Ուրախ ենք Ձեզ ներկայացնել «Դարձի՛ր StaffBlog հեղինակ» մեր նախագծի այս տարվա առաջին թողարկումը: Նախագծի նպատակն է քննարկումներ ծավալել HR ոլորտում առկա կարևոր թեմաների շուրջ։

Ամենակարևոր հարցը, որ պետք է տրվի հարցազրույցի ժամանակ

Բոլորս էլ բավականին կարևորություն ենք տալիս աշխատանքի ընդունման հարցազրույցներին՝ թե, որպես թեկնածու, թե որպես հարցազրուցավար: Ադլերն ասում է, որ սովորաբար հարցազրուցավարների 90%-ը կարծում է, որ ինքը լավ հարցազրուցավար է, մինչդեռ նրանցից քչերն են իրավացի:

Նրա կարծիքով լավագույն հարցազրուցավարները նրանք են, ովքեր անցկացնում են կատարողականի վրա հիմնված հարցազրույցներ (performance-based interview), քանի որ դա թեկնածուին բացահայտելու լավագույն մեթոդներից է:

Ահա մի քանի խորհուրդ կատարողականի վրա հիմնված լավ հարցազրույց անցկացնելու համար՝

 Ուսումնասիրեք թեկնածուի աշխատանքային պատմությունը

ոօռկ

Կարևոր է գոնե 30 րոպե տրամադրել թեկնածուի աշխատանքյին պատմությունը քննարկելուն: Արդյունքում պետք է հասկանալ, թե նա ինչ հաջողություններ է գրանցել աշխատանքում, ինչ դժվարություններ է ունեցել և ինչքանով է գնահատված եղել նախորդ աշխատավայրերում: Իհարկե, նաև պետք է ճշտել, թե ինչ նպատակով է թեկնածուն փոխել աշխատավայրերը և արդյոք հասել է այդ նպատակներին, թե ոչ: Այս ամենին տրամադրվում է մոտ 10-15 րոպե ժամանակ։

Հարցրեք, թե որն է եղել նրա գլխավոր ձեռքբերումը կարիերայում

career_arivle

Սա շատ լավ հարց է՝ գնահատելու թեկնածուի կոմպետենտությունն ու մոտիվացիան: Իսկ թեկնածուները կարող են ուրախանալ՝ լսելով այս հարցը, քանի որ այն հիանալի հնարավորություն է իրենց մի լավ գովելու, իսկ փորձառու հարցազրուցավարը կհասկանա թե թեկնածուն որքանով է ճշմարտությունն ասում և կբացահայտի կարևոր հմտություններ՝ ռեալ փորձի օրինակներով։

 Հարցրեք, թե որն է եղել թիմային ամենամեծ հաջողությունը

team

Սա հիանալի հարց է՝ բացահայտելու թեկնածուի թիմային հմտությունները: Թեկնածուն կամ մեծ ոգևորությամբ կպատմի այն թիմերի մասին, որտեղ հաջողություններ է ունեցել, կամ կդժվարանա պատասխանել այդ հարցին: Այս հարցի պատասխանը կարող է նաև հաստատել նախորդ պատասխանների ճշմարտացիությունը:

Հարցրեք խնդիրներ լուծելու կարողության մասին

problem

Տվեք կոնկրետ խնդիր ներկայացնող իրավիճակային հարց՝ ըստ իրական աշխատանքային խնդիրների, և ավելի լավ պատկերացում կկազմեք թեկնածուի խնդիրներ լուծելու կարողության մասին: Ճիշտ հարցեր տալով կկարողանաք հասկանալ՝ արդյոք թեկնածուն կկարողանա կատարել պահանջված աշխատանքը, թե ոչ:

Ադլերի համար նշվածներից ամենակարևոր հարցը թիմային հաջողությունների մասին հարցն է, քանի որ այն միանգամից շատ հարցերի պատասխաններ է տալիս:

Ինչու՞ է թիմային հաջողությունների մասին հարցն այսքան կարևոր

Քանի որ, ըստ Ադլերի, ավելի կարևոր է, թե ինչ թիմերում է թեկնածուն աշխատել, քան ինչ ընկերություններում:

Մի փոքր պատկերավոր դարձնենք այս փաստը՝ բերելով կոնկրետ օրինակ:

Պատկերացրեք, հարցազրույցի ժամանակ Ձեզ հարցնում են պատմել ամբողջ կարիերայում ունեցած ամենամեծ թիմային հաջողության մասին: Սա կարող է լինել ինչ-որ թիմի կամ նախագծի ղեկավարում կամ էլ պարզապես ինչ-որ կարևոր թիմում ներառված լինել:

Ձեզանից արագ պատասխան ստանալուց հետո հարցազրուցավարը կտա հետևյալ պարզաբանող հարցերը՝

light-bulbՈ՞վ էր ներառված թիմում: Նկարագրեք յուրաքանչյուրին:

light-bulbԻ՞նչ ժամանակահատվածում էր պետք կատարել աշխատանքը և ո՞րն էր կոնկրետ Ձեր կտորը: Փոխվե՞լ է արդյոք ընթացում որևէ բան:

light-bulbԻնչպե՞ս և ինչու՞ Դուք ընտրվեցիք որպես այդ թիմի անդամ:

light-bulbՈրո՞նք էին հիմնական նպատակները: Արդյո՞ք ստացվեց հասնել դրանց:

light-bulbՈ՞րն էր թիմում Ձեր գլխավոր ներդրումը:

light-bulbՈւնեի՞ք անմիջական ղեկավար: Ինչ-որ մեկին ղեկավարու՞մ էիք:

light-bulbԻ՞նչն էր ամենից շատը Ձեզ դուր գալիս թիմում: Ի՞նչը դուր չէր գալիս:

light-bulbԵթե հնարավորություն ունենայիք, ի՞նչը կփոխեիք թիմի կառուցվածքում:

light-bulbՈվքե՞ր էին թիմի ղեկավարները, և ո՞րն էր Ձեր և նրանց միջև կապը:

light-bulbՈ՞րն էր թիմում ամենամեծ կոնֆլիկտը կամ խնդիրը: Ինչպե՞ս լուծեցիք այն:

Նմանօրինակ հարցերը բավականին կօգնեն ձեզ բացահատել թեկնածուի թիմային հմտությունները:

h

Հիմա պատկերացրեք հարցնում է ևս 2 տարբեր կարևոր թիմերի մասին՝ տարբեր ժամանակահատվածներում: Սրա նպատակն է բացահայտել՝ արդյո՞ք թեկնածուի թիմային հմտությունները զարգացել են ժամանակի հետ, թե ոչ: Զարգացումը, աճը և թիմերի կարևորությունը վկայում է, որ թեկնածուի ղեկավարները հարգում և վստահում են իրեն:

Փորձեք ձեր հաջորդ հարցազրույցի ժամանակ տալ այս հարցերը, անկախ նրանից՝ հավանում եք թեկնածուին, թե ոչ: Գուցե զարմանաք պատասխաններն ու վերջիններիս արժեքը տեսնելուց հետո:

Նյութի աղբյուր՝  The Most Important Interview Question You Should Ask
https://goo.gl/7G3xJh

Տվյալ նյութերի շարքն իրականացվում է Անի Մերուժանի Մարգարյանի հետ՝ ծառայելով Հայաստանում ՄՌԿ ոլորտի ամրացմանը։ Այս նպատակին ուղղված` որոշել ենք նախևառաջ հնարավորինս շատ նյութեր հասանելի դարձնել հայերեն տարբերակով։

business«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։

ԻՄԱՆԱԼ ԱՎԵԼԻՆՄԱՍՆԱԿՑԵԼ

Հասմիկ Մարգարյան
HR մասնագետ, SoloLearn

Powered by staff.am.