Ինչպե՞ս հաղթահարել ծուլությունը

2174

Ծուլությունը խնդիր է, որին անհրաժեշտ է լուծում տալ: Մենք բոլորս էլ լավ գիտենք թե ինչ պետք է անենք: Սակայն, շատ հաճախ մենք հետաձգում ենք մեր անելիքները՝ մեր ժամանակը ծախսելով երաժշտություն լսելու, սոցիալական կայքեր այցելելու և հեռուստացույց դիտելու վրա: Ինչպես ասում են, կարևոր գործերը թողնում ենք վերջին րոպեին:

Սակայն, երբեմն ծուլությունը անցնում է թույլատրելի բոլոր սահմանները, ինչի արդյունքում էլ մեր սկսած գործերը մնում են անավարտ, իսկ լավագույն գաղափարներն այդպես էլ իրականություն չեն դառնում:

Այսպիսով, ի՞նչ կարելի է անել ծուլությունը հաղթահարելու և վերջապես գործի անցնելու համար:

1 Նախ, ընդունեք, որ ծուլանում եք

Դուք չեք կարող լուծել խնդիրը, մինչև չընդունեք, որ այն գոյություն ունի: Դուք կարող եք ծախսել Ձեր ամբողջ ժամանակն անգամ առանց նկատելու, որ ծուլանում եք ու խուսափում եք գործի անցնել:
Երբ ի վերջո կընդունեք, որ ծուլություն եք անում ու կհասկանաք դրա պատճառը, կսկսեք միջոցներ ձեռնարկել այն հաղթահարելու համար:

Businesswoman working at her office desk with documents and laptop

2 Դադարեք մտածել, սկսեք գործել

Հետագա անելիքները նախապես պլանավորելը, իհարկե, կօգնի Ձեզ ավելի ճիշտ ծախսել Ձեր ժամանակն ու ռեսուրսները: Սակայն, չափից դուրս շատ պլանավորելը կարող է հակառակ ազդեցությունն ունենալ:
Դուք անդադար մտածում եք և ցանկանում եք կատարյալ պլան մշակել: Գուցե երբեք էլ չկարողանաք անթերի պլան մշակել, այդ իսկ պատճառով էլ կարիք չկա կենտրոնանալ ամեն մի մանրունքի վրա: Ուղղակի գործի՛ անցեք, և ժամանակի ընթացքում ամեն ինչ իր տեղը կընկնի:

taxes
3 Ազատվեք բոլոր խանգարող հանգամանքներից

Եթե ցանկանում եք աշխատել արդյունավետ, ապա անհրաժեշտ է ձերբազատվել բոլոր տեսակի խանգարող հանգամանքներից, որոնք կարող են շեղել Ձեր ուշադրությունը:
Օրինակ, կարելի է անջատել հեռախոսի ձայնը, որպեսզի նամակները և զանգերը չշեղեն Ձեր ուշադրությունը: Այդպիսով, Դուք կկարողանաք կենտրոնանալ, խուսափել սխալներից և գործն արագ ավարտին հասցնել:

phone
4 Հաշվեք, թե որքան ժամանակ ունեք

Երբևէ ուշադրություն դարձրե՞լ եք, թե որքան ազատ ժամանակ եք անիմաստ վատնում: Ինչպես ասում են, այսօրվա գործը չի կարելի վաղվան թողնել: Եթե ունեք ազատ ժամանակ, ապա կարելի է ավարտին հասցնել որոշ կիսատ մնացած անելիքներ:

Վաղը նոր անելիքներ ի հայտ կգան և այդպիսով, Դուք կունենաք ավելի շատ անելու բան և ավելի քիչ ժամանակ, եթե շարունակեք ծուլանալ:

time

5 Սկսեք ամենաբարդ աշխատանքից

Գուցե պետք է զանգեք ինչ-որ մեկին, բայց անհարմար եք զգում կամ պետք է պատասխանեք շաբաթների ընթացքում կուտակված տասնյակ նամակներին կամ գուցե պետք է տարեկան հաշվետվություն ներկայացնեք Ձեր գործատուին: Ինչ էլ որ լինի, պետք է գործն արագ ավարտին հասցնեք: Եթե օրն սկսեք ամենաբարդ աշխատանքն ավարտին հասցնելով, ապա Դուք Ձեզ ավելի հանգիստ կզգաք: Օրվա մնացած անելիքները շատ ավելի հաճույքով կանեք, եթե ի սկզբանե ազատվեք ամենաբարդ ու ժամանակատար առաջադրանքից:

think
6 Մի փորձեք միանգամից մի քանի բան անել

Հաճախ, մարդիկ կարծում են, թե կարող են միանգամից մի քանի գործ ավարտին հասցնել: Սակայն, հետազոտությունը ցույց է տվել, որ իրականում, միանգամից մի քանի բան անելն ընդհանրապես արդյունավետ չէ: Եթե ցանկանում եք գերազանց աշխատանք կատարել կարճ ժամանակահատվածում, ապա պետք է ամեն ինչ անել հերթով: Մյուս առաջադրանքին անցեք միայն նախորդն ավարտելուց հետո:

unnamed

7 Համաձայնեք, որ կատարելության ձգտելն անիմաստ է

Պերֆեկցիոնիզմը ծուլության ամենամեծ պատճառներից է: Երբեմն, մարդիկ չեն էլ սկսում գործել, քանի որ մտածում են, որ չեն կարողանա կատարյալ աշխատանք կատարել:
Իրականում, կատարելությունը ոչ միայն անհասանելի է, այլ նաև անիմաստ: Դուք կարող եք անել ամեն ինչ միայն Ձեր հնարավորությունների սահմաններում: Ուղղակի անհրաժեշտ է անել այն, ինչ կարող եք:

Ծուլությունը շատ տարածված երևույթ է: Սակայն, եթե Ձեր առաջ հստակ նպատակներ դնեք, ինչպես նաև հետևեք վերը նշված խորհուրդներին, ապա հեշտությամբ կկարողանաք հաղթահարել այն:

sustainibility policy v2

 

Գնահատե՛ք Ձեր ժամանակը և այսօրվա գործը վաղվան մի՛ թողեք:

Powered by staff.am.