cover
Սկիզբ / Խորհուրդներ / Ինչպե՞ս վերաբերվել գործատուի` հարցազրույցից հետո Ձեզ զանգահարելու խոստմանը

Ինչպե՞ս վերաբերվել գործատուի` հարցազրույցից հետո Ձեզ զանգահարելու խոստմանը

staff.am կարիերայի հարթակը Armenia Today լրատվական պորտալի հետ համատեղ ձեզ հետ է կիսվում աշխատանքի հարցազրույցների մասին մի շարք օգտակար խորհուրդներով։



Ինչո՞ւ է գործատուն ասում՝ «մենք Ձեզ կզանգահարենք»

Համաձայն աշխատանք փնտրողների մեծամասնության կարծիքի` «մենք Ձեզ կզանգահարենք» արտահայտությունը հնչում է «դատավճռի»-ի նման, հարցազրույցների մեծամասնությունն ավարտվում է այդ արտահայտությամբ, այնուհետ սկսվում է զանգին սպասելու երկարատև շրջանը:

Ըստ վիճակագրության` թեկնածուների մեկ երրորդն այդ արտահայտությունը համարժեք է համարում մերժմանը. թեկնածուն կարծում է, որ չի համապատասխանում թափուր հաստիքին, չունի բավարար փորձ, լեզուների բավարար իմացություն և այլն:

Armenia Today-ի օրինակով կարող ենք նշել, որ.աշխատանք փնտրող 45 թեկնածուներից մենք զանգահարել ենք միայն երկուսին, քանի որ միայն նրանք են համաձայնել գրել թեստային առաջադրանք. նրանցից մեկը հենց կազմակերպությունում է գրել, իսկ երկրորդն ուղարկել է տանից:

inside

Մի քանի թեկնածուներ մերժվել են իրենց կողմից ներկայացված հմտություններին գործնականում չհամապատասխանելու հետևանքով. հարցազրույցի ժամանակ պարզ է դառնում, որ թեկնածուն օտար լեզվից թարգմանել կարողանում է միայն առցանց-թարգմանչի օգնությամբ, իսկ ինքնակենսագրությունում նշված աշխատանքային փորձը չի համապատասխանում թափուր հաստիքի համար ներկայացվող պահանջներին:

Գործատուի կողմից հետադարձ կապի բացակայության պատճառներից մեկն էլ հետևյալն է. Ձեր ամբիցիաները բարձր են Ձեր հնարավորություններից, իսկ Ձեր կողմից պահանջվող աշխատավարձը չի համապատասխանում Ձեր ներուժին, կամ էլ կյանքի վերաբերյալ Ձեր հայացքները չեն համապատասխանում ընկերությունում ձևավորված արժեհամակարգին:

Ո՞ր դեպքերում է «մենք Ձեզ կզանգահարենք» արտահայտությունը համարվում պարզապես դադար՝ թեկնածուին մերժելուց առաջ կամ գործատուի կողմից մտածելու համար ժամանակ շահելու տարբերակ:

Ճիշտ և արդարացի կլինի մերժման պատճառները միանգամից բարձրաձայնել, որպեսզի թեկնածուն զուր հույսեր չփայփայի և ժամանակ չկորցնի` զանգին սպասելով, սակայն ոչ միշտ է գործատուն ցանկանում վարել բացատրական և երկար հարցազրույց: Լինում են նաև այնպիսի տարբերակներ, երբ HR մենեջերը պետք է քննարկի իր որոշումն ընկերության ղեկավարի հետ՝ Ձեր օգտին: Դա կարող է տևել մի քանի օր, քանի որ Դուք կարող եք միակ դիտարկվող թեկնածուն չլինել, ով համապատասխանում է անհրաժեշտ պահանջներին:

1Ուղղակիորեն հարցրե՜ք, թե ինչպիսին են Ձեր հնարավորությունները: Նրբանկատորեն խնդրե՜ք հարցազրուցավարին միանգամից հնչեցնել «դատավճիռը», որպեսզի երկուստեք ժամանակ չկորցնեք: Ցանկացած գործատու կարևորում է երկարաժամկետ հարաբերությունները, քանի որ նոր աշխատակիցների փնտրտուքն ու նրանց նախապատրաստումը, ուսուցումը շատ ժամանակ է պահանջում: Այդ պատճառով էլ ինքնակենսագրության և հենց թեկնածուի ուսումնասիրումը կարող է տևել ոչ թե մեկ կամ երկու օր, այլ՝ ամիսներ:

inside2

2Փորձե՜ք օբյեկտիվորեն գնահատել հարցազրույցի արդյունքները և դրա հիման վրա կանխատեսել Ձեր հաջողության հնարավորությունները:

3Պայմանավորվե՜ք գործատուի կողմից հետադարձ կապի հստակ ժամկետների մասին: Որոշ կազմակերպություններում ընկերությունը ձգձգում է ժամկետներն աշխատակիցների ընտրության երկարատև փուլի պատճառով, իսկ մյուս կազմակերպություններում արհեստական ձգձգումը տեղի է ունենում գործատուի ցանկությամբ, որպեսզի հնարավորինս մեղմ մերժեն թափուր հաստիքին չհամապատասխանող թեկնածուին:

inside-3

4Զանգահարե՜ք մարդկային ռեսուրսների հավաքագրման բաժին կամ կախված ընկերությունից այլ պատասխանատու բաժին, որպեսզի հստակեցնեք արդյունքները: Նման դեպքում անհրաժեշտ է մի կողմ թողնել բոլոր էմոցիաները և հստակեցնել մերժման պատճառները, որպեսզի Դուք կարողանաք համապատասխան եզրակացություններ անել: Հնարավոր է, որ հաշվի առնելով մերժման պատճառները, Դուք կարողանաք կամ բարելավել Ձեր գիտելիքներն այդ ոլորտում կամ պարզապես փորձել Ձեր ուժերը մեկ այլ աշխատանքում։

Առավելագույնս ազնիվ եղե՜ք ինքներդ Ձեր և Ձեր ապագա գործատուի հետ: Եթե ցանկանում եք հայտնվել կազմակերպությունում, սակայն չունեք բավարար փորձ, ապա պետք է փորձեք կարիերայի աստիճաններով բարձրանալ փոքր քայլերով, ինչը հնարավորություն կտա յուրացնել աշխատանքի բոլոր փուլերը և հնարավորինս մասնակցել կազմակերպության կայացմանը:

 

 

Այցելեք staff.am այսօր և ստեղծեք Ձեր օնլայն CV-ին

Դիտեք նաև

COVER

Կայացավ staff.am «Ստարթափ թիմերի կառուցում. քննարկում հիմնադիրների և ղեկավարների հետ» միջոցառումը

Կայացավ “Building startup teams: Discussion with CEOs and Co-founders“ հանդիպում քննարկումը, որը կազմակերպվել էր staff.am-ի կողմից երրորդ …

Leave a Reply

Your email address will not be published. Required fields are marked *