#HRCase: Վօլօ ընկերության «We are not hunting, we are hiring» արշավին StaffBlog-ի անդրադարձը

1528

Ահա և ներկայացնում ենք նոր նախագիծ staff.am-ում։ Նախագծի շրջանակներում լուսաբանում ենք այն HR case-երը, որոնք կիրառվում են տարբեր ոլորտների ընկերություններում։ Այսօր ուրախ ենք ձեզ ներկայացնել Վօլօ ընկերության «We are not hunting, we are hiring» արշավին նվիրված մեր անդրադարձը։

Շնորհակալություն ենք հայտնում Վօլօ HR թիմին, նման ողջունելի նախաձեռնության և լավ case-ով մեզ հետ կիսվելու համար։

voloteamphoto


Ինչի՞ց առաջացավ գաղափարը։

Գաղափարի առաջացման համար եղել են մի շարք նախադրյալներ։ Առաջինը թերևս վերջին ժամանակներում շատ լայն տարածում գտած ագրեսիվ “headhunting” կոչված երևույթն է։ Ըստ էության սա անընդունելի և որոշակի առումներով նաև անհասկանալի պրակտիկա է անգամ կադրերի ներգրավմամբ զբաղվող փորձառու մասնագետների համար։ Այս գաղափարին հանգելու երկրորդ պատճառն ի հայտ եկավ, երբ մենք ինքներս էինք փնտրում կադրերի ներգրավմամբ զբաղվող մասնագետ։ Բազմաթիվ հարցազրույցների արդյունքում պարզվեց, որ գործնականում նրանց առաջարկած միակ մեթոդը մրցակիցներից կադրեր «խլելն» է։ Սա սկզբունքայնորեն դեմ է մեզ մոտ ընդունված արժեհամակարգին։ Ուստի, հաշվի առնելով երևույթի լայն ընդգրկումը, մենք որոշեցինք մեր տեսակետը բարձրաձայնել այս արշավի միջոցով։

bulletvspencil


Ինչո՞ւ Վօլօ, ի՞նչ բենեֆիթներ է տրամադրում Վօլօն իր աշխատակիցներին։

Մենք, իհարկե, ի թիվս այլ առավելությունների, ունենք նաև որոշակի բենեֆիթներ, որ տրամադրում ենք մեր աշխատակիցներին։ Սակայն չէինք ցանկանա այս հարցին պատասխանել՝ պարզապես բենեֆիթների ցանկ ներկայացնելով։ Մեզ համար առանցքային նշանակություն ունի այն, որ մեզ դիմողները նախ իրենք ցանկություն ունենան դառնալ մեր թիմի անդամ, լինի դա «Վօլօ»-ի հեղինակության շնորհիվ, թե սեփական ուսումնասիրության արդյունքում ձևավորված կարծիքի հիման վրա։ Մենք գտնում ենք, որ այս հարցին ավելի անկեղծ և օբյեկտիվ ձևով կկարողանան պատասխանել մեր աշխատակիցները, ինչն էլ պլանավորում ենք ներկայացնել մեր արշավի երկրորդ փուլում։

sharkvsship


Hiring-ի ինչպիսի՞ գործիքներ եք կիրառում։

Հիմնականում աշխատում ենք օրգանական ճանապարհով ստացված ռեզյումեների, “reference”-ների, և “recommendation”-ների միջոցով։  Մենք շատ պահանջկոտ ենք թեկնածուների ընտրության հարցում։ Մեր իդեալական թեկնածուն այն մարդն է, ով, պահանջվող մասնագիտական հմտություններից զատ ունի մեր արժեհամակարգին համապատասխանող մարդկային որակներ, ընդ որում շատ անգամ մենք վերջինը ավելի ենք կարևորում։ Աշխատանքի անցնելով մեզ մոտ, մեր աշխատակիցները քաջ գիտակցում են, որ մենք ընտրել ենք նրանց ճիշտ նույն կերպ, ինչպես նրանք մեզ։

Մեծ տեղ հատկացնելով «ethical hiring»-ի գաղափարին և մեր ռազմավարության էական կետ համարելով ներդրումը սկսնակ մասնագետների զարգացման գործում, մենք մշակել ենք պրակտիկայի ծրագիր սկսնակ ծրագրավորողների համար, որն իրականացնում ենք Մայքրոսոֆթ ինովացիոն կենտրոնի հետ համատեղ։
Այդ ծրագրի շնորհիվ մասնակիցներից շատերն իրական հնարավորություն են ունենում աշխատանքի անցնելու «Վօլօ»-ում։


Որո՞նք են լինելու արշավի մյուս քայլերը։

Ինչպես արդեն նշեցինք, արշավի տրամաբանական շարունակություն ենք համարում ներկայացնել մեր աշխատակիցների կարծիքներն ու տպավորությունները «Վօլօ»-ի մասին։

staff.am «#HRCase» նախագիծը շարունակական է։ Եթե HR ոլորտում կիրառում եք այնպիսի case-եր, որոնք փորձի փոխանակման համար օգտակար հիմք կհանդիսանան, ապա կարող եք կապ հաստատել մեզ հետ։ Մենք սիրով կկիսվենք մեր լսարանի հետ Ձեր #HRCase-երով։

Powered by staff.am.