StaffBlog-ի այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել Rockbite Games ընկերության ինթերնշիփային ծրագիրը։
ԸՆԿԵՐՈՒԹՅԱՆ ՄԱՍԻՆ
Ռոքբայթի թիմն ու գործունեությունը ամբողջությամբ խաղերի ստեղծման մասին է։ Սկսած 2015 թվականից մենք աշխատում ենք խաղերի վրա, որ միլիոնավոր մարդիկ սիրում ու խաղում են։ Մեր խաղերից ամենահաջողակը՝ Deep Town֊ը (Android, iOS) ունի հինգ միլիոնից ավել օգտատեր աշխարհով մեկ։ Մեզ մոտ ամենագլխավոր առանձնահատկությունը մասնագիտական մարտահրավերների բարդությունն ու հետաքրքրությունն է, որոնց հետ բախվում ենք ամեն օր և իհարկե մեր թիմային միջավայրը, որ մարտահրավերները հեշտ հաղթահարելի են դարձնում։
ԻՆԹԵՐՆՇԻՓԱՅԻՆ ԾՐԱԳՐԻ ՄԱՍԻՆ
Խաղերի հանդեպ անտարբեր լինելը դժվար է։ Այս ոլորտը գրավող է, վառ ու հետաքրքիր։ Մենք ուզում ենք կիսվել մեր գիտելիքներով և հմտություններով ու նպաստել gamedev ֊ի զարգացմանը Հայաստանում։ Ուզում ենք ոգեշնչել մարդկանց, որ իրականացնեն իրենց վաղեմի երազանքը՝ մուտք գործել խաղերի ստեղծման աշխարհ, ինչպես նաև նորանոր երիտասարդների մեջ հետաքրքրություն առաջացնել այս ոլորտի նկատմամբ։ Ակնկալում ենք, որ մեր ինթերները կդառնան ոլորտի նվիրված ու հմուտ մասնագետներ ու կկարողանանք ներառել նրանց մեր թիմում։
Մենք ունենք ինթերնշիփային երեք ծրագիր․
ԻՆԹԵՐՆՇԻՓԱՅԻՆ ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՀՆԱՐԱՎՈՐՈՒԹՅՈՒՆՆԵՐԸ
Սովորելու անսահամանափակ հնարավորությունները, միջավայրը ու մենթորները հասանելի կլինեն մեր բոլոր ընտրված ինթերններին։ Կարծում ենք, որ սա ամենակարևոր առավելությունն է։ Ռոքբայթի ինթերնշիփի ընթացքում ինթերները օգտվելու են նաև այլ առավելություններից՝
հատուկ միջոցառումներ,
թիմային խաղեր,
համով բաներ խոհանոցում և այլն։
Ինթերնշիփը վարձատրվող է։
ԻՆԹԵՐՆՇԻՓԱՅԻՆ ԾՐԱԳՐԻ ՏԵՎՈՂՈՒԹՅՈՒՆԸ
1-3 ամիս3-6 ամիսԱվելի քան 6 ամիսԻՆԹԵՐՆՆԵՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է
Մրցույթի միջոցով, որին կարող են դիմել պահանջներին համապատասխանող թեկնածուները։
Մշտապես բաց հավաքագրման միջոցով, պարզապես անհրաժեշտ է լրացնել ձևաթուղթը ընկերության կողմից դիտարկվելու համար։
Համալսարանների և այլ ուսումնական հաստատությունների միջոցով։
ԴԻՄՈՒՄԻ ԸՆԹԱՑԱԿԱՐԳ
Եթե խանդավառ և մոտիվացված երիտասարդ եք, ոգեշնչված են մուտք գործել խաղերի աշխարհ և նպաստել gamedev-ի զարգացմանը Հայաստանում, ուրեմն այս հնարավորությունն իսկապես Ձեզ համար է։ Ինչպես նաև կարող եք հետևել Rockbite Games ընկերության էջին staff.am-ում կարիերայի վերաբերյալ թարմ նորություններին ծանոթանալու համար։
Հավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի <<Հայաստանյան ընկերություններում ինթերնշիփային ծրագրերը>> StaffBlog հատուկ նախագիծը։ Յուրաքանչյուր թողարկման ժամանակ անդրադառնալու ենք այն ընկերություններին, որոնք աշխատաշուկայում առանձնանում են իրենց ինթերնշիփային ծրագրի հաջողության պատմություններով։
