cover
Սկիզբ / Խորհուրդներ / Կարծրատիպային թե՞ ճկուն մտածելակերպ․ 7 տարբերակ որոշելու համար

Կարծրատիպային թե՞ ճկուն մտածելակերպ․ 7 տարբերակ որոշելու համար

Երբևէ լսե՞լ եք կարծրատիպային կամ ճկուն մտածելակերպի մասին, կամ փորձե՞լ եք հասկանալ՝ որն է ձեր այս կամ այն ձեռքբերման կամ ձախողման հիմնական պատճառը։

Եկեք փորձենք հասկանալ՝ ինչպիսին է մեր մտածելակերպը, և ինչ են իրենցից ներկայացնում մտածելակերպի այս երկու տեսակները։

Եթե ձեր ներկայիս բնավորությունը, ինտելեկտը և կրեատիվությունը բնածին են և գրեթե ամբողջապես անփոփոխ, ապա պետք է ընդունենք, որ դուք ունեք կարծրատիպային մտածելակերպ։

Եթե դուք գիտակցում եք, որ մշտապես բաց եք նոր մտքերի, արժեքների, համոզմունքների համար, չեք վախենում ինքնաբարելավվելուց, ձգտում եք դառնալ ավելի խելացի, ապա դուք պատկանում եք ճկուն մտածելակերպ ունեցող մարդկանց շարքին։

1-groth

Եկեք խոստովանենք, որ մեր մշակույթում, մեր ընկերների կամ մեր հարազատների շրջանակում հանդիպած կլինենք մարդկանց, ովքեր պնդում են, որ այս կամ այն հմտությունն իրենք չեն կարող ձեռք բերել։ Օրինակ՝ շատ  հաճախ միջին սերնդի անձինք համոզված են, որ օտար լեզու սովորելը  իրենցը չէ,  և ինչքան էլ փորձեն, միևնույնն է չի ստացվի։ Սա միայն վկայում է այն մասին, որ այս անձինք ունեն կարծրատիպային մտածելակերպ, և չեն փորձում ճիգ ու ջանք գործադրել, մինչդեռ  բաց ու ճկուն մտածելակերպով անհատը ամեն անհնարինը կանի, որպեսզի հասնի իր նպատակին՝ չվախենալով նաև ձախողումներից և դժվարություններից։

Կամ նկատած կլինեք, երբ ցանկանում ենք մեր տատիկին կամ մայրիկին տալ որևէ խորհուրդ, օրինակ՝ կապված հագուստի ընտրության կամ համադրության հարցում, նրանք շատ հաճախ պնդում են, որ դա իրենց այդքան էլ սազական չէ, և նախընտրում են կրել իրենց արդեն իսկ ստանդարտ կամ ընտելացված զգեստը։ Նրանք վախենում են փոփոխություններից։ Իրենց բնավորությունը, տեսակը և ոճը ենթակա չէ փոփոխման, այն «կայուն» է և անփոփոխ։

Լինելով ներկայիս սերնդի ներկայացուչից՝ կարող եմ վստահաբար ասել, որ  մեր երկրում և մշակույթում միտումները շատ են փոխվել։ Գուցե պատճառը ինտերնետն է,  tech ոլորտի կտրուկ աճն ու օնլայն հարթակների բազմազանությունը, բայց մեր երիտասարդներն այսօր ձգտում են հնարավորինս շատ հմտություններ ձեռք բերել, ոչնչից հետ չմնալ, յուրօրինակ գաղափարներ արտահայտել, ընդունում են գրեթե յուրաքանչյուր մարտահրավեր և մեծ քայլերով առաջ են գնում։ Ինքնագովասանք չլինի, բայց երևի այդ պատճառով է, որ մեր երկրում սթարտափերն այդքան շատ են ու հաջողված 😊

men

Իսկ ինչպե՞ս է օգնում ճկուն մտածելակերպը աշխատանքում հաջողություններ և ձեռքբերումներ գրանցելու համար

Գործատուների մեծամասնությունը (սա կարող ենք փաստել՝ որպես շուրջ երեք տարի հայաստանյան աշխատաշուկայում գործող ու բազմիցս աշխատաշուկայի վերաբերյալ ուսումնասիրություններ իրականացրած հարթակ) բարձր է գնահատում, երբ իր թիմակիցը չի վախենում նոր մտքերից, ազատ է, կրեատիվ և մշտապես դեպի լավագույնը ձգտելու ճանապարհին է։

Թե ինչպես եք արձագանքում գործատուի կողմից տրված feedback-ին, ինչպես եք վերաբերվում նոր նախագծերի իրագործման գաղափարներին, կամ ինչպես եք մոտիվացվում, խոսում է ձեր մտածելակերպի տեսակի մասին։

Այսպիսով, որպեսզի կարողանաք որոշել, թե որ տեսակին է պատկանում ձեր մտածելակերպը, ստորև առաջարկում ենք 7 տարբերակներ՝

Հմտություններ

password

Կարծրատիպային մտածելակերպ՝ հմտություններն անփոփոխ են և ի ծնե,

unlock

Ճկուն մտածելակերպ՝ նոր հմտություններ, որոնք ձեռք են բերվել թրեյնինգների, ջանք ու եռանդի արդյունքում։

 

Ֆիդբեք

password

Կարծրատիպային մտածելակերպ՝ Ֆիդբեքը քննադատություն է և ձախողման նշան,

unlock

Ճկուն մտածելակերպ՝ Ֆիդբեքը հնարավորություն է աճելու և ինքնաբարելավվելու։

 

Մրցակցություն

password

Կարծրատիպային մտածելակերպ՝ ճնշվում են և վախենում այլ մարդկանց հաջողություններից,

unlock

Ճկուն մտածելակերպ՝ ոգեշնչվում են այլ մարդկանց հաջողություններով և նախագծերով։

 

Մարտահրավերներ

password

Կարծրատիպային մտածելակերպ՝ խուսափում են մարտահրավերներից և դժվար առաջադրանքներից,

unlock

Ճկուն մտածելակերպ՝ մարտահրավերներն ընկալում են որպես սովորելու և զարգանալու հնարավորություններ։

 

Գիտելիքներ

password

Կարծրատիպային մտածելակերպ՝ վախենում են ընդունել, որ այս կամ այն իրենք չգիտեն,

unlock

Ճկուն մտածելակերպ՝ պատրաստ են ասել «Ես դա չգիտեմ» և ցանկանում են իմանալ։

 

Ձախողում

password

Կարծրատիպային մտածելակերպ՝ նշանակում է, որ դու անկարող ես և անընդունակ:

unlock

Ճկուն մտածելակերպ՝ հաջորդ քայլի համար ձախողումը փորձ է։

 

Հաջողություն

password

Կարծրատիպային մտածելակերպ՝ ի ծնե ձեռքբերված կարողություններն արդեն իսկ ապահովում են հաջող արդյունք,

unlock

Ճկուն մտածելակերպ՝ հաջողության գրավականը աշխատանքը և գործադրած ջանքերն են։

 

Իհարկե, պետք է նաև ընդունենք, որ ոչ միշտ է պատահում, որ պատկանում ենք միայն մեկ տեսակի։ Մեզնից յուրաքանչյուրն անհատականություն է, և մենք ենք ընտրում, թե որ պարագայում մեզ համար որն է ճիշտ կամ սխալ արձագանք այս կամ այն երևույթին և իրողությանը։ Բայց եթե անկեղծ լինենք, շատ հաճախ մեր ձախողումների, սխալների, հաղթանակների և գնահատված լինելու գրավականը հենց մեր աշխարհայացքի, արժեքների, մտածելակերպի և համոզմունքների մեջ է թաքնված։

Իհարկե, եթե դուք գիտակցում եք, որ այս կամ այն գիծը ձեր բնավորության կամ մտահորիզոնի մեջ ձեզ դուր չի գալիս, և համոզված եք, որ եթե կարողանաք այդ կետը փոխել ձեր մեջ, կհասնեք ձեր ցանկություններին, երազանքներին,  կհաջողեք ամեն ասպարեզում, ապա ընդհանրապես վախենալու և երկմտելու կարիք չկա, պետք է ռիսկի դիմել և փոքր, թեկուզ և բարդ քայլերով առաջ գնալ։

window

Նույնիսկ այժմ, երբ թագավարակի պատճառով հնարավորություն չունենք տանից դուրս գալու, տեխնոլոգիաները մեզ տալիս են շա՜տ մեծ հնարավորություն ինքնակրթվելու, վերափոխվելու, զարգացնելու ձեր հմտությունները staff.am trainings-ի հետ միասին ու այս փուլի ավարտին աշխատաշուկային ներկայանալ՝ որպես լիովին նոր մարդ։

 

Մասնակցել օնլայն թրեյնինգների

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

COVER2

Թիմակիցների մենտորինգ․ հաջողված մեթոդ աշխատավայրում

Ինչ է թիմակիցների մենտորինգը: Ի՞նչ առավելություններ այն կտա Ձեր ընկերությանը։ 5 հիմնական խորհուրդ «թիմակիցների մենտորինգ» …

Leave a Reply

Your email address will not be published. Required fields are marked *