Աշխատակիցներ, որոնք անակնկալ կերպով փոխվում են դեկտեմբերին

726

Օրերը կարճացել են, իսկ թեյի և տաք սուրճի հերթերն առաջին ձյան փաթիլների հետ երկարել են։ Ամեն ինչ հուշում է մի բանի մասին․ տոներն են մոտենում։ Այս իրադարձությունը չի կարող իր լավ կամ վատ ազդեցությունը չունենալ աշխատանքի և աշխատավայրի վրա։

Երբևէ մտածել ե՞ք, որ Ձեր որոշ գործընկերների պահվածքը փոխվել է՝ ասես տոների շունչը փոխել է նրանց և դաձրել դյուրագրգիռ ու նյարդային։

StaffBlog-ը կներկայացնի երեք ամենատարածված տոնական անհատականությունների տեսակներն աշխատավայրում, և մի քանի խորհուրդներով կհուշի, թե ինչպես վարվել նրանց հետ։

coworker-1
Բոլորս էլ տարվա մեջ ունենում ենք օրեր, երբ մեր աշխատունակությունն իջնում է։  Երբեմն ընդմիջման ընթացքում կատարվող գնումները երկարում են և տևում մի քանի ժամ, կամ աշխատակիցների հետ զրույցը վերածվում է սոցիալական միջոցառման։

Այդ ամենը հասկանալի է․ չէ՞ որ ընդամենը մեկ օր է։ Իսկ ի՞նչ կասեք այն մարդու մասին, ով ամբողջ ամիս պատրվակ է փնտրում  աշխատանքից շուտ հեռանալու համար, երբ Դուք ամբողջ օրը համակարգչի առաջ աշխատում եք։

Ի՞նչ անել

Շատ դժվար է նստել համակարգչի առաջ և աշխատել, երբ բոլորը հանգստանում են։ Սակայն խորհուրդ ենք տալիս ժամանակ առ ժամանակ ընդմիջել և շփվել Ձեր գործընկերների հետ, ովքեր արդեն հանգստի մեջ են։ Այն կօգնի Ձեզ ամրապնդել հարաբերությունները և ստեղծել առողջ աշխատանքային միջավայր։

Խորամանկությունը կայանում է նրանում, որ լսեք Ձեր ներքին ձայնին, ով հուշում է, որ ժամանակն է գործով զբաղվել և ավարտին հասցնել այն։ Որպեսզի կետրոնանաք աշխատանքի վրա, հիշե՛ք, որ ընդամենը մեկ կամ երկու շաբաթ է մնացել, մինչ կսկսեն արձակուրդները, և Դուք կկարողանաք անցկացնել Ձեր ժամանակն ընտանիքի և ընկերների հետ։

coworker-2

Այս աշխատակիցներն այն մարդիկ են, ում առօրյայում գերակշռում են տոնակատարությունները, քանի որ նրանք շատ են սիրում տարվա այդ ժամանակահատվածը։ Երևի նկատած կլինեք նրանց տոնական հագուստն ու միշտ ձեռքում պահած տոնական իրերը, կամ գոնե լսած կլինեք նրանց երգած տոնական երգերը։

Հարկ է նկատել, որ այդ ամենը չափից դուրս շատ է տոնի համար, ինպես նաև նյարդայնացնող։

Ի՞նչ անել

Դուք ուզում եք ասել նրան այն ամենի մասին ինչ մտածում եք, քանի որ դա Ձեզ նյարդայնացնում և հունից հանում է։ Սակայն, առաջնային մտածեք՝ արդյո՞ք նրա սովորությունները  խոչընդոտում են Ձեզ, որպեսզի կատարեք Ձեր աշխատանքը։ Եթե պատասխանը բացասական է, ապա խորհուրդ ենք տալիս զսպել Ձեր զգացմունքները և չասել նրան այդ մասին։ Եթե դա հնարավոր է, այդ ձևով կարող եք խուսափել սթրեսային իրավիճակներից։

Իսկ եթե բանը հասել է նրան, որ նա իր տոնական տրամադրությամբ և երգերով խոչընդոտ է հանդիսանում Ձեր աշխատունակության համար, ապա հանգիստ տոնով ասեք նրան այդ մասին և փորձեք լուծում առաջարկել այդ խնդրին։  Օրինակ, եթե Ձեզ դուր չեն գալիս նրա երգերը, խնդրեք նրան ականջակալներ օգտագործել։ Համոզված ենք, որ խոսելով և միմյանց օգնելով Դուք ընդհանուր հայտարարի կգաք։

coworker-3

Այն միտքը, որ տոներն այն ժամանակահատվածներն են, որոնք պետք է անցկացնել սիրելիների հետ, կարող են բացասական ազդեցություն ունենալ այն մարդկանց վրա, ովքեր միայնակ են կամ կորցրել են իրենց սիրելիներին։ Տոնական միջոցառումները և նույնիսկ դեկորացիան իրենց հերթին կարող են ծանր ազդեցություն ունենալ նրանց վրա։ Միգուցե սա է պատճառը, որ նա չի ցանկանում շարունակել տոների մասին խոսակցությունը կամ հրաժարվում է մասնակցել օֆիսային տոնակատարություններին։

Ի՞նչ անել

Եթե Ձեր գործընկերը չի կիսվում իր անձնական կյանքով, ապա ընդունեք դա որպես ակնարկ և նրան իր անձնական կյանքի մասին աշխատեք հարցեր չտալ, ինչի շնորհիվ Դուք նրան վատ վիճակի մեջ չեք դնի։ Ամենալավ բանը, որ կարող եք անել, նրան հանգիստ թողնելն է։ Վերաբերվեք նրան այնպես, ինչպես արել եք ամբողջ տարի։

Եթե Ձեր գործընկերը բաց և շփվող մարդ է և պատմել է Ձեզ իր պատմությունը, ապա փորձեք մտնել նրա դրության մեջ և հնարավորություն տվեք նրան խոսելու և կիսվելու։

download

Այո՛, տարվա այս ժամանակահատվածը փոխում է Ձեր գործընկերների պահվածքը, սակայն պահպանեք Ձեր պրոֆեսիոնալ մոտեցումը, եղեք կենսախինդ տոներին ընդառաջ և Ձեր գործընկերների հետ փորձեք լինել այնպիսին, ինչպիսին միշտ եք եղել։

Powered by staff.am.