«Ինստիգեյթ». FPGA-ը մեծ պոտենցիալ ունի Հայաստանում

1598

«Ինստիգեյթ Կիսահաղորդիչներ»֊ը հանդիսանում է տեղեկատվական տեխնոլոգիաների և ինժեներության ոլորտում համակարգային լուծումներ առաջարկող «Ինստիգեյթ Խումբ Ընկերություններ»֊ի անդամ։ Օգտագործելով «Ինստիգեյթ» խմբից ժառանգած իր փորձառությունն էլեկտրոնային նախագծման (EDA) ոլորտում՝ «Ինստիգեյթ Կիսահաղորդիչներ» ընկերությունը գլխավորապես զբաղվում է FPGA-ների նախագծմամբ՝ տրամադրելով լուծումներ միկրոսալիկների և կիսահաղորդիչների շուկայի առաջատարներին։

Արդեն իսկ ակնհայտ է, որ տեխնոլոգիական ոլորտի ազդեցությունն օրեցօր մեծանում է հասարակական կյանքի գրեթե բոլոր բնագավառնեում։ Ոլորտի մասնագետներն իրենց օրվա մեծ մասն անցկացնում են ընկերության պատերի ներսում և դառնում են  այդ ընկերության գաղափարների ու արժեհամակարգի կրողը՝ ժամանակի ընթացքում փոխանցելով նորեկներին։

Թիմային մշակույթի և արժեհամակարգի մասին

Մեր ամենամեծ արժեքներից մեկը թիմն է, իսկ ուժեղ թիմային ոգին խիստ կարևոր է մեր՝ հաճախ անիրական թվացող նպատակներին հասնելու համար։

«Ինստիգեյթ»

Համոզված ենք, որ թիմակիցներ ընտրելիս առավելապես մասնագիտական գիտելիքների վրա կենտրոնանալով, դժվար է ամուր և կուռ թիմ ստեղծել․ մեր՝ թե՛ ինժեներական, թե՛ վարչական թիմերը պարբերաբար համալրվում են կրտսեր մասնագետներով, ովքեր ավագ մասնագետների ջանքերով կարճ ժամանակահատվածում ձեռք են բերում մասնագիտական հմտություններ և գիտելիքներ։ Որդեգրելով «Ինստիգեյթ Խումբ Ընկերությունների» գաղափարախոսությունը՝ մենք խրախուսում ենք հայկական ավանդական  մշակույթի պահպանումն ու կիրառությունը։

«Որքան լավ ճանաչենք մեր արմատները, մեր մշակույթը, այնքան ավելի ուժեղ ապագա կկառուցենք»։

Այսպիսով, մեր թիմի անդամները մասնակցում են գրաբարի դասերի, իրենց պապերի լեզվի վեհությունն ու գեղեցկությունը զգալու և ճանաչելու համար։ Աշխատակիցներից ոմանց համար էլ ագգային պարարվեստի դասերը դառնում են ինքնաճանաչման յուրահատուկ ճանապարհի սկիզբ։ Այս գաղափարախոսությունը տարածվում է նաև թիմային ժամանցի վրա։ 

«Ինստիգեյթ»

Թիմի անդամները հատկապես մեծ անհամբերությամբ են սպասում «ԱզատազԷն» հրաձգարանում պարբերաբար անցկացվող կրակային պատրաստության, առաջին բուժօգնության, զենքի հետ վարվեցողության դասերին։ Հենց նմանատիպ նախաձեռնությունների շնորհիվ էլ թիմի անդամները կոփվում են որպես անհատականություն, քաղաքացի և հասարակության անդամ։ 

 Սոցիալական պատասխանատվության մասին

Ընկերությունն ամեն կերպ  փորձում է նպաստել իր աշխատակցի կայացմանը որպես հասարակության լիիրավ անդամ և քաղաքացի․ օգնում է նրան իր ներդրումն ունենալ պետական, հասարակական կառույցների կայացման գործում։

Ընկերությունը  խրախուսում է աշխատակիցների մասնակցությունը տարբեր կազմակերպությունների կողմից նախաձեռնվող դրամահավաքներին և միջոցառումներին․ ինքն էլ իր հերթին միանում է յուրաքանչյուր աշխատակցի ներդրմանը։  

Հնարավորության դեպքում առաջնահերթություն է տրվում հայրենական արտադրանքին՝ դրանով իսկ նպաստելով տնտեսության զարգացմանը։

#ՀայաստանըմիայնԵրևանըչէ

Որդեգրելով «Ինստիգեյթ Խումբ Ընկերությունների» սկզբունքները և համայնքների հավասարաչափ զարգացման արդյունավետ փորձը՝ մենք ևս որոշեցինք մեր ներդրումն ունենալ այս կարևորագույն գործում։ Սկսելով Գյումրիից և Վանաձորից՝ մեր գործընկեր «Ինստիգեյթ Ուսումնական Կենտրոն»֊ի հետ սկսեցինք դասընթացներ ոլորտի մասնագետներ կրթելու և մասնաճյուղերում թիմ ձևավորելու ուղղությամբ։ Արդյունքում՝ 2021թվականից արդեն իսկ գործում են մեր՝ Գյումրու և Վանաձորի գրասենյակները։ 

Ընկերության հիմնադրման օրից անցել է ընդամենը 2 տարի․ այժմ ունենք ավելի քան 5 տասնյակ աշխատակից Երևանում, Գյումրիում և Վանաձորում։ 

«Ինստիգեյթ Կիսահաղորդիչներ» ընկերությունն ամեն տարի ամռան ամսիներին, երբ համեմատաբար թեթև է սովորողների ծանրաբեռնվածությունը, կազմակերպում է անվճար դասընթացներ Երևան, Գյումրի և Վանաձոր քաղաքներում։ Այս դասընթացները հնարավորություն են տալիս թիմը համալրել նոր անդամներով, ովքեր լի են նոր գիտելիքներ և հմտություններ ձեռք բերելու ձգտմամբ և պատրաստակամությամբ։

Powered by staff.am.