Սկիզբ / Խորհուրդներ / CV կառուցման խորհուրդներ / Ինչպիսին պետք է լինի Ձեր CV-ն․ խորհուրդներ մասնագետներից

Ինչպիսին պետք է լինի Ձեր CV-ն․ խորհուրդներ մասնագետներից

StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել BetConstruct   Ռեքրութմենթի և կազմակերպչական զարգացման բաժնի ղեկավար Աննա Պողոսյանի օգտակար խորհուրդները CV կառուցման մասին։

ԱՆՆԱ ՊՈՂՈՍՅԱՆ

BetConstruct 

Head of Recruitment and Organizational Development Department

linkedin

 

 

 

 

 

 

 

«Ինձ ինքնակենսագրականի որև է օրինակ կուղարկե՞ք…» Միայն աշխատակազմի հավաքագրման մասնագետները գիտեն, որքան հաճախ է հնչում այս հարցն աշխատանք փնտրողների կողմից:

Տարիներ առաջ միակ եղանակը գործատուին ներկայանալու և աշխատանքի ընդունվելու համար հին ու բարի աղյուսակներով ինքնակենսագրականն էր, որը կարող էր լրացված լինել նաև ձեռագիր: Այդ ժամանակ վստահաբար անգամ մտածելը սարսափելի էր, որ կարելի է կտրուկ փոփոխություններ անել CV-ի մեջ, հրաժարվել ինչ-որ դաշտերից կամ հակառակը ավելացնել դաշտեր և փոփոխել այդ սև ու սպիտակ անշուք փաստաթուղթը՝ մտածելով, որ գործատուի մոտ փոփոխված տարբերակը կդիտարկվի որպես ոչ պրոֆեսիոնալ…

CV-ին ներկայացնում է թեկնածուի անհատականությունը, փորձը, գիտելիքը և հմտությունները. ամեն դեպքում այդպիսին թեկնածուները ցանկանում են ներկայանալ մեզ՝ ՄՌ մասնագետներին: Տեսնելով բազմաթիվ CV-ներ՝ սկսած տառասխալներով և անհամապատասխան լուսանկարներով CV-ներից, վերջացրած կրեատիվ, գեղեցիկ դիզայնով և յուրահատուկ ներկայացումով CV-ներով, ինքս ինձ համար եկել եմ այն եզրահանգմանը, որ չկա ինքնակենսագրականի իդեալական ստանդարտ և երբեք չի էլ կարող լինել: Իհարկե, կան լավ օրինակներ, որոնց, ըստ իս, արժե հետևել և այս հոդվածում կցանկանայի կիսվել ձեզ հետ նրանցով, սակայն սա միայն տեսակետ է, որին հետևել, թե ոչ ձեր որոշումն է:

1_final

check-mark (4)Փորձեք կարճ և լակոնիկ ներկայացնել CV-ն. հավաքագրման մասնագետներն ամեն CV-ի վրա ծախսում են 1 րոպեից ոչ ավել նախնական շորթլիսթինգի համար: Վստահ ենք, որ պատմելու շատ բան կա և դուք ցանկանում եք ներկայացնել այդ ամենը, սակայն դուք բոլոր մանրամասները կարող եք պատմել հարցազրույցի ժամանակ և CV-ի
մեջ ներառել միայն առավել կարևոր տեղեկատվությունը:

check-mark (4)Տարբերակեք տեղեկատվության առաջնահերթությունը. սկզբից նշեք այն ձեռքբերումները, որոնք ձեզ համար առավել կարևոր եք համարում:

check-mark (4)Մի մոռացեք նշել կամավորական աշխատանքները, դրանք ձեզ համար մեծ առավելություն են աշխատաշուկայում: Իսկ եթե չունեք աշխատանքային փորձ, նշեք աշխատանքին վերաբերող ցանկացած դասընթաց, աշխատաժողով և պրակտիկա, որին մասնակցել եք: 🙂

check-mark (4)

Մի մոռացեք նշել ձեր հեռախոսի համարը և էլեկտրոնային հասցեն և փոփոխությունների դեպքում անպայման շտկեք այն:

check-mark (4)CV-ն կազմելիս հիշեք կոնկրետ գործատուի պահանջները և լրացրեք այդ ձևաչափով: Ինչպես նաև հիշեք կոնկրետ հաստիքներին դիմելու ժամանակ յուրահատուկ պահանջների մասին, ինչպիսին է օրինակ դիզայների հաստիքը. այդ ժամանակ միայն ինքնակենսագրականի առկայությունը բավարար չէ և անհրաժեշտ է նաև պորտֆոլիո:

check-mark (4)

Մի վախեցեք օգտագործել թվեր, գրաֆիկական պատկերներ և ձեր նվաճումները ներկայացրեք պատկերավոր եղանակով: Հիշեք, որ պատկերները, ավելի հեշտ են հիշվում և տպավորվում, քան տեքստը և, անկասկած, ինֆոգրաֆիկաների օգտագործումն ինքնակենսագրականում կդարձնի այն ոչ միայն տրենդային, այլև հետաքրքիր և տպավորիչ:

check-mark (4)

CV կազմելիս շատ հաճախ մենք փորձում ենք համացանցում գտնել տարբերակներ և դրանք փոփոխել մեր գիտելիքներին և փորձին համապատասխան: Դա, անշուշտ, շատ կարևոր է, սակայն փորձեք այդ ստանդարտներին ավելացնել ձեր կողմից և ձեր մասին պատմող տողեր, կրեատիվ մոտեցում ցուցաբերեք, երբ ներկայացնում եք ձեր մասնագիտական անցած ճանապարհը… մի խոսքով համեմունք տվեք ձեր ինքնակենսագրականին, չէ որ այն պատմում է ձեր մասին…

check-mark (4)

Եղեք ակտիվ տարբեր սոցիալական հարթակներում և ավելացրեք, օրինակ, ձեր LinkedIn-ի պրոֆիլը ձեր ինքնակենսագրականում. նույն կերպ դիզայներները կարող են ավելացնել Behance-ի հարթակը իրենց CV-ներում և այլն:

2

delete-button-(1)Մի նշեք ակնհայտ կարողություններ, օրինակ Word, Internet… Մենք վստահ ենք, որ դուք կարող եք օգտվել համացանցից և տեքստ հավաքել:

delete-button-(1)Հիշեք գաղտնիության մասին. աշխատավարձի մասին ոչ մի տեղեկատվություն ձեր CV-ում… երբեք:

delete-button-(1)Թափթփված և տարբեր տառատեսակներով մի կազմեք ձեր CV-ն: Դուք ցանկանում եք լուրջ և պատասխանատու մարդու տպավորություն թողնել, չէ՞: Կարող եք օգտագործել Arial տառատեսակը և մի չարաշահեք մեծատառերով գրված վերնագրերը: Հիշեք, որ ի վերջո ձեր ինքնակենսագրականը պետք է ոչ միայն գեղեցիկ և գրավիչ լինի, այլև հեշտ ընթեռնելի:

delete-button-(1)CV-ն մի ուղարկեք Word ձևաչափով, այն դարձրեք PDF  ֆորմատի. դա ավելի պրոֆեսիոնալ է և ունի նաև իր տեխնիկական հետևանքները:

delete-button-(1)Եթե դուք դիմում եք հաշվապահի հաստիքի համար, պետք չէ նշել ձեր վարորդի փորձի մասին, դա ավելորդ տեղեկատվություն է:

delete-button-(1)Ձեր պարտականությունները գրելիս մի պատճենեք ձեր աշխատանքի նկարագրությունը համացանցից: Ներկայացրեք իրական աշխատանքի նկարագիրը:

delete-button-(1)Եվ ամենակարևորը, երբեք մի խաբեք ձեր ապագա գործատուին. միևնույնն է հարցազրույցի ժամանակ ամեն ինչ պարզ է դառնալու: Ճշմարտությունից և հավաքագրման մասնագետից ոչ մի տեղ չես փախչի 🙂

 

Այցելեք staff.am այսօր և ստեղծեք Ձեր օնլայն CV-ին

Դիտեք նաև

JTI-final

Make It Bright 2020` Համաշխարհային փորձառնության մարտահրավեր Japan Tobacco International (JTI)-ից

JTI Japan Tobacco International ընկերությունը շրջանավարտներին առաջարկում է  համաշխարհային փորձառնություն (պրակտիկա) ձեռք բերելու եզակի հնարավորություն: …

Leave a Reply

Your email address will not be published. Required fields are marked *