Staff.am թիմի այցն այս անգամ նույնպես շատ տպավորիչ ու յուրահատուկ էր․ այցելել էինք միջազգային ընկերություն, որն ընդամենը մեկ տարի առաջ որոշեց ներկայացուցչական գրասենյակ բացել Հայաստանում և սկսեց համագործակցել staff.am-ի հետ։
Այդ ողջ ընթացքում all.me-ն հայկական աշխատաշուկայում շատ ակտիվ էր՝ տեղադրելով ավելի քան 100 թափուր աշխատատեղեր ծրագրավորման, թվային մարքեթինգի, անալիտիկայի, այլ տեխնիկական ուղղություններով։ Եվ այսօր անչափ ոգևորող է տեսնել ավելի քան 60 աշխատակից ու հնարավորություն ունենալ անմիջապես իրենցից լսելու all.me հարթակի զարգացման պատմության, աշխատանքի հեռանկարների ու առանձնահատկությունների մասին։
Եթե հարցնեին մեզ թե ինչպիսին է այցից տպավորությունները, ապա մի քանի բառով կարելի է ասել, որ all.me-ում վարակիչ աշխատանքային էներգիա փոխանցող միջավայր է ստեղծված, աշխատում են էնտուզիաստներ, ովքեր սիրում են թե աշխատանքը, թե պրոդուկտը։ Եվ միանգամից հասկանում ես, որ ցանկացած մասնագետ, ով կմիանա all.me թիմին նույնպես կդառնա իր իսկ ընկերության brand ambassador-ը։
Դե ինչ, շարունակենք կարդալ միասին, դեռ շատ հետաքրքիր մանրամասներ կան all.me ընկերության մասին, քանի որ պրոդուկտը լիովին նորարարական է թե՛ Հայաստանում, թե՛ ամբողջ աշխարհում։
Շնորհակալություն ենք հայտնում all.me ընկերության Մարդկային ռեսուրսների ղեկավար Արմինա Սարգսյանին և Մարքեթինգի բաժնի թիմ լիդ Սոնա Ավետիսյանին` մեր այցի կազմակերպմանն աջակցելու համար։
Մեր մասինԹիմակիցներԲենեֆիթներԼուսանկարներALL․ME ԹԻՄԱԿԻՑՆԵՐ
Արթուր Վարդանով
Երևանյան գրասենյակի տնօրեն
Սոնա Ավետիսյան
Կոնտենտ մարքեթինգի բաժնի ղեկավար
Արմինա Սարգսյան
Մարդկային ռեսուրսների ղեկավար
Ալբերտ Սարգսյան
QA թիմի ղեկավար
Արմինե Մուսախանյան
Թվային մարքեթինգի բաժնի ղեկավար
Արման Չիլինգարյան
Թվային տվյալների վերլուծաբան
Ռուզաննա Փիլոսյան
Օնլայն PR և ինֆլյուենսեր մարքեթինգ մենեջեր
Վարդան Ստեփանյան
Անալիտիկայի թիմի ղեկավար
Սոնա Խաչատրյան
Թվային մարքեթինգի ստրատեգ
Լեանդեր Ֆրեյ Արայատա
Տեխնիկական աջակցման բաժնի ղեկավար
Մարիամ Զաքիյան
Node.js ծրագրավորող
Վիշալ Պրատապ Սինգհ
Տեխնիկական աջակցման մասնագետ
Մեր առաջին զրուցակիցը all.me ընկերության Երևանյան գրասենյակի տնօրեն Արթուր Վարդանովն է, ումից տեղեկացանք՝ ինչ է իրենից ներկայացնում all.me հարթակը, և ինչով է առանձնանում մրցակիցներից:
– All.me-ն նորարարական հարթակ է, որն իր մեջ ներառում է սոցիալական․ ցանց (meNetwork), վճարային համակարգ (mePay) և շուտով նաև առևտրային հարթակ (meMarket): Այլ կերպ ասած՝ all.me-ն all in one հարթակ է, որտեղ օգտատերն ունի իր շփումները, իր կապերը, իր նկարները, իր գնումները, իր ծախսերն ու իր եկամուտները։ Որպես սոցիալական կայք all.me-ն միակն է աշխարհում, որ գնահատում է օգտատիրոջ ժամանակը և հնարավորություն տալիս գումար վաստակել հետաքրիր քոնթենթի և ակտիվության շնորհիվ`կիսելով գովազդատուներից ստացած եկամուտի մինչև 50%-ը ակտիվ օգտատերերի հետ: Հարկ է նշել, որ մենք ունենք մեր ներքին արժույթը՝ МЕ, որը այս պահին մեծ հաջողություններ է գրանցում կրիպտոաշխարհում:
Արթուրից տեղեկացանք, որ all.me սոց․ ցանցի օգտատերերի թիվը շուրջ 500,000 է։ Իսկ ME թոքենը արդեն բորսայում է (CoinAll), որի գինը 2 ամսում ավելի քան 1000% աճ է գրանցել և շարունակում է աճել։ Նպատակը՝ ավելի խոշոր բորսաներ ներգրավելն է։
Մեր հարցին, թե ինչով էր պայմանավորված Հայաստանում թիմ հավաքագրելը և ինչ հիմնական նպատակներ են առկա այս ճանապարհին, Արթուրը պատասխանեց՝
– All.me-ն գրասենյակներ ունի աշխարհի տարբեր երկրներում` Ռուսաստանի տարբեր քաղաքներում, Կիպրոսում, Սեյշելյան կղզիներում, գլխավոր գրասենյակն Իռլանդիայում է: Քանի որ Հայաստանում ՏՏ ոլորտն արագ տեմպերով զարգանում է, ունենք լավ մտավոր ռեսուրսներ, լավ մասնագետներ, նպատակահարմար էր թիմ ձևավորել հենց Երևանում:
– Նոր մասնաճյուղի հիմնումը, իհարկե, այդքան էլ հեշտ գործընթաց չէր։ Կախված ոլորտի առանձնահատկությունից աշխատակիցների հավաքագրման հարցում դժվարություններ եղել են։ Աշխատաշուկայում մինչ այս մասնագետները չէին առնչվել բլոքչեյն համակարգի և կրիպտոաշխարհի հետ թե՛ ծրագրավորման, և թե՛ մարքեթինգային ուղղություններում։
– Մեծ ջանքեր գործադրեցինք ոլորտի պրոֆեսիոնալների հավաքագրման համար և այսօր արդեն ունենք 60-ից ավելի աշխատակից, 2 գրասենյակ Երևանում ու շարունակում ենք ընդլայնվել։
– Մեր նպատակն է հավաքագրել քաղաքի լավագույն մասնագետներին մեկ վայրում և մասնագիտական աճի հնարավորություն տալ նոր հորիզոններում, նոր շուկաներում և բլոկչեյն տեխնոլոգիաներում:
Զրույցի ընթացքում Արթուրը պատմեց նաև, որ հարթակի կիրառելիության մեծացման նպատակով սերտ համագործակցում են կառավարական մարմինների հետ։
Բանակցություններ են ընթանում ՀՀ ԿԱ պետեկամուտների կոմիտեի, Արտաքին գործերի նախարարության, Տրանսպորտի, կապի և տեղեկատվական տեխնոլոգիաների նախարարության հետ։ Շատ մեծ հետաքրքրություն կա կառավարության կողմից, որպեսզի mePay դրամական վճարային համակարգը Հայաստանում գործի, մարդիկ կարողանան MEtoken-ները փոխել տեղական արժույթով և գործարքներ իրականացնել։
Այս պահի դրությամբ, օրինակ, ունենք մեր առաջին հաջողակ փորձը։ Երևանյան սրճարաններից մեկում՝ Dom By Eg-ում, կարող եք հաշվի վճարումն իրականացնել հենց МЕ token-ներով, որի համար անհրաժեշտ է ունենալ հավելվածը և МЕ token-ներ։
Կոնտենտ մարքեթինգի բաժնի ղեկավար Սոնա Ավետիսյանի հետ շարունակեցինք զրույցը՝ խոսելով all.me հայաստանյան ներկայացուցչությունում աշխատանքների հիմնական ուղղվածության և զարգացման հեռանկարների մասին։
– 2018թ․ ամռանը միանալով аll.me -ին՝ թիմակցիս՝ Անիի հետ Հայաստանում հիմնեցինք all.me թվային մարքեթինգի թիմը, ինչն իսկապես շատ ոգևորող է և մեծ ձեռքբերում եմ համարում։ Մինչ այս մարքեթինգն իրականացվում էր ընկերության այլ երկրների մասնաճյուղերում, սակայն հայաստանյան թիմի ցուցաբերած լավ արդյունքների շնորհիվ որոշվեց, որ թվային մարքեթինգի հիմնական թիմը կլինի Երևանում։
– Այս պահին թիմը բաղկացած է շուրջ 20 մասնագետներից և դեռ ունենք մի քանի թափուր հաստիքներ՝ տեղադրված staff.am-ում։ Ի սկզբանե, մեր առջև դրված էր կարևոր խնդիր՝ գտնել մասնագետների, ովքեր նեղ մասնագիտացած են SEO-ի, PPC-ի, Content Writing-ի, անալիտիկայի, անալիտիկայի ավտոմատացման տեխնոլոգիաներում, ինչը մենք նույնպես կարողացել ենք հաղթահարել։
All.me զարգացման հեռանկարների մասին խոսելիս, Սոնան նշեց՝
– Պրոյեկտը խելագար տեմպով է զարգանում: Օգտատերերի թիվն օր օրի մեծանում է: Այս պահին հիմնական թիրախային շուկան ԱՊՀ երկրներն են, Հնդկաստանը, Աֆրիկյան որոշ երկրներ։ Նպատակն է all.me-ն ճանաչելի դարձնել ամենուրեք։
Հարթակի զարգացումներից խոսելիս չենք կարող չնշել նաև ֆունկցիոնալի բարելավումը։ Անընդհատ աշխատանք է տարվում և՛ այս մասով, և՛ դիզայներական տեսանկյունից, որպեսզի բավարարենք մեր օգտատերերի պահանջները։
All.me բրենդը պարբերաբար մասնակցում է խոշոր իվենթների. օրինակ` 2018թ.-ին մենք հանդիսանում էինք Ֆրանկոֆոնիայի գագաթնաժողովի պաշտոնական գործընկերը Հայաստանում: Գագաթնաժողովի ընթացքում կրեատիվ և հետաքրքիր նախաձեռնությամբ հանդես եկանք՝ Digital Space-ով, ինչպես նաև մեծ գալա ընթրիք կազմակերպեցինք արտասահմանյան հյուրերի համար Dvin Music Hall-ում:
Սոնայից հետաքրքրիր էր տեղեկանալ, որ all.me-ն Հայաստանում նույնպես ունի օգտատերեր, որոնք շատ հետաքրքրված են հարթակի աշխատանքով և օրգանիկ կերպով ավելանում են։
– Մեծ գովազդային արշավներ դեռ չենք իրականացրել Հայաստանում, սակայն հետաքրքրությունը մեր պրոդուկտի նկատմամաբ օր օրի մեծանում է նաև հայերի շրջանում:
Մեր հարցին՝ ինչ միջազգային նվաճումներով է աչքի ընկնում ընկերությունը, Սոնան ավելացրեց․
– Տարբեր շուկաների համար մենք բանակցությունների մեջ ենք հայտնիների, աստղերի հետ։ Մեզ՝ որպես ամբասադոր, առաջինը միացել է Չելսիի նախկին հարձակվող Դիդիե Դրոգբան, ով մինչ այժմ մեր կողքին է, աջակցում է նախագծի զարգացմանը:
– Մենք նաև համագործակցում ենք միկրո և մակրո ինֆլուենսերների, բլոգերների հետ և ունենք շատ հաջողված պրոյեկտներ։
All.me պրոդուկտը մեծ հետաքրքրություն է առաջացնում ինֆլուենսերների, հայտնի մարդկանց և մեդիաների մոտ, քանի որ այժմ շատ թրենդային թեմաներ են բլոկչեյն տեխնոլոգիաները ու սոց․ մեդիաները։ Կարելի է ասել, որ all.me-ն մեկ քայլ առաջ է այն սոց․ մեդիաներից, որոնք փորձում են ավելացնել այն, ինչը հարթակում արդեն հասանելի է։
Սոնա, իսկ հակիրճ ինչպե՞ս կնկարագրեք all.me ընկերությունը․
Նորարարական,
Զարգացող,
Հսկա։
Հավելեմ նաև, որ մեր արժեքները մեր աշխատակիցներն են, նրանց գիտելիքներն ու աճը։ Եթե մասնագետն աճ չի գրանցում, հետևաբար չի զարգանում ընկերությունը։
Ռուզաննային, ով նոր է միացել all.me թիմին որպես Օնլայն PR և ինֆլյուենսեր մարքեթինգ մենեջեր, տվեցինք նաև մեր ավանդական դարձած հարցը՝ ինչը նպաստեց միանալու all.me նորարարական թիմին ու թե ինչպես է ինտեգրվել և ադապտացել թիմին։
– Երբ տեղեկացա, որ ապրելով Հայաստանում կարող եմ լինել համաշխարհային ինֆորմացիոն հոսքերի կենտրոնում և մասնակցել ամենահեղափոխական ու նորարարական սոց․ ցանցի ստեղծմանը, շատ ոգևորվեցի: Հեշտ չէ աշխատել Forbes-ի, Yahoo-ի, Mashable-ի նման գերհզոր մեդիահոսքեր ունեցող հարթակների հետ։ Բավականին շատ մասնագիտական հմտություններ են անհրաժեշտ խնդիրներն ու KPI-ներն իրագործելու համար, որոնք վստահ եմ ինձ համար իրագործելի են։ Որպես ոլորտի մասնագետ՝ մրցունակ և ինտենսիվ աճող միջավայրում լինելն ինձ համար թերևս ամենակարևոր գործոններից է։
– Ինչ վերաբերվում է ադապտացիային և ինտեգրվելուն, առաջին հայացքից վախ էր ներշնչում կայացած թիմին միանալը, սակայն երբ տեսա, որ մենք խոսում ենք նույն մասնագիտական լեզվով, կիսում ենք նպատակասլացության և արդյունավետ աշխատանքի նույն արժեքները, արդեն հենց առաջին իսկ օրվանից զգում էի ինձ իմ ափսեի մեջ: Թե՛ այստեղ, թե՛ արտերկրի մեր գրասենյակներում մեր աշխատակիցներն աջակցող են․ արդյունքները, որոնք ստանում ենք, թիմային աշխատանքի շնորհիվ են։
Ալբերտը, all.me ընկերությանը միացել է հիմնադրման առաջին իսկ ամսվանից և այժմ գլխավորում է QA թիմը։ Մեր հարցին, թե ինչ ակնկալիքներ ուներ և որոնք են իրականացել, Ալբերտը պատասխանեց․
– All.me-ն հետաքրքիր փորձառություն է տալիս, քանի որ որպես պրոդուկտ աննախադեպ է շուկայում: Ինձ համար նաև հետաքրքիր էր բացահայտել կրիպտոպրոդուկտների աշխարհը, բլոկչեյն տեխնոլոգիաները: Վստահ եմ, որ պրոդուկտի զարգացման հետ, ես նույնպես էլ ավելի մեծ մասնագիտական աճ կունենամ:
Ալբերտը նաև կիսվեց ապագա կոլեգաներին ուղղված խորհուրդներով․
Այստեղ լավ մասնագետը և որակյալ աշխատանքը միշտ գնահատվում են, բայց և այնպես երբեք չդադարեք սովորել ու զարգանալ։
Աշխատանքի առանձնահատկությունների և հանդիպող մարտահրավերների մասին զրուցեցինք Թվային մարքեթինգի ստրատեգ [Digital Marketing Strategist] Սոնա Խաչատրյանի հետ:
– Նմանատիպ խոշոր պրոյեկտն արդեն իսկ մեծ մարտահրավեր է և միևնույն ժամանակ շատ հետաքրքիր աշխատանք․ նոր շուկաներ, հսկայական լսարան, բազմաթիվ թարգեթներ և մեգա մրցակիցներ, ինչպիսիք են Ֆեյսբուքը, Թվիթերը, Ինստագրամը…: Մեկ բան է, երբ դու զբաղվում ես սոց․ մեդիա մարքեթինգով, այլ բան է, երբ դու ինքդ ես ստեղծում սոց․ մեդիա։ Այս պրոդուկտն առանձնահատուկ է նրանով, որ հեղափոխական ներդրում ունի մարքեթինգի ոլորտում։
– All.me-ն հայաստանյան մասնագետների համար մի մեծ պատուհան է դեպի խոշոր բրենդների աշխարհ: Եթե սոցիալական ցանց ստեղծելը համեմատենք պայուսակների բիզնեսի մարքեթինգի հետ, որտեղ դու ունես օրինակ մեկ-երկու թիրախային լսարան, սոց․ մեդիայի դեպքում քո թիրախային լսարանը բոլոր մարդիկ են, ովքեր ունեն ինտերնետ, հեռախոս և սիրում են շփվել։ Բարդությունը հենց սա է․ պետք է աշխատես տարբեր հետաքրքրություններ ունեցող մարդկանց հետ, լինես հասարակության մի մասը։
All.me օգտատերերի ներգրավման մասին առավել մանրամասն զրուցեցինք Թվային մարքեթինգի բաժնի ղեկավար Արմինե Մուսախանյանի հետ, ով հիմնականում զբաղվում է ընդհանուր ռազմավարություններով, օգտատերերի ներգրավմամբ և նրանց սոց․ մեդիայում պահպանելու, ակտիվացնելու գործընթացներով։
– Ինչպես արդեն նշվեց, all.me հարթակը հասանելի է ամբողջ աշխարհում, սակայն մենք ունենք կոնկրետ թիրախային լսարաններ՝ ընդհանուր ԱՊՀ երկրներն են, Հնդկաստան, Աֆրիկա, Բրազիլիա։ Պլանները շատ-շատ են։ Մեր օգտատերերի թիվն էլ շարունակ մեծանում է՝ հասնելով շուրջ 500,000-ի։
– Օգտատերերի հետ կապված, all.me-ն ունի իր առանձնահատկությունները՝ սկսած հավելվածի դիզայնից, որի վերաբերյալ շատ հաճախ ենք դրական կարծիքներ լսում։ Մենք նաև հնարավորություն ենք տալիս օգտատերերին ինքնաարտահայտվել և հայտնի դառնալ։ Օրինակ, եթե մարդկանց համար շատ դժվար է Instagram-ում հայտնի դառնալը, քանի որ մրցակցությունը և պահանջվող ռեսուրսները շատ մեծ են, մեր պարագայում մենք փակում ենք այդ բոլոր gap-երը, content creator-ներն են սկսում զբաղվել այդ գործով։
Աշխատակիցների կատարողականության գնահատման մասին Արմինեն նշեց․
– Աշխատանքում կիրառում ենք Agile մոտեցումը, որտեղ հիմնական KPI-ը՝ աշխատակցի կողմից իր հնարավորություններն առավելագույնս բացահայտելն է՝ դրանք օգտագործելով պրոդուկտի առաջխաղացման համար։ Կարող ենք ասել, որ մեր աշխատակիցները չունեն իրենց առաջ դրված որևէ սահման․ կան խնդիրներ և կան անսահման հնարավորություններ։ Աշխատակիցը նաև ազատ է ընտրել՝ որ բաժնում կամ որ նախագծի վրա է ցանկանում աշխատել։ Մենք անում ենք ամեն ինչ, որ աշխատակիցներն իրենց լավ ու հարմարավետ զգան, կարողանան աճել որպես մասնագետ և ռեալիզացվել։
Այն, որ all.me հարթակը միջազգային է, զարմանալի չէր գրասենյակում նկատելի աշխատանքային եռուզեռն ու միջազգային զանգերը, միթինգները, բայց հատկապես մեր ուշադրությունը գրավեցին աշխատակիցներն արտերկրից։ Մենք տեղեկացանք, որ all.me-ում շատ մեծ կարևորություն են տալիս բազմազանությանը՝ թիմում ներգրավելով մասնագետներ այլ երկրներից, այդ թվում նաև հայրենադարձներ /repat/ ու տրամադրելով կացության քարտ աշխատանքի ընթացքում։
Մենք, իհարկե, բաց չթողեցինք հնարավորությունը և զրուցեցինք Տեխնիկական աջակցման բաժնի ղեկավար Լենադերի և Տեխնիկական աջակցման մասնագետ Վիշալի հետ Հայաստանում իրենց կարիերան շարունակելու և աշխատանքում հանդիպած մարտահրավերների մասին։
– Ես անընդհատ փնտրում եմ մարտահրավերներ, երևի հենց դա էր պատճառը, որ սկսեցի աշխատանք փնտրել Հայաստանում ու գտնելուն պես անմիջապես Դուբայից տեղափոխվեցի Հայաստան։ Այս որոշումն իմ կյանքում լավագույններից մեկն էր։ Հայերի հետ շատ հեշտ է աշխատել, նրանք պրոֆեսիոնալ են և հիանալի կարողանում են հաղորդակցվել անգլերենով, – պատասխանեց Լեանդերը։
Վիշալը, որ Հայաստան է տեղափոխվել Հնդկաստանից և շուրջ վեց ամիս է ինչ միացել է all.me տեխնիկական աջակցման թիմին, մեզ հետ կիսվեց ոլորտում առկա առանձնահատկություններով և մարտահրավերներով։
– Մեր հիմնական նպատակն է համոզվել, որ մեր օգտատերերի կարիքները բավարարված են, և անհրաժեշտության դեպքում պատասխանել նրանց հարցերին։ Սա իսկապես յուրահատուկ փորձ է, ամեն օր ինչ-որ նոր բան ես սովորում։
Արմանի հետ խոսեցինք՝ ինչպիսի քայլեր են ձեռնարկվում all.me ընկերության կողմից աշխատակիցների մասնագիտական զարգացման համար և արդյո՞ք ընկերությունը ստեղծում է միջավայր կարիերայի հորիզոնական աճի համար։
– Ընկերությանը միացել եմ որպես թվային մարքեթինգի մասնագետ՝ SMM մասնագիտացմամբ՝ պրակտիկ փորձ ձեռք բերելով միջազգային շուկաներում սոց․ ցանցի առաջխաղացման, նոր հնարավոր հարթակների բացահայտման ոլորտներում։ Մեր ընկերությունում ամենից շատ կարևորում եմ կարիերայի աճի լայնամասշտաբ հնարավորությունները։ Օրինակ, մի քանի ամիս ընկերությունում աշխատելուց հետո ստացել եմ առաջարկ՝ աշխատանքս անալիտիկայի բաժնում շարունակելու համար։ Եվ այժմ աշխատում եմ որպես Թվային տվյալների վերլուծաբան։ Ինչն իսկապես ոգևորող և մոտիվացնող է։
Կարիերայի աճի հնարավորությունների մասին շարունակեցինք զրույցը Մարիամի հետ, ով հմտացած է այսօր բավականին մեծ պահանջարկ ունեցող տեխնոլոգիայում՝ Node.JS․
– Հայաստանում շատ են այն ընկերությունները, որտեղ օգտագործում են Node.JS-ը։ Սակայն all.me-ն նախևառաջ ինձ գրավեց իր համաշխարհային ճանաչում ունեցող պրոդուկտով, և կարիերայի աճի մեծ հնարավորություններով։ Ի սկզբանե, հմտացած եմ եղել PHP ծրագրավորման մեջ, այնուհետև որոշեցի փոխել տեխնոլոգիական ուղղվածությունս՝ JavaScript-ի Node.JS տեխնոլոգիա։ Կարիերայի նման աճն այսօր շատ կարևոր է յուրաքանչյուր մասնագետի համար։
All.me-ում անալիտիկայի թիմի աշխատանքի մասին հետաքրքիր էր զրուցել Վարդանի հետ, ով գրեթե մեկ տարի է ինչ միացել է ընկերությանը և հանդիսանում է Անալիտիկայի թիմի ղեկավար։
– Անալիտիկայի բաժինը զբաղվում է տվյալների պարզեցմամբ և դրանք ավելի հասանելի դարձնելու գործընթացով, որը հետագայում մատուցվում է մարքեթինգի և այլ բաժիններին, որպեսզի նրանք ավելի հեշտ աշխատեն all.me-ի ունեցած տվյալների հետ։ Մենք աշխատում ենք տվյալների փոխանցումն ավելի ավտոմատացված դարձնել, ինչը թույլ կտա ավելի լավ արդյունքներ ունենալ և հասկանալ՝ ինչպես է աշխատում պրոդուկտը։
Աշխատակիցների հավաքագրման պրոցեսների, ընկերության աշխատանքային առօրյայի ու կորպորատիվ մշակույթի մասին խոսեցինք Մարդկային ռեսուրսների ղեկավար Արմինայի հետ։
Արմինա, ինչպե՞ս է իրականացվում նոր աշխատակիցների հավաքագրումը, ինչ փուլերով են անցնում թեկնածուները։
– Կախված հաստիքից screening-ը և հարցազրույցը անց է կացվում HR մասնագետի կողմից, այնուհետև հարցազրույցի մյուս փուլերում ներգրավվում են նաև համապատասխան բաժնի թիմ լիդը և անհրաժեշտության դեպքում այլ երկրների թիմերի մասնագետները։ Քանի որ ընկերությունը միջազգային է, մենք շատ ենք կարևորում օտար լեզուների իմացությունը։ Բացի մասնագիտական հմտություններից նաև ուշադրություն ենք դարձնում անձնային որակներին։
All.me-ն նաև ճկունություն է ապահովում իր աշխատակիցների համար՝ տալով relocation-ի հնարավորություն։ Աշխատակիցներն ունեն հնարավորություն ընտրելու մեր գրասենյակներից որտեղ են ցանկանում աշխատել, կախված մասնագիտական կողմնորոշումից և առաջադրանքների բաշխվածությունից: Հնարավոր է ընտրել նաև այլ երկրներում գտնվող մեր գրասենյակները:
Արմինայից տեղեկացանք, որ արդեն գործում է ինթերնշիփային ծրագիր սկսնակ մասնագետների համար, ինչը շատ լավ հնարավորություն է ընձեռում երիտասարդներին համագործակցել պրոֆեսիոնալների հետ, պրակտիկ գիտելիքներ ստանալ և հետագայում մուտք գործել ՏՏ ոլորտ հեշտ և վստահ քայլերով։
Դե, ինչպես գիտենք, կորպորատիվ մշակույթն ու աշխատակիցներին տրամադրվող արտոնությունները էական դեր ունեն լավագույն մասնագետներին ներգրավելու գործում։ Հենց այդ թեմայով էլ շարունակեցինք զրույցն Արմինայի հետ․
– Մեզ մոտ ամբողջ օրն աշխատանքային եռուզեռ է․ վաղ առավոտից մինչև ուշ գիշեր, քանի որ աշխատանքը սպասարկման ոլորտում հերթափոխային է։ Ինչպես և նկատում եք, մեզ մոտ բոլոր meeting room-երը միշտ զբաղված են, brainstorming-ներ են կազմակերպվում մյուս երկրների թիմակիցների հետ։
Կարող եմ ասել, որ all․me-ն ընտանիք է, թիմ, որտեղ կարևորվում է համերաշխ մթնոլորտը։ Եվ չնայած աշխատանքային հագեցվածությանը, մենք չենք մոռանում մեր աշխատակիցների հանգստի մասին․ պարբերաբար միջոցառումներ, թիմբիլդինգներ ու փարթիներ ենք կազմակերպում, որոնք կարող են լինել մեկ գավաթ գարեջրի շուրջ, պարային միջավայրում։ Նաև կազմակերպվում են թեմատիկ երեկոներ, օրինակ՝ մաֆիա երեկո։ Մեր միջոցառումների անբաժան և հետաքրքիր մասն են կազմում նաև թիմային լանչերը։
– Կորպորատիվ միջոցառումներից բացի, մեր թիմը ակտիվորեն մասնակցում է սոցիալական պատասխանատվության ծրագրերի։
– аll.me կորպորատիվ մշակույթի ձևավորման մեջ մեծ դեր ունեն մեր աշխատակիցները։ Նրանք սիրում են իրենց աշխատանքը, պրոդուկտը, որը ստեղծում են, որքան էլ որ պրոֆեսիոնալ լինեն, միևնույն է շարունակում են սովորել ու հմտանալ նոր տեխնոլոգիաներում։
Ամփոփելով զրույցը, Արմինան նշեց՝ all.me-ն տարբեր երկրներում ունի 7 գրասենյակ և ավելի քան 150 աշխատակից, պրոդուկտի զարգացման վրա, մասնավորապես, աշխատում են չորս գրասենյակներից՝ Երևանից, Նիժնի Նովգորոդից, Վիլնյուսից և Մոսկվայից։ Հայաստանյան թիմում ներգրավված են ծրագրավորողներ, QA ինժեներներ, մարքեթինգի մասնագետներ, մոդերացիայի և աջակցության թիմեր, դիզայներներ։
– Անկախ նրանից՝ այս պահին ունենք թափուր աշխատատեղեր թե ոչ, մշտապես պատրաստ ենք համագործակցել փորձառու մասնագետների, էնտուզիաստների հետ, ովքեր ունեն իրենց ասելիքը, գաղափարները՝ փորձը կիսելու և պրոդուկտի զարգացմանը նպաստելու համար։
ALL.ME ԱՇԽԱՏԱԿԻՑՆԵՐԻՆ ՏՐԱՄԱԴՐՎՈՂ ԲԵՆԵՖԻԹՆԵՐԸ
Աշխատանքային օրենսդրությամբ նախատեսված բոլոր պայմանները,
Ժամանակակից լուծումներով հարուստ աշխատավայր,
Մրցակցային աշխատավարձ,
Բոնուսային համակարգ բարձր կատարողականության համար,
Աշխատավարձի վերանայման ֆիքսված համակարգ,
Մասնագիտական զարգացման և կարիերայի աճի հնարավորություն,
Employee Referral, Computer Donation,
Ճկուն աշխատանքային գրաֆիկ և ինթերնշիփ ծրագիր ուսանողների համար,
Միջազգային թիմի հետ բաց հաղորդակցման հնարավորություն,
Աշխատակցի ռելոկացիայի հնարավորություն ընկերության այլ գրասենյակներ,
Գործուղումներ,
Վճարվող “Sick Leave” օրեր,
Թիմբիլդինգի և կորպորատիվ միջոցառումների կազմակերպում,
Ընկերության կողմից սահմանված նվեր աշխատակցի ծննդյան օրվա կապակցությամբ,
Սուրճ-թեյ։
All.me ընկերությունում աշխատակիցները նաև վերապատրաստման և փորձի փոխանակման հնարավորություն ունեն իրենց իսկ նախընտրած քաղաքի մասնաճյուղում։
Ամփոփենք ։)
All.me ընկերությունը Հայաստանի աշխատաշուկայում նոր շունչ մտցրեց՝ հնարավորություն ստեղծելով մասնագետներին ինքնադրսևորվել և հմտանալ բոլորովին այլ՝ բլոկչեյնի աշխարհում։ Չնայած մասնագետների հավաքագրման ոլորտում ունեցած մարտահրավերներին, all.me թիմը արդեն ընթանում է միջազգային և տեղական ասպարեզներում հաջողությունների ճանապարհով և միշտ կարողանում է շուկային նորություններով ներկայանալ։
Մենք վստահ ենք, որ էլի կայցելենք all.me ընկերություն և ձեզ հետ կկիսվենք սպասվող ձեռքբերումներով և նվաճումներով։
ALL.ME-Ն ԼՈՒՍԱՆԿԱՐՆԵՐՈՎ
