Hirebee-ի և IE համալսարանի համատեղ միջոցառումը․ Netflix-ի էֆեկտն ու բիզնեսի որոշումների կայացման ապագան

648

Hirebee-ն և IE միջազգային համալսարանը համատեղ անցկացրին յուրահատուկ միջոցառում, որը հետաքրքիր և ուսուցողական էր թե՛ արդեն կայացած բիզնեսմենների ու ընկերությունների ղեկավարների համար, թե՛ սկսնակ գործարարների։

Միջոցառումը, որն անցկացվել է մայիսի 3-ին «Ալեքսանդր» հյուրանոցում, բաղկացած է եղել 2 մասից։

Հիբրիդային միջոցառման օֆլայն հատվածը նվիրված է եղել բիզնես որոշումների կայացման ապագային․ դրա շրջանակում տեղում հետաքրքիր ու բավանդակային բանավեճ-քննարկում է ծավալվել բիզնեսում որոշումների կարևորության և դրանց ապագա զարգացումների վերաբերյալ, իսկ բանախոսներն էին ՀՀ Կենտրոնական բանկի նախագահ Մարտին Գալստյանը, HSBC բանկի գլխավոր գործադիր տնօրեն Իրինա Սեյլանյանը և Krisp տեխնոլոգիական ընկերության համահիմնադիր ու ղեկավար Դավիթ Բաղդասարյանը։

Օֆլայն միջոցառմանը ներկա էր շուրջ 70 հյուր, որոնք ներկայացնում էին Հայաստանի բիզնես էկոհամակարգի ամենակարևոր ոլորտներն ու ընկերությունները։ 

Իսկ միջոցառման առցանց հատվածը, որին միացել էին նաև տասնյակ մասնակիցներ աշխարհի տարբեր երկրներից, նվիրված էր հանրաճանաչ Netflix սթրիմինգային սերվիսի հաջողության գաղտնիքներին, որոնք հիմնված են նմանը չունեցող storytelling-ի և տվյալահեն համակարգի վրա։ Առցանց բանավեճը վարում էին IE համալսարանի պրոֆեսորներ Ջոզեֆ Կուրտոն և Բրայան Հալեթը։

Միջոցառման ընթացքում կազմակերպիչները՝ Hirebee-ի և staff.am-ի համահիմնադիր Լուիզա Ավետիսյանը և IE համալսարանի հայաստանյան ներկայացուցիչ Սաթի Բոյաջյանը թե՛ տեղում եկած հյուրերին, թե՛ առցանց միացած մասնակիցներին ներկայացրին Hirebee-ն և IE համալսարանը։

«Hirebee-ի նպատակն է օգնել բիզնեսին կայացնել հավաքագրման մասով տեղեկացված ու տյալահեն որոշումներ, խնայել ժամանակ և գումար մեխանիկական աշխատանքի վրա և օգտագործել այդ ռեսուրսները թիմի զարգացման համար։ Այս համատեքստում IE University-ի հետ համատեղ կազմակերպված The future of business decision making միջոցառումը լավագույն ձևաչափն էր բիզնեսում որոշում կայացնողների հետ Hirebee-ի կիրառման հեռանկարները քննարկելու համար», – նշել է Լուիզա Ավետիսյանը։

«IE-ի յուրահատկությունը դրա գլոբալ ներկայության մեջ է․ թեև մեր կամպուսը գտնվում է Մադրիդում, մեր 30 միջազգային ներկայացուցչությունները թույլ են տալիս մեզ ընդլայնել մեր լոկալ գործընկերային հարաբերությունները՝ ընդարձակելով և բարելավելով հնարավորությունները մեր ուսանողների, շրջանավարտների և կորպորատիվ գործընկերների համար: Հենց այդ պատճառով ենք մենք այսօր հավաքվել այստեղ՝ համագործակցելով Hirebee-ի հետ և օգտագործելով գլոկալ մոտեցում», – հավելել է Սաթի Բոյաջյանը։

Միջոցառման ընթացքում հրավիրված հյուրերն ու մասնակիցները նաև հասցրին շփվել ոչ ֆորմալ միջավայրում, ծանոթանալ, քննարկել հայաստանյան և միջազգային բիզնես միջավայրի առջև ծառացած մարտահրավերներն ու ստեղծված հնարավորությունները, ինչպես նաև հաճելի ժամանակ անցկացնել՝ համատեղելով գործնական շփումներն ու ժամանցը։

Hirebee-ն հավաքագրման ավտոմատացման ժամանակակից ու հարմար համակարգ է, որը թույլ է տալիս իրականացնել մասնագետների հավաքագրման ողջ գործընթացը՝ խնայելով ժամանակը և հասնելով լավագույն արդյունքի։ Համակարգը թույլ է տալիս նաև խնայել գումարը և ավելի արդյունավետ միջոցներով համակարգել ողջ գործընթացը՝ աշխատանքի հայտարարության կազմումից ու տարածումից մինչև պոտենցիալ թեկնածուների տվյալների հավաքագրում և հարցազրույցերի նշանակում։