2018թ․ ապրիլին staff.am կարիերայի հարթակի կողմից իրականացվել է <<ՀՀ աշխատաշուկայի վիճակագրական վերլուծություն>> վերջին 18 ամիսների ընթացքում հավաքագրված վիճակագրական տվյալների հիման վրա: Վերլուծության հիմքում գործատուների կողմից մեր հարթակում հայտարարված թափուր աշխատանքների տվյալներն են, օգտագործվել է 3,000-5,000 տող տվյալ, կախված ուսումնասիրության շրջանակից։ Հաշվի առնելով նախորդ հետազոտության տվյալները, կատարվել է նաև համեմատական վերլուծություն վերջին 6 ամիսների և նախորդ ժամանակահատվածի արդյունքների միջև։
Վերջերս նաև staff.am հարթակի միջոցով աշխատավարձերի վերաբերյալ անանուն հարցում էր կազմակերպվել, որին մասնակցել են ավելի քան 1,000 անհատներ՝ տրամադրելով տեղեկատվություն գործատուի, իրենց պաշտոնի և գործունեության ոլորտի և աշխատավարձի վերաբերյալ, նշելով, իհարկե, թե քանի տարվա փորձ ունեն այս ոլորտում։
Հիմնվելով վերը նշված տվյալների վրա կատարվել է ՀՀ-ում ՏՏ ոլորտի ուսումնասիրություն, որի նպատակն է հասկանալ ՏՏ ոլորտի առանձնահատկություններն աշխատանք փնտրողների տեսանկյունից։
Մասնավորապես՝
Վերլուծել այս ոլորտի գործատուների (Ծրագրային ապահովման մշակման, ճարտարագիտական լուծումներ տրամադրող, տեխնոլոգիական ստարթափներ) ակտիվությունը ՀՀ աշխատաշուկայում։
Վերլուծել տարբեր ոլորտի ընկերություններում ՏՏ ուղղվածությամբ մասնագետների կարիքը (ծրագրավորման, որակի կառավարման, տեխնիկական աջակցման, համակարգային և ցանցային մասնագետների, և այլն)։
Վերլուծել այն մասնագիտական գիտելիքներն ու հմտությունները, որոնք ամենապահանջվածն են այս ոլորտի մասնագետների համար։
Վերլուծել անհատ օգտատերերի կողմից աշխատավարձի վերաբերյալ տրամադրված տվյալները, և ստանալ միջին աշխատավարձի մասին պատկերացում աշխատանքային փորձից և նեղ մասնագիտական ոլորտից կախված։
ՏՏ աշխատանքների ուսումնասիրություն՝ ակտիվություն, հմտություններ, աշխատավարձեր
Միջին աշխատավարձը ՏՏ մասնագետների համար՝
Ծրագրավորում,
Վեբ/գրաֆիկ դիզայն,
Որակի կառավարում,
Պրոդուկտի/Նախագծի կառավարում,
Սարքերի դիզայն/Ծրագրավորում,
և այլն։
Վերջին 6 ամիսների ընթացքում բոլոր աշխատանքների 41%-ը ՏՏ ոլորտում են։ Մասնավորապես՝
Ծրագրավորում,
Վեբ/գրաֆիկ դիզայն,
Որակի կառավարում,
Պրոդուկտի/ Նախագծի կառավարում
Սարքերի դիզայն/ Ծրագրավորում,
Ցանցային և համակարգային մասնագետներ/ՏՏ անվտանգություն:
Վերջին 6 ամիսների ընթացքում բոլոր աշխատանքների 37%-ը ՏՏ ընկերությունների կողմից է՝
Ծրագրավորում,
Մարքեթինգ,
Վաճառք/Սպասարկում,
Հաշվապահություն,
և այլն։
Ամբողջական և ոլորտային վիճակագրական վերլուծությանը կարող եք հետևել ստորև․
- Վերլուծության ամփոփ տարբերակ
- Մարքեթինգային․ ոլորտային վերլուծություն
- Ֆինանսաբանկային․ ոլորտային վերլուծություն
