staff.am-ի անդրադարձը առցանց և իրական խաղային ոլորտում ծրագրային լուծումներ մշակող և մատուցող խոշորագույն ընկերություններից Digitain-ին

6931

employees_ԱշխատանքներՀետևել

Այս անգամ staff.am թիմն այցելել էր առցանց և իրական խաղային ոլորտում ծրագրային լուծումներ մշակող և մատուցող առաջատար ընկերություններից Digitain, որի ծառայությունը և պրոդուկտը ներկայումս կարողանում է հավասար ոտք մեկնել ոլորտի գիգանտների հետ։ Մենք առաջին անգամ էինք այցելում նման մեծ կազմակերպություն, որտեղ աշխատում էին ավելի քան 1000 աշխատակից և հաճելիորեն զարմացած էինք այն աշխատանքային մթնոլորտով, որը տիրում էր Digitain-ում։

Մեր այցելության և ջերմ ընդունելության համար հատուկ շնորհակալություն ենք հայտնում Digitain HR թիմին՝ Սոնա Գրիգորյանին, Աննա Մուրադյանին, Նառա Զուրաբյանին և Անի Գրիգորյանին, իսկ այժմ շարժվենք առաջ և զրուցենք <<դիջիթեյնցիների>> հետ՝ ձեզ հետ միասին բացահայտելու Digitain-ի հաջողությունները։

Մեր մասինԹիմակիցներԲենեֆիթներՖոտոշարք

Ի՞նչ է Digitain-ը: Խոշոր ընկերություն, որը ծրագրային լուծումներ է մշակում և մատուցում խաղային ոլորտում (iGaming): Այո, իհարկե: Բայց ոչ միայն: Պետք է հասկանալ այն կարևոր դերը, որն ընկերությունը կատարում է հայկական ու միջազգային շուկաներում, և այն լուրջ նպատակները, որոնք ընկերությունը դնում է իր առաջ:

Առաջին հերթին Digitain-ը տարիների ընթացքում կուտակած մեծ փորձի և գիտելիքի կրող է: Կրող ու փոխանցող: Այս առումով քչերը կարող են համեմատվել նրա հետ՝ համաշխարհային մասշտաբով: Դա է պատճառը, որ Digitain–ն այսօր ունի 55-ից ավել գործընկերներ ամբողջ աշխարհով մեկ և մեծ հաջողությամբ 2018թ–ին մասնակցել է 18 միջազգային ցուցահանդեսների: Այս թվերը գնալով աճում են…

Հիմնվելով իր փորձի ու գիտելիքի վրա՝ Digitain-ն առաջարկում է նորարարություններ, որոնք մեծ հետաքրքրություն են առաջացնում Հայաստանում և նրա սահմաններից դուրս: Դրա շնորհիվ ընկերությունն այսօր ծանրակշիռ տեղ է զբաղեցնում թե՛ հայկական, և թե՛ միջազգային շուկաներում:

Ոչ մի նպատակ, իհարկե, հնարավոր չէ իրագործել առանց ստեղծագործ աշխատակազմի և ընկերությունում տիրող սիրո, հարգանքի ու գնահատանքի մթնոլորտի: Հենց այս մթնոլորտն է այն շարժիչ ուժը, որի շնորհիվ 1000 ու ավել   դիջիթեյնցիներն ամեն օր հաճույքով գալիս են աշխատանքի և ստեղծագործում են: Digitain–ն ունի հարյուրավոր փայլուն մասնագետներ, որոնք մշտապես աշխատում են նոր հետաքրքիր լուծումներ գտնելու և ստեղծելու ուղղությամբ: Լավագույն գործերը տեղ են գտնում Բեռլինի, Լոնդոնի, Մոսկվայի և աշխարհի մյուս խոշոր քաղաքների ցուցահանդեսներում: Եվ պարգևատրվում են: Արդեն կան բազմաթիվ մրցանակներ: Այս ամենի շնորհիվ աշխարհն սկսել է ավելի լավ ճանաչել Հայաստանը, ավելի բարձր գնահատել հայերի ներուժը և դերակատարումն այս ոլորտում:

Եվ սա միայն սկիզբն է: Նախագծերը երբեք չեն վերջանում, ինչպես և չի վերջանում նախագծերի վրա աշխատող մասնագետների մտավոր ներուժը: Ստեղծելու և արարելու հնարավորություններն անսպառ են: Միայն պատկերացրե՛ք, թե ինչեր կարող եք ստեղծել Դուք՝ ունենալով ազատ ստեղծագործելու նման հնարավորություններ… Որից հետո կգան նոր ցուցահանդեսներ ու մրցանակաբաշխություններ, ապա նաև՝ ճանաչում:

Logo_Իսկ ի՞նչ պատմական ուղի է անցել Digitain-ը և ինչպե՞ս է կուտակել իր հարուստ փորձը:

Ընկերության ակունքները գալիս են դեռևս 1999թ-ից, երբ այն սկսել է զբաղվել վիճակախաղերի կազմակերպմամբ: 2004թ-ից ընկերությունը շարունակել է իր գործունեությունը TotoGaming ապրանքանշանի ներքո: Հետագա տարիների ընթացքում ոլորտում կատարված ուսումնասիրություններից հետո 2012թ-ին որոշվեց զարգացման վեկտորը փոխել B2B բիզնեսի ուղղությամբ: Արդյունքում 2015թ-ին ծնվեց Digitain ընկերությունը՝ իր ներկայիս անվամբ:

Այսօր Digitain-ն իր մեջ միավորում է անցած գրեթե 20-ամյա պատմության ընթացքում ձեռք բերած դրական փորձն ու գիտելիքները, որոնց շնորհիվ շարունակում է զարգանալ և առաջարկել նոր բարձրակարգ պրոդուկտներ ու ծառայություններ՝ Հայաստանում և արտերկրում:

DIGITAIN ԹԻՄԱԿԻՑՆԵՐ

SurenKhachatryan_

Սուրեն Խաչատրյան
Կոմերցիոն տնօրեն

down-arrow

AnnaMuradyan_

Աննա Մուրադյան
Մարդկային ռեսուրսների կառավարման և կազմակերպչական զարգացման համակարգող

down-arrow

SonaGrigoryan_

Սոնա Գրիգորյան
Մարդկային ռեսուրսների Կառավարման և կազմակերպական զարգացման տնօրեն

down-arrow

NaraZurabyan_

Նառա Զուրաբյան
Մարդկային ռեսուրսների կառավարման և կազմակերպչական զարգացման համակարգող

down-arrow

Aleksan Hovhannisyan

Ալեքսան Հովհաննիսյան
Պրոդուկտի զարգացման և հաճախորդների սպասարկման գծով գլխավոր տնօրենի տեղակալ

down-arrow

GrigorAsoyan_

Գրիգոր Ասոյան

Տեխնիկական

տնօրեն

down-arrow

Seryozha Poghosyan_

Սերյոժա Պողոսյան

IOS
տեխնիկական թիմի
ղեկավար
down-arrowAramBeginyan_

Արամ Բեգինյան
Առաջատար ճարտարագետ

down-arrow

Davit Harutyunyan_

Դավիթ Հարությունյան
Ծրագրավորող

down-arrow

ArmenBareghamyan_

Արմեն Բարեղամյան
Սպորտային վերլուծաբանների հերթափոխի պատասխանատու

down-arrowNuneMaghakyan_

Նունե Մաղաքյան

Տեխնիկական անձնակազմի
հավաքագրման
մասնագետ

down-arrow

AlenHekimbashyan_

Ալեն Հեքիմբաշյան

Գործընկերների կառավարման և աջակցման մասնագետ

down-arrow

SurenKhachatryan

creativityDigitain ընկերության գործունեության, հիմնադրման ակունքների և որպես գործատու առանձնահատկությունների մասին առավել մանրամասն խոսեցինք Կոմերցիոն տնօրեն Սուրեն Խաչատրյանի հետ։

– Երկար տարիների փորձը, գիտելիքներն ու  անցած ուղին թույլ են տվել մեզ ստեղծել անթերի ու կայուն պրոդուկտ և ծառայություն, ինչի մասին են վկայում մեր ավելի քան 55 գործընկերները: Digitain-ը, սկսելով իր գործունեությունը մի քանի հոգուց, այսօր դարձել է հազարավոր տաղանդավոր ու պատասխանատու մարդկանց գործատու, որ հպարտանում է իր ձեռքբերումներով ու ամեն օր նորարարություններ է առաջարկում միջազգային շուկային:

quote_1_real

Մենք ամենայն պատասխանատվությամբ ենք մոտենում մեր, որպես գործատուի պարտականություններին ու անում ամեն ինչ, որ մեր աշխատակիցներն իրենց մշտապես հարմարավետ ու մոտիվացված զգան: Մենք որդեգրել ենք Բաց դռների քաղաքականություն, ինչի շնորհիվ ցանկացած աշխատակից հնարավորություն ունի իր մտքերով ու մտահաղացումներով կիսվել ղեկավարության հետ: Այս ամենի շնորհիվ ես հպարտորեն կարող եմ ասել, որ մենք աշխատում ենք ընկերական ջերմ մթնոլորտում, ուր տիրում է փոխադարձ հարգանք ու փոխըմբռնում:

Հիմնադրվելով Հայաստանում՝ ընկերության պրոդուկտներից օգտվում են ողջ Եվրոպայում և արդեն կան նաև աշխարհագրությունն ընդլայնելու հեռանկարներ։ Այս բոլոր հաջողությունների ճանապարհին, Սուրենը նաև նշեց, որ եղել են մարտահրավերներ և խնդիրներ, որոնցից զերծ մնալը ցանկացած ընկերության համար անխուսափելի է։

– Խնդիրների և մարտահրավերների արդյունքն է, որ մեր ծառայությունը և պրոդուկտը ներկայումս կարողանում են հավասար ոտք մեկնել ոլորտի գիգանտների հետ, մրցանակներ ստանալ միջազգային հեղինակավոր մրցանակաբաշխություններում: Իսկ դա տարիների քրտնաջան աշխատանքն է և անընդհատ ինքնաբարելավումը: Մենք երկու տարվա ընթացքում ունեցել ենք այնպիսի առաջխաղացում և աճ ինչպես կազմակերպության, այնպես էլ աշխատակիցների և գործընկերների մասով, որ մեր մրցակից ընկերությունները հնարավոր է ունենան չորս կամ հինգ տարիների ընթացքում:

Զրույցի ընթացքում մենք նույնպես ոգևորվեցինք այն հաղթանակներով, որոնք Digitain-ին են շնորհվել միջազգային տարբեր մրցանակաբաշխությունների ժամանակ։

– Սեպտեմբերին մենք դարձանք մրցանակակիր CEEGC Awards մրցանակաբաշխությանը՝ հաղթելով Rising star in sports betting technology կատեգորիայում:  Եվ ընդամենը երկու շաբաթ հետո պարզ դարձավ, որ առաջադրվել ենք որպես  նոմինանտ երկու տարբեր կատեգորիաներում հեղինակավոր SBC Awards մրցանակաբաշխությանը, որը կկայանա դեկտեմբերին, ուստի հպարտությամբ և վստահաբար առաջ ենք գնում: Հպարտությամբ եմ նշում նաև այս նվաճումներում իմ ներգրավվածության մասին:

Rising Star in Sports betting technology

Alik

creativityՇարունակելով բացահայտել Digitain-ը որպես ցանկալի գործատու, մենք զրույց ունեցանք Պրոդուկտի զարգացման և հաճախորդների սպասարկման գծով գլխավոր տնօրենի տեղակալ Ալեքսան Հովհաննիսյանի հետ։

– Ցանկալի գործատու լինելու պատճառները շատ են ու տարատեսակ: Նախ` նշենք այն ոլորտը, որտեղ գործում ենք՝ տեխնիկական ուղղվածություն ունեցող ու շատ դինամիկ ոլորտ է՝ լի տեխնոլոգիական հետաքրքրություններով ու նոր, երբեմն անսպասելի կիրառություններով: Բնական է, որ մեզ մոտ աշխատել ցանկացողների քանակն արդեն իսկ մեծ է:

quote_2_real

– Այլ գրավիչ հանգամանք է հանդիսանում այն փաստը, որ ընկերությունը բոլոր աշխատակիցների համար հավասար պայմաններ է ստեղծել մասնագիտորեն աճելու ու կարիերայի աճ գրանցելու համար: Մեր օրերում կարևորվում են նաև մարդկային փոխհարաբերությունները:

Ցանկալի գործատու լինելուց զատ, Digitain-ը ցանկալի ընկերություն է նաև իր հաճախորդների և գործընկերների համար՝ ապահովելով պրոդուկտների շարունակական զարգացում և սպասարկման բարձր որակ։

– Պրոդուկտի ցանկացած զարգացման ուղու ընտրություն հիմնված է մեր հաճախորդների և գործընկերների պահանջների վրա։ Քանի որ առնչվում ենք B2B և B2C հաճախորդների հետ, կրկին առաջնորդվում ենք իրենց պահանջները բավարարելու սկզբունքով և ապահովում ենք հաճախորդների սպասարկման բարձր որակ։ Մի կողմից առավելագույն ջանքերով աջակցում ենք մեր գործընկերներին զարգացնելու իրենց բիզնեսը խորհրդատվությունների և վերլուծությունների միջոցով, իսկ մյուս կողմից B2C հաճախորդին պրոդուկտից օգտվելու ընթացքում ուղղություն ենք ցույց տալիս և անմիջապես լուծում առաջացած ցանկացած հարց։

Խոսելով հաճախորդների մասին, կարևոր է նաև նշել նաև այն աշխարհագրությունը, որը զբաղեցնում են Digitain օգտատերերը։

– Հաճախորդները հիմնականում մեր տարածաշրջանն են ներկայացնում, այսինքն՝ միջինասիական և եվրոպական, ունենք ոչ մեծաքանակ հաճախորդներ նաև Լատինական Ամերիկայում, Ասիայում՝ Կորեայում, Չինաստանում։ Ներկայումս զարգանում է Հյուսիսային Ամերիկայի շուկան և մեծ հեռանկարներ ունենք նաև այս տարածաշրջանի հետ կապված, քանի որ ԱՄՆ-ում օրենսդրություն է փոխվել, որն արդեն որոշ չափով թույլատրում է սպորտային խաղադրույքները։

map_digitain

Զարգացման հեռանկարների մասին խոսելիս, Ալիկը նշեց, որ խիստ հետևում են ոլորտի զարգացմանն աշխարհում և թե ինչ նոր պահանջներ են ձևավորվում հաճախորդների կողմից։ Հաշվի առնելով բոլոր միտումները՝ Digitain-ը քայլում է աշխարհում սպորտային խաղերի ոլորտի զարգացմանը համընթաց։

GrigorAsoyan

creativityDigitain Տեխնիկական տնօրեն Գրիգոր Ասոյանը, ով արդեն բավականին երկար ժամանակ աշխատում է Digitain-ում, մեզ ներկայացրեց, թե ինչ հիմնական տեխնոլոգիաներով են մշակվում Digitain-ի պրոդուտները։

– Տեխնոլոգիական stack-ը բազմազան է։ Եթե սկսենք Frontend մասից, ապա ունենք թե՛ React, թե՛ Angular, թե՛ MVC (որն աստիճանաբար դուրս է գալիս կիրառությունից, բայց դեռևս կան պրոդուկտներ, որոնք սպասարկում ենք) տեխնոլոգիաներով աշխատող պրոդուկտներ։ Backend-ում կիրառում ենք ինչպես ․Net stack, այնպես էլ ունենք որոշակի պրոդուկտներ, որոնք PHP-ով են ծրագրավորված։ Քանի որ մեզ մոտ բարձր կատարողականություն ունեցող (high performance) համակարգեր են, այժմ ուղղվածություն ենք ուզում վերցնել նաև ֆունկցիոնալ լեզուների կիրառությամբ։

Գրիգորի հետ խոսեցինք նաև Digitain-ում task management-ի մասին։

– Ինչպես շատ ընկերություններ, մենք ևս օգտագործում ենք Jira գործիքը, որի միջոցով կատարում ենք, թե՛ task-երի բաշխումը ծրագրավորողներին, թե՛ նոր ստեղծած պահանջների համակարգումը։ Բոլոր առաջացած խնդիրների և առաջարկությունների համակարգումը նույնպես Jira-ով է կատարվում՝ հետագայում դառնալով task։

newteammembers

Logo_

Նշենք, որ Digitain տեխնիկական թիմը շարունակ ընդլայնվում է՝ տեխնիկական մասնագետներին հավաքագրելիս ուշադրություն դարձնելով թե մասնագիտական պրոֆեսիոնալիզմի, թե անձնական հատկանիշների վրա։   

– Նոր թիմակիցներ ընտրելիս, մենք աշխատում ենք չսխալվել թե մարդկային, թե տեխնիկական մասով։ Ու դա մեծամասամբ ստացվում է․ միացել են մարդիկ, ում հետ թե՛ մասնագիտական, թե՛ անձնական ճանապարհ ենք անցել, թիմը համախմբված է ու մթնոլորտը և կորպորատիվ մշակույթը շատ մեծ դեր են խաղում ընդլայնման հետ կապված խնդիրները հաղթահարելու գործում։

– Ինչ վերաբերվում է տեխնիկական հարցազրույցներին, senior մակարդակի կամ տեխնիկական lead position-ի համար նախընտրելի թեկնածուների հետ նաև ես եմ հանդիպում՝ աշխատակցի վերջնական ընտրությունը կատարելու նպատակով։

Այսօր գործատուի ընտրություն կատարելիս, աշխատակիցները շատ են կարևորում մասնագիտական աճի և նոր տեխնոլոգիաների մեջ հմտանալու հնարավորությունները։ Իսկ ինչպիսի հնարավորություններ է առաջարկում Digitain ընկերությունը հարցին, Գրիգորը պատասխանեց՝

– Ինչպես գիտեք, Digitain-ը ոլորտում լավագույններից է: Մեզ վստահում են, ինչի արդյունքում մենք ամեն օր, ամեն վայրկյան նոր մարտահրավերների առաջ ենք կանգնում: Խնդիրները, որոնք լուծում են պահանջում բազմաթիվ են ու մեր բոլոր աշխատակիցներն այդ խնդիրների լուծման ճանապարհին նոր տեխնոլոգիաներ ու հմտություններ են յուրացնում, ինչի շնորհիվ էլ զարգանում են: Բացի այդ մենք կազմակերպում ենք նաև հանդիպումներ (meetup), որտեղ նոր գիտելիքներ ստացած աշխատակիցը կիսվում է իր փորձով մյուսների հետ՝ խթանելով նրանց զարգացումը: Դա եղել է և կլինի մեր առօրյայի մի մասը: Քիչ չեն դեպքերը, երբ որևէ աշխատակցի մեջ ներուժ ենք նկատում: Այս դեպքում նրան երբեք բաց չենք թողնում: Սովորեցնում ենք ինչ կարող ենք ու նրա հնարավորություններն ու գիտելիքներն օգտագործում ենք ավելի մեծ կարիքներ բավարարելու համար:

Ի դեպ, նշենք, որ Գրիգորը նաև տեխնիկական հարցերով շատ հաճախ է Digitain գործընկերների հետ հաղորդակցվում, և առօրյա աշխատանքում հումորային պատմություններն անպակաս են ․․․ <<եղել է դեպք, որ անմիջապես իմ կոնտակտը ունեցել են, կապ են հաստատել ինձ հետ ու խոստացել իմ արձանը կանգնեցնել իրենց երկրում, եթե ես անմիջապես լուծեմ առաջացած խնդիրը։))) Ծիծաղում է․․․ >>։

creativityԶրույցը շարունակեցինք IOS տեխնիկական թիմի ղեկավար Սերյոժա Պողոսյանի հետ, ով ընդամենը երկու շաբաթ առաջ էր միացել ընկերությանը, սակայն արդեն հասցրել էր մասնակցել HR թիմի կողմից Armenia Wine-ում կազմակերպած Սերգեյ Դալժնիկովի <<Առաջնորդություն և ղեկավարություն>> թեմայով թրեյնինգին։

SeryozhaPoghosyan1

Տեխնիկական ոլորտում ընկերությունները բազմազան են, Սերյոժան առանձնակի նշեց, թե ինչով էր պայմանավորված Digitain-ի որպես գործատու ընտրությունը։

– Ինձ համար betting-ը նորություն էր՝ ոլորտը, պրոդուկտները, նոր և հետաքրքիր տեխնիկական խնդիրներ ու ընկերներ։ Այս ամենն ինձ բերեց Digitain:

teammembers

Որպես Digitain-ի նոր անդամ, Սերյոժային ուղղեցինք նաև մեր ավանդական դարձած հարցը՝ ինչը նրան ամենաշատը զարմացրեց Digitain-ում։

– Իրականում Digitain եկել եմ` արդեն իսկ լավ տեղեկացված լինելով ընկերության ու աշխատակիցների մասին։ Բայց մի բան է լսել կազմակերպության մասին, և ուրիշ բան լինել դրա մի մասնիկը: Հիմա ես իմ սեփական աչքերով եմ տեսնում, թե ինչ մեծ հեռանկարներ ունի մեր ընկերությունը: Իհարկե, անելու դեռ շատ գործ կա, բայց մեր հզոր թիմը կհաղթահարի ամեն մի մարտահրավեր:

Logo_

Գիտեք, թերևս կասեմ, որ ոչ թե զարմացել եմ, այլ շատ եմ շոյվել տարբեր մանրուքներից: Օրինակ, առաջին աշխատանքային օրն ինձ դիմավորեցին քաղցրավենիքով, տվեցին Digitain-ի բրենդային իրեր ու հենց առաջին իսկ վայրկյանից արեցին ամեն ինչ, որպեսզի արագ ու հեշտ ինտեգրվեմ թիմին:

AramBeginyan

creativityԶրուցեցինք նաև Digitain Առաջատար ճարտարագետ Արամ Բեգինյանի հետ` խոսելով Digitain-ում իր ներդրած ամենամեծ տեխնոլոգիական նորույթի մասին։

– Մենք փորձում ենք հարմարավետությանը զուգընթաց տրամադրել անվտանգություն, քանի որ մեր կազմակերպությունը մատուցում է ծառայություններ բեթինգ ոլորտում, որտեղ շրջանառվում են գործընկերների և օգտատեր խաղացողների ֆինանսական միջոցները, մեր հիմնական նպատակը դառնում է ոչ միայն հարմարավետությունն, այլև անվտանգությունը: Առաջնորդվելով այդ սկզբունքով մեզ մոտ գործադրել ենք OAuth 2.0 ավտորիզացիայի տեխնոլոգիան, որը մեզ ապահովում է SSO-ով: Սա նշանակում է, որ օգտատերերին տրվում է հնարավորություն մուտք գործել համակարգ, օգտվել մեր բոլոր պրոդուկտներից՝ ունենալով մեկ մուտքանուն ու գաղտնաբառ։

Արամը նաև փոքր-ինչ նշեց իր աշխատանքի առանձնահատկությունների մասին՝

– Իմ խնդիրն է այնպես կազմակերպել բաժնի թիմերի աշխատանքը, որպեսզի նույն development պրոցեսներով աշխատեն, ինչը կարևոր է այնքանով, որ կարող ենք ռոտացիաների արդյունքում աշխատակիցներին տեղափոխել մի թիմից մյուս թիմ և արդյունքում նպաստել մեր աշխատակիցների մասնագիտական աճին և զարգացմանը։quote_3_real

Davit Harutyunyan1

creativityԴավիթի հետ, ում համար Digitain-ը առաջին գործատուն է իր ծրագրավորման կարիերայում, զրուցեցինք ամենահաճելի թեմաներից մեկի մասին՝ որն է իր աշխատանքի ամենահետաքրքիր և ամենադժվար մասը։

– Ես իմ աշխատանքը մասերի չեմ բաժանում, ես այն ընկալում եմ որպես մեկ ամբողջություն: Այս գործում ամեն ինչ հետաքրքիր է, ամեն ինչ դժվար է ու ամեն քայլը մի նոր մարտահրավեր է: Բայց եթե փորձեմ մի փոքր բաժանում մտցնել, կասեմ, որ շատ եմ սիրում DB–ով աշխատանքը, երբ թարմացնում եմ այն: Իսկ ամենադժվարը ժողովներն են, որովհետև տեսակետների բախում է լինում ու վերջնական ամենաարդյունավետ ու ճիշտ լուծում գտնելը երկար ժամանակ է խլում:

Իսկ որ բենեֆիթներն եք կարևորում Digitain-ում՝

– Աշխատանքային գրաֆիկը շատ ճկուն է, այսինքն՝ կարող ես քո աշխատանքն այնպես դասավորել, որ life work balance–ը պահպանվի:։ Կարող եմ նշել նաև բժշկական ապահովագրությունը, անվճար լանչը և միրգը․․․☺

ArmenBareghamyan

creativityՍպորտային վերլուծաբանների հերթափոխի պատասխանատու Արմեն Բարեղամյանի հետ խոսեցինք կյանք – աշխատանք հավասարակշռության մասին։

Գիտենք, որ դուք հերթափոխով եք աշխատում, այդ գրաֆիկով ինչպե՞ս եք կարողանում պահպանել աշխատանք-կյանք հավասարակշռությունը։

– Չեմ թաքցնի, հեշտ չէ աշխատել հերթափոխով ու ապահովել կյանք–աշխատանք հավասարակշռությունը, բայց, իհարկե, անհնար էլ չէ: Ես շատ վաղուց գտել եմ այս հարցի լուծումը, ավելի շուտ այդ լուծումն ինքն իրենից է հայտնվել իմ առաջ: Երբ երկար տարիներ աշխատում ես նույն ընկերությունում, թիմակիցներդ հարազատ են դառնում: Երբ ընտանիքդ քո կարիքն ունի թիմդ ամեն ինչ անում է, որ այդ օրվա բացակայությունդ խնդիրներ չառաջացնի, որ աշխատանքը բարեխղճորեն կազմակերպվի, ու նույն կերպ ընտանիքդ թիմիդ է վերաբերում:

logofortext_

Երբ կա փոխադարձ հարգանքի մթնոլորտ, ոչ մի աշխատանքային գրաֆիկ էլ չի կարող ազդել կյանքիդ բնականոն ընթացքի վրա: Այս դեպքում ամենահաճելի պահն այն է, որ անկախ հերթափոխից կարողանում ես ժամանակ գտնել և՛ ընտանիքիդ, և՛ ընկերներիդ համար: Իմ դեպքում, վստահ կարող եմ ասել, որ այդ հավասարակշռությունը չի տուժում:

Digitain-ը Հայաստանում այն բացառիկ գործատուներից է, որ կարևորում է մշակութային բազմազանությունը և նպաստում է այլ երկրներից աշխատանքի ընդունված թիմակիցների արագ և հեշտ ինտեգրվելուն թե Հայաստանում, և թե ընկերության ներսում։

Alen

creativityԱյս մասին շատ հետաքրքիր էր զրույց ունենալ Ալեն Հեքիմբաշյանի հետ, ով զբաղեցնում է Գործընկերների կառավարման և աջակցման մասնագետի  պաշտոնը Digitain-ում:

– Ես տասներկու տարեկան էի, երբ ընտանիքս տեղափոխվեց Կիպրոս, իսկ դրանից մի քանի տարի անց՝ Թուրքիա։ Ես սկսեցի ապրել Թուրքիայում՝ որպես սովորական հայ տղա, սկսեցի սովորել, աշխատել, մինչև քսանյոթ տարեկանը ապրեցի ու աշխատեցի Թուրքիայում, իմ ամբողջ աշխատանքային փորձը Թուրքիայում էր։ Որոշել էի, որ պետք է գամ Հայաստան, իմ երկրում ապրեմ։ Այդ ընթացքում նկատեցի հայտարարությունը, CV-ի ուղարկեցի, ընդունեցին աշխատանքի այստեղ ու տեղափոխվեցի Հայաստան։

Logo_

Ինձ համար մի քիչ տարօրինակ էր մշակութային փոփոխությունը, սակայն ինձ շատ լավ ու ջերմ ընդունեցին Digitain-ում, ինչն ինտեգրման գործընթացն էլ ավելի թեթև ու հեշտ դարձրեց։

SonaGrigoryan

creativityDigitain-ում բազմազանության խրախուսման, ինչպես նաև կորպորատիվ այլ առանձնահատկությունների մասին առավել մանրամասն զրուցեցինք Մարդկային ռեսուրսների Կառավարման և կազմակերպական զարգացման տնօրեն Սոնա Գրիգորյանի հետ։

– Բազմազանությունը մեզ համար այժմ թոփ նպատակ է, քանի որ պատրաստվում ենք ներկայացուցչական գրասենյակներ ունենալ տարբեր երկրներում։ Հաշվի առնելով այդ հանգամանքը և աշխատանքի հետ կապված մի շարք այլ առանձնահատկություններ՝ լեզվի իմացությունը, հավաքագրում ենք տարբեր ազգային պատկանելություններ և մշակութային առանձնահատկություններ ունեցող աշխատակիցների։ Նախկինում մեր CTO-ն ազգությամբ ուկրաինացի էր, այժմ live dealer պրոդուկտի շրջանակներում ունենք շոտլանդացի աշխատակից, Սիրիայից մեր թիմին են միացել պարսկախոս և արաբախոս աշխատակիցներ։

Մեր հարցին, թե արդյո՞ք աշխատակիցների կատարողականության գնահատման համար goal-եր սահմանվում են, Սոնան պատասխանեց

– Կախված գործառույթներից ու նախագծերից՝  յուրաքանչյուր թիմի ու աշխատակցի  համար սահմանվում են հստակ նպատակներ և դրանց կատարողականի ցուցանիշներ: Աշխատակիցները գնահատվում ու խրախուսվում են կատարողականի ցուցանիշներին հասնելուց և դրանք գերակատարելուց:

Logo_

Digitain-ում աշխատակիցների հավաքագրումն իրականացվում է հստակ target-ներով, կամ նոր թիմ են հավաքագրում կոնկրետ նախագծի վրա աշխատելու համար, կամ աշխատակիցը միանում է արդեն իսկ ձևավորված թիմին։

Սոնան նաև մեզ պատմեց այն հիմնարար արժեքների մասին, որ կիսում են դիջիթեյնցիները։

– Ինչպես տեսնում եք մենք բավական մեծ ընկերություն ենք և բնական է, որ այս ահռելի կայսրությունը ամուր հիմքերի վրա է ստեղծվել: Ի սկզբանե, մենք հստակ գիտակցել ենք, որ մեր աշխատակիցներն են այն հենասյուները, որոնք աջակցելու են մեր ձևավորմանը, կայացմանն ու հետագա զարգացմանը: Իսկ աշխատակիցները յուրահատուկ են, բայց միևնույն ժամանակ շատ նման: Նրանց միավորում են այն մարդկային արժեքները, որ մենք փնտրում ենք՝ նրանք հավատարիմ են իրենց գործընկերներին ու ընկերությանը, շատ զարգացած ու ճկուն միտք ունեն, որ ամեն կերպ ծառայեցնում են մեր ընդհանուր նպատակներին հասնելուն, մենք բոլորս թիմ գաղափարի ջատագովն ենք ու գիտենք, որ ավելի արագ ու արդյունավետ աշխատելու համար պետք է օգնենք միմյանց, կատարենք աշխատանքի ճիշտ բաժանում ու ամբողջ թափով գործի անցնենք: Մեր խենթ ու նորարար գաղափարներով լի թիմի շնորհիվ է, որ այսօր շատերն ուզում են միանալ մեզ ու դիջիթեյնցի կոչվել:

– Հնարավոր է այս ամենը պարզ ու հասարակ թվա, բայց հենց պարզությունն ու ազնվությունն են, որ ստեղծում են այն կորպորատիվ մշակույթը, որով մենք հպարտ ենք ու որը բոլորիս կապում է ամուր թելերով:

Կարևորելով նոր և փորձառու աշխատակիցների մասնագիտական աճը և զարգացումը՝ ընկերությունում կազմակերպվում են նաև միջազգային գործուղումներ, հաճախակի մասնակցություններ միջազգային տարաբնույթ ցուցահանդեսներին, որոնց ընկերությունը շատ մեծ շուքով է մասնակցում։

– Սոնայի հետ զրույցի ընթացքում տեղեկացանք նաև, որ վաճառքի թիմն այդ պահին գտնվում էր Լաս Վեգասում մասնակցելու խաղերի ոլորտում խոշորամասշտաբ ցուցահանդեսի։ Իսկ փետրվարին նախատեսվում է այց Լոնդոն՝ գլոբալ մասշտաբի միջոցառմանը ներկա գտնվելու համար։

NuneMaghakyan

creativityՏեխնիկական ոլորտի ռեքրութմենթի առանձնահատկությունների, #tech մասնագետների պահանջների և այս հարցում Digitain-ի մոտեցման մասին պատմեց Տեխնիկական անձնակազմի հավաքագրման մասնագետ Նունե Մաղաքյանը։Bar Camp 1

Կիսում եմ այն կարծիքը, որ այսօր թե ավագ, և թե միջին ու սկսնակ մասնագետները մեծապես կարևորում են պրոֆեսիոնալ աճի հնարավորությունները։ Այս առումով մշակել ենք հստակ գործընթաց, որը հնարավորություն կտա մեր մասնագետներին տեսնել իրենց աճը, հստակ պատկերացում կազմել այն ուղղությունների մասին, որոնք պետք է զարգացվեն՝ որակավորման հաջորդ մակարդակին անցնելու համար:

Ընկերությունը ողջունում է բոլոր այն մասնագետներին, որոնք բաց են իրենց հմտությունները զարգացնելուն, և իր կողմից պատրաստ է ուղղորդել և աջակցել նրանց կարիերայի զարգացման հարցում:

Տեխնիկական ռեքրութմենթի փուլերի մասին խոսելիս, Նունեն ավելացրեց՝

– Տեխնիկական ռեքրութմենթ իրականացնելիս, նախ, կազմում ենք աշխատանքի նկարագիրը և քննարկում տեխնիկական ղեկավարների հետ՝ հասկանալու համար արդյո՞ք նշված պահանջներով կարող ենք հավաքագրել համապատասխան թեկնածուներ։ Այնուհետև տարբեր հարթակներում, այդ թվում նաև staff.am-ում հայտարարությունը տեղադրելուց հետո, սկսում ենք թեկնածուների shortlisting-ը։ Իսկ հարցազրույցը կազմակերպվում է երկու փուլով՝

tickՀանդիպում HR-ի հետ անձնային հատկանիշները գնահատելու համար։

tickՀանդիպում տեխնիկական ղեկավարների և այն թիմի ղեկավարի հետ, որին պետք է միանա տվյալ թեկնածուն։

tickՀավանության արժանանալուց հետո թեկնածուին ուղարկում ենք աշխատանքի առաջարկ։

Մեր հարցին, թե ինչով է տարբերվում խաղային ոլորտի ընկերության ռեքրութմենթը ՏՏ ոլորտի այլ ընկերություններից, Նունեն պատասխանեց՝

– Հիմնականում  ՏՏ ոլորտի ընկերությունները բաժանվում են երկու մասի՝ պրոդուկտ  կամ outsource (արտապատվերային)։ Կան կոնկրետ մասնագետներ, ովքեր ունեն հստակ, ֆիքսված նախընտրություններ՝ աշխատել կա՛մ պրոդուկտ, կա՛մ outsoure ընկերություններում։ Digitain-ի համար որպես խաղային ոլորտի ընկերություն, կան և առավելություններ, և դժվարություններ ռեքրութմենթում։

– Հեշտ է այն մասով, որ համարվում ենք և՛ պրոդուկտ ունեցող, և՛ outsource ընկերություն։ Digitain-ի պրոդուկտը Հայաստանում Toto Gaming-ն է, բայց ունենք նաև գործընկերներ արտասահմանում, որոնց համար նույնպես ստեղծում ենք արտապատվերային պրոդուկտներ և ապահովում սպասարկումը։ Դժվարություն երբեմն համարվում է այն, որ խաղային ոլորտը կարող է ծրագրավորողներին մի փոքր վախեցնել, բայց իրականում ավելի լայն հնարավորություններ է ընձեռում մասնագիտական զարգացման համար։

AnnaMuradyan1

creativityՄարդկային ռեսուրսների կառավարման և կազմակերպչական զարգացման համակարգող Աննա Մուրադյանի հետ քննարկեցինք Digitain-ի կողմից իր աշխատակիցներին տրամադրվող առավելությունների ու արտոնությունների մասին, ինչպես նաև Աննան մեզ պատմեց թե ինչ գործիքներ են կիրառվում Տաղանդների պահպանման (Talent Retention) համար:

– Մեր ընկերությունում արտոնություններ շատ կան, օր.՝ աշխատակիցներին տրվում են վճարվող ազատ օրեր, մեզ մոտ գործում է նաև referral bonus–ի համակարգ, այսինքն խրախուսում ենք, որ մեր աշխատակիցները ներգրավված լինեն հավաքագրման գործընթացին ու իրենց շրջապատի լավագույն կադրերին ուղղորդեն մեզ մոտ: Աշխատակիցները նաև փոխառություն ստանալու հնարավորություն ունեն, ինչպես նաև զեղչի հնարավորություն տարբեր խանութներում, մարզասրահներում, ինչու ոչ, կարող են իրենց հիշարժան օրերն անցկացնել Արմենիա Վայն գործարանում՝ օգտվելով միայն Դիջիթեյնցիներին տրվող արտոնությունից: Ժամային գրաֆիկը ճկուն է, աշխատակիցներին տրվում է ընտրելու հնարավորություն՝ 9-18:00, կամ 10-19:00: Մեր աշխատակիցները գիտակցում են, որ եթե կա գործ, այն պետք է արվի ճիշտ, որակով ու ժամանակին: Իսկ ինչ վերաբերում է remote working–ին, կարող եմ ասել, որ աշխատավայրում այնպիսի պայմաններ են ստեղծված, որ աշխատակիցները ոգևորված են թիմի հետ միասին աշխատել: Մենք ունենք նաև հանգստի և գրադարանային սենյակներ, որտեղ աշխատակիցներն աշխատանքից զատ կարող են զբաղվել ընթերցանությամբ, ժամանցային խաղերով ու ինչու ոչ` սպորտով 🙂

 Խոսելով Talent retention-ի գործիքների մասին` Աննան շարունակեց

– Տաղանդների պահպանման համար կիրառվում են տարբեր գործիքներ՝ սկսած մասնագիտական աճի հնարավորություններ ընձեռելուց մինչև կորպորատիվ առողջ միջավայրի և յուրահատուկ մշակույթի ձևավորումը։ Քանի որ արդեն խոսել ենք մասնագիտական աճի հնարավորությունների մասին, առաջնային կնշեմ ընկերության մշակույթը։Father_Son

Մենք փորձում ենք ստեղծել այնպիսի միջավայր, որտեղ աշխատակիցներն իրենց երջանիկ կզգան ու չեն ցանկանա փնտրել նոր Գործատու։ Բոլորս աշխատավայրում անցկացնում ենք մեր կյանքի բավականին մեծ հատվածը ու  շատ կարևոր է, թե ինչպես է օրը անցնում։ Մենք փորձում ենք լինեն ոչ ֆորմալ, այնպիսին, ինչպիսին այսօր թելադրում է ՏՏ ոլորտը։

Նշենք նաև, որ Դիջիթեյնում լավագույն ավանդույթները փոխանցվում են սերնդեսերունդ, ինչի մասին վկայում է մեր աշխատակիցներ Սամսոնյանների  աշխատանքային փորձի փոխանցումը հորից որդուն։ Ենոքը դեռ չէր ծնվել, երբ հայրը միացավ ընկերությանը, իսկ հիմա՝ տարիներ անց, Ենոքը, շարունակելով հոր փորձը, ևս հաջողված ծրագրավորող է:
 

NaraZurabyan1

creativity«Ուրախ աշխատակիցներն ամենալավ աշխատակիցներն են»,- մեր այցի ընթացքում Մարդկային ռեսուրսների կառավարման և կազմակերպչական զարգացման համակարգող  Նառա Զուրաբյանի հետ զրուցելիս համոզվեցինք նաև այս մոտեցման ակտուալության մասին։

– Մեր գրասենյակներում ծիծաղն անպակաս է: Մեր մարքեթինգի ստեղծագործ թիմն այստեղ էլ է կրեատիվ գտնվել ու HR–ին ՀՌՀՌ (HRHR) է կոչել, քանի որ ժպիտը մեր մշտական ուղեկիցն է, իսկ երբ զբաղվածության պատճառով ժպտալու ժամանակ չկա, ասում են՝ հիմա էլ ՄՌ եք դարձել: Իսկ իրականում, աշխատակիցներին ժպիտ պարգևելու համար մենք տարբեր միջոցների ենք դիմում, օր.՝ ամառային տապը զովացնում ենք պաղպաղակով ու սառը սուրճերով, վիտամինների պակասը լրացնում ենք մրգերով: Ամեն ինչ անում ենք, որ նրանք ուրախ ու առողջ լինեն 😀

Նառան մեզ հետ կիսվեց նաև զվարճալի դեպքով, որը պատահել էր աշխատանքի հարցազրույցներից մեկի ժամանակ

– Ընդհանուր առմամբ, հարցազրույցի ներկայանալիս շատերը կարդում են, պրպտում, փորձում ավելին իմանալ ընկերության մասին։ staff.am-ն էլ մեծ դեր ունի այդ գործում, մեր հայտարարությունների ամենամեծ բազան հենց staff.am-ում է։Սակայն վերջերս զվարճալի մի դեպք պատահեց։ Թեկնածուներից մեկին հարցրեցինք, թե ինչ գիտի Digitain-ի մասին, ի՞նչ է լսել։ Նշեց, որ Digitain-ը շինարարական կազմակերպություն է։ Սկզբում զարմացանք, հետո պարզվեց՝ որտեղից էր այդ կարծիքը (ծիծաղում է․․․)։

– Քանի որ դեռևս Digitain-ի նոր օֆիսի շինարարական աշխատանքներն են ընթանում, շենքի վրա տեղադրված է Digitain-ի մեծ բաները։ Մարդիկ նկատել են և կարծել, թե Digitain-ը շինարարական ընկերություն է 🙂

Logo_Ամերիկայի դեսպանատան հարևանությամբ այժմ կառուցվում է Digitain-ի նորարական լուծումներով աչքի ընկնող կենտրոնը, որը մեկ հարկի տակ կներգրավի բոլոր աշխատակիցներին։

ԸՆԿԵՐՈՒԹՅՈՒՆԸ ԼՈՒՍԱՆԿԱՐՆԵՐՈՎ

ԱՇԽԱՏԱԿԻՑՆԵՐԻՆ ՏՐԱՄԱԴՐՎՈՂ ԲԵՆԵՖԻԹՆԵՐԸ

logofortext_

Վճարվող ազատ օրեր (Days off)

logofortext_Աշխատակիցների ուղղորդման վճար (Referral Bonus)

logofortext_ Ֆինանսական աջակցություն (Ամուսնություն, Երեխայի ծնունդ, Հարազատի մահ)

logofortext_ Զարգացման ծրագրեր (Անգլերենի ներկազմակերպական դասընթացներ ամբողջ աշխատակազմի համար, Մասնագիտական դասընթացների մասնակցություն)

logofortext_ Փոխառություն ստանալու հնարավորություն` աշխատավարձի մինչև եռապատիկի չափով առավելագույնը 1 տարվա ամսական մարման ժամանակացույցով

logofortext_ Հյուրասիրություն (Անվճար Ընդմիջում, սուրճ/թեյ, Միրգ, Քաղցրավենիք)

logofortext_ Խաղասենյակ/ հանգստի սենյակ/ գրադարան

logofortext_ Նվեր ծննդյան օրվա կապակցությամբ

logofortext_ Թիմային և կորպորատիվ միջոցառումներ

logofortext_ Արմենիա Վայն խմիչքների բացառիկ գներ

logofortext_ Բիզնես գործուղումներ, միջազգային ցուցահանդեսների մասնակցություն

logofortext_ Մրցունակ աշխատավարձ

logofortext_ Հաճելի աշխատանքային միջավայր

logofortext_ Մարզասրահից օգտվելու հատուկ պայմաններ

logofortext_ Առողջության ապահովագրություն:

Դե ինչ, ամփոփենք։

Digitain առցանց և իրական խաղային ոլորտում ծրագրային լուծումներ մշակող և մատուցող ընկերություն այցելությունից մեր տպավորությունները շատ մեծ էին և շատ ենք կարևորում Հայաստանում նման խոշորագույն գործատուի գործունեությունը։ Բացի խոշորագույններից մեկը լինելուց՝ Digitain-ը նաև խթանում է մշակութային և ազգային բազմազանությունը։  Ընկերությունը ստեղծում է այնպիսի կորպորատիվ մշակույթ և հավաքագրում է այնպիսի աշխատակիցների, ովքեր կկիսեն միևնույն մարդկային արժեքները, ընկերության զարգացման հեռանկարներն ու կկարևորեն թիմայինը։

Վստահեցնում ենք, որ մենք էլի այցելություն կունենանք Digitain ընկերություն, քանի որ առաջիկայում պլանավորվող նորույթներն ու զարգացումները շատ-շատ են։

Powered by staff.am.