new
Սկիզբ / Մեր Գործատուները / Ընկերություններ #cool բենեֆիթների փաթեթներով / Ինչպե՞ս մոտիվացնել աշխատակիցներին․ 5 խորհուրդ գործատուներին

Ինչպե՞ս մոտիվացնել աշխատակիցներին․ 5 խորհուրդ գործատուներին

staff.am կարիերայի օնլայն հարթակը մշտապես կիսվում է հետաքրքիր խորհուրդներով, նոր թրենդներով, որոնք օգտակար են թե՛ օգտատերերի, թե՛ գործատուների համար։ Մենք առանձնակի ուշադրություն ենք դարձնում նաև գործատուի բրենդավորմանը, հրապարակում ընկերությունների բենեֆիթների փաթեթները։ Այս հրապարակման մեջ անդրադարձել ենք 2019թ․-ին  աշխատակիցների մոտիվացիայի գործոններին 🙂

Վերջերս TINYpulse-ի կատարած հետազոտությունը, որի մասնակիցների թիվը գերազանցում էր 200000-ը, ցույց տվեց, որ գումարն ու բենեֆիթները աշխատակիցներին մոտիվացնելու հարցում նույնիսկ թոփ հնգյակի մեջ չեն մտնում։

Ցուցանիշներն այսպիսին են․ հարցին, թե ի՞նչն է իրենց մոտիվացնում, մասնակիցների գրեթե 20%-ը պատասխանել է՝ թիմային ոգին, գործընկերների կողմից մոտիվացվելը, նրանցից դրական լիցքեր ստանալը մոտիվացիայի ամենակարևոր և գնահատելի ձևն է։ Մասնակիցների 17%-ը պատասխանել է՝ իմ մոտիվացիայի աղբյուրը հանդիսանում է աշխատանքը լավ կատարելու ինքնաբուխ ցանկությունը։ Այս ցուցանիշը խոսում է այն մասին, որ նոր թիմակիցներ փնտրելիս հարկավոր է մեծ ուշադրություն դարձնել նրանց անձնական հետաքրքրություններին, սոֆթ հմտություններին, հատկապես ինքնամոտիվացվելու հմտությանը։

Եթե դուք կրեատիվ անձնավորությանը հանձնարարեք մաթեմատիկական բարդ խնդիրներ լուծել, նա պարզապես կսկսի անտարբերությամբ աշխատել և ավելի շուտ հեռացման դիմում կներկայացնի, քան դուք կհասցնեք հասկանալ՝ որն է աշխատակցի նմանատիպ վարքի պատճառը։ Այդպիսի խնդիրներից խուսափելու համար պարզապես վստահ եղեք, որ ձեր աշխատակիցներն իրենց ճիշտ տեղում են և կարող են լավագույնս ինքնադրսևորվել՝ հօգուտ ձեր ընկերության ու իրենց մասնագիտական աճի։
ideacreativeblog

Վերադառնալով հարցման տվյալներին` նշենք, որ ըստ մասնակիցների 13%-ի մոտիվացիայի արդյունավետ եղանակ է  ընդունված և խրախուսված լինելը։ Ըստ հարցվածների, գումարն ու բենեֆիթները՝ որպես մոտիվացիայի եղանակ, յոթերորդ տեղում են։ Ի՞նչ է սա նշանակում․ նշանակում է, որ ժամանակն է կարդալ StaffBlog-ի նոր թողարկումը՝ մոտիվացիայի արդիական եղանակներին առավել լավ ծանոթանալու և պարզապես լավ առաջնորդ լինելու համար։
quoteleader

Այժմ ձեզ կներկայացնենք 2019 թվականին աշխատակիցներին մոտիվացնելու լավագույն եղանակները։

move-to-the-next-page-symbol


Ստեղծեք հաճելի աշխատանքային միջավայր

girlwithdogblog

Google-ը առաջին ընկերությունն էր, որ վարձեց 3 Micheline աստղի արժանացած խոհարարի՝ ընկերության գլխամասի ճաշարանում աշխատելու համար։ Google-ը նաև առաջիններից էր, որ թույլ տվեց աշխատակիցներին աշխատավայր բերել իրենց շներին։

rooftopblog

Իսկ օրինակ, Twitter-ը գործնական հանդիպումները սկսեց կազմակերպել տանիքում՝ մութ ու ճնշող հանդիպումների սենյակների փոխարեն։ Սա ամենևին չի նշանակում, որ պետք է կրկնօրինակեք որևէ ընկերության։ Ընդհակառակը, դուք կարող եք ձեր ստեղծարար մտածողության շնորհիվ թարմ գաղափարներ, նոր լուծումներ առաջարկել և իրագործել դրանք՝ մոտիվացված և արդյունավետ աշխատող թիմակիցներ ունենալու համար։ Կարող եք ոգեշնչվելու համար Google-ի օգնությամբ փնտրել հետաքրքիր օրինակներ՝ վերցված միջազգային խոշոր ընկերությունների հաջողության պատմություններից 🙂 

move-to-the-next-page-symbol


Եղեք անմիջական 

2nd

Հարգանքը, անկեղծությունը, աջակցությունը և պարզ շփումն ընկած են լավ հարաբերությունների հիմքում՝ անկախ նրանից այդ հարաբերությունները տնօրենի, գործընկերոջ թե աշխատակցի հետ են։ Որպես լավ առաջնորդ ձեզ հարկավոր կլինի ճիշտ ըմբռնել պահը՝ հասկանալու՝ երբ լինել պահանջկոտ աշխատակցի հանդեպ, իսկ երբ նրան մի փոքր հանգիստ ու «տարածք» տալ։ Այս կերպ աշխատակիցները ձեզ կսիրեն ու կհարգեն, կզգան, որ գնահատված են ձեր կողմից, կաշխատեն առավել արդյունավետ, մոտիվացված, կլցվեն հավատով առ ձեզ և ձեր ընկերություն։

move-to-the-next-page-symbol

Պարգևատրեք աշխատակիցներին՝ կատարած լավ աշխատանքի համար 

feedback

Մարդիկ կարող են ընդունվել աշխատանքի աշխատավարձի կամ բենեֆիթների համար, բայց մնալ ձեր ընկերությունում միջավայրի, գնահատված զգալու ու անձնական աճի հնարավորություն ստանալու շնորհիվ։ Նրանց մոտիվացիան բարձր մակարդակի վրա պահելու համար կարող եք մեկնարկել խրախուսական ծրագրեր, այսինքն՝ կատարած լավ աշխատանքի համար աշխատակցին պարգևատրել, աշխատավարձից զատ բոնուսներ հատկացնել։ Բոնուսային համակարգը կարող եք ստեղծել ըստ ընկերության ստացած շահույթի․ սա արդեն կախված է կազմակերպության գործունեության ոլորտից։

Մեծ կազմակերպությունները, ինչպիսիք են Oracle-ը կամ Adobe-ը, ներդրել են համակարգեր, որոնք հնարավորություն են տալիս աշխատակիցներին որոշակի գնով ձեռք բերել ընկերության բաժնետոմսերը։ Սա ևս մի տարբերակ է՝ աշխատակիցներին կազմակերպության գործունեության մեջ ներգրավելու։

quoteteam

move-to-the-next-page-symbol

Թույլ տվեք աշխատակիցներին բացահայտել անձնական աճի նոր հնարավորություններ

coworkersblog

Կառուցեք միջավայր, որտեղ աշխատակիցներն ազատ են փնտրել, գտնել և օգտվել անձնական ու մասնագիտական աճի հնարավորություններից։ Օրինակ՝ եթե ձեր աշխատակիցը գալիս և ասում է, որ որևէ թրեյնինգ կամ գիրք կօգնի նրան աշխատել էլ ավելի արդյունավետ, հատկացրեք նրան գումար և ժամանակ տվյալ թրեյնինգն անցնելու կամ գրքի կոնտենտին ծանոթանալու ու յուրացնելու համար։ Լավագույն բանը, որ կարող եք անել, նրան արտոնելն է վերադառնալ թրեյնինգից կամ գրքից ստացած գիտելիքների հիման վրա կազմված բիզնեսի զարգացման գաղափարների ցուցակով և կիսվել այդ գաղափարներով թիմակիցների հետ։

move-to-the-next-page-symbol


Լսեք ձեր աշխատակիցներին

listenmotivate

Սա մեր խորհուրդների ամենահեշտ իրագործելի, բայց և ամենակարևոր կետն է։ Աշխատակիցների հետ շփումը, նրանց կարծիքները, բողոքներն ու առաջարկները լսելը օգտակար կլինի թե՛ նրանց, և թե՛ ձեզ համար։ Աշխատակիցներին լսելը ձեզ թույլ կտա հասկանալ՝ հատկապես ինչին ուշադրություն դարձնեք ընկերության ներքին մթնոլորտը առավել հաճելի, աշխատանքային պրոցեսներն առավել հարմարավետ դարձնելու համար։ Իսկ ձեր ընկերությունում աշխատողները կսկսեն որպես մասնագետներ իրենց ավելի կարևոր ու գնահատված զգալ՝ չցանկանալով լքել ձեր կազմակերպությունը։

Դե ինչ, այս հրապարակման համար պատրաստել էինք այսքանը․ շարունակեք հետևել մեզ՝ աշխատաշուկայի թրենդներից էլ ավելի ինֆորմացված լինելու համար 🙂

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

thumbnail_20191007_121213

Digitain-ը ներկայացրել է տարածաշրջանում իր խոշորամասշտաբ նախագիծը՝ ԴիջիՔաղաք

staff.am գործատու ընկերություններից Digitain-ը, որը մշակում և մատուցում է առցանց և իրական խաղային ոլորտում ծրագրային …

Leave a Reply

Your email address will not be published. Required fields are marked *