#WorkFromHome. Webb Fontaine-ի լավագույն փորձը

2117

Որակյալ կառավարման և աշխատանքային միջավայրի անվտանգության միջև կոռելյացիոն կապի մասին բոլորս գիտենք։ Դա գրված է օրենքով և հաստատված է ISO ստանդարտներով։  Իսկ, թե որքան է դրական այդ կապը, ինչ օգուտ կարող է բերել ոչ միայն մեր երկրին, այլ նաև մյուս երկրներին, կախված է այդ կառավարումն իրականացնող մարդկանց համախմբվածությունից, նվիրվածությունից ու էլի շատուշատ գործոններից, որոնցում մենք համոզվեցինք Webb Fontaine կատարած մեր վիրտուալ այցի ընթացքում։

Անչափ ողջունելի էր նաև Webb Fontaine-ի աջակցությունը ՀՀ Առողջապահության նախարարությանը՝ վարակի դեմ պայքարելու համար նվիրաբերելով 2,350,000 դրամ՝ ելնելով կորպորատիվ սոցիալական պատասխանատվությունից։

Հրաշք փորձ ու կարդալիք այս օրերի համար, շնորհակալ ենք, Webb Fontaine թիմ 🙂

taller

Work From Home` Webb Fontaine-ի արձագագանքը Covid19-ին

Webb Fontaine-ում համար մեկ առաջնահերթությունն աշխատակիցն է, սա և՛ գրված, և՛ չգրված օրենք է։ Փետրվարին 27-ին, երբ Հայաստանում դեռ ընդհանրապես գրանցված դեպք չկար, հետևելով համաշխարհային տենդենցին, մեր կազմակերպության ղեկավարությունը որոշեց փետրվարի 28-ին փորձարկել  հեռահար աշխատանքային ռեժիմ ամբողջ աշխատակազմի համար՝ հետագա ռիսկերը կանխարգելելու միտումով: Թեպետ մինչ այդ էլ հեռահար աշխատանքը մեզ համար նորություն չէր:

Դեպքերի զարգացման հետևանքով այն, ինչ զուտ տեսական կանոնակարգ էր թվում շատերին, դարձավ կարևորագույն պահանջ, հատկապես մեր ընկերության համար, որն ամբողջությամբ  հետևում է ISO 9001 և 27000-ի կանոնակարգերին : Այսպես, արդեն մարտի 13-ից ամբողջ անձնակազմով անցանք հեռահար աշխատանքի:

Իսկ բացի հեռահար աշխատանքի կազմակերպումից, ինչպե՞ս է Webb Fontaine ընկերությունը հոգ տանում իր աշխատակիցների առողջության և անվտանգության մասին։

Առողջապահական ապահովագրության մեծ փաթեթից բացի գրասենյակում միշտ ունեցել ենք առաջին օգնության համար նախատեսված բոլոր պարագաները, իսկ ախտահանման միջոցներն ու դիմակներն էլ անպակաս էին այս օրերին: Սակայն մեր հոգատարությունը չի սահմանափակվում գրասենյակով․ աշխատակիցներին առաջարկել ենք ու տրամադրել ընկերության գույքը՝ իրենց «ժամանակավոր գրասենյակում» օգտագործելու նպատակով։ Մեր աշխատակիցները գրասենյակից կազմակերպված վերցրել են իրենց համակարգիչները, մոնիտորներն ու աշխատելու համար ճիշտ էրգոնոմիա ունեցող աթոռները, որ խուսափեն մեջքի և տեսողության խնդիրներից։  Նույնիսկ այս գործընթացը կարգավորել ենք ժամային բաշխմամբ՝ մարդկանց կուտակումներից խուսափելու և սոցիալական հեռավորությունը պահպանելու նորմերին համապատասխան։

Այստեղ շատ կարևոր էր այն փաստը, որ մենք շատ արագ կարողացանք քայլեր ձեռնարկել արտասահմանում գտնվող մեր աշխատակիցներին տուն վերադարձնելու համար՝ բոլոր հնարավոր ու անհնար ճանապարհներով:

Հետևել Webb Fontaine-ին staff.am-ում

Իսկ ո՞րն եք համարում այն շարժիչ ուժը, որն այս 26 հեռահար աշխատանքային օրվա ընթացքում ապահովել է և շարունակում է ապահովել ձեր այդքան պատասխանատու աշխատանքի արդյունավետությունը։

Ամենակարևոր գործոնը մեր աշխատակիցների ինքնակազմակերպվածությունն է ու նվիրումը սեփական գործին․ սա նշանակում է, որ նրանք ջանք չեն խնայում իրենց առջև դրված խնդիրներին լուծումներ տալ նույն ոգով, ինչպես կվարվեին գրասենյակում։ Ավելին, մենք վստահ կարող ենք փաստել, որ նմանատիպ պայմաններում ամենակարևորը ոչ թե տեխնիկական պատրաստվածությունն է, այլ՝ թիմային ոգու, թիմային, բայց հեռահար աշխատանք կատարելու սովոր լինելը։ Պետք է հպարտորեն փաստենք, որ սա, բարեբախտաբար, մեզ մոտ ակնհայտ առավելություն է։

Մեզ միավորողը մեր ֆիզիկական գրասենյակը չէ, այլ կորպորատիվ պատասխանատվության բարձր զգացումն ու ջերմ ընկերական հարաբերությունները։

Իդեալական միտք ծագեց, կարծում ենք շատ լավ առիթ է ծանոթանալու՝ ինչպես են Webb Fontaine-ում ստեղծվում ջերմ ընկերական հարաբերությունները 🙂

Մենք ամեն ուրբաթ ժամը 5-ին շարունակում ենք ունենալ happy hour, անգամ մրցանակներով, կազմակերպում ենք քուիզներ, թիմային խաղեր, օրինակ՝ անցած happy hour-ին թիմային  «ի՞նչ, որտե՞ղ, ե՞րբ» էինք խաղում, կազմակերպել էինք «գուշակիր գործընկերոջդ» խաղը և այլն: Ունենք առանձին խմբեր էլ, որտեղ միասին ֆիլմ ենք դիտում:

https://www.youtube.com/watch?v=ubdGdAmuXfU

Բացի դրանից, ընկերությունը շարունակում է ընդլայնվել, նոր պայմաններում մեր թիմին են միանում նոր աշխատակիցներ։ Նրանց onboarding-ներն արվում են նույն կերպ, ինչ ճգնաժամից առաջ էր, սակայն՝ առցանց։ Մենք օնլայն onboarding session-երի միջոցով փոխանցում ենք նրանց մեր կորպորատիվ մշակույթը, որից հետո տարբեր (online) միջոցառումներին մասնակցելով՝ արդեն սոցիալականացվում են մեր կորպորատիվ միջավայրում։

Այսինքն, ձեր կոնֆերենս միթինգները շատ հաճախ են սկսվում IT ոլորտի  գուրուներին ուղղված ողջույնի ու ծանոթության խոսքերով 🙂 Այս պահին էլ 12 ակտիվ հայտարարություններ կան ու շատ ամբիցիոզ պաշտոնների համար։

Դիտել բոլոր աշխատանքները

Ակնհայտ է, որ որպես տարբեր երկրների կառավարություններին Enterprise Software լուծում տրամադրող ու միջազգային ընկերություն՝ ձեզ համար նորություն չէին հեռահար աշխատանքի ժամանակ կիրառվող tech գործիքները։ Սակայն հետաքրքիր է ծանոթանալ ձեր լավագույն փորձին նաև այս հարցում։

Մենք փորձել ենք ապահովել մեր կողմից կիրառվող բոլոր tech գործիքների ու միջավայրերի հասանելիությունը՝  Zoom, Mattermost, Skype, Jira, Confluence: Անգամ չի փոխվել մեր միթինգների ձևաչափը (շարունակվում են և՛ grooming-ները, և՛ թիմային ռետրոսպեկտիվները, և՛ դեմոները): Ինչպես նշեցինք, հեռահար կարգով  անգամ անցկացնում ենք մեր happy hour-ներն ու այն բոլոր ժամանցային խաղերը, որոնք մենք սովորաբար խաղում ենք, երբ ֆիզիկապես գրասենյակում ենք:

Նման իրավիճակներում մարտահրավերներն անխուսափելի են,  կկիսվե՞ք մեզ հետ այս օրերին հանդիպած խնդիրներով։

Տեխնիկապես ամբողջությամբ պատրաստ ենք եղել տնից աշխատելուն, խնդիրն իրականում հոգեբանական տիրույթում էր․ աշխատանքի ժամանակ մենք շատ ժամանակ ենք անցկացնում միասին, խաղում, սրճում: Դրա պակասն, իհարկե, փորձում ենք հեռահար կոմպենսացնել, սակայն անմիջական շփման կարոտն ու պահանջմունքը չի լքում մեզ: Գիտե՞ք, այս ջերմ աշխատանքային ու անմիջական շփման հնարավորությունն ուղղակիորեն կապված էր նաև ողջ օրվա տրամադրության ու ինքնազգացողության հետ։ Այս փոխկապակցվածությունն է, որ բոլորիս դարձնում է անհամբեր՝ կրկին համախմբվելու մեր գրասենյակում։

Առհասարակ, մարտահրավերի մասին լսած կլինեք տարբեր մոտեցումներ։ Օրինակ. «մարտահրավերը հնարավորություն է, և այն ոսկի կդարձնես, թե մեկ այլ զանգված, ամբողջովին կախված է քեզնից։ Այս հարցում դու քո սեփական ալքիմիկոսն ես»։ Իսկ ինչպիսի՞ն է Webb Fontainе-ի մոտեցումը։

Երևի, արգելքներից միշտ կարելի է քաղել մի պարզ ճշմարտություն կամ առավելություն․ սկսում ես հասկանալ ու գիտակցել պարզ թվացող մի շարք երևույթներ, օրինակ, թե որքան կապված ենք մեր թիմակիցների, ընկերների հետ և որքան մեծ է նրանց դերը ոչ միայն աշխատանքային տիրույթում, այլև՝ հենց կյանքում։ Երբ ամեն օր տեսնում ես գործընկերներիդ, աշխատում միասին, համատեղ լուծում աշխատանքի հետ կապված խնդիրները, չես էլ պատկերացնում, թե ինչ արժեքավոր հարաբերություններ են դրանք, դիտում ես՝ իսկզբանե տրված։ Սակայն հեռահար աշխատանքի դեպքում դա ակնհայտ երևում է, նույնիսկ այն պարագայում, երբ մենք ամեն ինչ անում ենք, որ միմյանց հետ լինենք վիրտուալ հարթակում։

Իսկ թե որպես «ալքիմիկոս» ինչ ենք փորձում դարձնել այս մարտահրավերից, ապա ինչպես ամբողջ աշխարհը, այդպես էլ մենք, փորձում ենք հաղթանակած դուրս գալ ստեղծված իրավիճակից։ Այսինքն` մենք ոչ միայն պետք է հոգ տանենք գործընկերների, թիմակիցների մասին, այլև այն գործընկեր պետությունների մասին, ում հետ մենք տարիներ ի վեր կառուցել ենք փոխվստահելի համագործակցություն։ Անկախ իրավիճակից, մեր պրոդուկտները պետք է զարգանան և նոր իրավիճակում սատար կանգնեն կառավարություններին։ Մեր ընկերությունում յուրաքանչյուրն է գիտակցում, որ մենք միասին մեր լուման ենք ներդնում այս կամ այն գործընկեր երկրի տնտեսության զարգացման գործում։ Փորձնական միջավայրում ամեն ինչ շատ ավելի դյուրին էր թվում․ կապ չունի՝ քանի փորձ էինք արել մինչ այս իրավիճակը։ Իրական աշխարհում և իրական պայմաններում այս փորձությունը հաղթահարելը շատ ավելի ուժեղ է դարձնում մեզ։

Եվ վերջում, մեր ամենաուրախ ու սպասված հարցը 🙂 որն է լինելու ձեր առաջին քայլը պանդեմիայից հետո օֆիս վերադառնալուն պես։ 

Միանշանակ նշելու ենք մեր առաջին աշխատանքային օրը, արդեն ունենք ոգևորիչ պլաններ՝ թե ինչպես, դա թող մնա գաղտնիք:

#WorkFromHome VS #OfficeWork

Webb Fontaine-ում թիմին, թիմային աշխատանքին, աշխատանքային միջավայրին ու միմյանց միջև փոխհարաբերություններին այլ արժեքներ են տրված, որոնք կարելի է պահպանել ու նույնիսկ վերարժևորել ինչպես վիրտուալ, այնպես էլ ոչ վիրտուալ շփման տիրույթում։ Եվ թերևս այս արժեքներն են, որ օր օրի Webb Fontaine-ի թիմը դարձնում են ավելի ու ավելի ուժեղ ու հաղթող բոլոր իրավիճակներում ու անգամ թիմային քուիզներում 🙂

Powered by staff.am.