cover_job interview
Սկիզբ / staff.am / «Դարձի՛ր StaffBlog հեղինակ» նախագիծ / Ընդամենը 10 խորհուրդ և Դուք փայլուն կհաղթահարեք հարցազրույցի փուլը

Ընդամենը 10 խորհուրդ և Դուք փայլուն կհաղթահարեք հարցազրույցի փուլը

staff.am-ը Armenia Today լրատվական պորտալի հետ համատեղ այս անգամ ներկայացնում է հարցազրույցի փուլը հաջողությամբ անցնելու մի քանի խորհուրդներ, որոնք օգտակար կլինեն ձեր կարիերայի կառուցման համար։

Առաջին հարցազրույցը միշտ առաջացնում է անհանգստություն և վախ, որ մեզ չեն հավանի, ավելորդ կլինենք, չենք հաղթահարի ներքին լարվածությունը. կարճ ասած՝ կհայտնվենք ամոթալի իրավիճակում: Եվ այդ վախերը երբեմն արդարացված են: Պարզապես պետք է հիշել, որ հարցազրույցի ժամանակ անհանգստանում եք ոչ միայն Դուք, այլև անձնակազմի կառավարման մենեջերը, ով Ձեզ հետ շփման շատ կարճ ժամանակահատվածում պետք է գնահատի Ձեր առավելություններն ու թերությունները՝ որպես թեկնածուի:

Հարցազրույցի ընթացքում հնարավոր են փոքր, ոչ էական սխալներ, ինչը բնական է, սակայն կան մի շարք թերացումներ, որոնք ոչ մի դեպքում չի կարելի թույլ տալ: Ինչո՞ւ չի կարելի ուշանալ հարցազրույցից կամ փոխել ժամը: Ինչի՞ մասին չի կարելի խոսել ոչ մի դեպքում և ի՞նչն է պետք, անպայման, ընդգծել: Ինչպե՞ս կարող է ազդել «աջակիցների խմբի» ներկայությունը հարցազրույցի արդյունքի վրա, նույնիսկ եթե Դուք հրաշալի մասնագետ եք: Եթե Դուք աշխատանք եք փնտրում, ուրեմն այն Ձեզ անհրաժեշտ է, ուստի թույլ մի՜ տվեք սխալներ, որոնք կվնասեն Ձեր հեղինակությանը:

Notebook

Ներկայացնում ենք 10 խորհուրդ, որոնց հետևելու դեպքում կկարողանաք տպավորություն գործել գործատուի վրա, իսկ Ձեր` որպես մասնագետի, ունակությունները և հմտությունները ամբողջությունը կերաշխավորեն հանդիպման դրական ելքը:

10 խորհուրդ, որոնց պետք է հետևել առաջին հարցազրույցի ժամանակ.

1.Ոչ մի դեպքում մի՛ ուշացեք հարցազրույցից և մի՛ տեղափոխեք այն,

2.Երբեք բացասաբար մի՛ արտահայտվեք նախկին ղեկավարի մասին և մի՜ քննադատեք նրան,

3. Ունեցեք Ձեզ հետ օնլայն CV

4.Վստահ եղե՜ք` արդյոք Դուք ցանկանում եք հենց այդ աշխատանքը, թե ոչ,

5.Հարցազրույցի մի՜ գնացեք մայրիկի, տատիկի, ամուսնու/կնոջ հետ,

6.Մի՜ ընդհատեք զրուցակցին և մի՜ շատախոսեք,

7.Մի՜ օգտագործեք անպարկեշտ բառեր. դա Ձեր օգտին չի լինի,

8.Մի՜ գնացեք հարցազրույցի անպատրաստ,

9.Հագնվե՜ք համապատասխան,

10.Ճիշտ արձագանքե՜ք անձնական բնույթի հարցերին:

1 Հիշե՜ք, որ ճշտապահությունը խոսում է Ձեր պատասխանատվության և կարգուկանոնի մասին: Հարցազրույցից ուշանալով թեկուզև 3 րոպե` Դուք կորցնում եք վստահությունը, քանի որ դրսևորում եք անհարգալից վերաբերմունք Ձեր և ուրիշի ժամանակի նկատմամբ: Ավելի լավ է վաղ հասնել, շունչ քաշել և հանգստանալ, մտովի ևս մեկ անգամ խորհել հնարավոր հարցերի պատասխանների շուրջ: Ցանկացած դեպքում, եթե Դուք զգում եք, որ ուշանալու եք, զանգահարե՜ք և զգուշացրե՜ք այդ մասին: Սակայն Ձեզ համար օրենք դարձրե՜ք չուշանալը և հարցազրույցը ոչ մի պարագայում չհետաձգելը: Երբ Դուք խնդրում եք անձնակազմի կառավարման մենեջերին տեղափոխել Ձեր հարցազրույցի ժամը, ապա Դուք ստիպում եք նրան` փոխել հարցազրույցի ամբողջ ժամանակացույցը կամ պարզապես կորցնել ժամանակ: Հետևաբար, Ձեր մասին արդեն ձևավորվում է բացասական կարծիք, որը կարող է ազդել հարցազրույցի արդյունքի վրա:

interview

2Ձեր նախկին գործընկերների, ղեկավարության, նախկին աշխատավայրի մասին քննադատությունը բավական բացասաբար է դիտվում: Համոզված եղե՜ք, որ Ձեզ կտան նմանատիպ հարցեր. «Ինչո՞ւ եք դուրս եկել նախկին աշխատանքից», «Ի՞նչը Ձեզ դուր չի եկել և ինչո՞ւ»: Ինչպիսին էլ որ եղած լինեն Ձեր նախկին կոլեկտիվն ու ղեկավարությունը, մի՜ տրվեք զգացմունքներին: Օրինակ, եթե Ձեր նախկին ղեկավարին պիտակավորեք որպես «մակաբույծ», որի ամբողջ աշխատանքը իր փոխարեն Դուք եք արել, ապա Դուք կթողնեք բամբասկոտի տպավորություն, ով պատրաստ է հարմար առիթի դեպքում սևացնելու ցանկացածին:

Փորձե՜ք խոսել այն փաստերի մասին, որոնք իսկապես կարևոր են: Օրինակ` 1)աշխատավարձն ուշացնում էին, իսկ Դուք ունեք սահմանված ծախսեր և պատասխանատու եք ընտանիքի առաջ, 2)կազմակերպությունը սնանկացել է, և զանգվածային կրճատումներ են, 3)Ձեր շրջանային մասնաճյուղը փակվում է և այլն: Գնահատականներ մի՜ տվեք գործատուի և ողջ կազմակերպության վարքին:

2

3Այս թվային աշխարհում աստիճանաբար թղթային CV-ները կորցնում են իրենց ակտուալությունը։ Օնլայն CV ստեղծելը և ընդամենը մեկ click-ով այն հնարավոր գործատուին ուղարկելն արդեն իսկ դառնում են առաջին անհրաժեշտություն։ Խորհուրդ ենք տալիս մինչև հարցազրույցի մոտենալը ստեղծել Ձեր օնլայն CV-ին staff.am-ում և Ձեր մոբայլում ունենալ օնլայն էջի հրապարակային հղումը, որը ցանկացած ժամանակ կարող եք ուղարկել հարցազրուցավարին կամ այլ անձի, ով հետաքրքրված կլինի Ձեր մասնագիտական հմտություններով։ Այդ կերպ Դուք ցույց կտաք ոչ միայն Ձեր պատասխանատվությունը, այլ նաև նորագույն տեխնոլոգիաներին տիրապետելու հմտությունը։
share your cV
4Ձեր անվճռականությունը Ձեզ միանգամից կմատնի: Դուք պետք է հստակորեն հասկանաք` ինչ եք ուզում այդ պաշտոնից: Եթե Դուք դեռ ինքներդ Ձեզ եք փնտրում և ինքներդ էլ չգիտեք` ինչով զբաղվել, ուրեմն Դուք պատրաստ չեք պատասխանատվության և չեք կարող վստահություն ներշնչել, քանի որ տատանվում եք: «Ես չգիտեմ` ինձ դուր կգա՞ Ձեր կազմակերպությունում: Գուցե ես փորձե՞մ ինձ այս մասնագիտության ոլորտում»,- նման մտքերն ու արտաբերումներն անթույլատրելի են: Ոչ-ոք չի ցանկանա գործ ունենալ Ձեզ հետ: Բոլոր գործատուներին հետաքրքիր են միայն կայուն և երկարաժամկետ գործնական հարաբերությունները: Դուք պետք է լինեք մոտիվացված և հստակ գիտակցեք` ինչով եք ցանկանում զբաղվել: Միայն այդ դեպքում հարցազրույցը կտա դրական արդյունք:

45

 

5 Հարցազրույցի գնալիս Ձեզ հետ մի՛ տարեք հարազատներին` որպես աջակիցների խումբ: Պարզվում է` հարազատները հաճախ են լինում գործատուի սենյակում: Դուք չափահաս, ինքնաբավ մարդ եք, որից շատ բան է կախված լինելու աշխատավայրում: Նման վարքը Ձեր մասին կստեղծի անինքնավստահ մարդու տպավորություն, ով ունակ չէ ինքնուրույն որոշումներ կայացնելու:

6

 

6 Ոչ մի դեպքում մի՛ ընդհատեք գործատուին հարցազրույցի ժամանակ` փորձելով տպավորություն գործել: Լռությամբ լսեք հարցը և սպասեք, երբ Ձեզ խոսքի հնարավորություն կտան: Հարցերին պատասխանեք հանգամանալից, ճշգրիտ և նրբանկատորեն: Ընդհատելով կամ բարձր խոսելով՝ Դուք ցույց եք տալիս վարքի և շփման մշակույթի ցածր մակարդակ: Նման անձանց հետ բավական դժվար է գործ ունենալ, և ոչ-ոք չի ցանկանա համագործակցել Ձեզ հետ:

67

7Լրջորեն հետևեք Ձեր խոսքին: Դուք պետք է կարողանաք խոսել այդ ֆորմատին համապատասխան: Ձեր բարձր տոնը, ժարգոնն ու ժեստերը թողեք դռնից դուրս: Անգամ եթե չափազանց լավ մասնագետ եք և Ձեր գործի գիտակը, հարցազրույցի` դրական արդյունքով ելք մի ակնկալեք:

woman

8Լինում են դեպքեր, երբ թեկնածուն նույնիսկ չգիտի, թե ուր է եկել, ինչով է զբաղվում տվյալ կազմակերպությունը, որ պաշտոնին է հավակնում: Պարզապես ինչ-որ տեղ հանդիպել է հայտարարությանը և որոշել է դիմել: Սակայն սա խոշորագույն սխալ է: Հարցազրուցավարը սպասում է մասնագետի, և հարցերն էլ տրվելու են մասնագիտական պահանջներին համապատասխան: Ինչպե՞ս եք դուրս գալու նման իրավիճակից, եթե անգամ չգիտեք, թե ինչով է զբաղվում տվյալ կազմակերպությունը: Օրինակ, կարելի է նախապես մուտք գործել staff.am-ում տվյալ կազմակերպության էջ և իմանալ ողջ անհրաժեշտ տեղեկատվությունը, ծանոթանալ թիմային մշակույթին, թափուր հաստիքների վերաբերյալ հայտարարություններին և այլն: Աշխատանք փնտրելու հարցին մոտեցեք լրջորեն, պատրաստվեք նախապես և եղեք «զինված»:

application

9Ձեր հագուստը ինքնարտահայտման միջոց է, բայց հարցազրույցին Դուք պետք է ունենաք կազմակերպությանն ու պաշտոնին համապատասխան տեսք: Հագուստի մեջ ողջունելի է կոկիկությունը: Ձեր ոչ պատշաճ տեսքը կվանի գործատուին, նույնիսկ եթե Դուք իդեալական թեկնածու եք: Դուք կարող եք նախապես ճշտել, թե ինչպիսի տեսք ունեն կազմակերպության աշխատակիցները, արդյոք կա՞ դրեսս-կոդ, որքանո՞վ է այն խիստ: Համապատասխանել պաշտոնին` նշանակում է ստեղծել ճիշտ տպավորություն: Այս հարցի մասին պետք է նախապես մտածել: Չի՜ կարելի, օրինակ, գնալ հարցազրույցի շորտով, սպորտային հագուստով: Միշտ հիշե՜ք, թե ուր և ինչի համար եք գնում:

waiting

10Ձեզ կարող են տալ անձնական բնույթի հարցեր, սակայն ոչ թե հետաքրքրասիրությունից դրդված, այլ Ձեր անհատականությունը բացահայտելու համար, որպեսզի հասկանան` որքանով եք համապատասխանում կազմակերպությանն ու կոլեկտիվին: Ձեզ կարող են փորձել հանել հավասարակշռությունից, կամ կարող է Ձեզ թվալ, թե հարցերը տեղին չեն, սակայն մասնագետը դրանով արագորեն կարող է բացահայտել Ձեր բնավորության թաքնված կողմերը, հնարավորությունների և ստեղծագործականության մակարդակը:

Պատասխանե՜ք միանգամից, տեղ-տեղ հումորով կամ ստեղծագործաբար առանց խուճապի մատնվելու։

Հետևեք այս քայլերին և հաջողությունը երաշխավորված է:

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

COVER

Կայացավ staff.am «Ստարթափ թիմերի կառուցում. քննարկում հիմնադիրների և ղեկավարների հետ» միջոցառումը

Կայացավ “Building startup teams: Discussion with CEOs and Co-founders“ հանդիպում քննարկումը, որը կազմակերպվել էր staff.am-ի կողմից երրորդ …

Leave a Reply

Your email address will not be published. Required fields are marked *