Որո՞նք են ամենապահանջված մասնագիտություններն ըստ ընկերության գործունեության ոլորտի։ Մասնագիտական ո՞ր ոլորտներում են առավել ակտիվ հայտարարված ինթերնշիփային ծրագրերը։ Ըստ աշխատանքի հայտարարությունների ակտիվության մարզային ո՞ր քաղաքներն են առավել ակտիվ։ Որո՞նք են ամենաակտիվ 5 ոլորտները Հայաստանում և մասնագետների ի՞նչ պահանջարկներ կան այդ ոլորտներում։ 2018թ-ին որո՞նք են այն  թոփ 10 մասնագիտությունները, որոնք ամենաշատն են հետաքրքրում աշխատանք փնտրողներին։

Դեկտեմբերի 18-ին, «Սպուտնիկ Արմենիա» մամուլի կենտրոնում տեղի ունեցավ մամուլի ասուլիս՝ «2018թ․-ին ՀՀ աշխատաշուկայի ակտիվության վիճակագրական վերլուծություն» թեմայով, որն իրականացվել է staff.am կարիերայի օնլայն հարթակի կողմից հավաքագրված վիճակագրական տվյալների հիման վրա: Վերլուծությունը պարունակում է 2018թ․ աշխատաշուկայի տվյալները, ինչպես նաև համեմատական վերլուծություն 2017թ․-ի տվյալների հետ։

staff.am_3
Հիմնվելով վիճակագրական տվյալների վրա՝  կատարվել են ստորև նշված թեմատիկ հետազոտությունները․

been-here-marker_19.12Թափուր աշխատատեղերի բաշխվածությունն ըստ մասնագիտական ոլորտների, կազմակերպության գործունեության ոլորտների և ՀՀ քաղաքների:

been-here-marker_19.12

Վերլուծություն «Տեղեկատվական տեխնոլոգիաներ», «Ֆինանսներ, բանկ և ապահովագրություն», «Ներկրում, արտահանում և առևտուր»,  «Հեռահաղորդակցություն» և  «Արտադրություն/Արդյունաբերություն» ոլորտներում ամենապահանջված մասնագետների վերաբերյալ:

been-here-marker_19.12Համեմատական վերլուծություն գործատուների կողմից ամենապահանջված մասնագիտական հմտությունների վերաբերյալ:

ԱմփոփՈլորտայինՄարզային

Ստորև ներկայացնում ենք վերլուծության ամփոփ տարբերակը։

1․ Ամենապահանջված աշխատանքների բաշխվածությունն ըստ աշխատանքի կատեգորիաների (տոկոսային կշիռն ընդհանուրի մեջ)

1_surveybuttonՀետազոտությունը ցույց է տալիս, որ ըստ աշխատանքի կատեգորիայի գերակշռում են Ծրագրավորման աշխատանքները, ինչը զարմանալի չէ` հաշվի առնելով ՏՏ ոլորտի և, մասնավորապես, Ծրագրավորման մասնագիտության նկատմամբ մեծ պահանջարկի:

buttonԱճի տեմպեր են նկատվել Վաճառքի/սպասարկման, Բանկային/վարկային գործի, Վեբ/գրաֆիկ դիզայների, Պրոդուկտի կառավարման, Որակի կառավարման և ՄՌԿ մասնագետների դեպքում

buttonԾրագրավորման աշխատանքները չեն նվազել, իրականում աշխատաշուկայում մեծացել է այլ աշխատանքների ակտիվությունը, դրանով է պայմանավորված Ծրագրավորման աշխատանքների մի փոքր անկումը։

buttonԱռաջին հնգյակը զբաղեցրած կատեգորիաներն ամեն դեպքում փոփոխություն չեն կրել։

2․ Ամենապահանջված աշխատանքների բաշխվածությունն ըստ ընկերության գործունեության ոլորտի և ժամանակահատվածների (տոկոսային կշիռն ընդհանուրի մեջ)

2_survey_rbuttonԱշխատաշուկայի գերակշռող մասը պատկանում է Տեղեկատվական տեխնոլոգիաներով զբաղվող ընկերություններին, ընդ որում 2018թ բավականին մեծ էր ՏՏ նոր ընկերությունների քանակը ընդհանուրի մեջ։ 1 տոկոսային կետով նվազումը, ոչ թե պայմանավորված է ակտիվության նվազմամբ, այլ մյուս ոլորտների ակտիվությամբ, քանի որ ՏՏ ընկերությունների ընդհանուր թիվն աճ է գրանցել։

button2018թին բավականին ակտիվ են եղել նաև Ֆինանսաբանկային ոլորտի ընկերությունները։

buttonԱրդյունաբերությամբ և արտադրությամբ զբաղվող ընկերությունները նույնպես ակտիվության աճ են գրանցել 2018թին, սա թերևս նաև պայմանավորված է նման ընկերություններում կադրերի հավաքագրման պրոցեսների մոդեռնիզացիայով։

3․ Ինթերնշիփային հնարավորությունների բաշխվածությունն  ըստ մասնագիտությունների (տոկոսային կշիռն ընդհանուրի մեջ)

3_survey_rbuttonԸնդունված պրակտիկա է ընկերությունների համար հայտարարել վճարովի ինթերնշիփային ծրագրեր, որոնց ընթացքում աշխատակիցը սովորում և աշխատում է միաժամանակ։ Մասնավորապես այս ասպարեզում 2 ակտիվ ոլորտ կա՝ Ֆինանսաբանկային և Տեղեկատվական տեխնոլոգիաներ։ Իսկ մասնագիտական տեսանկյունից ակտիվ են Բանկային/վարկային գործ, Ծրագրավորում, Մարքեթինգի ոլորտի մասնագիտությունների համար հայտարարված ինթերնշիփային ծրագրերը։

buttonՄարդկային ռեսուրսների կառավարման փորձնակների պահանջ նույնպես գրանցվել է 2018թին։

4․ Մարզային քաղաքներն ըստ աշխատանքի հայտարարությունների ակտիվության
(տոկոսային կշիռը մարզային աշխատանքների մեջ)

4t_survey_rbuttonՏոկոսային կշիռները ներկայացված են ընդհանուր մարզային աշխատանքների մեջ: Երևան քաղաքում առկա աշխատանքները ներառված չեն, դրանք կազմում են բոլոր աշխատանքների 95%-ը: Այս ցուցանիշը բարելավել է 1 տոկոսային կետով ի օգուտ մարզային քաղաքների, սակայն ընդհանուր պատկերը դեռ բավականին հոռետեսական է։

buttonՄարզային քաղաքների ակտիվության տեսանկյունից չկա կոնկրետ օրինաչափություն ըստ որի տվյալ քաղաքում առկա է ակտիվություն, սա ավելի շատ ունի մասնավոր բնույթ։ Օրինակ, տվյալ քաղաքում նոր գործարան կամ խոշոր գործատու է մուտք գործել, և հիմնականում դրանով է պայմանավորված կտրուկ աճը։

buttonՄարզերում հիմնականում կայուն ակտիվ են մեծ սպասարկման ցանցեր ունեցող բանկերն ու հեռահաղորդակցության ոլորտի ընկերությունները։

ՈԼՈՐՏԱՅԻՆ ՈՒՍՈՒՄՆԱՍԻՐՈՒԹՅՈՒՆ

Կատարել ենք հետազոտություն թոփ 6 ամենաակտիվ ոլորտների վերաբերյալ, հասկանալու թե ինչ մասնագետների պահանջարկ կա այդ ոլորտում: Մասնավորապես դիտարկել ենք․

been-here-marker_19.12

Տեղեկատվական տեխնոլոգիաներ ոլորտի աշխատանքների բաշխվածությունն ըստ մասնագիտությունների։

been-here-marker_19.12Ֆինանսներ/Բանկ/Ապահովագրություն ոլորտի թոփ աշխատանքների բաշխվածությունն ըստ մասնագիտությունների։

been-here-marker_19.12Արտադրության/Արդյունաբերության ոլորտի թոփ աշխատանքների բաշխվածությունն ըստ մասնագիտությունների։

been-here-marker_19.12Ներկրում/Արտահանում/Առևտուր ոլորտի թոփ աշխատանքների բաշխվածությունն ըստ մասնագիտությունների։

been-here-marker_19.12Հեռահաղորդակցության ոլորտի աշխատանքների բաշխվածությունն ըստ մասնագիտությունների։

 1. 2018թի ընթացքում ՏՏ ոլորտի աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)

5_survey_r

Ծրագրավորման մասնագետներից բացի, որոնք բնականաբար զբաղեցնում են ընդհանուրի մեջ ավելի քան 42%-ը ՏՏ ընկերություններին անհրաժեշտ են նաև.

buttonԱյլ ՏՏ մասնագետներ, ինչպիսիք են օրինակ համակարգային ադմինիստրատորներ, ՏՏ աջակցման (tech support) մասնագետներ և այլն:

buttonՈրակի կառավարման, Պրոդուկտի նախագծման և նախագծերի կառավարման, և այլ տեխնիկական բնույթի աշխատանքներ։ Իսկ ոչ տեխնիկակակնից բավականին մեծ կշիռ ունի Մարքեթինգի աշխատանքները։

buttonԹոփ տասնյակում այս անգամ ընդգրկվել է նաև ՄՌԿ ոլորտը։

2. 2018թ-ի ընթացքում Ֆինանսներ/Բանկ/Ապահովագրություն ոլորտի թոփ աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)

6_survey_rbuttonԱյս ոլորտում բնականաբար գերակշռում է բանկային գործ մասնագիտության պահանջարկը, մասնավորապես վարկային մասնագետներ, բանկի/վարկային կազմակերպության գործառնական բաժնի մասնագետներ և այլն:

buttonՎաճառքի և սպասարկման մասնագետների կարիքը նույնպես շատ մեծ է, և այս տարի գերազանցել է Ծրագրավորման մասնագետների տեսակարար կշռին, համեմատած նախորդ ժամանակահատվածի հետ»:

buttonՄարդկային ռեսուրսների աշխատակիցների նկատմամբ պահանաջարկը նույնպես աճել է, և այս աճի միտումը դեռ շարունակվում է։

3. 2018թ-ի ընթացքում Արտադրության/Արդյունաբերության ոլորտի թոփ աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)

7t_survey_r

buttonԱրտադրության և արդյունաբերության ոլորտի գործատուները նույնպես բավականին ակտիվ են եղել 2018թ․-ի ընթացքում։

buttonՄասնավորապես այս ոլորտում staff.am-ի հարթակի միջոցով ամենամեծ պահանջարկ ունեցող մասնագետներն են Արտադրության կազմակերպման, Վաճառքի/սպասարկման և Գնումների/Լոգիստիկայի մասնագետները։

buttonՄարդկային ռեսուրսների մասնագտների պահանջարկն այս ոլորտում նույնպես աճել է։


4. 2018թ
ի ընթացքում Ներկրում/Արտահանում/Առևտուր ոլորտի թոփ աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)

8_survey_rbuttonԱյս ոլորտին են պատկանում բոլոր այն ընկերությունները, որոնք զբաղված են ապրանքների ներկրմամբ, արտահանմամբ և/կամ առևտրով:

buttonՀաշվի առնելով այս հանգամանքը, վաճառքի և սպասարկման ոլորտի մասնագետներն ամենամեծ պահանջարկն ունեն: Ընդ որում` ներառված են ոչ միայն սպասարկման կետերում անհրաժեշտ մասնագետների վիճակագրությունը, այլ նաև B2B, ինչպես նաև վաճառքի և սպասարկման ղեկավարման մասնագետները:

buttonՄարքեթինգի մասնագետների պահանջն ամենամեծն է այս ոլորտում, եթե համեմատենք օրինակ ՏՏ և ֆինանսական ոլորտի ընկերությունների հետ: Սա էլ ուղղակիորեն պայմանավորված է այս ոլորտի առանձնահատկություններով

5. 2018թ․-ի ընթացքում Հեռահաղորդակցություն ոլորտի թոփ աշխատանքների բաշխվածությունն ըստ մասնագիտությունների  (ընդհանուրի մեջ զգալի կշիռ ունեցող)

9_survey_r

buttonՀեռահաղորդակցության ոլորտը բավականին ակտիվ է եղել, և համեմատած նախորդ ժամանակահատվածի հետ ընդգրկվել է թոփ 5 ամենակատիվ ոլորտների մեջ։

buttonՀաշվի առնելով սպասարկման մեծ ցանցերը, նման ընկերություններում մեծ է ինչպես ՏՏ և տեխնիկական մասնագետների այնպես էլ վաճառքի և սպասարկման մասնագետների կարիքը։

buttonՈլորտի թելադրանքով թոփ մասնագիտություններում գերակշռում են նեղ մասնագիտական գիտելիքներ պահանջող մասնագիտություններ, ինչպիսիք են՝ Համակարգային ինժեներները, Պրոդուկտի և նախագծերի կառավարիչները, Թվային մարքեթինգի մասնագետները, Ծրագրավորման մասնագետները և այլն։

buttonԻնչպես տեսնում ենք մարդկային ռեսուրսների մասնագետների կարքը աճել է նաև այս ոլորտում։

6. Ոլորտային ուսումնասիրություն ըստ ամենաակտիվ գործատուների ոլորտներում պահանջվող մասնագետների

10_survey

Այս վերլուծության մեջ ընդգրկված են թոփ 5 ամենաակտիվ ոլորտները, և դրանցում ամենամեծ պահանջարկն ունեցող մասնագիտությունները։ Վերլուծությունը ցույց է տալիս, որ Վաճառքի/սպասարկման և Մարքեթինգի մասնագետների պահանջ կա բոլոր 5 ոլորտներում։ Ծրագրավորման և տեխնիկական ոլորտի մասնագետները նույնպես պահանջված են և հանդիպում են համապատասխանաբար 4 և 3 ոլորտներում։ 

ԱՇԽԱՏԱՆՔ ՓՆՏՐՈՂՆԵՐԻ ՎԵՐԼՈՒԾՈՒԹՅՈՒՆ

been-here-marker_19.12

Աշխատանք փնտրողների ամենացանկալի ոլորտներն ըստ գործատուների,

been-here-marker_19.12

Աշխատանք փնտրողների ամենացանկալի ոլորտներն ըստ մասնագիտությունների,

been-here-marker_19.12

Աշխատանք փնտրողների նախընտրելի աղբյուրները

1. Մասնագետների բաշխվածությունն ըստ ընդհանուր աշխատանքային կատեգորիայի

11_survey

Վերլուծության նպատակն է խմբավորել մասնագիտությունները կոնկրետ տրամաբանությամբ, և ներկայացնել դրանց տեսակարար կշիռն ընդհանուրի մեջ։ Մասնավորապես, վերլուծությունը ցույց է տալիս, որ

button2018թ բոլոր աշխատանքների 36%-ը բաժին է ընկնում ՏՏ ոլորտին։

buttonԲոլոր աշխատանքների 235%-ի դեպքում անհրաժեշտ են վաճառքի, մարքեթինգի, հաղորդակցության և կազմակերպչական հմտություններ։

buttonՖինանսական բնույթի աշխատանքները նույնպես բավականին մեծ կշիռ ունեն՝ 15,8%:

2.  Թոփ 10 ոլորտները, որոնք ամենացանկալին են աշխատանք փնտրողների համար

12_survey

Վերլուծության նպատակն է հասկանալ թե աշխատանք փնտրողները որ ոլորտների աշխատանքներին են ակտիվորեն հետևում, այսինքն որ ոլորտներում կցանկանային աշխատել։ Տեղեկատվական ոլորտի ընկերությունները ամենացանկալի գործատուներն են, որոնց հաջորդում են ֆինանսաբանկային ոլորտի ընկերությունները։ Լավագույն տասնյակը եզրափակում են Հիմնադրամներն ու Խորհրդատվական ընկերությունները։

3. Թոփ 10 մասնագիտությունները, որոնք ամենացանկալին են աշխատանք փնտրողների համար

13_survey

Վերլուծության նպատակն է հասկանալ թե որ մասնագիտություններն են ամենից շատ հետաքրքրում աշխատանք փնտրողներին, հիմնվելով staff.am-ում տվյալ մասնագիտության հետևորդների թվի հիման վրա։
Վերլուծությունը ցույց է տալիս, որ չնայած ծրագրավորողի մասնագիտությունն ամենից պահանջվածն է աշխատաշուկայում, սակայն այն միայն 4-րդ տեղում է հետևորդների թվով, իսկ առաջին 2 տեղերում են ոչ շատ նեղ մասնագիտական գիտելիքների պահանջող աշխատանքները։

Բանկային/վարկային գործը դեռ բավականին ցանկալի աշխատանք է շատ աշխատանք փնտրողների համար, չնայած որ ՏՏ ոլորտն է այս պահին բացարձակ առաջատարը ՀՀ-ում։

4. Որ աղբյուրներում են մարդիկ ամենից շատ փնտրում աշխատանք

14_survey

Հետազոտության նպատակն է հասկանալ թե սոց ցանցերում և առհասարակ համացանցում որոնք են այն հիմնական աղբյուրները, որտեղ աշխատանք փնտրողներն ակտիվ են։ Ըստ staff.am-ում ունեցած տվյալների, ամենից մեծ կշիռն ունի Facebook սոց ցանցը, որին հաջորդում է Google որոնողական համակարգում արվող հարցումները։ Linkedin սոց ցանցը նույնպես բավականին ակտիվ է ՀՀում աշխատանք փնտրողների շրջանում։ Աճ է գրանցել Instagram, Vkontakte և Twitter սոց ցանցերը, որտեղ աշխատանք փնտրողները նույնպես ակտիվ են։

LIVE: Մամուլի ասուլիսSputnik զրույց

ԱՄՓՈՓՈՒՄ

ՀՀ աշխատաշուկայի վերլուծությունը ցույց է տալիս, որ առկա են գերակշիռ ոլորտներ , ինչպես նաև կան մասնագիտություններ, որոնք առավել մեծ պահանջարկ են վայելում այդ  ոլորտներում։ Մարզերում հիմնականում կայուն ակտիվ են մեծ սպասարկման ցանցեր ունեցող բանկերն ու հեռահաղորդակցության ոլորտի ընկերությունները։ Վերլուծելով նաև աշխատանք փնտրողների նախընտրությունները՝ Տեղեկատվական ոլորտի ընկերություններն ամենացանկալի գործատուներն են, որոնց հաջորդում են ֆինանսաբանկային ոլորտի ընկերությունները։

Նշենք, որ առկա big data–ի շնորհիվ, staff.am-ի թիմն օրական կտրվածքով մշակում է հազարավոր տող տվյալներ վերլուծելու և հասկանալու շուկայի զարգացման միտումները։ Վերոնշյալում, վերլուծության ամփոփ տարբերակն է։ Ուրախ կլինենք համագործակցել տարբեր ընկերությունների հետ ՀՀ աշխատաշուկայի վիճակագրական առավել մանրամասն վերլուծություններ իրականացնելու համար։

ՀՀ աշխատաշուկայի վերաբերյալ հետազոտությունները www.staff.am-ում կրում է պարբերական բնույթ, ինչը նշանակում է, որ յուրաքանչյուր հաջորդ թողարկման մեջ կներառվեն ոչ միայն հետազոտության նոր ճյուղեր, այլ նաև կկատարվի համեմատական վերլուծություն նախորդ ժամանակահատվածի համեմատ։ Հետազոտության տվյալներն ամբողջությամբ վերցված են staff.am հարթակից, և չեն ընդգրկում նմանատիպ այլ հարթակների տվյալներ։

Բաժանորդագրվեք staff.am-ի նորություններին Telegram-ում

Powered by staff.am.