Տեխնիկական աջակցման մասնագետ ք․Վանաձոր

Վերջնաժամկետ՝ 31 Մարտ 2023

Աշխատանքի պայմաններ՝ Մշտական

Կատեգորիա՝ ՏՏ աջակցություն/Տեխնիկ

Աշխատանքի տեսակը՝ Ամբողջ դրույք

Գտնվելու վայրը՝ Վանաձոր‎

Աշխատանքի նկարագրություն՝

Ucom ընկերության կարևորագույն նպատակներից է ժամանակակից նորարարությունները հասանելի դարձնել մեր հաճախորդներին: Կիրառելով գերժամանակակից տեխնոլոգիաներն ու ինովացիաները` մենք ձգտում ենք ստեղծել ապագայի ծառայությունները:

Մենք փնտրում ենք ակտիվ և հաճախորդակենտրոն մեր նոր թիմակցին, տեխնիկական աջակցման թիմին միանալու համար:

Տեխնիկական աջակցման մասնագետը պետք է զանգերի կամ էլեկտրոնային նամակակագրության միջոցով աջակցի բաժանորդներին ինտերնետի, հեռուստատեսության, հեռախոսների, սարքավորումների հետ կապված հարցերի դեպքում, պատրաստակամ լինի օգնել հաճախորդին ոչ միայն տեխնիկական, այլ նաև ընդհանուր հարցերի առաջացման պարագայում:

Աշխատանքային պարտականություններ

Արդյունավետ և ժամանակին հեռախոսով պատասխանել բաժանորդների տեխնիկական բնույթի հարցերին,
Բացահայտել և լուծել տեխնիկական խնդիրները,
Հաճախորդներին տրամադրել տեղեկատվություն ինտերնետ ծառայությունների և սակագների վերաբերյալ,
Լուծել բաժանորդների Յուքոմ ծառայությունների հետ կապված խնդիրները հնարավորինս արագ և կարճ ճանապարհով, կամ, անհրաժեշտության դեպքում` փոխանցել համապատասխան բաժիններ,
Հետևել բաժանորդի կողմից ներկայացված խնդրի լուծման ընթացքին,
Ներկայացնել հաշվետվություններ կատարված աշխատանքի և արդյունքների վերաբերյալ։

Անհրաժեշտ հմտություններ

Բարձրագույն/ թերի բարձրագույն տեխնիկական կրթություն (ուսանողները նույնպես կարող են դիմել),
Տարրական գիտելիքներ հետևյալ պրոտոկոլների վերաբերյալ՝ IPv4, TCP/UDP, DHCP & ARP,
Անսարքությունների բացահայտման հմտություններ,
Տեխնիկական հմտություններ (համակարգչային գիտելիքներ, նոր ծրագրեր արագ սովորելու ունակություններ),
Բջջային սարքերի ծրագրային և ապարատային իմացություն,
Հաճախորդների սպասարկման և գրագետ բանավոր հաղորդակցման հմտություններ,
Հայերենի և ռուսերենի վարժ իմացություն, անգլերենի իմացությունը ցանկալի է,
Զանգերի կենտրոնում աշխատանքային փորձը ցանկալի է,
Լարված իրավիճակներում և հերթափոխով աշխատելու կարողություն,
Թիմում աշխատելու ունակություն:

Պահանջվող թեկնածուի մակարդակը: Կրտսեր

Լրացուցիչ տեղեկություն

Հետաքրքրված անձինք կարող են ուղարկել իրենց ինքնակենսագրությունները career@ucom.am էլ. հասցեին՝ վերնագրի դաշտում նշելով “Տեխնիկական աջակցման մասնագետ, ք․ Վանաձոր”: Հարցազրույցի կհրավիրվեն միայն պահանջներին համապատասխանող անձինք:

Տարածեք այս հայտարարությունը սոց․ մեդիայի միջոցով։

Ընկերության մասին

Ucom-ը մատուցում է ամենաարագ ֆիքսված և շարժական կապի ծառայությունները Հայաստանում: Բացարձակ առաջատար է IPTV և ֆիքսված ինտերնետի ծառայությունների մատուցման ոլորտում, ինչպես նաև զբաղեցնում է գլխավոր դիրքերը շարժական ինտերնետի հայկական շուկայում: Այդ մասին վկայում է ֆիքսված և շարժական ինտերնետի թեստավորման և վերլուծության համաշխարհային առաջատար Ookla® ընկերությունը, որը Ucom-ին շնորհել է «Ամենաարագ շարժական ինտերնետը Հայաստանում 2017» Speedtest Award™ մրցանակը, ինչպես նաև «Ամենաարագ ֆիքսված ցանցը Հայաստանում 2021» մրցանակը, ինչի համար հիմք է ծառայել Speedtest Intelligence® տվյալների վերլուծությունը: 2022-ին Ookla®-ն Ucom-ին շնորհել է «Հայաստանում ամենաարագ ֆիքսված ցանց 2022» և «Հայաստանում ամենաարագ շարժական ցանց 2022» մրցանակները, ինչն ընկերության 1500 աշխատակիցների համատեղ ջանքերի լավագույն գնահատականն է ոչ միայն հայաստանյան շուկայի, այլև տարածաշրջանի և ԱՊՀ երկրների մակարդակով։