Մարքեթինգը ճշմարտության կրեատիվ օգտագործումն է․ ահա այսպես է սահմանել մարքեթինգը ամերիկացի մարքեթոլոգ, մարքեթինգի պրոֆեսոր և խորհրդատու, ավելի քան 55 մարքեթինգային գրքերի հեղինակ Ֆիլիպ Կոտլերը։ Այս ձևակերպումը, չնայած ժամանակի ընթացքում ոլորտում տեղի ունեցած փոփոխություններին, արդի է մինչ օրս։
Գաղտնիք չէ, որ ճիշտ կազմակերպված գովազդը և մարքեթինգային ռազմավարությունը ընկերության կայացման կարևորագույն գործոններից են․ այսինքն, կարող ենք ասել, որ մարքեթինգի մասնագետների հարցում ճիշտ ընտրություն կատարելը ընկերության հաջողության գրավականն է։
Այսպիսով, StaffBlog-ի շրջանակներում Ձեզ ենք ներկայացնում մարքեթինգի ոլորտի աշխատանքներ, որոնց կարող եք ծանոթանալ և դիմել հենց այս շաբաթ՝ համալրելով հայաստանյան և միջազգային մի շարք ընկերությունների թիմեր։
NASDAQ OMX Armenia
ՆԱՍԴԱՔ ՕԷՄԷՔՍ Արմենիան, որը Հայաստանում գործող միակ ֆոնդային բորսան է, և շուկային տրամադրում է ամբողջապես ավտոմատացված առևտրային համակարգ և առևտրի իրականացման հարմարավետ պայմաններ, իր թիմ է հրավիրում պատրաստակամ, բանակցային գերազանց հմտությամբ տեքստային հաղորդակցության և մարքեթինգի մասնագետի։
Globbing
Գլոբբինգ միջազգային գնումների հարթակը, որը իր մի շարք ծառայությունների ու գործիքների շնորհիվ հնարավոր է դարձնում գնումներ կատարել արտասահմանյան խանութներում արագ, ապահով ու մատչելի, փնտրում է ստեղծարար, աշխատասեր և նպատակասլաց թվային մարքեթինգի մասնագետի։
Finca
Ֆինքա ընկերությունը, որը մատուցում է սոցիալապես պատասխանատու ֆինանսական ծառայություններ և հնարավորություն ընձեռում ցածր եկամուտ ունեցող ձեռնարկատերերին ներդրում կատարել իրենց ապագայում, աշխատանքի է հրավիրում նախաձեռնող և անկախ աշխատելու ունակությամբ մարքեթինգի մասնագետի ,ով կաջակցի ընկերության ռազմավարության զարգացման և կառավարման գործում։
Reebok Armenia
Reebok Armenia ընկերությունը, որի առաքելությունն է նպաստել առողջ ապրելակերպի տարածմանն ու զարգացմանը Հայաստանում, աշխատանքի է հրավիրում բանավոր և գրավոր գերազանց հաղորդակցվելու հմտությամբ թվային մարքեթինգի մասնագետի։
Doping Creative Advertising
Doping առաջատար գովազդային գործակալությունը իր թիմ է հրավիրում ժամանակը արդյունավետ կառավարելու հմտությամբ խմբագրի, ով կլինի պատասխանատու գաղափարների ստեղծման, զարգացման, դրանց իրագործման համար և ուշադիր ու փորձառու account manager-ի:
Philip Morris Armenia
Ֆիլիպ Մորրիս Արմենիա ընկերությունը, որը զբաղվում է ծխախոտի ներմուծմամբ և վաճառքով, իր թիմ է հրավիրում մարքեթինգի բաժնում օգնականի, ով պատասխանատու կլինի բրենդի զարգացման համար։
Web Apricot
Web Apricot ընկերությունը, որը մատուցում է համացանցային աջակցության ծառայություններ, իր թիմ է հրավիրում հայերեն, ռուսերեն և անգլերեն լեզուների գերազանց իմացությամբ կոնտենտային բաժնի համակարգողի, ով կվերլուծի և կբարելավի ցուցանիշները և կզբաղվի օնլայն մարքեթինգով։
Ad Focused
Ad focused միջազգային ընկերությունը հրավիրում է աշխատանքի ստեղծագործ անհատի, ով կզբաղվի կազմակերպության թվային մարքեթինգի կառավարմամբ։ Նշենք, որ այս իդեալական հնարավորություն է բոլոր այն մասնագետների համար, ովքեր ցանկանում են աշխատել remote։
Enterprise rent-a car
Enterprise rent-a car-ը միջազգային ընկերություն է, որը զբաղվում է մեքենաների վարձատվությամբ։ Ընկերությունն այժմ փնտրում է ստեղծարար և թիմային աշխատանքի հմտությամբ թվային մարքեթինգի մասնագետի, ով կկառավարի ընկերության սոց․ մեդիայի էջերը և կայքերը։
McCann Erickson
McCann-ը առաջատար մարքեթինգային ընկերություն է, որը ժամանակակից շուկայում իր հաճախորդներին ապահովում է լավագույն ստրատեգիական ու ստեղծարար լուծումներով։ Ընկերությունն իր հայաստանյան թիմ է հրավիրում վերլուծական մտածողությամբ և հաղորդակցության հմտությամբ թվային մարքեթինգի մասնագետի։
