cover
Սկիզբ / staff.am / Ամերիկյան համալսարանի ուսանողները ծանոթացան Հայաստանի աշխատաշուկայի ակտիվությանը

Ամերիկյան համալսարանի ուսանողները ծանոթացան Հայաստանի աշխատաշուկայի ակտիվությանը

Այսօր Հայաստանի ամերիկյան համալսարանի (ՀԱՀ) «Ուսանողների հաջողության կենտրոն»-ում staff.am համահիմնադիր Լուիզա Ավետիսյանը հանդիպում ունեցավ համալսարանի ուսանողների հետ՝ ներկայացնելով ՀՀ աշխատաշուկայի ակտիվության ցուցանիշները։

Հանդիպումը կազմակերպվել էր ՀԱՀ-ի Ուսանողների գործերով գրասենյակի/ Կարիերայի ծառայությունների կենտրոնի նախաձեռնությամբ, ինչի համար հատուկ շնորհակալություն ենք հայտնում կենտրոնի Կարիերայի խորհրդատու Ստելլա Կոստանյանին։

Ուսանողների կողմից ՀՀ աշխատաշուկայի զարգացման միտումներին հետևելը շատ օգտակար է, որը հնարավորություն է տալիս պահանջարկին համապատասխան կողմնորոշվել հետագա ավելի նեղ մասնագիտացման ընտրության և հաջողակ կարիերա կառուցելու հարցում։

Ի սկզբանե, Լուիզան ներկայացրեց 2019թ․-ին աշխատաշուկայի ընդհանուր վիճակագրությունը` համեմատելով ցուցանիշները 2018թ․ տվյալների հետ։

«Մասնավորապես,  ուշագրավ է այն փաստը, որ 2019թ․ staff.am-ում հրապարակված տարբեր ոլորտների՝ սկսած ՏՏ-ից մինչև արտադրություն, հայտարարությունների քանակը գերազանցել է 12,500-ը։ Այսինքն, 2018թ․-ի հետ համեմատած եղել է 250% աճ հրապարակված թափուր աշխատատեղերի առումով»,- նշեց Լուիզան իր խոսքում։

Հանդիպմանը մասնակցող ուսանողների մեծամասնությունն այս պահին պահանջված ոլորտների մասնագիտություններ են ուսումնասիրում՝ Բիզնեսի կառավարում, Մարքեթինգ, Ծրագրավորում։ Եվ աշխատաշուկայի ակտիվության ցուցանիշներն այս տեսանկյունից բավականին ողջունելի էին իրենց կողմից։ Ինչ վերաբերվում է սոֆթ հմտություններին, ուսանողները տեղեկացված էին, որ բացի մասնագիտական հմտություններից այսօր գործատուն մեծ ուշադրություն է դարձնում նաև անձնային հատկանիշներին, բայց թերևս հետաքրքիր էր իմանալ, որ թոփ 5-ում թիմային աշխատանքի, ժամանակի կառավարման, դրական վերաբերմունքի և հաղորդակցման հմտություններն են։

Լուիզան ուսանողների հետ կիսվեց նաև աշխատաշուկայում աշխատավարձերի վերլուծությամբ, օրինակ՝ ծրագրավորման ոլորտում սկսնակ մասնագետն ինչ աշխատավարձ կարող է ակնկալել կամ, եթե ցանկանում է կրթության ոլորտում շարունակել իր կարիերան, ապա որն է միջին աշխատավարձն այդ ոլորտում։

ՀԱՀ-ի ուսանողներից Սոֆին, ով այս պահին սովորում էր Բիզնես կառավարում ու նպատակ ուներ ավելի հմտանալ մարքեթինգի ոլորտում,  մեր հարցին, թե արդյոք աշխատաշուկան խոստումնալից է համարում իր կարիերայի համար, պատասխանեց․

«Մարքեթինգի և ՏՏ ոլորտի մասնագետների համար այժմ մեծ հնարավորություններ կան և խոստումնալից է աշխատաշուկան, ինչը չենք կարող ասել մյուս մասնագիտությունների համար»։

Ամենավերջում ուսանողները հնարավորություն ունեցան նաև իրենց հուզող հարցերը քննարկել և ստանալ օգտակար պատասխաններ։ Եթե հետաքրքրված եք ծանոթանալ ՀՀ աշխատաշուկայի ակտիվության և աշխատավարձերի ցուցանիշներին, ապա կարող եք հետևել StaffMedia-ի հրապարակմանը այստեղ։

 

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

eb_cover-final size

Գործատուի բրենդավորման 4 կարևոր գործիք staff.am-ից

Հայաստանում ավելի ու ավելի շատ ընկերություններ են սկսել ուշադրություն դարձնել Գործատուի բրենդավորմանը՝ դիմելով սոց․ ցանցերի, …

Leave a Reply

Your email address will not be published. Required fields are marked *