Երբ աշխատանքում ամեն բան լավ է ընթանում, սկսեք Ձեր առաջ դնել նոր նպատակներ: Այս առումով ոչինչ չի կարող ավելի լավ ոգեշնչել, որքան Նոր տարին: Հենց այդ ոգեշնչման համար մենք Ձեզ ենք ներկայացնում այս հինգ խորհուրդները այս տարին հաջողակ կարիերայի տարի դարձնելու համար։
ՎԵՐԱՆԱՅԵՔ ՁԵՐ ԿԱՐԻԵՐԱՆ: Սկսեք 2018թ.-ից մեկ բաժակ սուրճով և նոթատետրով, որտեղ կնշեք, թե ի՞նչն է Ձեզ երջանիկ դարձնում, ինչպիսի՞ն կցանկանայիք լինել Նոր տարում, Ձեր ընթացիկ աշխատանքն արդյո՞ք Ձեր ուժերի առավելագույն սահմանն է, և թե արդյոք այն օգնում է Ձեզ հասնել որոշակի նպատակների: Այս գործընթացը Ձեր աշխատանքի <<առողջության>> համար է: Եթե կլինեն այնպիսի քայլեր, որոնք Ձեր կարծիքով ավելի արդյունավետ կդարձնեն Ձեր աշխատանքը, ապա անպայման սկսեք կիրառել, անկախ նրանից, թե այն ինչ նոր պարտականություններ է պահանջում:
ԹԱՐՄԱՑՐԵՔ ՁԵՐ CV-ԻՆ: Ձեր CV-ի թարմացումը կարևոր է մի քանի պատճառներով: Առաջինն այն է, որ, եթե շտապ նոր աշխատանքի հնարավորություն նկատեք, Դուք այլևս ժամանակ չեք կորցնի CV-ի թարմացման համար: Իսկ երկրորդն այն է, որ շատ ավելի հեշտ է պարբերաբար թարմացնել Ձեր ձեռքբերումները, երբ դրանք դեռ Ձեր մտքում են: CV-ին թարմացնելուց հետո փոփոխեք նաև Ձեր պորտֆոլիոն, խմբագրեք staff.am-ում Ձեր օնլայն CV-ին գործատուի կողմից արագ նկատվելու համար։
ԱՆԸՆԴՀԱՏ ԹԱՐՄԱՑՐԵՔ ՁԵՐ ՀՄՏՈՒԹՅՈՒՆՆԵՐԸ: Նույնիսկ եթե այս տարի չեք նախատեսում նոր աշխատանք Ձեր CV-ում, ամեն դեպքում ևս մեկ հմտություն ավելացնելը մեծ առավելություն է։ Ոգեշնչվելու համար ստուգեք LinkedIn-ում Ձեր այն գործընկերների անձնական էջերը, ովքեր ավագ պաշտոններ են զբաղեցնում և կարիերայի ավելի մեծ ճանապարհ են անցել։
ԸՆԴԼԱՅՆԵՔ ՁԵՐ ՆԵԹՈՒՈՐՔԸ: Առավել ակտիվ եղեք սոց. ցանցերում: Հաճախ նոր աշխատանք գտնելու համար կարող եք պարզապես նշել այդ մասին որևէ սոց. ցանցում: Շատ մարդիկ մեծ պատրաստակամություն կհայտնեն Ձեզ այդ հարցում օգնելու համար: Եթե չեք սիրում համացանցը, հիշեք, որ կան բազմաթիվ ճանապարհներ, որոնք նոր կապեր են ստեղծում: Եվ սոց. ցանցերը հենց այդ ճանապարհներից մեկն է: Փորձեք ամեն րոպե կազմակերպել մեկ նոր հանդիպում, մասնակցել մասնագիտական հանդիպումների (meetup), միջոցառումների և արդեն հաջորդ տարի այս նույն ժամանակ Դուք կունենաք տասնյակ նոր շփումներ:
ԵՂԵՔ ԱՎԵԼԻ ԱՐԴՅՈՒՆԱՎԵՏ: Կան բազմաթիվ մեթոդներ, որոնք կարող են օգնել Ձեզ դառնալ ավելի արդյունավետ: Այդ տարբեր մեթոդներն օգնում են գրեթե բոլորին, սակայն կան այնպիսիները, որոնք ստեղծված են հենց Ձեզ համար: Նպատակ դրեք այս Նոր տարում գտնել հենց Ձերը:
ՇՆՈՐՀԱՎՈՐ ՆՈՐ ՏԱՐԻ ԵՎ ՍՈՒՐԲ ԾՆՈՒՆԴ
