Սկիզբ / staff.am / Հանդիպում-զրույց ավելի քան 65 երկրներում նախագծեր իրականացրած Սիներջի Արմենիա ընկերության աշխատակիցների հետ
Synergy-team_feature

Հանդիպում-զրույց ավելի քան 65 երկրներում նախագծեր իրականացրած Սիներջի Արմենիա ընկերության աշխատակիցների հետ

Մեր թիմը մեծ ոգևորությամբ շարունակում է իր այցելությունները staff.am-ի հետ համագործակցող ընկերություններ: Այս անգամ մենք այցելեցինք Սիներջի Արմենիա ընկերության երևանյան գրասենյակ՝ զրուցելու թիմի անդամների հետ ու ծանոթանալու ընկերության աշխատանքային միջավայրին: Մեր այցի ընթացքում ստացած դրական լիցքերով ու վառ տպավորություններով ցանկանում ենք կիսվել staff.am բլոգի մեր սիրելի ընթերցողների հետ:

Սիներջին ունի ավելի քան 150 աշխատակից, ովքեր սիրում և հպարտանում են իրենց կատարած աշխատանքով` վստահ լինելով, որ աշխատում են ՀՀ լավագույն ընկերություններից մեկում:

«Մենք՝ հայերս, հզոր ենք մեր մտավոր ուժով, հատկապես ՏՏ ոլորտում։ Հայ ծրագրավորողներն ունակ են իրականացնել ամենաբարդ տեսակի խնդիրներ և առաջարկել հրաշալի լուծումներ։ Մեզ աշխարհում ճանաչում են իբրև շախմատի երկիր, քանի որ այն մեր արմատներում է, սակայն մենք ամենինչ պետք է անենք, որպեսզի ճանաչվենք նաև իբրև տեղեկատվական տեխնոլոգիաների երկիր։ Ես հպարտ եմ, որ սկսած 1999 թ․ Սիներջին իր տաղանդավավոր աշխատակիցների միջոցով նպաստել է տնտեսության համար այսչափ կարևոր ոլորտի զարգացմանը Հայաստանում» :
Սիներջի ընկերության հիմնադիր Աշոտ Հովհաննիսյան

Սիներջին բարեփոխում է աշխարհը

Սիներջին ստեղծում է տեղեկատվական և վերլուծական համակարգեր,  որոնք նպաստում են ավելի քան 65 երկրների կառավարությունների և միջազգային կազմակերպությունների աշխատանքի արդյունավետությանը՝ դարձնելով վերջիններիս արդյունքներն առավել թափանցիկ, իսկ մարդկանց կյանքը՝ առավել բարեկեցիկ։ Այսպիսով, Սիներջի ընկերության ամեն աշխատակից իր գործունեությամբ նպաստում է այն գլոբալ բարեփոխումներին, որոնք տեղի են ունենում  ընկերության դատական, սոցիալական, մոնիթորինգի և գնահատման, կրթական, առողջապահական, ֆինանսաբյուջետային համակարգերի շնորհիվ։

Ինչով՞ է տարբերվում Սիներջին 

Այսօր ՏՏ ոլորտը Հայաստանում ամենահրապուրիչ ոլորտններից մեկն է իր նորարարություններով, ավանդույթներով, կորպորատիվ մշակույթով և աշխատանքային պայմաններով: Գրեթե բոլոր ՏՏ ընկերություններն առաջարկում են աշխատաքնային լավ պայմաններ, գեղեցիկ գրասենյակ, հետաքրքիր և բազմազան միջոցառումներ, զանազան արտոնություններ, նվերներ և այլն։ Եվ այդ առումով Սիներջին չի զիջում այլ ՏՏ ընկերություններին։ Ամենակարևոր տարբերությունն ու առանձնահատկությունը, որ կուզենայինք ընդգծել  այն է,  որ մեր հետազոտական կենտրոնի (R&D) շնորհիվ մենք մշտապես զբաղվում ենք նոր տեխնոլոգիաների ուսումնասիրություններով, նորարարություններով և, հետևաբար,  ցանկացած տեխնոլոգիական ու պրոդուկտի հետ կապված որոշումները կայացնում ենք հենց մենք,  Հայաստանի մեր թիմով, – նշեց ընկերության Երևանի մասնաճյուղի տնօրեն Աննա Ստեփանյանը։

Սիներջի թիմային քննարկում
Թիմային քննարկում Սիներջիում

Ինչու՞ աշխատել Սիներջիում որպես ծրագրավորող

Հայկ Մարտիրոսյան և Աննա Կոնջոյան
Հայկ Մարտիրոսյան և Աննա Կոնջորյան

 

Ընկերության գլխավոր ճարտարապետ (Chief Architect) Հայկ Մարտիրոսյանը, խոսելով  ծրագրավորողների մոտիվացիայի մասին, նշեց․

Շատ կարևոր է, որ մենք մեր  աշխատակիցներին հնարավորություն ենք տալիս կիրառել ոլորտի նորագույն տեխնոլոգիաները, դրանով իսկ ապահովելով  ծրագրավորողների մասնագիտական զարգացումը: Այսինքն, Սիներջիի ծրագրավորողը վստահ է, որ իր գիտելիքներով նա միշտ մրցունակ է ոլորտում։ Վստահորեն կարող եմ ասել, որ մենք այն քիչ ընկերություններից ենք ՀՀ-ում, որտեղ նորագույն տեխնոլոգիաների կիրառումը բիզնես առաջնահերթություն է: Որպես օրինակ կարող եմ նշել այսօր շատ արդի Microservice տեխնոլոգիաները, որոնք մի քանի տարի առաջ բարդ և անհասանելի էին թվում: Հպարտությամբ կարող եմ ասել, որ մենք բավականին ժամանակ և ռեսուրս ենք տրամադրել այս տեխնոլոգիաները մեզ մոտ ներդնելու համար և դարձել ենք success story, որի մասին հաճույքով կիսվել ենք BarCamp-ի 2017-ի ընթացքում:

BarCamp talk-երին կարող եք ծանոթանալ հետևելով ստորև հղումներին:

Թեման շարունակեց նաև համակարգերի ճարտարապետ, R&D թիմերից մեկի ղեկավար  Արմեն Մկրտչյանը՝

Արմենը Սիներջիում որպես ծրագրաորող աշխատելու մասին
Արմենը Սիներջիում որպես ծրագրավորող աշխատելու մասին

 

Մեր աշխատանքի ամենահետաքրքիր մասն այն է, որ մենք պետք է ամեն օր տարբեր խնդիրներ լուծենք. երբեք չենք հոգնում, միշտ նոր խնդիրներ են առաջանում։ Մեր աշխատանքը լի է հետաքրքիր մարտահրավերներով, այն առումով, որ վերջնական պրոդուկտի վերաբերյալ բոլոր տեխնիկական որոշումներն իրականցնում ենք Սիներջի ընկերության հայաստանյան մասնաճյուղում, և աշխատակիցներն են լուծումներ առաջարկում՝ բազում երկների հաճախորդների պահանջները բավարարելու համար:

Սիներջին վերջերս ընդունված աշխատակցի աչքերով

Խաչիկը համեմատաբար է միացել Սիներջի թիմին
Խաչիկը վերջերս է միացել Սիներջի թիմին

 

Տեսնելով, թե որքան նորարական և փոփոխությունների հանդեպ բաց ընկերություն է Սիներջին, ես իսկապես զարմացել էի: Թեև Սիներջին մեծ կազմակերպություն է, համակարգված փոփոխությունն ու շարժն ընկերության աշխատանքային գործընթացի հիմնական մասն է: Այստեղ չկան կարծրատիպեր, և եթե աշխատակիցներից մեկն ունի նոր գաղափար, ապա այն անպայման քննարկվում է և նաև կիրառվում, – ասաց Խաչիկ Բադեյանը, Senior Product Owner:

Զարգացման հնարավորություններ

Սիներջի ընկերությունում բավականին մեծ ուշադրություն է դարձվում աշխատակիցների միջև փորձի և գիտելիքների փոխանակման գործընթացին դասընթացների և Lunch&Learn նորարարական զրույցների տեսքով, որոնց ընթացքում աշխատակիցները կիսվում են իրենց նոր գիտելիքներով ու գաղափարներով:

Lunch&Learn քննարկումները բավականին օգտակար են, օրինակ, վերջին քննարկման  ժամանակ, տվյաների բազայի մեր ավագ մասնագետներից մեկը հետաքրքիր նոր լուծում ներկայացրեց առկա խնդիրներից մեկի համար, և դրանից հետո անմիջապես ձևավորվեց աշխատանքային խումբ՝ առավել մանրամասնորեն քննարկելու առաջարկի կիրառելիթյունը,- նշեց Սիներջի ընկերության համակարգերի ճարտարապետ, R&D թիմերից մեկի ղեկավար Աշոտ Կարապետյանը։
Այդ նորարական զրույցներից բացի, մասնագիտական աճն ապահովելու նպատակով մենք մասնակցում ենք տարբեր կոնֆերանսների արտերկրում, որոնց ընթացքում բավական մեծ փորձ ենք ձեռք բերում ու ծանոթանում ոլորտի միջազգային մասնագետների հետ:

Աշոտը Սիներջիում մասնագիտական աճի և մեթորինգի մասին
Աշոտը Սիներջիում մասնագիտական աճի և մենթորինգի մասին

 

Աշոտը նշեց նաև, որ ունեն լիովին կայացած մենթորինգի մշակույթ, երբ առավել փորձառու աշխատակիցները գործնական հանձնարարություններով օգնում են կրտսեր աշխատակիցների զարգացմանը: Աշոտը հենց ինքն էլ անցել է այդ ճանապարհը՝ ամառային դպրոցի սան լինելուց մինչև թրեյներ, և այժմ արդեն մենթոր կրտսեր սերնդի համար:

Տաթևիկը Սիներջիում է աշխատում ավելի քան 10 տարի
Տաթևիկը Սիներջիում է աշխատում ավելի քան 10 տարի

 

Տաթևիկ Խաչատրյանը, ով Սիներջիում աշխատում է ավելի քան 10 տարի և այժմ Senior Product Owner է,  նշեց․

Ես Սիներջի ընկերության կարևորագույն առանձնահատկություններից մեկը համարում եմ այն, որ ընկերության ավագ սերնդի ներկայացուցիչները սիրով կիսում են իրենց փորձը ավելի երիտասարդ ներկայացուցիչների հետ՝ օգնելով նրանց զարգացնել իրենց գիտելիքները՝ այդպիսով նպաստելով ընկերության աճին։Այստեղ աշխատակիցները նվիրված են իրենց աշխատանքին և իսկապես սիրում են այն, ինչ անում են:

Սինեջի Արմենիա թիմի առօրյան
Սիներջի Արմենիա թիմի աշխատանքային  առօրյան

 

Սիներջիի աշխատակիցների շրջագայությունները

Ինչպես նշեց նախագծերի ավագ ղեկավար Էմիլյա Խաչատրյանը, ամեն մի նոր երկրի համար կատարվող նախագիծն ունի իր ուրույն բարդություններն ու հետաքրքրությունները, ինչը պայմանավորված է տարբեր երկրներում մարդկանց մտածելակերպով, մշակույթով, աշխատելաոճով։

Բազմատեսակ նախագծերի իրականացումը թիմի անդամներին մոտիվացված է պահում և նրանք չեն ձանձրանում իրենց աշխատանքից, օրինակ ես կկրկնեի իմ Կամբոջիա կատարած աշխատանքային ուղևորությունը, որի ժամանակ առիթ էի ունեցել աշխատելու միջազգային տարբեր կազմակերպությունների ներկայացուցիչների, ինչպես նաև երկրի կառավարության հետ: Նախագիծը շատ մեծ նշանակություն ուներ տեղի բնակչության համար, իսկ Սիներջին՝ դրա իրականացման մեջ կարևոր դեր: Ուղևորությունը լի էր հետաքրքիր բացահայտումներով. Կամբոջիայում օրինակ ընդունված չէ գործնական հանդիպումների ժամանակ ձեռքսեղմումը, և ամեն անգամ նոր երկիր այցելելիս, պետք է լավ ծանոթանաս նրանց սովորույթներին՝ առաքելությունդ հաջողությամբ ավարտելու համար, – նշեց Էմիլյան:

Քարտեզի վրա նշված են այն բոլոր երկրները, որտեղ Սիներջի Արմենիան նախագծեր է իրականացրել
Քարտեզի վրա նշված են այն բոլոր երկրները, որտեղ Սիներջի Արմենիան նախագծեր է իրականացրել

 

 Տարածաշրջանային զարգացում

Սիներջին իր մեծ ներդրումն ունի նաև Արցախում և Գյումրիում ծրագրավորման ոլորտի զարգացման գործում: Արցախում /սկսած 2012 թ․/ և Գյումրիում /սկսած 2016 թ/ ընկերությունն ունի մասնաճյուղեր, որտեղ խելացի և տաղանդավոր մարդիկ են աշխատում:

 Արտոնություններ

Ընկերության աշխատակիցները առավոտյան մի գավաթ սուրճ են խմում՝ վայելելով դեպի քաղաք բացվող գեղեցիկ տեսարանը
Ընկերության աշխատակիցները հաճույքով վայելում են բացօթյա պատշգամբը, որից շատ գեղեցիկ տեսարան է բացվում դեպի Երևան

 

Սիներջիում բավականին մեծ ուշադրություն ենք դարձնում կյանք-աշխատանք բալանսին՝ առողջության ապահովագրություն, սպորտային փաթեթ, սեղանի թենիս և ֆուտբոլ, play station, իսկ նոր շենք տեղափոխվելուց հետո, խոստանում ենք, որ կլինեն խաղերի և հանգստի նոր սենյակներ, սպորտային դահլիճ, ձմեռային և ամառային այգիներ, գրադարան և թրեյնինգների նոր կենտրոն,- նշեց Աննա Ստեփանյանը

Երբ հանգստանալու և աշխատանքիկ կտրվելու կարիք կա, լավագույն միջոցներից է գրասենյակի հանգստի սենյակում առկա PlaySTation-ը :)
Երբ հանգստանալու և աշխատանքից կտրվելու կարիք կա, լավագույն միջոցներից է գրասենյակի հանգստի սենյակում առկա PlaySTation-ը 🙂

 

 Սիներջին ուսանողների համար                                        

Սիներջի ընկերությունը մեծ դեր ունի Հայաստանում ոլորտի նոր մասնագետների պատրաստման գործում: Այդ է փաստում ընկերության ամառային դպրոցը, որը 2005 թվականից ի վեր կրթում է հայ ուսանողներին:

Ամառային դպրոցի ուսանողները հնարավորություն են ունենում ձեռք բերել տեսական և պրակտիկ գիտելիքներ երկամսյա դասընթացների ժամանակ, վարպետաց դասերի միջոցով հանդիպել մեր ընկերության այլ ավագ մասնագետների հետ և ծանոթանալ իրենց հաջողության փորձին և դպրոցի ավարտին մասնակցել Hackathon-ի։ Ամառային դպրոցն ավարտելուց հետո լավագույն ուսանողներն ընդունվում են մեզ մոտ աշխատանքի։ Սիներջիում ուսանողի համար աշխատելն առավելություն է նաև այն իմաստով, որ  կարող են ունենալ ճկուն գրաֆիկ և հարմարեցնել աշխատանքային ժամերն իրենց համալսարանի դասերի ժամերին,  – ասաց Senior Talent Manager Աննա Կոնջորյանը:

Սիներջիի թիմն ամեն տարի ապրիլ ամսին կազմակերպում է նաև ուսանողական շաբաթ, որի ընթացքում մասնակիցները տարբեր ելույթներ են լսում նորարարական տեխնոլոգիաների մասին:

 Թիմային միջոցառումներ

Սիներջի թիմը Գառնիում
Սիներջի թիմը Գառնիում

Մեր ընկերությունը բազմազան ու շատ հետաքրքիր  թիմային միջոցառումներ է կազմակերպում: Մեր միջոցառումները երկու ուղություն ունեն՝ ուղղված մասնագիտական աճի զարգացմանը, օրինակ Hackathon-ներ, AI challenge, Hacking մրցաշար, և team-building-ին ուղղված միջոցառումներ, օրինակ այս ձմռանը Ծաղկաձորում տարբեր թիմերով սահնակներ պատրաստեցինք SysSled Challenge-ի ժամանակ և հետո միմյանց հետ մրցեցինք, այս ամառ ողջ թիմով ուղևորվեցինք Արցախ՝ այն բացահայտելու, – նշեց Աննա Ստեփանյանը։

Նկարներ Սիներջի Արմենիայի թիմային միջոցառումներից

Հաջորդ Նախորդ
Synergy20
Synergy18 
Synergy19 

IMG_1933

 _OLY2291

Synergy16

Synergy15

Հաջորդ Նախորդ

Եզրափակենք.

Խելացի, նորարար, հմուտ և իրենց աշխատանքով հպարտ՝ այսպես կնկարագրեինք Սիներջի Արմենիայի թիմը: Թիմային ոգին, մեկ գաղափարի շուրջ համախմբվուծությունը, նորագույն տեխնոլոգիաների կիրառումն ու երիտասարդ սերնդին գիտելիքների փոխանցումը, այս ընկերության ԴՆԹ-ում է: Անչափ հպարտ ենք միջազգային չափանիշներին համապատասխան ՏՏ ծառայություններ տրամադրող նման ընկերության և staff.am-ի համագործակցության համար և մաղթում ենք հետագա հաջողություններ Սիներջի թիմին:

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

5 (1)

«ՀԶՈՐ ԲՐԵՆԴ, ՀԶՈՐ ԹԻՄ»․ Գործատուի բրենդավորման staff.am գործիքները

Լավագույն և համապատասխան մասնագետ գտնելն այսօր Գործատու ընկերությունների համար դարձել է կարևորագույն խնդիրներից մեկը։ Իսկ …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.