Ցանկալի աշխատանք գտնելն այսօր միգուցե մարտահրավեր է աշխատանք փնտրողների համար։ Մյուս կողմից էլ, հաճախ ենք լսում ՄՌԿ մասնագետներից, որ աշխատաշուկայում դժվար է գտնել որակյալ մասնագետների։
Ահա այս ամենի շուրջ էլ ծավալել ենք StaffBlog-ի մեր այսօրվա թողարկումը, որում անդրադարձել ենք ինչպես աշխատանք փնտրող, այնպես էլ ՄՌԿ մասնագետների կարծիքներին։

Ուրախ ենք ձեզ ներկայացնել այս կարճ տեսանյութը, որի միջոցով մեր օգտատերերին տրամադրել ենք կարիերայի խորհրդատվություն անմիջապես ՄՌԿ ոլորտի մասնագետներից, ինչպես նաև այլ մասնագետներից։ Տեսանյութը դիտելուց հետո, առաջարկում ենք նաև կարդալ մեր թիմի կողմից ստորև կատարված հակիրճ ամփոփումը։

Տեսախորհուրդների մի շարք հարցերին անդրադարձել ենք առավել մանրամասն ստորև։

digitain_logo_blog

sona_digitain

Ի՞նչ չափանիշներով է դիտարկվում թեկնածուն

Այս թեմայի շուրջ խոսեցինք Digitain ընկերության Մարդկային ռեսուրսների և կազմակերպական զարգացման տնօրեն Սոնա Գրիգորյանի հետ՝ անդրադառնալով հարցազրույցի անցկացման փուլերին՝ CV-ից, հեռախոսային զրույցից սկսած մինչև բուն հարցազրույցի գործընթացի մասին։ Սոնան նշեց,  որ կարևորում է յուրաքանչյուր մանրուք, հատկապես թեկնածուի ուշադիր, կոկիկ ու գրագետ լինելը։ Նաև հավելեց, որ վերջին ժամանակներս աշխատանք փնտրողների մոտ դիմելու մշակույթն է զարգացել, ինչը հեշտացնում է ռեքրութմենթ կատարողի աշխատանքը։

Աշխատանքներ Digitain-ում

Ինչպե՞ս է կատարվում նոր թիմակիցների ընտրությունը

Ամերիաբանկ ընկերության Տաղանդների ներգրավման և ադապտացման թիմի ղեկավար Օֆելյա Քամալյանն իր ուրույն մոտեցումն ունի այս հարցում՝

«Ամերիաբանկը փնտրում է թիմակիցների, ովքեր կլինեն իրենց արժեքների կրողը, կլինեն ստեղծարար, համարձակ ու ընկերասեր, կկարևորեն feedback տալու և ստանալու գործընթացը, կկարողանան ադապտիվ վարքագիծ ցուցաբերել փոփոխվող իրավիճակներում։ Բայց այս ամենի հետ մեկտեղ կարևորում ենք նաև մասնագիտական հմտություններն ու գիտելիքները»։

Աշխատանքներ Ameriabank-ում

ameriabank_logo_blog

ameria_Ofelya_blogsynopsys_logo

arax

Թեկնածուներ դիտարկելիս արդյո՞ք հաշվի է առնվում թիմում ձևավորված «բնավորությունը»

Այս հարցին Synopsys EMEA ընկերության Տարածաշրջանի մարդկային ռեսուրսների հավաքագրման ավագ մասնագետ Արաքս Սահինյանը նշեց, որ կարևորում է թիմում աշխատելու կարողությունը և առհասարակ սոֆթ հմտությունները, բայց կարծում է, որ ժամանակին համընթաց քայլելու, թիմում նորարարական մտածելակերպ ունենալու և միմյանց առողջ մարտահրավերներ նետելու համար պետք են տարբեր տեսակետներով, աշխարհայացքներով մարդիկ․ այլ կերպ ասած՝ թիմում պետք է լինի բազմազանություն։

Աշխատանքներ Synopsys-ում

Ինչպիսի՞ կարևորություն ունի ուղեկցող նամակն աշխատանքի դիմելիս

Joomag Talent Specialist Անի Մերուժանի Մարգարյանը նշեց, որ իրենց մոտ՝ Joomag-ում, չեն պահանջում ուղեկցող նամակ, բայց եթե ուղարկում են, անպայման կարդում են։ Անին նաև նշեց, որ ցանկացած պարագայում ռեզյումեն և ուղեկցող նամակը թեկնածուի համար միակ միջոցն են գործատուին ներկայանալու և մնացած թեկնածուներից առանձնանալու։ Ուստի չափազանց կարևոր է հոգատար լինել և ուղարկել լավ շարադրված, գրագետ ռեզյումե և ուղեկցող նամակ։

Աշխատանքներ Joomag-ումJoomag_blog_logo

Ani_Joomag

Տեսախորհուրդներում անդրադարձ կատարեցինք նաև այնպիսի հարցերի, թե ինչ հիմնական գործոններ է կարևորում  աշխատանք փնտրողը աշխատանքի նոր հնարավորություններ դիտարկելիս։ Ինչպես նաև որ հմտություններին է անհրաժեշտ ուշադրություն դարձնել կարիերայի տարբեր փուլերում։

cascade-people_logo_bloghasmik_blog

Ի՞նչ հիմնական գործոններ են հաշվի առնում աշխատանք փնտրողները

Cascade People & Business ընկերության HR Operations Specialist Հասմիկ Բեգլարյանը նշեց, որ աշխատանք փնտրողների համար չափազանց կարևոր է թիմում տիրող մթնոլորտը, հետադարձ կապի առկայությունը՝ իր կատարած աշխատանքի վերաբերյալ, մասնագիտական և անձնական աճի հնարավորությունները տվյալ ընկերությունում և, իհարկե,  աշխատանքը սիրով կատարելը։

Ո՞ր հմտություններն են առավել կարևորվում աշխատանք փնտրողների համար

Ինգո Արմենիա ապահովագրական ընկերությունից Վիկտորյա Պողոսյանը հմտությունների մասին իր խոսքում կարևորեց նոր և ավելի փորձառու կադր լինելու հանգամանքը։ Եթե նոր կադր ես ոլորտում, բնականաբար առավելագույն ուշադրություն է դարձվում քո մասնագիտական հմտություններին, գիտելիքներին։ Որքան կարիերայում աճ ես ունենում, այնքան անձնական հմտությունները վեր են դասվում մասնագիտականներից։ingoarmenia

VIka_blog_

Հուսով ենք, որ staff.am տեսախորհուրդներ նախագծի շնորհիվ կկարողանաք ձեռք բերել օգտակար խորհուրդներ ՄՌԿ ոլորտի վերաբերյալ և դիմել ձեր ցանկալի աշխատանքին staff.am-ի միջոցով։

Դիտել բոլոր աշխատանքները staff.am-ում

Powered by staff.am.