Աշխատանք փնտրելը նույնպես հաճելի է

1695

<<Աշխատանք փնտրելը դարձել է շատ հաճելի staff.am-ի հետ․ նույնիսկ եթե աշխատանք չեմ փնտրում, ամեն օր այցելում եմ staff.am նոր աշխատանքներին ծանոթանալու համար>>։

Վերջերս հաճախ ենք նման կարծիքներ լսում մեր օգտատերերից, ինչը նշանակում է մեր առաքելության իրականացման ճանապարհին ենք՝ «Տեսնել մարդկանց երջանիկ, երբ նրանք գտնում են սիրած աշխատանք կամ տաղանդավոր աշխատակից»։

Իսկ ինչպե՞ս դարձնել աշխատանքի փնտրման գործընթացը Ձեզ համար առավել հաճելի և արագ։ Հասկանում եմ, ավանդաբար ընդունված է, որ աշխատանք փնտրելն այդքան էլ «հաճելի» գործընթաց չէ, բայց հավատացած եղեք, որ աշխատանքի դիմելը կարող է լինել նաև դրական լիցքեր հաղորդող:

Ահա և առանձնացրել ենք մի քանի օգտակար հնարքներ աշխատանքի փնտրման գործընթացն առավել հարմարավետ կազմակերպելու համար։

play-button (4) Մի սահմանափակեք Ձեզ աշխատանք փնտրելիս

Մի կենտրոնացեք Ձեր երազանքի աշխատանքի վրա։ Օրինակ, եթե ցանկանում եք աշխատել մարքեթինգի մասնագետ բանկային համակարգում ու անընդհատ միայն դիմում եք այդպիսի աշխատանքների համար, հավանականությունը մեծ է, որ Դուք բաց կթողնեք այն աշխատանքը, որը գուցե և ավելի իրատեսական է։

Կամ, օրինակ, եթե Դուք կենտրոնանում եք մեծ ընկերություններում աշխատանք գտնելու վրա, որովհետև շատ եք սիրում մեծ թիմում աշխատել, օգտվել ընկերության կողմից տրամադրվող բենեֆիթներից, բայց այդ դեպքում հնարավոր է բաց թողնեք հիանալի startup ընկերություններ, որոնք հնարավոր է ավելի շատ ներդրում կունենան Ձեր կարիերայի աճի վրա։ Ուստի դիտարկեք նաև փոքր և նորաստեղծ ընկերությունների աշխատանքները։

challenge-idea-game-wooden-one-corporate

play-button (4)

Օգտագործեք գործիքներ, որոնք Ձեզ համար հաճելի են

Այս հնարքը նույնպես շատ կարևոր է։ Աշխատանք փնտրելիս խորհուրդ ենք տալիս օգտագործել Ձեր հետաքրքրությունները և հմտությունները։ Օրինակ, եթե վարպետորեն շարադրում եք Ձեր միտքը, ուրեմն վայելեք Ուղեկցող նամակ /Cover letter/ գրելու գործընթացը։ Կամ եթե ծրագրավորող եք, Ձեր աշխատանքների պորտֆոլիոն ներկայացրեք կրեատիվ կերպով։

Woman-smiling-while-writing-in-an-agenda

play-button (4)

Բացահայտեք ինքներդ Ձեզ

Ցանկացած փոփոխության, կլինի մասնագիտություն, թե աշխատանք, առաջ մղող ուժը ինքներդ Ձեզ այսպես ասած challenge անելն է։ Պետք է միշտ շարժվել առաջ և բացահայտել նոր հնարավորություններ։ Այսպես ասած, աշխատանք փնտրելը նման է ֆիզիկական կամ մտավոր մարզանքին։ Անընդհատ բացահայտելով Ձեր թերությունները և շտկելով՝ արդյունքում կատարելագործում եք ինքներդ Ձեզ։

Իսկ եթե կրկին անդադար աշխատանք փնտրելը Ձեզ ապամոտիվացնում է, ուրեմն ինչ-որ նոր բան մտածեք։ Օրինակ, թարմացրեք Ձեր LinkedIn-ի կամ staff.am-ի օնլայն պրոֆիլը, կամ Ձեր անձնական տվյալները այլ կերպով ներկայացրեք CV-ի մեջ, կարող եք նաև մտածել CV-ի նոր դիզայնի մասին։

Businessman-in-his-office-with-pilot-hat

Այսպիսով, աշխատանք փնտրելն իսկապես հաճելի է, հատկապես երբ ավարտվում է ցանկալի աշխատանք գտնելով։ Սակայն մի մոռացեք փնտրման գործընթացը կազմակերպել առավել հաճելի և հիշարժան պատմություններով լի։ Փորձեք հարցազրույցների ինտենսիվ փուլից հետո մի փոքր հանգստանալ, լիցքաթափվել և աշխատանքի փնտրման գործընթացը սկսել նորովի staff.am-ի հետ։

Powered by staff.am.