Սկիզբ / HR ոլորտ / ՄՌԿ ավտոմատացման համակարգը անհրաժեշտ, բայց ոչ բավարար նախապայման կազմակերպությունների զարգացման համար
outdated

ՄՌԿ ավտոմատացման համակարգը անհրաժեշտ, բայց ոչ բավարար նախապայման կազմակերպությունների զարգացման համար

Մարդկային ռեսուրսների արդյունավետ կառավարումը այսօր թիվ մեկ խնդիրն է թե աշխարհի, և թե Հայաստանի համար: Խնդիրը կայանում է նրանում, որ ժամանակակից մարդու պահանջներն ու սպասելիքները փոփոխվել են: Աշխարհի արևմտյան հատվածը մարդկանց արդյունավետ կառավարման բնագավառում հասել է այնպիսի մի մակարդակի, որ անհրաժեշտություն է առաջացել կիրառել այդ ամենում նոր տեխնոլոգիաները, ասել է թե ՄՌԿ ավտոմատացման համակարգերը: Արևմտյան երկրները կազմակերպությունների կառավարման հարցում ցուցաբերում են մարդակենտրոն մոտեցումներ, այսինքն մարդը դիտարկվում է որպես արժեք: Արևելյան երկրների համար կառավարումը դեռևս մնում է սովետական միությունից ժառանգված համակարգը, ինչը ենթադրում է վերից վար հիերարխիկ փոխկապակցված բյուրոկրատական կառավարում, և այստեղ մարդը դիտարկվում է որպես գործիք: Այս պարագայում խոսելով ՄՌԿ ավտոմատացման համակարգերի մասին` մենք կարող ենք էլ ավելի խորացնել այդ բոլոր ժառանգված բացասական երևույթները:

Մարդկային ռեսուրսների կառավարումն ինքնին ոչ միայն գործիքների և մեխանիզմների ամբողջություն է, որն օգտագործելով կարելի է միանշանակ արդյունք ստանալ, այլև դրա հետ մեկտեղ պետք է հաշվի առնել դրա էութենական, ասել է թե արժեքային կողմը:

Քանի որ մենք գործ ունենք ոչ թե ռոբոտների հետ, որոնց աշխատանքը ծրագրավորելով կարելի է ստանալ բացարձակ արդյունք, այլ մենք խոսում ենք մարդու մասին, ով ռոբոտից տարբերվում է շատ բաներով:

1

Հետևաբար երբ խոսում են մարդկային ռեսուրսների կառավարման ավտոմատացված մեխանիզմների մասին, որը ֆիքսում է թե աշխատակիցն ինչ արեց, ոնց արեց և երբ արեց, այստեղ միանշանակ գնահատական չենք կարող տալ բոլորին, քանի որ ամեն մարդ մի անհատականություն է, և չափել բոլորին մեկ ամբողջական համակարգով կարծում եմ՝ ճիշտ չէ: Եթե կան այդ ավտոմատացված համակարգերի հետ մեկտեղ անհատական մոտեցում և աշխատանք, ասել է թե անհատական զարգացման պլաններ և մոտիվացիոն մեխանիզմներ, անհատական գնահատման և մոնիտորինգի համակարգեր, ….ապա կարելի է խոսել այդ համադրության արդյունավետության մասին, այլապես տվյալ ընկերությունը կունենա հրաշալի ռոբոտացված մարդկանց, ովքեր անում են իրենց աշխատանքն ավտոմատացված մեխանիզմներին համահունչ, սակայն անհատական մոտիվացիան և զարգացման հեռանկարները նրա համար սահմանափակվում են այդ նեղ համակարգում: Դրանից էլ կախված տվյալ ընկերությունը չի կարող ունենալ օրգանական բնականոն զարգացում, իհարկե ընդհանուր առմամբ կունենա զարգացում, բայց օրգանական զարգացման դեպքում այն կլիներ ավելի մտածված, տևական, ստեղծագործ, նախաձեռնող և այլն:

2

Մեկ այլ խնդիր, որ լավ եթե կա այդ ամենը, բայց չկա տվյալ ընկերության ռազմավարական երկարատև պատկերացումը, որը ժամանակի ձգվածության ընթացքում մնում է ուշադրության կենտրոնում, ապա ՄՌԿ ավտոմատացված, թե չավտոմատացված կամ այլ տիպի համակարգերի ներդրման և առավել ևս կիրարկման մասին խոսելը դառնում է անտեղի: Քանի որ եթե մենք գործ ունենք սիտուատիվ կառավարման համակարգով աշխատող ընկերությունների հետ, ապա նրանց պարտադրել, որպեսզի ներդնեն ինչ որ համակարգեր… անշնորհակալ գործ է: Առաջին հերթին նրանց պետք է սովորեցնել, որպեսզի ընկերության հեռահար ռազմավարական համակարգեր ներդնել ու կիրառել, նոր դրանից հետո խոսել տարաբնույթ նորամուծությունների մասին:

Հեղինակը՝ Կարեն Սարգսյան

Անկախ բիզնես խորհրդատու
Այցելեք staff.am այսօր և ստեղծեք Ձեր օնլայն CV-ին

Դիտեք նաև

Kidnapping-Of-Edgardo-Mortara-Director-Steven-Spielberg

ԹԵ ԻՆՉՈւ Է ՁԵՐ ՎԵՐԱԲԵՐՄՈւՆՔՆ ԱՌԱՎԵԼ ԿԱՐԵՎՈՐ ՁԵՐ ԻՆՏԵԼԵԿՏԻՑ

  Երբ հասունանում է հաջողության պահը` հեշտ է կարծել, որ այն մարդիկ, ովքեր փայլել են …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.