Ինչպես գնահատել staff.am Ձեր համառոտ բնութագիրը

1494

Համոզված եղեք, որ Ձեր CV-ում ներառված համառոտ բնութագիրը գրավում է գործատուի ուշադրությունն ինչպես որ պետք է։ Իսկ ինչպե՞ս համոզվել։ Ստուգելու երկու տարբերակ ենք առաջարկում։ Երկու թեստ, որոնց միջոցով կարելի է գնահատել շարադրված միտքը։

Թեստ 1. Թեստի էությունը հետևյալն է․ յուրաքանչյուր հարցի համար Ձեր տեքստը 1-3 միավորով գնահատեք։ 1-ը «նվազագույն» միավորն է, իսկ 3-ը՝  «առավելագույն»։  Գրի առեք Ձեր միավորները, որոնք վերջնական հաշվարկով պետք է լինեն 13-39 միջակայքում։

  1. Արդյո՞ք առաջին նախադասությունը կարդալուց հետո ցանկանում եք շարունակել։
  2. Արդյո՞ք իրականին մոտ է գրված և ներկայացնում է Ձեզ այնպիսին, ինչպիսին որ կաք։
  3. Արդյո՞ք Դուք առանձնանում եք Ձեր մրցակիցներից։
  4. Արդյո՞ք հասցեագրված է գործատուին, որին Դուք ցանկանում եք գրավել։
  5. Համոզի՞չ է։ Պարունակո՞ւմ է հետաքրքիր փաստեր, որը կարդացողին կտեղեկացնի Ձեր մասին։
  6. Պարունակո՞ւմ է արդյոք 20-30% անձնական տեղեկություն (հետաքրքրություններ, արժեքներ, աշխարհայացք, կենսափորձ)։
  7. Արդյո՞ք բացատրում եք, թե ինչպես կարող եք օգտակար լինել այդ ընկերության համար։
  8. Ձեր գրելաոճը համապատասխանո՞ւմ է Ձեր անհատականությանը։
  9. Գեղեցի՞կ է դասավորված Ձեր տեքստը։ Արդյո՞ք թողել եք բավականաչափ տարածք պարբերությունների միջև։ Ունե՞ք հզոր վերնագրեր նոր մտքեր սկսելու ժամանակ։
  10. Ներառե՞լ եք մեջբերումներ։ Օրինակ, «Ֆինանսիստների ասոցացիայի կողմից պարգևատրվել եմ․․․»։
  11. Ուղղագրությունը, կետադրական նշանները ճի՞շտ են լրացված։
  12. Արդյո՞ք ներառում է բանալի բառեր, որոնց վրա կցանկանայիք գործատուն ավելի մեծ ուշադրություն դարձնի։
  13. Կարդացողին անհրաժե՞շտ են հավելյալ տվյալներ Ձեր մասին, թե ամեն ինչ պարզ է և արդեն կարող է ընտրություն կատարել։

Այժմ հաշվեք Ձեր միավորները։

Եթե հավաքել եք 30-39 միավոր, բրավո՛։ Ձեր համառոտ բնութագիրը կգրավի Գործատուի ուշադրությունը։

Եթե հավաքել եք 29 միավորից ցածր, առաջարկում ենք որոշ փոփոխություններ կատարել Ձեր բնութագրում։

resources-for-digital-nomads-smaller-size
Փոփոխեցի՞ք Ձեր տեքստը, մի՛ շտապեք։ Եվս մեկ թեստ, որը կօգնի ավելի կատարյալ դարձնել Ձեր մասին պատմող համառոտ բնութագիրը։
Թեստ 2. Ընտրեք երեք անձանց, ովքեր Ձեզ շատ լավ են ճանաչում և աջակցում են նոր աշխատանք գտնելու հարցում։

  • անձ, ով որ աշխատում է այդ ընկերությունում, որտեղ աշխատանքի դիմում եք ուղարկելու,
  • մենթոր, քոուչ կամ վստահելի գործընկեր, ով շահագրգռված է Ձեր հաջողություններով,
  • ընկեր կամ ընտանիքի անդամ, ով որ Ձեզ լավ է ճանաչում։Նրանց հարցրեք․
  • Արդյոք այդ տեքստը ճիշտ է ներկայացնում Ձեզ, թե ով եք Դուք և ինչ արժեք կարող եք ներկայացնել այդ ընկերության համար։
  • Ցանկություն առաջանո՞ւմ է, որ ավելին իմանան Ձեր մասին։
  • Բացակայող տվյալներ կա՞ն արդյոք։
  • Ինչ կառաջարկեին, որ փոփոխեիք տեքստն ավելի լիարժեք դարձնելու համար։

Կարծիքները լսելով և կատարելով անհրաժեշտ փոփոխությունները՝ ներբեռնեք Ձեր բնութագիրը staff.am Ձեր անձնական էջ և դիմեք Ձեր ցանկալի աշխատանքին staff.am-ում։

Powered by staff.am.