Դիմավորեք staff.am լիովին նոր մոբայլ հավելվածը

Եթե դեռ չեք ներբեռնել staff.am նոր հավելվածը, ապա հիմա ամենալավ ժամանակն է դա անելու համար։ Ինչու՞։ Քանի որ մենք ամբողջությամբ այն փոփոխել ենք, ավելացրել ենք աշխատանքի անհատականացված լրահոս (job feed), օնլայն CV ստեղծելու նոր գործիքներ, աշխատանքի դիմելու ավելի դյուրին գործընթաց։ Ծանոթացե՛ք մեր նոր հավելվածի բոլոր հնարավորություններին հիմա և ներբեռնեք App Store ու Google Play հարթակներից։

Նորույթ #1․ Աշխատանքի անհատական լրահոս՝ customized feed

Պատկերացրեք, որ հազարավոր ոչ համապատասխան աշխատանքի առաջարկների փոխարեն միշտ դիտում եք միայն այն թափուր հաստիքները, որոնց հաստատ կդիմեիք։ Ներկայացնում ենք staff.am աշխատանքի անհատական լրահոսը, որն աշխատում է նույն տրամաբանությամբ, ինչ սոց․ ցանցերի ձեր լրահոսները։  Ստեղծելով CV staff.am կայքում կամ հավելվածում՝ դուք կարող եք ստանալ ձեր մասնագիտական հմտություններին և կրթությանը համապատասխան աշխատանքի առաջարկներ և ծանուցումներ մեր նոր հավելվածի լրահոսում, հետևել միայն ձեր հետաքրքրություններին համապատասխան թրեյնինգների, կարդալ այն ընկերությունների մասին, որտեղ կցանկանայիք աշխատել։ Աշխատանքի լրահոսը (job feed) լիովին կվերափոխի աշխատանքի փնտրման մասին ձեր բոլոր պատկերացումները, ներբեռնեք մեր հավելվածը հենց հիմա։ 

Նորույթ #2. Պրոֆեսիոնալ CV-ի և ուղեկցող նամակների ստեղծում

staff.am նոր մոբայլ հավելվածի միջոցով դուք հեշտությամբ կարող եք ստեղծել պրոֆեսիոնալ CV, ինչպես նաև ուղեկցող նամակ։ Իսկ եթե արդեն ունեք մեզ մոտ CV կամ գրանցվել ու կիսատ եք թողել դրա ստեղծումը, ապա հեշտությամբ կարող եք ավարտին հասցնել այն հենց հավելվածի միջոցով։ Ձեր օնլայն CV-ն կարող եք ստեղծել 3 տարբեր լեզվով՝ հայերեն, անգլերեն և ռուսերեն։  staff.am-ում CV ստեղծելու ամենամեծ առավելություններից մեկը նրանում է, որ դուք կարող եք դիմել ցանկալի աշխատանքի 1 click-ով, և հետևել ձեր դիմումի ընթացքին օնլայն։  staff.am-ում պրոֆեսիոնալ CV ունենալու ևս մեկ առավելությունն այն է, որ գործատուները արագ կնկատեն ձեզ տվյալների մեր բազայում փնտրելիս։ Եթե ակտիվորեն աշխատանք եք փնտրում, ապա օնլայն CV ունենալը զգալի կարագացնի ցանկալի աշխատանք գտնելու գործընթացը։

Նորույթ #3․ Բաժանորդագրություններ և ծանուցումներ

Այսօր աշխատաշուկան շատ արագ է զարգանում, ամեն օր տասնյակ նոր թափուր հաստիքներ են հայտարարվում։ Ակտիվ աշխատանք փնտրելն ինքն իրենով արդեն աշխատանք է։ Ի՞նչ անել։ Կարճ ժամանակում աշխատանք գտնելու հավանականությունը կտրուկ աճում է, եթե ստեղծել եք բաժանորդագրություններ ու ստանում եք ծանուցումներ։ Ստեղծելով բաժանորդագրություններ. 

• դուք կարող եք ստեղծել ծանուցումներ ըստ աշխատանքի ոլորտի և ստանալ օրական, շաբաթական ծանուցումներ, հենց այդ ոլորտում նոր աշխատանքի հնարավորություն հայտնվի;
• դուք կարող եք հետևել գործատուներին և անմիջապես տեղեկանալ, երբ ցանկալի ընկերությունում նոր հաստիք է բացվել;
• դուք նույնիսկ կարող եք ստեղծել բաժանորդագրություն ըստ կոնկրետ հմտության և ծանուցում ստանալ բոլոր այն աշխատանքների վերաբերյալ, որոնց պահանջների մեջ կա այդ հմտությունը՝ անկախ աշխատանքի ոլորտից ու գործատուից։

Նորույթ #4․ Աշխատանքի փնտրման նոր գործիքներ

Եթե ցանկանում եք առավել համակարգված դարձնել աշխատանքի փնտրման գործընթացը և ավելի արագ գտնել ցանկալի աշխատանք, ապա staff.am-ի նոր հավելվածը հենց ձեզ համար է։ 

• Դուք կարող եք պահպանել այն աշխատանքները, որոնց հետո եք ցանկանում դիմել։
• Հավանել այնպիսի աշխատանքներ, որոնք հետաքրքրեցին և որոնց հիման վրա էլ կկազմվի ձեր աշխատանքների թիրախավորված լրահոսը։
• Փնտրել ու ֆիլտրել աշխատանքի հայտարարություններն ըստ բանալի բառերի, ոլորտների և քաղաքների։

Ավելին՝ մուտք գործելով համակարգ և լրացնելով լիարժեք CV, կօգտվեք արհեստական բանականության միջոցով աշխատանքի նոր և համապատասխանող առաջարկների մասին առաջինը տեղեկանալու հնարավորությունից։ 

Նորույթ #5. Այլևս ոչ մի անորոշություն

Աշխատանք փնտրելու ամենասթրեսային պահերից է անորոշության զգացումը, երբ չգիտես, թե դիմումդ ինչ փուլում է։ Մենք լուծել ենք այդ խնդիրը։ Գրանցվելով staff.am-ում՝ դուք ոչ միայն կարող եք դիմել աշխատանքի ընդամենը մեկ հպումով, այլ նաև.

• անմիջապես տեղեկանալ, երբ գործատուն դիտարկել է, շորթլիստ արել կամ մերժել է ձեր աշխատանքի դիմումը;
• միշտ ձեռքի տակ ունենալ աշխատանքի դիմումները, որոնք բոլորն ըստ դիմումի ամսաթվի զետեղված են ձեր staff.am պրոֆիլում;
• արագ վերածանոթանալ աշխատանքի պահանջներին անմիջապես հարցազրույցից առաջ staff.am-ի ձեր պրոֆիլի դիմումների «պատմություն» բաժնից;
• արհեստական բանականության հիման վրա աշխատող մեր հավելվածից ստանալ աշխատանքի հնարավոր առաջարկներ, որոնք ձեզ համապատասխանում են կամ կարող են հետաքրքրել։

Նորույթ #6․ Գործատուներ, թրեյնինգներ, StaffMedia․ Նույնիսկ, եթե այս պահին աշխատանք չես փնտրում

staff.am-ը կօգնի ձեզ, նույնիսկ եթե այս պահին աշխատանք չեք փնտրում, բայց լրջորեն զբաղվում եք ինքնազարգացմամբ, շարունակաբար կրթական նոր հնարավորություններ եք փնտրում, ցանկանում եք տեղեկացված լինել ՀՀ աշխատաշուկայի զարգացումներից, ծանոթանալ հայկական և միջազգային ընկերությունների կորպորատիվ մշակույթին ու նորություններին։
Ներբեռնեք staff.am-ի հավելվածը հիմա, հետևեք տեղական ու միջազգային օնլայն և օֆլայն ձևաչափով տարբեր մասնագիտական թրեյնինգների, կարդացեք մեր StaffMedia-ի հետաքրքրիր ու օգտակար հոդվածները և եղեք տեղեկացված։