StaffBlog-ի այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել Բրեվիս ընկերության ինթերնշիփային ծրագիրը։
Դ․ Անհաղթ 23/6, 6-րդ հարկ, ք․ Երևան, ՀՀ
ԲՐԵՎԻՍ ԸՆԿԵՐՈՒԹՅԱՆ ՄԱՍԻՆ
«Բրեվիս» ընկերությունն արդեն ավելի քան 10 տարի գործունեություն է ծավալում հանրային կարծիքի հետազոտության և հաղորդակցության խորհրդատվության ոլորտում` օգնելով որոշում կայացնողներին և գործարարներին ստեղծել, գնահատել, զարգացնել ու դրական հեղինակություն ձևավորել իրենց կերպարի ու բրենդի շուրջ։
«Բրեվիսը» հաջողությամբ իրականացրել է ավելի քան 300 ծրագիր՝ պետական կառավարման, սոցիալ-տնտեսական, ֆինանսաբանկային, հեռահաղորդակցության, կրթության և հանրային առողջության ոլորտներում։ Միջին օղակի բիզնեսների զարգացմանն աջակցող հետազոտական և խորհրդատվական ծրագրերն ընկերության աշխատանքի ծավալուն մասն են կազմում, և այսօր արդեն պետական կառավարման համակարգի հետ առնչություն ունեցող նախագծերը զբաղեցնում են ընկերության ծրագրերի մոտ 25%-ը։
ԻՆԹԵՐՆՇԻՓԱՅԻՆ ԾՐԱԳՐԻ ՄԱՍԻՆ
Ուսանողների և սկսնակ մասնագետների հետ համագործակցությունը, սեփական գիտելիքով և փորձով նրանց հետ կիսվելը կարևորագույն սկզբունք է «Բրեվիս» ընկերության համար։ Ընկերությունը հավատարիմ է այն գաղափարին, որ լավագույն ընկերությունները պատրաստում են իրենց անհրաժեշտ մասնագետներին՝ նրանց համար մասնագիտական աճի ու զարգացման հնարավորություններ ստեղծելով։
«Բրեվիսն» ազդեցիկ կորպորատիվ մշակույթ և աշխատանքային ձեռագիր ունեցող ընկերություն է, ով նաև ներդրում է կատարում սեփական աշխատակիցների մասնագիտական աճի համար։ Ընկերությունը մշտապես համագործակցում է համալսարանների հետ, վերջիններիս կարիերայի կենտրոնների հետ, մասնակցում ուսանողական աշխատաշուկաների, ինչպես նաև որոշակի պարբերականությամբ կազմակերպում պրակտիկանտների հավաքագրում՝ ելնելով այդ պահին ընկերությունում առկա ծրագրային կարիքներից։
«Բրեվիսում» պրակտիկայի հնարավորություն տրվում է ինչպես ուսանողներին, այնպես էլ՝ նորավարտ մասնագետներին։ Իսկ առավել արդյունավետ պրակտիկա և մասնագիտական զարգացում ունենալու հարցում մենթորության մշակույթն ուժեղ գործիք է։ Այդ իսկ պատճառով «Բրեվիսում» պրակտիկանտները, թիմային աջակցություն ստանալուց բացի, ունենում են նաև անհատական մենթոր՝ աշխատելով կազմված ծրագրով։ Նաև նշենք, որ մասնագիտական պրակտիկաներն անցնում են բավականին ինտենսիվ և հագեցած գրաֆիկով։ Ինթերնշիփային ծրագրի իր հաջողության պատմությամբ Ձեզ հետ է կիսվում Սոֆին, ով ի սկզբանե մասնակցել է Բրեվիսի ինթերնշիփային ծրագրին, իսկ այժմ արդեն աշխատում է որպես հաղորդակցության մասնագետ։
«Պետք է նշեմ, որ ի սկզբանե, երբ դիմում էի «Բրեվիս», վերջնական նպատակս ընկերությունում աշխատանքի անցնելն էր, քանի որ տպավորված էի «Բրեվիսով»։ Հաղորդակցության բաժնում թե՛ փորձնական հանձնարարությունների, թե՛ պրակտիկայի ընթացքում առավելագույն ջանքեր էի գործադրում թիմին տպավորելու համար։ Ինձ համար շատ կարևոր էր միջավայրը և մարդիկ, ում հետ աշխատելու էի։ Հուրախություն ինձ, այս հարցում որևէ դժվարություն չունեցա։ Հիմա արդեն աշխատում եմ «Բրեվիսի» հաղորդակցության բաժնում, ինչի համար անչափ ուրախ եմ»,– Սոֆի, Բրեվիս ընկերությունում ինթերն, իսկ այժմ արդեն Հաղորդակցության բաժնի մասնագետ։
Ի դեպ, Բրեվիսում, բացի ընթացիկ և համալսարանների հետ կազմակերպվող ինթերնշիփերից, համագործակցում են նաև Birthright Armenia/Depi Hayk Foundation կազմակերպության հետ, որպեսզի ինթերնշիփային ծրագրին մասնակցելու հնարավորություն տրվի Սփյուռքից Հայաստան եկած ուսանողներին ու շրջանավարտներին։
ԻՆԹԵՐՆՇԻՓԱՅԻՆ ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՀՆԱՐԱՎՈՐՈՒԹՅՈՒՆՆԵՐԸ
Մոտիվացնող և ստեղծագործական մթնոլորտ,
Պրոֆեսիոնալ և աջակցող թիմ՝ սովորելու և գործնական փորձ ձեռք բերելու համար,
Պրակտիկայի ծրագրի ամբողջ ընթացքում անհատական մենթոր ունենալու հնարավորություն,
Ոլորտի լավագույն պրոֆեսիոնալների հետ մասնագիտական հարաբերություններ ստեղծելու հնարավորություն,
Զարգացման և մասնագիտական գիտելիքների համալրման նպատակով դասընթացների մասնակցություն,
Պրակտիկ հանձնարարությունների կատարում՝ ստացած գիտելիքները գործնականում կիրառելու և ամրապնդելու համար,
Մեր քաղաքի լավագույն գրասենյակում աշխատելու հնարավորություն։
Պրակտիկանտներին «Բրեվիսը» շնորհում է հատուկ հավաստագրեր, ինչպես նաև՝ տրամադրում երաշխավորագրեր։ Պրակտիկայի ընթացքում նրանց հետ կնքվում է ուսումնառության համաձայնագիր, նաև ընկերության բրենդային նյութերով փաթեթ է տրամադրվում։
ԻՆԹԵՐՆՇԻՓԱՅԻՆ ԾՐԱԳՐԻ ՏԵՎՈՂՈՒԹՅՈՒՆԸ
ԻՆԹԵՐՆՆԵՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է
Մրցույթի միջոցով, որին կարող են դիմել պահանջներին համապատասխանող թեկնածուները։
Մշտապես բաց հավաքագրման միջոցով, պարզապես անհրաժեշտ է լրացնել ձևաթուղթը ընկերության կողմից դիտարկվելու համար։
Համալսարանների և այլ ուսումնական հաստատությունների միջոցով։
ԻՆԹԵՐՆՇԻՓԻ ԾՐԱԳՐԻ ԱՎԱՐՏԻՑ ՀԵՏՈ ՄԱՍՆԱԿԻՑՆԵՐԻ ՔԱՆԻ ՏՈԿՈՍՆ Է ԱՆՑՆՈՒՄ ՀԻՄՆԱԿԱՆ ԱՇԽԱՏԱՆՔԻ
Այս պահին Բրեվիս ընկերությունում ինթերնշիփային ծրագրի նոր հայտեր չեն ընդունվում։ Հետևեք staff.am-ում Բրեվիս ընկերության էջին առաջիկայում նախատեսվող ինթերնշիփային ծրագրին ծանոթանալու և դիմելու համար։
Հավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի <<Հայաստանյան ընկերություններում ինթերնշիփային ծրագրերը>> StaffBlog հատուկ նախագիծը։ Յուրաքանչյուր թողարկման ժամանակ անդրադառնալու ենք այն ընկերություններին, որոնք աշխատաշուկայում առանձնանում են իրենց ինթերնշիփային ծրագրի հաջողության պատմություններով։
