Սկիզբ / Մոտիվացիոն / Ինչ խորհուրդ կտայի ինքս ինձ, եթե նորից լինեի 22 տարեկան

Ինչ խորհուրդ կտայի ինքս ինձ, եթե նորից լինեի 22 տարեկան

22 տարեկանում Դուք ընդամենը ավարտում էիք համալսարանը, նոր-նոր մտնում էիք «իրական կյանք» և սկսում էիք Ձեր առաջին քայլերը կատարել կարիերայում։

Նայելով անցյալին՝ միգուցե Դուք կցանկանայիք փոխել այն, կամ կկայացնեիք որոշումներ, որոնց մասին անգամ չէիք էլ կարող մտածել այդ տարիքում։ Կամ պարզապես իմանալ որոշ բաներ, որոնց մասին գիտեք հիմա և կցանկանայիք իմանալ այդ ժամանակ:Հենց այս թեմայի շուրջ StaffBlog-ը ներկայացնում է մի շարք հաջողակ մարդկանց, ովքեր կիսվել են իրենց ապրված փորձով և 22 տարեկանների համար իրենց խորհուրդներով։

Անժելա Ահրենդթս․ Համեստության արժևորում

Burberry Group Plc CEO Angela Ahrendts At The London Stock Exchange

Եթե Apple-ի մանրածախ առևտրի գծով ավագ փոխնախագահը լիներ 22 տարեկան, նա հաճախ կհայտներ իր երախտագիտությունն իր ընտանիքին և ընկերներին։ Ահրենդթսը նշում է․ «Ոչ թե աշխարհը պետք է ինձ ծառայի, այլ ես՝ աշխարհին»։

Սյուզի Օրման․ Լավ է ժամանակ տրամադրել և մտածել, թե ինչ եք ուզում

suze-orman

Ֆինանսական որորտի գուրու Սյուզի Օրմանը  22 տարեկան հասակում իր ընկերների հետ միասին լքում է Իլլինոիսը և ուղևորվում Բերքլի, Կալիֆորնիա, որտեղ նա անց է կացնում իր հանգստյան օրերը` մաքրման աշխատանքներ կատարելով։

«Այս ամենը տևեց 7 երկար ու ձիգ տարիներ, որը շարունակվեց մինչև 30 տարեկանս բոլորելը, երբ ընդունվեցի իմ առաջին աշխատանքին՝ որպես ֆոնդի պահառուի աշխատակից, ինչն էլ հանդիսացավ իմ ապագա հաջողությունների հիմքը»։

Իհարկե, նա չի առաջարկում, որ բոլոր 22 տարեկանները վատնեն իրենց կյանքի 8 տարիները հասկանալու, թե ինչ ճանապարհ են ուզում անցնեն, սակայն խորհուրդ է տալիս, որ մարդիկ ժամանակ տրամադրեն և հասկանան իրենց դերն այս կյանքում։

«Խոսքն ամենևին ծուլության մասին չէ։ 20 տարեկանում շատ եմ աշխատել ու երբեք հարցականի տակ չեմ դնի այդ տարիներին ձեռք բերած իմ փորձը։ Սակայն եթե կա 22 տարեկան, ով հիմա կարդում է այս, ապա պարզապես կասեմ․

Նայի՛ր ինձ։ Ամեն ինչ ավելի լավ կլինի, քան դու կարծում ես։ Այդպես չէ՞։

Ջիմ Քիմ․ Ճանաչեք մարդկանց ամեն խավից և փորձեք հասկանալ նրանց կյանքը

Jim Yong Kim

Երբ Համաշխարհային բանկի տնօրեն Ջիմ Քիմը դարձավ 22 տարեկան, իրեն բավականին դժբախտ էր զգում։ Նա ընդամենը մի քանի ամիս էր ինչ սովորում էր Հարվարդի բժշկական համալսարանում՝ անքուն գիշերներն անցկացնելով մարդաբանություն ուսումնասիրելով։ Բայց արդեն հասցրել էր հիասթափվել և իրեն ձախողակ համարել։

Իր կյանքի 20-ականներին Քիմը մեկնել է Հայիթի, Պերու և Սիբիր աղքատ կամ չապահովված համայնքներում աշխատելու համար։ Ըստ Քիմի, չնայած տեղացիները կրթված և ունևոր չէին, սակայն շատ իմաստուն էին, և տգիտություն կլիներ նրանց չլսելը։

Լսեք աղքատներին, քանի որ նրանց ձգտումները նույնքան բարձր են, որքան մնացածինը, և բոլորիս պարտքն է ստեղծել արդար և ինտեգրող աշխարհ։

Ռոբերտ Հերջավեկ. Ձգտեք ավելիին

robert

«Եթե ես լինեի 22 տարեկան և ինքս ինձ խորհուրդ տայի, ապա դա կլիներ շատ պարզ»:

«Ձգտի՛ր ավելիին»,– ասում է «Shark Tank» ընկերության հիմնադիրը։

«22 տարեկանում ես չունեի բավականաչափ ձգտումներ և չէի հասկանում ինչպես կարող եմ օգտագործել իմ հմտությունները։ Ես չգիտեի ինչպես օգտագործել մարդկանց հետ հաղորդակցվելու հմտություններս իմ կարիերայում, որը լինելու էր իմ տարերքը։ Եթե ես իմանայի, որ կարող էի անել այս ամենը, ապա վաղուց արած կլինեի»։

Որպես ներդրող՝ նա խոշոր ներդրումներ է կատարում այն մարդկանց մեջ, ում ձգտումները մեծ են, և ովքեր չեն վախենում սխալներ գործելուց ու առաջ են շարժվում ինչ էլ որ պատահի։

Կլարա Շի․ Ամենապահանջված գործերը միգուցե Ձեզ համար չեն

Clara

«Hearsay Social»-ի մենեջերն ու հիմնադիրը չի դժգոհում իր կարիերայի առաջընթացից, սակայն կցանկանար 22 տարեկանում լսել երկու պարզ խորհուրդ՝

      1. Մի ընտրիր աշխատանքը միայն նրա համար, որ այն պահանջված է։

     2. Մի ընտրիր աշխատանքը՝ հիմնվելով աշխատավարձի վրա (բացառությամբ խիստ անհրաժեշտ դեպքերի)։

«Նամանավանդ, եթե դուք Ձեր կարիերայի առաջին քայլերն եք կատարում, ամենավատ բանը, որ կարող եք զոհաբերել, սովորելու և աճելու  հնարավորությունն է, որն ընդամենը փողի համար է։ Դուք պարտավոր եք Ձեր ապագա եսի համար որոշումներ ընդունել այսօր»։

Արիաննա Հաֆֆինգթոն․ Կյանքում կարևոր բաների համար միշտ ունես բավարար ժամանակ

«Եթե ես կարողանայի հետ տալ ժամանակը և կրկին լինեի 22 տարեկան, ապա կառաջնորդվեի Բրայեն Անդրեասի ցիտումով».

Ամեն ինչ փոխվեց այն ժամանակ, երբ նա հասկացավ, որ բավարար ժամանակ կա իր կյանքի կարևոր բաների համար։

Հաֆֆինգթոնը «Thrive Global»-ի մենեջեր և հիմնադիրն է։ Եթե 22 տարեկանում  լսած լինեի այս տողերը, ապա կփրկվեի այդքան տարիների նյարդային ապրումներից։

Շտապելը հանգեցնում է շատ լուրջ հետևանքների՝ սթրեսի ավելացումից մինչև բավարարվածության նվազում։

Հավատացեք, որ ունեք բավարար ժամանակ և ամեն գործ էլ կհասցնեք, նույնիսկ ավելի շատ։

Հաֆֆինգթոնը ավելացնում է․ «քանի դեռ հաջողությունը սահմանվում է երկար ժամեր աշխատելով՝ բացառելով արձակուրդը և քիչ քնելով՝ պատասխանելով բոլոր կեսգիշերային նամակներին, ապա մենք երբեք էլ ժամանակ չենք ունենա վայելելու մեր հասած նվաճումները»։

Ռիչարդ Բրանսոն․ Բոլորն արժանի են երկրորդ շանսի հնարավորության

«The Virgin Group»-ի հիմնադիրը 22 տարեկանում ինքն իրեն խորհուրդ կտար չթողնել անցյալին բնութագրել իրեն։

«Ես այն մարդը չեմ ինչ 42 տարի առաջ։ Ես նույնիսկ այն մարդը չեմ ինչ 2 տարի առաջ։ Մենք բոլորս փոխվում ենք, սովորում ենք, մեծանում։ Անդադար մեղադրել մեկին ինչ-որ սխալի համար, որ նա երբևէ գործել է, անմիտ և ոչ տրամաբանական քայլ է»։

Եղեք այն մարդը, ով պատում է ինքն իրեն և իր շրջապատը փոխվելու հնարավորությամբ։

Հաջորդ անգամ մի վարանեք և տվեք ինչ-որ մեկին երկրորդ շանսի հնարավորություն։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

5 (1)

«ՀԶՈՐ ԲՐԵՆԴ, ՀԶՈՐ ԹԻՄ»․ Գործատուի բրենդավորման staff.am գործիքները

Լավագույն և համապատասխան մասնագետ գտնելն այսօր Գործատու ընկերությունների համար դարձել է կարևորագույն խնդիրներից մեկը։ Իսկ …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.