Եթե ՏՏ ոլորտի մասնագետ եք կամ պարզապես հետաքրքրված եք տեխնոլոգիական ոլորտի նորարարություններով, ապա միանշանակ գիտեք, թե որքան դինամիկ ու արագ են զարգանում տեղեկատվական տեխնոլոգիաները։ Ըստ Enterprise times օնլայն բիզնես և տեխնոլոգիական ամսագրի անդրադարձի՝ “10 Best Cities for Tech Career Opportunities”, Երևանը ճանաչվել է 4-րդ լավագույն քաղաքը, որտեղ տեխնոլոգիական ոլորտում կարիերայի հնարավորությունները շատ մեծ են։ Կանխատեսվում է նաև, որ 2025թ-ին Հայաստանում ծրագրավորողների պահանջարկը կհասնի մոտավորապես 30,000-ի։
Ինչպես նշել ենք staff.am-ն աշխատում է ինչպես հայաստանյան, այնպես էլ միջազգային մի շարք ընկերությունների հետ, որոնք գործունեություն են ծավալում տեղեկատվական տեխնոլոգիաների ոլորտում:
Վերջին ժամանակաշրջանում աշխարհում ճանաչում ունեցող շատուշատ ընկերություններ բարձր են գնահատում Հայաստանի տեխնոլոգիական ներուժը և հետաքրքրված են բացել ներկայացուցչական օֆիսներ Հայաստանում։
staff.am-ը տրամադրում է բոլորը մեկում HR գործիքներ այդ ընկերություններին՝ սկսած ռեքրութմենթի խորհրդատվությունից մինչև լավագույն կադրերի հավաքագրումը:
Այսպիսով, StaffBlog-ի շրջանակներում այս շաբաթ առանձնացրել ենք ՏՏ ոլորտի միջազգային ընկերություններ, որոնք կամ նոր են հիմնում իրենց օֆիսը Հայաստանում, կամ շարունակում են հաջողությամբ առաջ ընթանալ և հավաքագրել նոր թիմակիցներ։
Joomag
Joomag-ը Հայաստանում հիմնված միջազգային ընկերություն է, որի հաճախորդներն են՝ Huffington Post, Cosmopolitan, GQ, Harper’s Bazaar, Vogue և այլ աշխարհահռչակ ամսագրերը, և որի շնորհիվ մարդիկ ամբողջ աշխարհում գիտեն Հայաստանի մասին: Եթե ցանկանում եք միանալ ծրագրավորման թիմին, շտապեք իմանալ ավելին և դիմել առկա աշխատանքների համար։
Disqo
Disqo ամերիկյան ստարթափը, որը շուկայի հետազոտությամբ զբաղվող աշխարհի խոշորագույն գործակալություններին, վերլուծությամբ զբաղվող ընկերություններին և բրենդներին ապահովում է հաճախորդների հատուկ մշակված տվյալների բազայով, այժմ հիմնում է իր ներկայացուցչական օֆիսը Հայաստանում և հավաքագրում է նոր թիմակիցներ։
Service Titan
Service Titan-ը տնային ծառայությունների ոլորտում բիզնես կառավարման լուծումներ առաջարկող ամերիկյան ընկերություն է, որը համալրում է իր թիմը՝ հրավիրելով աշխատանքի փորձառու ծրագրավորողների և ինժեներների։ Ընկերությունը ծրագրում է մոտ ժամանակներս իր գրասենյակը բացել Հայաստանում: Լոս Անջելոսում հիմնված Service Titan ընկերության մասին առավել մանրամասն կարող եք ծանոթանալ staff.am-ում` ստորև հղմամբ այցելելով։
Vineti
Vineti-ն թվային հարթակ է ՝ անհատական թերապիայի համար, որի առաքելությունն է անհատական թերապիայի դաշտը դարձնել էլ ավելի դյուրին օգտագործելի ու անվտանգ իրենց հաճախորդների համար։ Ընկերությունն այժմ tech թիմ է հավաքագրում՝ հաճախորդների սպասարկման և ծրագրավորման բաժիններում։
Ի դեպ, Vineti ընկերության հայաստանյան օֆիսի պաշտոնական բացումը հոկտեմբերի 29-ին է, հետաքրքրե՞ց։ Ուրեմն այցելեք այստեղ, մասնակցեք միջոցառմանը և ծանոթացեք ձեր ապագա թիմակիցներին անմիջապես միջոցառման ժամանակ։
Shopmonkey
Shopmonkey.io-ն հայերի կողմից հիմնադրված միջազգային հաջողված ընկերություն է, որն օգնում է հեշտությամբ ստեղծել, կառավարել և փնտրել տեղեկություններ հաճախորդների ու մեքենաների մասին։ Այժմ ընկերության հայաստանյան tech թիմը փորձառու ծրագրավորողների հավաքագրման գործընթացում է։
ISB
ISB-ն ընկերություն է, որը գործում է 1972թ-ից և առաջատար դիրք է գրավում էլեկտրոնային անվտանգության եւ ավտոմատացման արտադրանքների, մետաղի դրոշմման և արտադրության մեջ։ ՀՀ-ում «Ֆրանկոֆոնիայի գագաթնաժողովի» շրջանակներում անցկացված տնտեսական ֆորումի արդյունքում ISB ընկերության ներկայացուցիչ Գևորգ Թորոսյանը հետաքրքրություն է հայտնել Հայաստանի բարձր տեխնոլոգիաների ոլորտում ներդրում անելու և ISB հետազոտական կենտրոն հիմնելու կապակցությամբ։ Եթե ցանկանում եք համալրել ընկերության ՏՏ թիմը, ապա օգտվեք այս հնարավորությունից։
AlenaSolutions
AlenaSolutions-ը Լոս Անջելեսում հիմնված խորհրդատվական ընկերություն է։ Եթե հետաքրքրված եք ՏՏ ոլորտով, ցանկանում եք աշխատել փորձառու ինժեներների, ծրագրավորողների և նախագծի կառավարիչների հետ, ապա շտապեք դիմել և միանալ ընկերության զարգացող թիմին։
Mentorcliq
Mentorcliq-ը մենթորության ծրագիր է, որը սոֆթ լուծումներ է տրամադրում մենթորության ոլորտում։ Այժմ ընկերությունը փնտրում է փորձառու ծրագրավորողների՝ թիմը համալրելու նպատակով։
