Ինչպե՞ս գտնել աշխատանք․ գործելու ժամանակն է

Դուք սովորել եք բարձրագույն ուսումնական հաստատությունո՞ւմ, համարում եք, որ ունեք բավարար գիտելիքնե՞ր և մեծ պոտենցիա՞լ: Կարծես կան բոլոր նախապայմանները Ձեր երազած կարիերան սկսելու համար, բայց իրականությունն այլ է. աշխատանք գտնելու հարցում հանդիպում եք մի շարք դժվարությունների, շատ հաճախ թևաթափ եք լինում` այդպես էլ արձագանք չստանալով գործատուներից: Դուք միակը չեք, ով հայտնվել է նման իրավիճակում: Ամեն տարի հայաստանյան բուհերը 14.000-16.000 ուսանող է ավարտում` որպես որակավորված մասնագետ, սակայն նրանցից շատերը մեծ դժվարությամբ են աշխատանք գտնում:

Հիմնական խնդիրն այն է, որ ուսանողները բուհում ստանում են միայն տեսական գիտելիքներ, իսկ գործատուների պահանջներն այլ են` պրակտիկ գիտելիքներ և հմտություններ: Թվում է` այդ ունակությունները կարելի է ձեռք բերել միայն աշխատանքային փորձի ընթացքում: Սակայն, հավերժական թվացող հակասություն` ինչպե՞ս ձեռք բերել աշխատանքային փորձ, եթե բոլոր գործատուները պահանջում են այն: Իրականում, գործատուները պահանջում են ոչ թե բուն փորձը, այլ այն բոլոր գիտելիքների ու հմտությունների առկայությունը, որոնց շնորհիվ աշխատակիցն առանց դժվարությունների կկատարի իր պարտականությունները: Պրակտիկ գիտելիքների բացը կարող է լրացնել յուրաքանչյուրը` զբաղվելով ինքնակրթությամբ, տարբեր նախագծերում աշխատելով որպես կամավոր և այլն:

staff.am-ի գործընկեր «Բի Էս Սի» Բիզնեսի Աջակցման Կենտրոնը առաջարկում է ևս մեկ լուծում` ներկայացնելով Quick Start նախագիծը: Quick Start նախագիծը կապող օղակ է հանդիսանում աշխատանք փնտրողների և գործատուների միջև: Նախագիծը բոլոր նրանց համար է, ովքեր փնտրում են աշխատանք, ցանկանում են փոխել աշխատանքային ոլորտը կամ կատարելագործել գիտելիքներն ու հմտությունները: Նախագծի մի կողմում երիտասարդներն են, որոնց հետ աշխատելու են առաջատար մասնագետներ`կիրառելով տարբեր գործիքներ` դասընթացների շարք, թեստավորում, վարպետության դասեր, գործնական այցելություններ տարբեր ընկերություններ և այլն: Նպատակն այն է, որ մասնակիցները ծրագրի ավարտին տիրապետեն իրենց ցանկալի աշխատանքի համար անհրաժեշտ գործնական գիտելիքներին, հմտություններին և ունակություններին:

Մյուս կողմից Quick Start-ը համագործակցում է տարբեր ընկերությունների հետ, որոնք կդիտարկեն ծրագրի լավագույն մասնակիցների թեկնածությունները` որպես ապագա աշխատակիցներ: Այսպիսով, նախագիծը կդառնա կապի հարթակ աշխատաշուկայի և ընկերությունների միջև: «Բի Էս Սի»-ն արդեն մշակել է ծրագրեր հետևյալ մասնագետներ պատրաստելու ուղղությամբ`

 մարդկային ռեսուրսների (HR) կառավարիչ,

 թվային մարքեթինգի (Digital Marketing) մասնագետ,

 ՏՏ նախագծերի կառավարիչ,

 սպառողական և բիզնես վարկերի գծով վարկային մասնագետ,

 հանրային կապերի (PR) մասնագետ,

ֆինանսաբանկային ոլորտում հաճախորդների սպասարկման և վաճառքի մասնագետ,

լիզինգի մասնագետ,

տուր մենեջեր,

ապահովագրական գործակալ և այլ պահանջված մասնագետներ տարբեր ոլորտներից:

Ծրագրերի մանրամասներին կարող եք ծանոթանալ հետևյալ հղումով` http://trainings.am/hy/tcategory/qs/
Հետևեք Quick Start-ի Ֆեյսբուքյան էջին`  https://www.facebook.com/quickstart.bsc/

Եվ հիշե՛ք,  երբեք պետք չէ ձեռքերը ծալած սպասել, ամեն ինչ Ձեր ձեռքերում է: Ինչ-որ բան փոխելու, ինքներդ Ձեր մեջ ներդրում կատարելու ժամանակն է: Գործելու՛ ժամանակն է:

Աննա Գևորգյան
Quick Start նախագծի հեղինակ