StaffBlog-ի այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել Workfront Armenia ինթերնշիփային ծրագիրը։IMG_2513workfront_logo_blog

maps-and-flagsԵրևան, ՀՀ

grid-world www.workfront.com  

staff.am_circle   facebook (1)   linkedin (1)

ԸՆԿԵՐՈՒԹՅԱՆ ՄԱՍԻՆ

Ուորքֆրոնթ Արմենիան հիմնադրվել է ՀՀ-ում 2008 թվականին: Այդ ժամանակից ի վեր Ուորքֆրոնթ Արմենիա ՍՊԸ-ն դարձել է Workfront-ի խոշորագույն մասնաճյուղերից մեկը՝ ԱՄՆ-ի սահմաններից դուրս և ապահովում է համակարգի ծրագրային մշակումն ու ինժեներական լուծումները:

Workfront-ը արդի աշխատանքի կազմակերպման հարթակ է, որը լուծում է աշխատանքի կառավարման մարտահրավերները` կարգավորելով աշխատանքի ամբողջական ցիկլը, մեկ գործիքում համատեղելով նախնական պահանջը, առաջնահերթությունների սահմանումը և պլանավորումը, դրանց իրականացումն ու արդյունքների չափումը:

Workfront-ի՝ Աշխատանքի կառավարման համակարգի շնորհիվ թիմերը կարողանում են համագործակցել աշխատանքի համատեքստում և ձեռք բերել տարվող աշխատանքի ամբողջական տեսանելիություն։ Իսկ այս կարևորագույն աշխատանքում իրենց ուրույն ներդրումն ունեն ինչպես ընկերության պրոֆեսիոնալ մասնագետները, այնպես էլ ինթերնշիփի ծրագրի մասնակիցները, որոնք ծրագիրը հաջողությամբ ավարտելուց հետո նույնպես համալրում են ընկերության մասնագետների շարքը։

ԻՆԹԵՐՆՇԻՓԱՅԻՆ ԾՐԱԳՐԻ ՄԱՍԻՆ

Workfront Armenia-ում ինթերնշիփային ծրագրին համակարգված և խորը մոտեցում է ցուցաբերվում՝ նպատակ ունենալով ինչպես պատրաստել նոր կադրեր սեփական ընկերության համար, այնպես էլ կրթել նոր սերնդին՝ ապահովելով մասնագիտական զարգացում։  Այսպիսով` առաջնահերթություն համարելով մասնագիտական պատրաստվածությունն ապագա աշխատանքին՝ մեծ ուշադրություն է հատկապես դարձվում դասընթացներ անցկացնող մասնագետների որակավորմանը։

Քանի որ ինթերնշիփային ծրագիրը բաղկացած է երկու մասից՝ տեսական և պրակտիկ, տեսական գիտելիքների ապահովման մասով ընկերությունը համագործակցում է Armenian Code Academy-ի (ACA) հետ, որից հետո ինթերնները կատարում են պրակտիկ աշխատանք Workfront-ում` այսպիսով դառնալով պատրաստի մասնագետներ։

Ի դեպ, նշենք, որ Workfront Armenia-ում ինթերնը կարիերայի մեծ հեռանկարներ է ստեղծում իր համար՝ հնարավորություն ունենալով ծրագրի ավարտից հետո միանալ ինչպես ընկերության թիմին, այնպես էլ կիրառել ձեռք բերված հմտություններն այլ ընկերությունում։

Ինթերնշիփի ամբողջ ծրագիրն անվճար է մասնակիցների համար, իսկ պրակտիկ աշխատանքի ժամանակ ստանում են աշխատավարձ Workfront-ի կողմից։ Ինթերնշիփ ծրագրի մասնակիցները, բացի  լիարժեք տեսական և պրակտիկ հմտություններ ձեռք բերելուց, հնարավորություն են ունենում ծանոթանալու ընկերության կորպորատիվ մշակույթին, գործընթացներին, շփվելու և աշխատելու պրոֆեսիոնալ մասնագետների հետ։

Այս առումով շատ հետաքրքրիր են ինթերնշիփային ծրագրի մասնակիցների հաջողության պատմությունները՝

IMG_2508

<<Workfront-ի ինթերնշիփը սկսվեց առանց խոստումների ու պարտավորությունների, իսկ ավարտվեց աշխատանքի առաջարկով, որն ընդունեցի մեծ ուրախությամբ։Ընկերությունը ստեղծեց մի պրոֆեսիոնալ հարթակ, որտեղ մեզ  քայլ առ քայլ ուղղորդում էին բնագավառի լավագույն մասնագետների շարքերում կանգնած դասավանդողներ։ Մենք հայտնվել  էինք գիտելիքի ու ինֆորմացիայի մի հորձանուտում, որտեղ պետք էր դիմանալ հոսքին։ Ոչ ոք չէր խոստացել, որ հեշտ է լինելու… ինթերնշիփը պահանջում էր ժամանակ, համբերություն ու համառություն։ Իմ խորին շնորհակալությունն եմ հայտնում բոլոր այն մարդկանց, ովքեր ջանք չեն խնայել  ու ստեղծել են այս հրաշալի  հնարավորությունը>>,- Նազելի, Sofware Engineer։

<<Աշխատելով ՏՏ ոլորտի հատ կապ չունեցող մասնագիտությամբ, սակայն ունենալով ՏՏ ոլորտում աշխատելու մեծ ցանկություն՝ Workfront-ի կազմակերպած ինթերնշիփ ծրագիրը համարում եմ իմ մասնագիտական կյանքի ամենակարևոր ձեռքբերումը, քանի որ մի քանի ամիսների ընթացքում ես ձեռք բերեցի մասնագիտական  գիտելիքներ և հնարավորություն աշխատելու պրոֆեսիոնալ մասնագետների հետ։ Որպես վերջնական ձեռքբերում ես ստացա ՏՏ ոլորտի առաջատար կազմակերպություններից մեկում աշխատելու հնարավորություն։ Կարծում եմ ՝ ծնվել եմ բախտավոր աստղի տակ>>,- Արեգա, Sofware Engineer։

<<Մասնակցելով WorkFront -ի կողմից կազմակերպած Internship-ին ՝ 5-6 ամսվա ընթացքում ստացա այնքան գիտելիքներ, որ բավարար էր ինձ համարել մրցունակ սկսնակ ծրագրավորողների մեջ:Բացի խորը տեխնիկական դասընթացներից, WorkFront-ը կազմակերպում է հանդիպումներ, որոնք հնարավորություն են տալիս ավելի լավ ծանոթանալ office-ային միջավայրին>>,- Մարտին, Sofware Engineer։

<<Ծրագրավորման ոլորտում երեք տարվա փորձ ունենալով և լեզվական ու տեխնոլոգիական կողմնորոշումս կտրուկ փոխելու որոշում կայացնելով՝ դիմեցի Workfront-ի նախաձեռնած ծրագրին՝ ընտրածս ենթաբնագավառում խորը մասնագիտական գիտելիքներ ստանալու ակնկալիքով։ Դասընթացն ու ինթերնշիփը ոչ միայն արդարացրեցին բոլոր ակնկալիքներս, այլև ցույց տվեցին, որ կարող եմ երեք ամսում սովորել ավելի շատ բան, քան երեք տարում ՝ ճիշտ պահին ճիշտ տեղում հայնտվելով։ Աշխատանքի կազմակերպման գերարդյունավետ ու նորարարական մեթոդները, աշխատողների հանդեպ ընկերության բացառիկ վերաբերմունքն ու նրանց ընձեռած անվերջ սովորելու հնարավորությունները յուրաքանչյուրին դարձնում են նոր խնդիրներին մարտահրավեր նետող, իրենց պոտենցիալը անընդհատ մեծացնող,  աշխատանքին նվիրված անհատներ։ Աշխատանքի առաջարկ ստանալով այսպիսի ընկերության կողմից, համոզված եմ, որ ինձ սպասվում է կայուն մասնագիտական աճ, նոր ծանոթություններ երկրի առաջատար մասնագետների հետ և հրաշալի միջավայր օրվա մեկ երրորդն անցկացնելու համար>>,- Հասմիկ,  Sofware Engineer։

<<Այս տարվա սկզբին տեղեկանալով Workfront-ի ուսումնական ծրագրի մասին՝ որոշեցի մասնակցել այդ ծրագրին՝ ցանկանալով կատարելագործել մասնագիտական գիտելիքներս։Այժմ ամիսներ անց ես մեծ ուրախությամբ եմ հիշում ուսումնական դասընթացը։ Workfront-ի շնորհիվ ես ոչ միայն ձեռք բերեցի նոր գիտելիքներ, այլև գտա նոր ընկերներ ու ծանոթացա բանիմաց ու պատրաստակամ մարդկանց հետ, ովքեր մեծ ուրախությամբ պատրաստ են ուղղորդել իրենց կրտսեր թիմակիցներին, կիսվել իրենց գիտելիքներով ու փորձով։ Workfront-ի ուսումնական ծրագրից հետո սկսեցի Internship Workfront-ում, որը անցավ ջերմ ու ընկերական մթնոլորտում, և որից ես անգնահատելի դասեր քաղեցի ամբողջ կյանքի համար։ Ես ուրախ եմ, որ ամիսներ առաջ որոշեցի հաճախել Workfront-ի դասընթացներին, քանի որ այնտեղ ես ստացա ավելին, քան գիտելիք։ Այդ դասընթացներն ապացուցեցին, որ սովորելը կարող է լինել ոչ միայն դժվար, այլ ուրախ, հաճելի ու անմոռանալի>>,- Արգիշտի, Sofware Engineer։

ԻՆԹԵՐՆՇԻՓԱՅԻՆ ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՀՆԱՐԱՎՈՐՈՒԹՅՈՒՆՆԵՐԸ

checked Անվճար ինթերնշիփային ծրագիր,

checked Վարձատրվող պրակտիկ աշխատանք,

checked Տեսական խորը գիտելիքների ձեռքբերման հնարավորություն,

checked Որակավորված մասնագետների կողմից տեսական դասընթացներ,

checked Փորձի փոխանակման և աշխատանքի հնարավորություն պրոֆեսիոնալ մասնագետների հետ,

checked Ընկերության կողմից տրամադրվող այլ կորպորատիվ արտոնություններ։

ԻՆԹԵՐՆՇԻՓԱՅԻՆ ԾՐԱԳՐԵՐՆ ԱՆՑԿԱՑՎՈՒՄ ԵՆ ՀԵՏԵՎՅԱԼ ՄԱՍՆԱԳԻՏԱՑՈՒՄՆԵՐՈՎ

checked Back-End (JAVA),

checked Front-End (JavaScript),

checked QA:

ԻՆԹԵՐՆՇԻՓԱՅԻՆ ԾՐԱԳՐԻ ՏԵՎՈՂՈՒԹՅՈՒՆԸ

1 – 3 ամիս4 – 6 ամիսՄինչև 6 ամիս

ԻՆԹԵՐՆՆԵՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է

checked Մրցույթի միջոցով, որին կարող են դիմել պահանջներին համապատասխանող թեկնածուները։

success (2) Մշտապես բաց հավաքագրման միջոցով, պարզապես անհրաժեշտ է լրացնել ձևաթուղթը ընկերության կողմից դիտարկվելու համար։

success (2) Համալսարանների և այլ ուսումնական հաստատությունների միջոցով։

ԻՆԹԵՐՆՇԻՓԻ ԾՐԱԳՐԻ ԱՎԱՐՏԻՑ ՀԵՏՈ ՄԱՍՆԱԿԻՑՆԵՐԻ ՔԱՆԻ ՏՈԿՈՍՆ Է ԱՆՑՆՈՒՄ ՀԻՄՆԱԿԱՆ ԱՇԽԱՏԱՆՔԻgrey-till-30_original 30-70_transparent_blog70_100_gray_original

ԴԻՄՈՒՄԻ ԸՆԹԱՑԱԿԱՐԳ

attention

Այժմ նոր հայտեր չեն ընդունվում։ Հետևեք staff.am-ում Workfront Armenia ընկերության էջին առաջիկա ինթերնշիփային ծրագրերին և թափուր աշխատատեղերին ծանոթանալու համար։

Հետևել

Հավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի <<Հայաստանյան ընկերություններում ինթերնշիփային ծրագրերը>> StaffBlog  հատուկ նախագիծը։ Յուրաքանչյուր թողարկման ժամանակ անդրադառնալու ենք այն ընկերություններին, որոնք աշխատաշուկայում առանձնանում են իրենց ինթերնշիփային ծրագրի հաջողության պատմություններով։

Powered by staff.am.