Սկիզբ / Խորհուրդներ / Ուղեկցող նամակ – Cover Letter

Ուղեկցող նամակ – Cover Letter

Գործատուները միշտ չէ, որ պահանջում են ուղեկցող նամակ (Cover letter): Սակայն եթե պահանջում են, ուրեմն սրա համար պատճառ ունեն և սպասում են այնտեղ կարդալ

  1. Ինչու եք դուք ընտրել այս գործատուին։
  2. Ինչու տվյալ գործատուն պետք է ընտրի ձեզ։

Անձնական ինֆորմացիա

Cover Letter-ի այս հատվածում ներառում ենք անուն-ազգանուն, բնակության հասցե, հեռախոսահամար, էլ. հասցե:

Նախաբան

Առաջին հատվածը պետք է ներառի Cover letter գրելու պատճառը և նպատակը: Այս բաժնում նշում ենք կոնկրետ պաշտոնը, որի համար դիմում եք, ինչ ռեսուրսներից եք տեղեկացել թափուր պաշտոնի մասին և ինչով է այն ձեզ գրավել: Ինչպես նաև հակիրճ նշեք ձեր կրթության մասին, թե քանի տարի եք սովորել կամ ինչ աստիճանի կրթություն եք ստացել:

BODY․ Հիմնական մաս

Cover letter-ի 2-րդ հատվածում պետք է պատասխանել այն «ինչու հենց ես» հարցին։ Այստեղ խոսեք ձեր հաջողությունների, փորձառության և հմտությունների մասին, որոնք առավել կհետաքրքրեն գործատուին և տվյալ պաշտոնի համար նպատակահարմար կլինեն: Իսկ եթե չգիտեք գործատուին ինչ կհետաքրքրի, դիմեք թափուր աշխատատեղի նկարագրի օգնությանը (հայտարարությունները պետք է միշտ ուշադիր կարդալ ու պահել մի ինչ-որ տեղ համակարգչում։ Դրանք հարցազրույցին նախապատրաստվելիս էլ են շատ օգնում): Այս բաժնում անհրաժեշտ է նաև ներկայացնել Ձեր հետաքրքրվածությունը տվյալ պաշտոնի, կազմակերպության, նրա մատուցած ծառայությունների հանդեպ: Լավ կլինի ցույց տալ, որ ուսումնասիրել եք կազմակերպությունը՝ նշելով Ձեր վերաբերմունքը նրա տեսլականի, նպատակների մասին։

Վերջաբան

Փակեք նամակը դրական, շնորհակալություն հայտնեք գործատուին հատկացրած ժամանակի համար և նորից շեշտադրեք իրենց հետ աշխատելու Ձեր ցանկությունը:

Մի քանի խորհուրդ.

1․ Վերջաբանում մի քիչ հումորը չի խանգարի։

2․ Մի խնդրեք մեկ ուրիշին, որ ձեր փոխարեն գրի, դուք դեռ հարցազրույցի եք գնալու ու ներկայացնելու եք ձեզ։

3․ Առանձնացրեք, այնպես արեք, որ ձեզ հիշեն, ձեր մասին պատմեն կոլեգաներին։

Առհասարակ, ավելի լավ է դիմեք երկու գործատուի, բայց ճիշտ ու ամբողջական ուշադրություն ու ժամանակ տրամադրեք, քան հակառակը։

Անի Մարգարյան

Talent specialist (ՄՌԿ մասնագետ) Joomag, Inc.
Այցելեք staff.am այսօր և ստեղծեք Ձեր օնլայն CV-ին

Դիտեք նաև

Cover

Միտումնավոր սովորել՝ միայն քո պատասխանատվության ներքո է

Գործի բերումով շատ առիթներ եմ ունեցել ուսումնասիրել, թե ինչպես են մարդիկ սովորում՝ թե կողքից նայելով …

Մեկ կոմենտ

  1. Շնորհակալ եմ Ձեզ հետաքրքիր և օգտակար խորհուրդների համար։Առաջին անգամ էի ուղեկցող նամակ գրում ու առանց Ձեր օգնության գործը հաստատ գլուխ չէի բերի։

Leave a Reply

Your email address will not be published. Required fields are marked *