blog6
Սկիզբ / staff.am / «Դարձի՛ր StaffBlog հեղինակ» նախագիծ / Ինչպես կարելի է գտնել աշխատանք, որը կերջանկացնի Ձեզ

Ինչպես կարելի է գտնել աշխատանք, որը կերջանկացնի Ձեզ

Ուրախ ենք Ձեզ ներկայացնել «Դարձի՛ր StaffBlog հեղինակ» մեր նախագծի նոր թողարկումը: Նախագծի նպատակն է քննարկումներ ծավալել HR ոլորտում առկա կարևոր թեմաների շուրջ։

Ինչպես կարելի է գտնել աշխատանք, որը կերջանկացնի Ձեզ

Լաուրա Բերման Ֆորթգանգը, ով բազմաթիվ մոտիվացիոն գրքերի, ելույթների հեղինակ է, կարողացել է միլիոնավոր մարդկանց օգնել հասկանալ, թե ինչով են նրանք ուզում զբաղվել կյանքում` առանց նույնիսկ իրենց CV-ին նայելու։ Իր TEDx Talks-ի ելույթի ժամանակ նույնպես նա անդրադարձել է այս թեմային՝ հետաքրքիր խորհուրդներ տալով, թե ինչպես կարելի է գտնել աշխատանք, որը կերջանկացնի ձեզ։

Բոլորս էլ ճանաչում ենք գոնե մեկին, ով չի սիրում իր աշխատանքը, հնարավոր է նույնիսկ, որ այդ մեկը հենց ինքներս ենք։ Պարզվում է, որ աշխատող մարդկանց կեսը կնախընտրեր այլ բանով զբաղվել կյանքում, եթե ընտրելու հնարավորություն ունենար։ Իհարկե, աշխատանք, առավել ևս մասնագիտություն փոխելը հեշտ չէ, հատկապես, եթե լավ եք վարձատրվում, և ոչ բոլորն են այնքան համարձակ, որ կարողանան թողնել ներկայիս աշխատանքը և գնալ երազանքի աշխատանքի հետևից։

Հետազոտությունները ցույց են տալիս, որ աշխատավայրում երջանիկ լինելու համար, մարդիկ պետք է իրենց ներգրավված զգան։ Նրանք ուզում են վստահ լինել, որ այն, ինչ իրենք անում են ավելի կարևոր է, քան գումարը, որ նրանք ստանում են ամսվա վերջում։

checked (1)Շատ ավելի կարևոր է հասկանալ, թե ինչը մեզ մոտ բավարարվածության զգացում կառաջացնի

1

Իմանալով այս ամենը, մեզանից 50 տոկոսը չի կարողանում հասկանալ՝ ինչով է ուզում զբաղվել կյանքում, ինչը կերջանկացնի նրան։ Ամեն անգամ, երբ մենք կասկածներ ենք ունենում մեր կարիերայի որոշակի փուլում, առաջին բանը, որ անում ենք, մեր CV-ին նայելն ու վերհիշելն է թե ինչ որակավորում ունենք։ Սակայն շատ հաճախ մեր որակավորումն այն չէ, ինչը մենք երազում ենք ունենալ։

Ավելի պատկերավոր կլինի, եթե այս իրավիճակում ինքներս մեզ համեմատենք ձվի հետ․ ձվի արտաքին ամուր շերտը մեր որակավորումներն են, մեր ձեռքբերումները, մեր ինքնակենսագրականը. մենք բոլորս ամուր կպած ենք այդ պատյանին, ահա, թե ինչու է ադքան դժվար փոխել այն։ Սակայն մեզ հարկավոր է կոտրել այդ շերտը, ձվի կենտրոնին, «ԴՆԹ» – ին հասնելու համար: Այսինքն, միայն դեղնուցը՝ կենտրոնական հատվածը, կարող է տալ մեր իրական բնութագիրը, քանի որ արտաքին շերտը՝ մեր կարգավիճակը, ինքնությունը, աշխատավարձը, այն, թե ինչ են մարդիկ մտածում մեր մասին, շատ հեշտ է պարզապես վերցնել մեզանից։ Գուցե հենց այդ պատճառով կարևոր է հասկանալ, որ բավարարվածությունը սեփական կարիերայից չի առաջանում նրանից, թե ինչով ենք մենք զբաղվում, այլ նրանից, թե ով ենք մենք դառնում, երբ անում ենք մեր գործը։ Այսինքն, այն` ինչ մենք անում ենք մեր պատյանն է, արտաքին շերտը, իսկ միջուկն այն է, թե ինչ դերում ենք մեզ զգում այդ ընթացքում։

Շատ հաճախ հենց մեր երազանքներն են դառնում սահմանափակումներ մեզ համար, քանի որ մենք կենտրոնանում ենք միայն այդ երազանքի վրա՝ ինքներս մեզ թույլ չտալով նկատել այլ հնարավորություններ, նույնիսկ այնպիսիք, որոնք կարող են արդյունքում հանգեցնել մեր երազանքի իրականացմանը։

checked (1)

Մենք պետք է հնարավորություն տանք մեր երազանքներին փոխել իրենց ձևն ու ընթացքը

2

Բոլորիս փոքր տարիքից ասում են, որ մենք կարող ենք դառնալ այն, ինչ ուզում ենք, բայց երբ գալիս է մասնագիտություն ընտրելու ժամանակը «Ի՞նչ ես ուզում դառնալ, երբ մեծանաս» հարցը դառնում է «Ի՞նչպես ես կյանքդ ապահովելու այդ մասնագիտությամբ»։

Մեզ երբեք չեն սովորեցրել, թե ինչ ազդեցություն կարող են ունենալ մեր երազանքներն ու երևակայությունը մեր կարիերայի ընթացքի վրա։

Լաուրա Բերմանը նշում է, որ նա չի հավատում մարդկանց, երբ նրանք պնդում են, որ չգիտեն ՝ ինչով են ուզում զբաղվել։ Նրանք գիտեն, պարզապես վախենում են բարձրաձայնել, քանի որ հետո ստիպված են լինելու որևէ բան անել այդ ուղությամբ։

Այս ամենը վերաբերում է նաև այն մարդկանց, ովքեր արդեն հասել են մեծ հաջողությունների իրենց կարիերայում և կյանքի որոշակի փուլում նրանք նույնպես զգում են, որ չեն կարող շարունակել, չգիտեն ինչ անել, միգուցե քանի որ հասել են իրենց «երազանքին» և այլևս մոտիվացիա չունեն ։ Այսպիսի բազմաթիվ մարդիկ իրենց ամբիցիաները և ձգտումները հիմնում են այնպիսի բաների վրա, որոնք նրանց երազանքներից չեն ծնվել, արդյունքում գալիս է կյանքի որոշակի փուլ, երբ նրանք հասնում են իրենց առջև դրված նպատակին և սկսում են հասկանալ, որ այլևս չգիտեն՝ ինչ անել կյանքում։

checked (1)

Գալիս ենք եզրահանգման, որ CV-ն հավասարման ընդամենը մեկ կողմն է

3

Այդ CV-ի ստեղծմանը նպաստող իրադարձությունները, կյանքի ձեր փորձը՝ ահա թե ինչն է իսկապես կարևոր։

Մարդիկ չպետք է մրցակցեն աշխատավայրում, քանի որ մեզանից յուրաքանչյուրը յուրօրինակ է։ Մենք չպետք է պարտադրենք 17 տարեկան երիտասարդին որոշել, թե նա ինչով է ուզում զբաղվել կյանքում, քանի որ մենք ինքներս ենք նրան սովորեցնում, որ երազանքներն իրականացնելու շատ ճանապարհներ կան։

Մարդկանց 50 տոկոսը կնախըտրեր այլ աշխատանքով զբաղվել, եթե հնարավորություն ունենար։ Սա համաճարակ է, բայց և համաճարակ է, որը բուժում ունի։ Այդ բուժումը գիտակցությունն է, որ բավարարվածությունը կարիերայում չի առաջանում նրանից, թե ինչ ենք մենք անում, այլ նրանից, թե ով ենք մենք դառնում դա անելու ընթացքում: Եվ կարևոր է հիշել, որ նա՝ ով մենք դառնում ենք այդ ընթացքում, հենց մեր իրական «ԵՍ»-ն է:

Նյութի հիմքը TEDx Talks-ի ընթացքում Լաուրա Բերման Ֆորթգանգ – ի ելույթն է, որն ամբողջությամբ կարող եք դիտել այստեղ՝ https://goo.gl/Kt7BW3

Տվյալ նյութերի շարքն իրականացվում է Անի Մերուժանի Մարգարյանի հետ՝ ծառայելով Հայաստանում ՄՌԿ ոլորտի ամրացմանը։ Այս նպատակին ուղղված` որոշել ենք նախևառաջ հնարավորինս շատ նյութեր հասանելի դարձնել հայերեն տարբերակով։

Ջուլիետա Ղազարյան HR մասնագետ, Forex Time

 

business«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover

staff.am-ի անդրադարձը առցանց և իրական խաղային ոլորտում ծրագրային լուծումներ մշակող և մատուցող խոշորագույն ընկերություններից Digitain-ին

  Այս անգամ staff.am թիմն այցելել էր առցանց և իրական խաղային ոլորտում ծրագրային լուծումներ մշակող …

Leave a Reply

Your email address will not be published. Required fields are marked *