Ահա և 2018թ․-ը staff.am պատմության մեջ նշանավորվեց ևս մեկ ուշագրավ իրադարձությամբ։Կենսական կարևորություն տալով կորպորատիվ սոցիալական ծրագրերին` 2018թ․-ին ընկերության կորպորատիվ սոցիալական պատասխանատվության ծրագրի հատուկ ռազմավարություն մշակվեց, որը կնպաստի․
Հայաստանի համայնքներում կարիերայի կողմնորոշման գործընթացների զարգացմանը,
Կրթական ծրագրերի զարգացմանը և խթանմանը,
Հայաստանի համայնքներում կարիերային առնչվող միջոցառումների կազմակերպանը և գործատու ընկերությունների հետ արդյունավետ հաղորդակցության հաստատմանը,
Կարիերայի ոլորտին առնչվող համապարփակ տեղեկատվության ձևավորմանը՝ հիմնված staff.am-ի կողմից իրականացվող աշխատաշուկայի վերլուծության տվյալների վրա։
Այսպիսով, նման կարևոր ծրագրի շրջանակներում ստորագրվեց համագործակցության հուշագիր Հայաստանի մանուկներ հիմնադրամ (COAF)-ի և staff.am կարիերայի օնլյան հարթակի հետ։
«Իրենց ապագա մասնագիտության ընտրության և շուկայի պահանջարկի համադրության վերլուծությունը կարևոր քայլ է գյուղաբնակ երեխաների համար՝ կանխորոշելու իրենց անելիքները, ակնկալիքները, զարգացումը և ինքնիրացումը։ Նման համագործակցությունը հնարավորություն է տալիս երեխային ու ծնողին լիարժեք պատկերացնելու աշխատաշուկան ու մասնագիտական հեռանկարները և կատարելու լավագույն ընտրություն»,- նկատեց Հայաստանի մանուկներ հիմնադրամի գործադիր տնօրենի պաշտոնակատար Իննեսա Գրիգորյանը։
Հիմնական նպատակը դաշտում առկա մասնագիտական ռեսուրսները ճիշտ գնահատելն է, մենթորական խորհրդատվության տրամադրումը գյուղաբնակ երիտասարդներին ու ՔՈԱՖՍՄԱՐԹ նախաձեռնության իրագործման համար երկրի լավագույն մասնագետների ներգրավումը staff.am կարիերայի օնլայն հարթակի միջոցով։
Հայաստանի մանուկներ հիմնադրամի մասնագիտական կողմնորոշման ծրագիրը մեկնարկից ի վեր՝ 2013 թվականից, ներգրավել է Հայաստանի 4 մարզերի՝ Արմավիրի, Արագածոտնի, Լոռու և Տավուշի 27 դպրոցի շուրջ 3000 երեխայի։ Ծրագրի ընթացքում միշտ կարևոր տեղ է հատկացվել աշխատաշուկայի մասին իրատեսական պատկերացումներ ձևավորելուն։ Այժմ staff.am-ի հետ համագործակցությամբ ծրագիրը կհամալրվի աշխատաշուկայի վերլուծությամբ։
Շատ շուտով կգործարկվի նաև Հայաստանի մանուկներ հիմնադրամի ՍՄԱՐԹ ԱՎԱՆԸ։ Տեղակայված լինելով Լոռու մարզի Դեբետ համայնքի մերձակայքում՝ այն նպատակ ունի կրթության միջոցով առաջխաղացում ապահովել գյուղական համայնքների համար, ինչում իր աջակցությունը կցուցաբերի նաև staff.am-ը։
Իր կորպորատիվ սոցիալական պատասխանատվության ծրագրի ռազմավարության շրջանակներում staff.am-ը նախատեսում է համագործակցել Հայաստանի մանուկներ հիմնադրամի հետ՝ կիրառելով իր փորձը, միջոցներն ու կապերը, ինչպես գործատուների, այնպես էլ ոլորտի մասնագետների հետ, դրանով իսկ գործուն մասնակցություն ունենալով Հիմնադրամի մասնագիտական կողմնորոշման, ՍՄԱՐԹ նախաձեռնության և այլ ծրագրերում։
«Շատ ենք կարևորում staff.am-ի ներգրավվածությունը համայնքային զարգացման տարբեր ծրագրերում և արդեն առիթ ենք ունեցել մասնակցելու մի շարք կարճաժամկետ նախագծերի ՀՀ տարբեր մարզերում։ Ի վերջո մշակել ենք Կորպորատիվ սոցիալական պատասխանատվության մեր ծրագիրը, և անչափ ոգևորված ենք, որ պատիվ ունենք այն իրականացնելու Հայաստանի մանուկներ հիմնադրամի նման հեղինակավոր կազմակերպության հետ։ Մասնավորապես, ծրագրում ներգրավելու ենք ինչպես staff.am հարթակի վերլուծական ներուժը, այնպես էլ ապահովելու ենք մեր թիմի և ինչու չէ նաև մեր օգտատերերի ակտիվ մասնակցությունը, ովքեր, հավատացած ենք, սիրով իրենց ներդրումը կունենան ՔՈԱՖՍՄԱՐԹ նախաձեռնության մեջ»,- ասաց staff.am կարիերայի հարթակի համահիմնադիր Լուիզա Ավետիսյանը։
Հայաստանի մանուկներ հիմնադրամի (COAF) մասին
