Սկիզբ / Խորհուրդներ / CV կառուցման խորհուրդներ / Ինչպիսին պետք է լինի Ձեր CV-ն․ խորհուրդներ մասնագետներից

Ինչպիսին պետք է լինի Ձեր CV-ն․ խորհուրդներ մասնագետներից

StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել Optym Armenia  ՄՌԿ մասնագետ Սոնա Գրիգորյանի օգտակար խորհուրդները CV կառուցման մասին։

ՍՈՆԱ ԳՐԻԳՈՐՅԱՆ

Optym Armenia  HR Specialist

linkedin

 

 

 

 

 

 

 

 

CV-ն պետք է լինի Ձեր անձի պրոֆեսիոնալ գովազդը, և թիրախում պետք է լինի Ձեր ապագա գործատուն։ Պատկերացրեք հանդիպել եք Ձեր երազանքների ընկերության տնօրենին կամ մարդկային ռեսուրսների կառավարչին և ունեք ընդամենը մի քանի րոպե ներկայանալու և Ձեր տարիների փորձից խոսելու համար։ Կարծում եմ բնականաբար կառանձնացնեք այն ամենակարևոր և տպավորիչ ձեռքբերումները, որոնք ունեցել եք, և եթե դրանք իրոք գրավեն Ձեր ապագա գործատուին, ապա անպայման հանդիպումը կավարտվի ևս մեկ անգամ հանդիպելու պայմանավորվածությամբ, որի ընթացքում կկարողանաք ավելի մանրամասն ներկայացնել Ձեզ։

Հիմա պատկերացրեք, որ ունեք նույն մի քանի րոպեն Ձեզ գովազդելու համար, բայց խնդիրը մի փոքր ավելի բարդ է, քանի որ գրավոր եք ներկայացնելու Ձեզ: Ահա այն կարևոր կետերը, ինչի վրա արժե ուշադրություն դարձնել, որպեսզի հայտնվեք հաջողակների ցանկում, ում կհրավիրեն հարցազրույցի։

ԱՆՀՐԱԺԵՇՏ Է

check-mark (4)Յուրաքանչյուր թափուր հաստիքի համար դիմելիս վերանայե՛ք Ձեր CV-ն։ Սկսե՛ք աշխատանքի հայտարարությունը մանրամասն 1_finalուսումնասիրելուց, հասկացե՛ք ի՞նչ որակներ ու փորձ է պահանջում գործատուն, որպեսզի Ձեր CV-ում առանձնահատուկ ուշադրություն դարձնեք հենց դրանց վրա։ Ճիշտ է, կասեք, որ դա շատ ժամանակատար է, բայց հավատացե՛ք, որ արժե ջանք թափել այս փուլում։

check-mark (4)Եթե կոնկրետ նշված չէ, թե ինչ լեզվով գրված CV է պահանջվում, ապա ուղարկե՛ք անգլերեն, ինչը քիչ թե շատ արդեն պատկերացում կտա Ձեր լեզվի գիտելիքների մասին։

check-mark (4)Որքան պարզ և հասարակ լինի Ձեր CV-ն իր ձևով, այնքան ավելի հեշտ կլինի այն ընթերցելը։ Աշխատե՛ք սահմանափակվել 1,5 էջի սահմանով, առավելագույնը 2 էջ։ Ընտրե՛ք հստակ տառաձև, ինչպես օրինակ Arial կամ Calibri և խուսափե՛ք այլ «խուճուճ» տառատեսակներից։

check-mark (4)Աշխատանքային փորձի և կրթության մասին գրելիս սկսեք առաջինը վերջին գործատուից և վերջին կրթական հաստատությունից։

check-mark (4)Յուրաքանչյուր գործատուի մոտ թե կոնկրետ ինչ աշխատանք եք կատարել, գրե՛ք կետերով և կարճ ձևակերպումներով։ Երկար շարադրանքներ այստեղ պետք չեն։

check-mark (4)CV-ն ուղարկե՛ք PDF ֆորմատով։

ԵՐԲԵՔ ՊԵՏՔ ՉԷ

2

check-mark (6)Եղե՛ք ուշադիր, որ տառասխալներ, ուղղագրական սխալներ թույլ չտաք։ Այդպես միանգամայն անուշադիր մարդու տպավորություն կթողնեք։

check-mark (6)Անձնական տվյալները նշելիս սահմանափակվե՛ք անուն, ազգանուն, հեռախոսահամար, էլեկտրոնային հասցե, LinkedIn պրոֆայլ տրամադրելով (եթե չունեք, ապա անպայման ստեղծե՛ք)։ Կարիք չկա նշել սեռ, ամուսնական կարգավիճակ և տարիք, դրանք ավելորդ տեղեկություններ են, որ կարող են շատ դեպքերում Ձեր դեմ աշխատել։

check-mark (6)Հիշե՛ք ժողովրդական ասացվածքը՝ «Ստի ոտքը կարճ է», եղե՛ք անկեղծ ինքներդ Ձեզ հետ և մի՛ ստեք ոչ մի հարցում, քանի որ եթե ոչ հարցազրույցի ընթացքում, ապա ինչ-որ մի պահ դա անպայման կբացահայտվի ու կունենաք մեկ մինուս Ձեր օգտին։

check-mark (6)Ձեր CV-ն հնարավոր է անգամ չնայեն, եթե այն ուղարկեք ոչ պրոֆեսիոնալ email-ից, ինչպես օրինակ narinochka.[email protected]։

check-mark (6)Պե՛տք չի CV-ում տեղադրել Ձեր նկարը, եթե գործատուն հատուկ պահանջ չի ներկայացրել դրա վերաբերյալ, կամ եթե չեք դիմում սպասարկման ոլորտի որևէ հաստիքի համար, որտեղ կարևորվում է արտաքին տեսքը։

Դե ինչ, հետևե՛ք այս խորհուրդներին և շատ շուտով կստանաք հարցազրույցի հրավեր։

P.S. Հա ու մեկ էլ մի վերջին խորհուրդ․ հասանելի պահե՛ք հեռախոսահամարը, որ բաց չթողնեք այդ կարևոր զանգը։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

JTI-final

Make It Bright 2020` Համաշխարհային փորձառնության մարտահրավեր Japan Tobacco International (JTI)-ից

JTI Japan Tobacco International ընկերությունը շրջանավարտներին առաջարկում է  համաշխարհային փորձառնություն (պրակտիկա) ձեռք բերելու եզակի հնարավորություն: …

Leave a Reply

Your email address will not be published. Required fields are marked *