Երջանիկ աշխատակիցներն ավելի արդյունավետ են աշխատում։ Բայց ինչպես կարելի է մոտիվացնել աշխատակիցներին, որպեսզի նրանք ավելի լավ աշխատեն և օգնեն զարգացնել Ձեր բիզնեսը։ Բարեբախտաբար, աշխատակիցներին մոտիվացնելը շատ ժամանակ և մեծ ռեսուրսներ չի պահանջում․ շատ հաճախ, ընդամենն անհրաժեշտ է լինում ուղղակի մի քանի վայրկյան հատկացնել և ողջունել նրանց։
staff.am-ն առաջարկում է աշխատակիցներին մոտիվացնելու 5 պարզ միջոցներ․
1․ Լավ հաղորդակցվել
Երբեմն հաղորդակցությունն աշխատանքի վայրում անտեսվում է։ Աշխատակիցների հետ անհրաժեշտ է հաճախ հաղորդակցվել, հատկապես պետք է նրանց հետ անմիջական զրուցել դեմ առ դեմ, այլ ոչ թե հեռախոսի կամ կապի այլ միջոցների օգնությամբ։ Ձեր աշխատակազմը պետք է իրեն գնահատված զգա, և անձամբ նրանց հետ հաղորդակցումը լավագույն տարբերակներից մեկն է ցույց տալու Ձեր գոհունակությունը իրենց կատարած աշխատանքի նկատմամբ։
2․Օրինակ ծառայել
Չի կարելի աշխատակիցներից լավ աշխատանք և պատասխանատու վերաբերմունք պահանջել, եթե Դուք Ձեր վարքով օրինակ չեք ծառայում։ Անհրաժեշտ է ցույց տալ Ձեր ոգևորվածությունը կազմակերպության նպատակների հանդեպ: Այդպիսով, աշխատակիցներն ավելի լավ կտրամադրվեն և կսկսեն ավելի արդյունավետ աշխատել։
3. Ցույց տալ, որ իրենք կարող են ավելին
Աշխատակիցներն ավելի մոտիվացված կլինեն, եթե իմանան, որ որևէ նպատակի հասնելու համար են աշխատում: Եթե նրանք կարծեն, որ բարելավվելու և ավելի մեծ հաջողությունների հասնելու հնարավորություն չունեն, ապա նրանք ուղղակի գլուխ կպահեն: Կարելի է նրանց առաջարկել թրեյնինգներ, որոնք կօգնեն ավելի կատարելագործել հմտություններն ու հաջողությունների հասնել:
Ձեր աշխատակիցների մոտ ավելիին ձգտելու ցանկությունը ոչ միայն կմոտիվացնի նրանց, այլ նաև կբարձրացնի Ձեր իսկ կազմակերպության համբավը որպես ցանկալի աշխատավայր:
4. Արտոնություններ տալ նրանց
Ձեր աշխատակիցներին ազատություն տվեք իրենց առաջադրանքները կատարելու հարցում: Նրանցից կարծիք և խորհուրդ հարցրեք, թե ինչպես կարելի է բարձրացնել աշխատանքի արդյունավետությունը: Շատ հաճախ աշխատակիցներն իրենք գիտեն, թե ինչը կարող է օգնել նրանց ավելի լավ աշխատել, բայց չեն կիսվում Ձեզ հետ: Եթե իսկապես ցանկանում եք նրանց արտոնություններ տալ և մոտիվացնել, ապա անհրաժեշտ է ընդունել նրանց խորհուրդները և օգտագործել դրանք: Կարող եք նաև նրանց արտոնություններ տալ ինքնուրույն կայացնելու որոշումները, երբեմն նույնիսկ առանց վերադասի թույլտվությունը ստանալու:
5. Ստեղծել լավ աշխատելու պատճառներ
Եթե կան լավ աշխատելու համար պատճառներ, ապա կա նաև մոտիվացիա և պարտադիր չէ, որ դրանք ծախսատար լինեն: Դուք կարող եք նրանց շաբաթվա մեկ աշխատանքային օրը հանգիստ տալ, փոքրիկ նվեր նվիրել կամ փոքր-ինչ այլ կերպ ցուցաբերել Ձեր գոհունակությունը:
Մոտիվացիան շատ կարևոր է անգամ լավագույն աշխատակիցների համար: Եթե Դուք ժամանակ առ ժամանակ քաջալերեք Ձեր աշխատակիցներին, ապա համոզված եղեք, որ շուտով կունենաք լավագույն թիմը, որի աշխատանքային արդյունավետությունը հասցված է առավելագույնի։
