոսեցինք նաև HSBC Բանկում թրեյնինգների և զարգացման մշակույթի մասին։

– Մեծ առավելություն ունի մեր աշխատակիցն այն առումով, որ թրեյնինգները չեն սահմանափակվում միայն ՀՀ սահմաններով: Բացի օնլայն թրեյնինգների մեծ բազայից, մենք ունենում ենք նաև ուղևորություններ և փորձի փոխանակում՝ այցելելով այլ երկրներում գործող HSBC գրասենյակներ։ Օրինակ` մոտ ապագայում ես պատրաստվում եմ մեկնել Լոնդոն՝ մասնակցելու ռեգիոնալ թիմի համար կազմակերպված թրեյնինգին, որի ընթացքում կհանդիպեմ նաև տարբեր երկրներից իմ կոլեգաներին և առիթ կունենամ ծանոթանալու նրանց փորձին և մոտեցումներին տարբեր գործարար իրավիճակներում:

Էդուարդի հետ զրույցը ամփոփեցինք HSBC Բանկի իր համար ամենակարևոր առավելությունների մասին խոսելով։

– Կորպորատիվ մշակույթն ինձ համար անչափ կարևոր է, մասնավորապես HSBC-ի 3 հիմնարար արժեքները՝ Open, Dependable, Connected իսկապես նկարագրում են մեր կազմակերպությունը: Սա PR կամ պրոպագանդա չէ, այլ իրական արժեքային համակարգ, որով էլ հենց տարբերվում է HSBC Բանկն այլ կառույցներից։ Մենք իրոք ազատ ենք և բաց մեր մտքերն արտահայտելու մեջ, հասանելիություն ունենք Բանկի ղեկավար օղակին, օրինակ` հաճախ մեր Գլխավոր գործադիր տնօրենը մոտենում է մեզ և ուղղակի հարցնում ինչպես են գործերը, կամ քննարկում որևէ հարց և օժանդակելու պատրաստակամություն հայտնում, ինչը, իհարկե, շատ ոգևորող և հաճելի է։ Մյուս առավելությունը այս կազմակերպության մեծությունն է, որն էլ հենց կարիերայի աճի անսահման հնարավորություններ է տալիս։ Մենք հնարավորություն ունենք օրինակ` տեղեկանալ HSBC Խմբի տարբեր երկրներում առկա թափուր աշխատանքներին օնլայն համակարգի միջոցով և դիմել։ Մեր կոլեգաներից շատերը հնարավորություն են ստացել մեկնելու ինչպես հիմնական այնպես էլ ժամանակավոր միջազգային նշանակումների։

Մեր հաջորդ զրուցակիցը Ալվինա Մարտիրոսյանն էր, ով այժմ Բանկի մասնաճյուղերից մեկի կառավարիչն է։

Alvina

Ալվինա Մարտիրոսյան , Բանկի մասնաճյուղերից մեկի կառավարիչ

– HSBC Բանկին միացել եմ դեռ ուսանող տարիքից, մոտ 15 տարի առաջ, որպես մասնաճյուղի սպասարկման մասնագետ։ Այն ժամանակ շատ լավ պատկերացում չունեի բանկային համակարգից, և, իհարկե, շատ տեղեկացված էլ չէի HSBC Բանկից։ Փաստացի հայտնվեցի մի միջավայրում, որը և՛ իր մշակույթով, և՛ աշխատակիցների ու հաճախորդների նկատմամբ վերաբերմունքով, և՛ կառուցվածքով անչափ հոգեհարազատ էր, և լիովին համընկնում էր աշխատավայրի վերաբերյալ իմ պատկերացումներին։ HSBC ամենամեծ առավելություններից մեկն այն է, որ այստեղ մարդկանց գնահատում են, հարգում են և վստահում։ Եթե կա նվիրվածություն, աշխատասիրություն և ցանկություն, ապա անպայման կլինի նաև առաջընթաց կարիերայում, ես դրա լավ օրինակն եմ J Ես իրականում երբեք չեմ դիտարկել Բանկը որպես ուղղակի աշխատավայր, ես իսկապես հաճույք եմ ստանում իմ աշխատանքից։

Ալվինա Դուք մասնաճյուղի կառավարիչ եք, այսինքն` զբաղեցնում եք ղեկավար պաշտոն, կկիսվեք մեզ հետ ֆինանսաբանկային համակարգում կին ղեկավար լինելու Ձեր փորձով, և նաև այդ ամենն ընտանիքի հետ համատեղելով։

DSCN3776

– Սկզբում ինքս էլ մտածում էի, որ դա ավելի շատ տղամարդու աշխատանք է, սակայն, երբ քո առաջ հստակ խնդիրներ ես դնում, հասկանում ես, որ իրականում տարբերություն չկա, և ինքդ էլ կարող ես հասնել ավելիին։ HSBC Բանկում առհասարակ նման խտրականություն չկա, դեռ ավելին, ընկերությունն ամեն ինչով աջակցում է կին աշխատակիցներին իրենց մասնագիտական ներուժն օգտագործելու առումով։ Ես որպես կին, ունեմ բոլոր ռեսուրսներն ու գործիքները, աշխատելու նույն խանդավառությամբ և մոտիվացիայով։
Ինչ վերաբերվում է ընտանիքի հետ աշխատանքը համատեղելուն, ապա միանշանակ կասեմ, որ հեշտ չէ, սակայն եթե հետ նայենք, վստահ կարող եմ ասել, որ ես երբեք չեմ փորձել ինքս ինձ դնել ընտրության առջև՝ կարիերա թե ընտանիք, այսինքն` միշտ փորձել եմ պահել work-life balance կոչվածն, ինչքանով դա հնարավոր է եղել։ Մյուս կողմից էլ, կարծում եմ լավ օրինակ եմ ծառայում երեխաներիս, քանի որ ընտանիքի մայր լինելն ըստ իս նշանակում է նաև օրինակ ծառայել որպես կայացած կին։ Նաև նշեմ, որ HSBC-ին կայուն Բանկ է, իսկ աշխատակիցներն էլ, հատկապես աշխատող մայրիկները գնահատում են դա։ Կնշեմ, որ Բանկը տրամադրում է առողջության ապահովագրություն ոչ միայն ինձ համար, այլ ողջ ընտանիքիս, ինչը ևս մեկ մեծ առավելություն է։ Առհասարակ HSBC-ին անչափ արժևորում է ընտանիքը, կազմակերպվում են հատուկ միջոցառումներ, որոնց ծնողները կարող են մասնակցել իրենց երեխաների հետ։ Ամանորին, մեր երեխաները հատուկ նվերներ են ստանում Բանկի կողմից, և այլն։

35300597_953434431484852_4995040926523981824_nԱլվինան նշեց նաև, որ գնահատում է HSBC Բանկի կորպորատիվ մշակույթը, որն էլ հենց հիմնական պատճառներից, որ արդեն 15 տարի է աշխատում է Բանկում

Ես չեմ սպառել այն ինչ կարող եմ տալ այս կազմակերպությանը և ստանալ նրանից։ Այստեղ մոտեցումներն անչափ հոգեհարազատ են:

Մեր զրույցը շարունակեցինք Գագիկ Պարոնյանի հետ, ով այս պահին Ֆինանսական շուկաներում գործառնությունների դեպարտամենտի տնօրենի տեղակալն է։

DSCN3834

Գագիկ Պարոնյան, Ֆինանսական շուկաներում գործառնությունների դեպարտամենտի տնօրենի տեղակալ

Գագիկ, ինչպե՞ս եք սկսել կարիերան HSBC Բանկում։

– Բանկի Ֆինանսական շուկաներում գործառնությունների դեպարտամենտին եմ միացել դեռ 2009թ-ին որպես դիլեր։ Չնայած, որ Հայաստանում բանկային համակարգը դեռ կայացման փուլում է, այնուամենայնիվ, մի քանի տարի առաջ, երբ ես ընտրություն էի կատարում, դա ավելի ակնհայտ էր, իսկ HSBC Բանկի մասնակցությունը այդ գործընթացին`որպես միջազգային բանկ, առավել քան կարևոր էր։ Այսինքն, Բանկին միանալու իմ որոշումը պայմանավորված էր հայկական շուկայում HSBC բանկի ունեցած առաջատար դիրքերով։
Այս պահին բազմապրոֆիլ աշխատանք եմ կատարում Ֆինանսական շուկաներում գործառնությունների հետ կապված։ Իմ աշխատանքում ակտիվորեն շփվում եմ, ոչ միայն ՀՀ-ում իմ կոլեգաների, այլ նաև HSBC Խմբի այլ երկրներում առկա թիմերի հետ։

Կամավորական դասախոսություն JA (Junior Acheivement) նախագծի շրջանակներում

Գագիկին խնդրեցինք ներկայացնել իր աշխատանքի ամենահետաքրքիր մասը և ամենից շատ մարտահրավերներ պարունակող մասը։

– Մարտահրավերների մասով կնշեմ ռիսկերի կառավարումը, քանի որ ամեն դեպքում այդ գործընթացն ենթադրում է նաև մարդկային գործոն։ Արագ տեմպի մեջ պետք է միշտ լինել նաև զգոն: Միևնույն ժամանակ իմ աշխատանքում շատ հետաքրքիր է այն, որ յուրաքանչյուր օր էլ նոր բան ես սովորում, ձեռք բերում նոր ծանոթություններ. հաճախ ենք հյուրեր ունենում արտերկրից, ինչպես HSBC Խմբից, այնպես էլ այլ կազմակերպություններից։

Գագիկը պատմեց նաև, որ ակտիվորեն մասնակցում է Բանկի կողմից Կորպորատիվ պատասխանատվության կոնտեքստում կազմակերպվող միջոցառումներին։

– Սոցիալական պատասխանատվության հիմքում ընկած է համայնքիդ օգնությունը. այսինքն, եթե կազմակերպությունը գործում է տվյալ համայնքում, քաղաքում կամ երկրում, և շահույթ է ստանում, ապա պետք է գործի նաև give-back, այսպես ասված, ինչ-որ մասով վերադարձնելը։ Նույնը վերաբերում է նաև, կարծում եմ, անհատներին. ես ևս` որպես աշխատակից, իմ պարտքն եմ համարում մասնակցել նման միջոցառումների և իմ անձնական ներդրումն ունենալ կազմակերպության կորպորատիվ սոցիալական պատասխանատվության ծրագրերի իրականացման գործում, փոփոխություն բերել մարդկանց կյանքում։ Մասնակցել եմ համարյա բոլոր միջոցառումներին՝ Խոսրովի անտառում իրականցված բնապահպանական ծրագրերից, մինչև Junior Achievement ծրագրի շրջանակներում դպրոցականների համար դասախոսությունները։

Արահետների կառուցում Խոսրովի անտառ արգելոցում
Արահետների կառուցում Խոսրովի անտառ արգելոցում

35300597_953434431484852_4995040926523981824_nԳագիկը վերջում խորհուրդ տվեց այն երիտասարդներին, ովքեր իրենց կարիերան տեսնում են բանկային համակարգում, լավ ուսումնասիրել բանկի տարբեր գործառույթներն ու ստորաբաժինները, քանի որ օրինակ վարկային մասնագետի, ֆինանսական վերլուծաբանի և դիլերի աշխատանքներն իրարից շատ են տարբերվում, չնայած որ բոլորն էլ առնչվում են բանկային գործունեության հետ։

DSCN3804

Մեր հաջորդ զրուցակիցը Մարտին Մարտիրոսյանն էր, Կորպորատիվ Վարկավրորման ռիսկի ղեկավարը, ով ավելի քան 14 տարի արդեն աշխատում է Բանկում, և վերջերս է վերադարձել Լոնդոնից, որտեղ 2 տարի աշխատել է HSBC Խմբի գլխավոր գրասենյակում։

DSCN3875
Մարտին Մարտիրոսյան, Կորպորատիվ Վարկավրորման ռիսկի ղեկավար

– Կարիերաս սկսել եմ HSBC Բանկում, և երբեք չեմ էլ մտածել այլ կազմակերպություն տեղափոխվելու մասին, քանի որ HSBC-ին՝ լինելով գլոբալ կորպորացիա, տալիս է շատ հնարավորություններ: Մասնավորապես ինձ համար նման մեծ և միջազգային կազմակերպությունում աշխատելու ամենակարևոր առավելությունն այն է, որ կարողանում ես շարունակաբար և տալ և վերցնել։ Այսինք երբեք չես դադարում սովորել՝ վերցնել, և երբեք չես դադարում ինքդ ունենալ քո ներդրումը։

Մարտինին խնդրեցինք պատմել Լոնդոնում իր աշխատանքային փորձի մասին։

– Ինչու ՞ որոշեցի տեղափոխվել Լոնդոն: Եկավ մի պահ, երբ հասկացա, որ այստեղ պատկերն արդեն շատ լավ եմ պատկերացնում ու երևի ժամանակն է ձեռք բերելու արտերկրում աշխատելու փորձ։ Մեկնելիս մտածում էի, որ շատ բան չունեմ սովորելու, մոտիվացիան հիմնականում Լոնդոն տեղափոխվելն էր՝ նոր միջավայր, նոր մարդիկ, միջազգային թիմ։ Տեղափոխվելիս անմիջապես հասկացա, որ սխալվել եմ՝ նոր գրասենյակում մասշտաբներն անհամեմատելի մեծ էին և միանգամից պարզ դարձավ, որ շատ բան ունեմ սովորելու։ Մյուս կողմից էլ, այն փորձը, որը ես ունեի Հայաստանից, ինձ անչափ օգնեց, և, իհարկե, նորից աշխատեց՝ տալու ու վերցնելու գաղափարը

DSCN3882

Մարտինը նշեց, որ Լոնդոնում իր ժամանակավոր նշանակումն արդեն ավարտին էր մոտենում, կային առաջարկներ մնալ գլխավոր գրասենյակում, սակայն նաև վերադառնալ Հայաստան և ղեկավարել HSBC Բանկ Հայաստանի դեպարտամենտներից մեկը։

– Ինչպես ասում են «քո տնից լավ տեղ չկա», և իսկապես Հայաստանում ապրելն ու աշխատելը շատ առավելություններ ունի, և ինչքան էլ արտերկրում լավ պայմաններ լինեն, դա չի կարող փոխարինել այն ինչ ունես այստեղ։ Դա, իհարկե, ամենևին էլ չի նշանակում, որ ապագայում չեմ դիտարկելու Լոնդոն կամ HSBC Բանկի այլ գրասենյակ տեղափոխվելու հնարավորությունը, ուղղակի այս պահին ինձ տեսնում եմ Հայաստանում։ Այս հնարավորությունը նույնպես շատ եմ գնահատում, քանի որ HSBC-Ին ոչ մի սահմանափակում չի դնում արտերկիր մեկնելիս, ուղղակի պետք է ունենալ համապատասխան գիտելիքներն ու որակավորումները, այսինքն` ամեն ինչ քո ձեռքերում է։

Մարտին, Դուք աշխատել եք ինչպես Երևանում այնպես էլ Լոնդոնում, տարբերվում է արդյոք մարդկանց մոտեցումն աշխատանքին։

– Միանշանական տարբերվում է։ Հայկական թիմն մի քիչ ավելի նվիրված և սրտացավ է աշխատանքի նկատմամբ: Մարդկային հարաբերություններն էլ միանշանակ տարբերվում են, հաշվի առնելով կենսակեպի և մարդկային բնույթի տարբերությունները: Այնտեղ մարդիկ ավելի կոնսերվատիվ են և զգույշ շփման մեջ, քանի որ գործ ունեն տարբեր մշակույթների հետ, իսկ այն ինչ մի մշակույթում ընդունելի է, կարող է չընկալվել մեկ այլում։

Մարտինից տեղեկացանք նաև, որ HSBC Խմբում առկա են հատուկ ծրագրեր, որոնցում ընդգրկելով աշխատակիցը հնարավորություն է ունենում զարգացնել իր անհատական և մասնագիտական հմտությունները, և նախապատրաստվել արտերկրում տարբեր գրասենյակներում աշխատելուն։

Մեր հաջորդ զրուցակիցը Լիանա Խուցիյանն էր, ով Մանրածախ բանկային ծառայությունների դեպարտամենտում զբաղեցնում է Մարքեթինգի բաժնի ղեկավարի պաշտոնը։ Լիանան համեմատաբար նոր է միացել թիմին, Լոնդոնում Մարքեթինգի ոլորտում մագիստրոսի կոչում ստանալուց հետո։

Liana
Լիանա Խուցիյան, Մանրածախ բանկային ծառայությունների դեպարտամենտի Մարքեթինգի բաժնի ղեկավար

– Արդեն մեկ տարի է ինչ միացել եմ HSBC Բանկին: Սպասելիքներս ավելի քան արդարացվել են, մեծ հաճույքով եմ գալիս աշխատանքի, ունենք իսկապես կայացած թիմ, և կա այդ զգացողությունը, որ մենք բոլորս աշխատում ենք մեկ նպատակի համար։ Լոնդոնում սովորելիս նաև internship եմ անցել անգլիական ընկերություններից մեկում, և վստահորեն կարող եմ ասել, որ այն ինչ գտել եմ HSBC Բանկ Հայաստանում ոչնչով չի զիջում անգլիական աշխատանքային միջավայրին։
Այստեղ իսկապես ստեղծված է թիմային աշխատանքը խթանող բոլոր պայմանները, օրինակ` մի դեպք կցանկանայի պատմել։ Բավականին շոգ օր էր․ Բանկի գլխավոր գործադիր տնօրենը մտնում է Բանկ մի մեծ տոպրակ պաղպաղակով, և սկսում է բաժանել բոլոր աշխատակիցներին, ավելին, վերջում աշխատակիցների մեկը հարցնում է <<շոկոլադով չկա՞>>, ու քանի որ շոկոլադով պաղպաղակն արդեն վերջացել էր, մեր տնօրենը գնում է այն գնելու Իրականում Հայաստանում քիչ կառույցներ կան, որտեղ նման բան հնարավոր է։

Լիանան պատասխանատու է մանրածախ ծառայությունների գծով մարքեթինգի և բրենդի հետ կապված բոլոր գործառույթների համար։ Օրինակ, այն բոլոր պաստառները, որոնք մենք տեսնում ենք, մասնաճյուղերում առկա բոլոր բուկլետները, Բանկի կայքում առկա նյութը, և շատ ու շատ այլ  բաներ, որոնք հաճախորդներին տեսանելի չէն, կառավարվում է մարքեթինգի բաժնի կողմից։ Լիանայի հետ զրուցեցինք այն մարտահրավերների մասին, որոնք առկա են նման միջազգային բրենդ կառավարելիս։

– HSBC Բանկն ունի ավելի քան 150 տարվա պատմություն, իսկ Հայաստանում այն ներկայացված է ավելի քան 20 տարի։ Իմ աշխատանքը կայանում է նրանում, որ ես ճիշտ կազմակերպեմ մեր ծառայությունների վերաբերյալ տեղեկատվության տրամադրումը հաճախորդին։ Իրականում ամեն ինչ այնքան լավ է մտածված, որ բրենդի կառավարման հարցում որևէ մարտահրավեր չունեմ։ HSBC Խումբն ունի բրենդի ներկայացման իր ուղեցույցը (brand guidelines), որին հետևում են բոլոր այն երկրներում, որտեղ առկա է HSBC-ն։ Այս ուղեցույցը մեր աշխատանքը բավականին հեշտացնում և համակարգված է դարձնում։Pal_3x6_CURVEԼիանայից տեղեկացանք, որ 2018թ․-ին HSBC-Ին թարմացրել է իր բրենդը՝ ներկայանալով փոքր-ինչ ձևափոխված լոգոյով և Together We Thrive կարգախոսով։ Նոր լոգոն ավելի համապատասխանեցված է  թվային աշխարհի պահանջներին (սոց․ մեդիա, մոբայլ հավելվածներ, և այլն)։ Նաև ունենք տեխնոլոգիական նորություններ , այժմ օգտատերերը կարող են HSBC Mobile Banking մուտք գործել Կենսաչափական նույնականացման (Face ID և Touch ID) միջոցով։

Լիանայի հետ զրույցն ամփոփեցինք խոսելով անձնակազմին տրամադրվող այն առավելությունների մասին, որոնք Լիանան ամենաշատն է կարևորում։

– Շատ կարևորում եմ ինչպես կորպորատիվ մշակույթը, թիմը և աշխատանքային փոխհարաբերությունները, այնպես էլ նյութական արտոնությունները, որոնք մենք ստանում ենք՝ օրինակ` առողջության ապահովագրություն, բանկային ծառայություններ ավելի լավ սակագներով և այլն։ Նաև շատ եմ կարևորում, որ HSBC Բանկում միշտ աճելու տեղ կա, եթե ունես ցանկություն։ Երբ նոր էի միացել Բանկին, մեծ աջակցություն եմ ստացել իմ պաշտոնը նախկինում զբաղեցրած մասնագետից, միմյանց օգնելու այս մշակույթն ինձ նույնպես շատ դուր է գալիս։

Ամենավերջում զրուցեցինք Արման Խաչատրյանի հետ, ով զբաղեցնում է Վարկային գործառնությունների բաժնի մասնագետի պաշտոնը; Ի դեպ, Արմանը Բանկին է միացել 2016-ին որպես intern (փորձնակ) Վարկային գործառույթների բաժնում։ Ընդամենը 1 ամիս հետո, նրան առաջարկել են միանալ HSBC Brand Council կամավորների թիմին, իսկ այժմ Արմանը հանդիսանում է այդ թիմի ղեկավարներից մեկը։ Գիտենք որ ձեզ էլ հետաքրքրեց, թե ինչ է Brand Council-ը:

Arman

Արման Խաչատրյան, Վարկային գործառնությունների բաժնի մասնագետ

Brand Council-ը Բանկի աշխատակիցներից կազմված կամավորների թիմ է, ովքեր պատասխանատու են ամբողջ տարվա ընթացքում աշխատակիցների համար կազմակերպվող արտաշխատանքային միջոցառումների համար։ Իսկ մենք, հավատացեք, միջոցառումներ շատ ենք ունենում։ Թիմը բաղկացած է լինում 8-9 աշխատակցից, իսկ միջոցառումների մանրամասները հիմնականում անակնկալ են լինում՝ ավելի հետաքրքիր դարձնելով դրանք։

– Իմ առաջին փորձը Brand Council—ում Բանկային աշխատակցի օրվա կապակցությամբ հետաքրքիր անակնալի պատրաստումն էր, որը շատ լավ ընդունվեց աշխատակիցների կողմից, իսկ առջևում արդեն ավանդական դարձած Նոր Տարվա միջոցառումն էր, որն իսկապես ծավալուն է, և պատրաստվել սկսում ենք ամիսներ առաջ։ Ամանորյա բոլոր միջոցառումները լինում են թեմատիկ, օրինակ` այս տարվա թեման Հայկական Տարազն էր, վայրն էլ ընտրել էինք համապատասխան՝ Մեգերյան Կարպետ։ Անչափ հետաքրքիր էր, քանի որ համարյա բոլոր աշխատակիցներն եկել էին հայկական տարազներով, պարեցինք Քոչարի, մի խոսքով անմոռանալի երեկո էր։

DSCN3866

Արմանը նշեց, որ տարվա մեջ ունենում են մի քանի միջոցառումներ, որոնք հիմնականում լինում են թեմատիկ՝ ընտանիքների և երեխաների համար, առողջ ապրելակերպի խթանմանն ուղղված,  ինտելեկտուալ բնույթի և ժամանցային։

light-bulbFamily Day – Երեխաների պաշտպանության օրը մեր գործառնական գրասենյակի բակը վերածվում է իսկական խաղահրապարակի՝ ատրակցիոններ, կենդանիներ, աճպարարներ և, իհարկե, համով ուտելիք։ Հրավիրվում են բոլոր աշխատակիցներն իրենց երեխաների և ընտանիքների հետ։ Անչափ ուրախ և հիշարժան է անցնում այդ օրը, հատկապես փոքրիկների համար։

Family Fun Day միջոցառում աշխատակիցների և նրանց ընտանիքների համար
Family Fun Day միջոցառում աշխատակիցների և նրանց ընտանիքների համար

light-bulbԱմառային միջոցառումը, որը միշտ տեղի է ունենում Օգոստոս ամսին Սևանում, կրկին շատ ակտիվ է անցնում։ Բանկն իր բոլոր աշխատակիցներին հրավիրում է Սևանի լողափերից մեկը գիշերակացով, որի ընթացքում հրավիրվում է նաև DJ, և ամբողջ լողափը վերածվում է մեծ ու ուրախ պարահրապարակի։

Ավանդական ամառային հանգիստ Սևանում
Ավանդական ամառային հանգիստ Սևանում

light-bulbԲոուլինգի առաջնություն թիմերի միջև, որը շատ լավ բարձրացնում է թիմային ոգին։ Աշխատում ենք ընդգրկել հնարավորինս շատ աշխատակիցներ։

light-bulbՖուտբոլի առաջնությունը անց է կացվում ամբողջ Բանկի համար, որի ժամանակ ձևավորվում են թիմեր տարբեր բաժիններից։

Ֆուտբոլի առաջնություն
Ֆուտբոլի առաջնություն

light-bulbWalking Challenge – Քանի որ HSBC Խմբում անչափ շատ է կարևորվում առողջ ապրելակերպը, ապա, բացի բոուլինգի և ֆուտբոլի առաջնություններից, այս գարուն ունեցել ենք ևս մեկ շատ կարևոր նախաձեռնություն, ինչի մասին կցանկանայի ավելի մանրամասն պատմել։ Նախաձեռնությունը կոչվում է Walking Challenge (քայլելու մարտահրավեր)։ Այն իրենից ներկայացնում է անհատական և թիմային մարտահրավեր։ Մասնակիցներին տրամադրել էինք հատուկ smart սարքեր ձեռքին կապելու համար, որոնք հաշվարկում էին մասնակիցների քայլերը մեկ ամսվա ընթացքում։  Արդյունքներն արդեն անփոփել ենք և հաղթող թիմը և լավագույն արդյունք ցույց տված մասնակիցները ստացել են հաճելի մրցանակներ: Մենք մեր աշխատանքի ընթացքում անընդհատ նստած ենք, և դա բնականաբար վատ է ազդում մեր առողջության վրա, իսկ նման խաղ-մրցման արդյունքում շատերը սկսեցին քայլել ավելի շատ։

 Քայլելու մարտահրավեր (Walking Challenge) նախագծի մասնակից թիմերից մեկը
Քայլելու մարտահրավեր (Walking Challenge) նախագծի մասնակից թիմերից մեկը

Այլ միջոցառումներից, որոնք ավելի տեղային բնույթ են կրում, Արմանը նշեց նաև՝

chevron-sign-to-rightPlayStation Football խաղի առաջնությունը,

chevron-sign-to-rightMovieQuiz խաղը, որին մասնակցում են բանկի կինոմանները,

chevron-sign-to-rightԻ՞նչ, Որտե՞ղ, Ե՞րբ ինտելեկտուալ խաղը։

Ինչ, որտեղ, երբ ինտելեկտուալ խաղի մասնակից թիմերից մեկը
Ինչ, որտեղ, երբ ինտելեկտուալ խաղի մասնակից թիմերից մեկը

HSBC—ն՝ նկարներում

Ամփոփենք

Վստահորեն կարող ենք ասել, որ HSBC Բանկի նման կազմակերպություններ Հայաստանում պետք է շատ լինեն։ Միջազգային ստանդարտներ կրող այս ընկերությունում ամեն ինչի մասին մանրամասն մտածված է։ Այստեղ մարդիկ գնահատվում են իրենց անձնային հատկանիշների, այլ ոչ թե զբաղեցրած պաշտոններին համապատասխան, Բանկի գլխավոր գործադիր տնօրենն ակտիվ մասնակցություն է ունենում թիմակիցների աշխատանքային առօրյայում, այստեղ կարիերայի հնարավորությունները երբեք չեն սահմանափակվում միայն Հայաստանով, այստեղ չկա խտրականություն և առաջին հերթին կարևորվում է աշխատասիրությունը նվիրվածությունն ու ավելին կատարելու ցանկությունը, այստեղ աշխատող մայրիկներն իրենց ապահով և գնահատված են զգում։ Բանկը հավասարապես արժևորում է իր աշխատակիցների գոհունակությունն աշխատանքից, նրանց մասնագիտական և անձնական զարգացումը, առողջ ապրելակերպն ու ֆինանսական կայունությունը։
Մի խոսքով անչափ տպավորված ենք HSBC Բանկի կորպորատիվ մշակույթով, և հավատացած ենք, որ դեռ վերադառնալու ենք, քանի որ մեկ անդրադարձով հնարավոր չէ փոխանցել այն աշխատանքը, և դրա կարևորությունը պետական մակարդակով, որն իրականացվում է՝ առաջին հայացքից պաշտոնական թվացող պատերից այս կողմ:

Powered by staff.am.