Սկիզբ / Մեր Գործատուները / Բացահայտել ընկերությունները / Այցելություն HS International – HelpSystems-ի հայաստանյան գրասենյակ

Այցելություն HS International – HelpSystems-ի հայաստանյան գրասենյակ

Ներկայացնում ենք Ձեր ուշադրությանը ևս մեկ հայկական ՏՏ ընկերություն, որն արդեն մի քանի ամիս է համագործակցում է staff.am-ի հետ։ Վերջերս այցելել էինք HS International, որը հանդիսանում է աշխարհահռչակ HelpSystems-ի հայաստանյան գրասենյակը, զրուցելու աշխատակիցների հետ, հասկանալու և Ձեր ուշադրությանը ներկայացնելու, թե ինչպիսին է ընկերության աշխատանքային միջավայրը, ինչ խնդիրներ են լուծում նրանք և որն է թիմի լավ աշխատանքի գաղտնիքը։ Անպայման նշենք, որ անչափ տպավորված ենք HS International-ի թիմի նվիրվածությամբ, համեստությամբ և, իհարկե, հյուրընկալությամբ (գրասենյակում անց ենք կացրել 3 ժամ ?)

Ըհհհհ
HelpSystems հայաստանյան գրասենյակի գլխավոր տնօրեն Պավել Սնխչյան

 

HelpSystems-ի հետ սկսել ենք աշխատել 2010 թվականից, երբ դեռ Սորսիո ընկերությունում էինք։ HelpSystems-ը մեր հաճախորդն էր, ում մեր թիմը աութսորս ծառայություններ էր մատուցում ։ Բավականին կարճ ժամանակահատվածում մենք դարձանք ընկերության ռազմավարական գործընկերը։ Մեր հաջողության հիմքում ընկած էր այն, որ մենք միշտ ավելին էինք անում, քան մեզնից ակնկալվում էր, և մեծ հոգատարությամբ էինք վերաբերվում մեր գործընկերոջը։ Մի քանի տարի անց՝ 2015 թվականին, արդեն սկսվեցին Հայաստանում առանձին մասնաճյուղ բացելու կապակցությամբ բանակցություններ, և 2015 թվականի վերջին կնքվեց պայմանագիր։ Ստեղծվեց HS International հայկական ընկերությունը, որը շատ կարճ ժամանակահատվածում իր թիմի մեծությամբ զբաղեցրեց HelpSystems Խմբում երկրորդ տեղը գլխամասային գրասենյակից հետո՝ կազմելով Խմբի աշխատակիցների 10%-ը։ Թիմը ընդամենը 1,5 տարվա ընթացքում 30 աշխատակցից աճել է մինչև 60-ի, և այդ հաջողության գրավականը այն է, որ ի սկզբանե մենք HelpSystems ընկերությանը ընկալել ենք որպես ավելին, քան ուղղակի գործընկեր՝ հաստատ իմանալով, որ կարող ենք մեր նշանակալից ներդրումն ունենալ ընկերության պրոդուկտների և ծառայությունների զարգացման գործում;

– նշեց HelpSystems հայաստանյան գրասենյակի գլխավոր տնօրեն Պավել Սնխչյանը։

Պավելի հետ խոսեցինք նաև այն մասին, թե ինչպիսի ծրագրեր են իրականացնում նոր կադրերի կրթման համար, և առհասարակ ինչ սկզբունքներով են առաջնորդվում ընկերության թիմը համալրելիս։

Մենք այս պահին աշխատում ենք հետևյալ տեխնոլոգիաներով՝ Java, JavaScript, .Net, C++, Ruby, իսկ շատ մոտ ժամանակներս մեր իսկ նախաձեռնությամբ՝ Մեքենայական ուսուցման (Machine Learning) և Արհեստական բանականության(Artificial Intelligence) նոր ուղղություն ենք հիմնադրելու, ինչի ուսումնասիրությամբ էլ հենց հիմա զբաղվում է մեր լոկալ R&D (research and development) թիմը։

DSCN1601_done
HelpSystems հայաստանյան գրասենյակի գլխավոր տնօրեն Պավել Սնխչյան

 

Պավելը նշեց, որ այս նախաձեռնությունը HS International-ինն է, և գլոբալ HelpSystems Խմբում շատ մեծ ոգևորությամբ է ընդունվել։ Նպատակն էլ առկա պրոդուկտները ML/AI տեխնոլոգիաների միջոցով  առավել արդյունավետ դարձնելն է։

Կադրերի հավաքագրումը իրականացնում ենք 2 եղանակով՝ ներքին ինթերնշիփների միջոցով, որոնք սովորաբար տևում են 4-6 ամիս, կամ արտաքին հավաքագրման միջոցով։ Շատ բծախնդիր ենք և տեխնիկական հարցազրույցի ժամանակ ձգտում ենք հավաստիանալ, որ մասնագետն իսկապես փորձառու է և ունի պահանջվող գիտելիքները։ Լինում են դեպքեր, երբ հարցազրույցի ընթացքում թեկնածուն պետք է փոքր տեխնիկական խնդրի լուծում առաջարկի։ Ոչ պակաս կարևոր են մասնագետների սոֆթ հմտությունները` անձնական հատկանիշները։ Մեր թիմը շատ նման է ընտանիքի․ Հաշվի առնելով, որ մենք օրվա մեծ մասն անցկացնում ենք աշխատավայրում՝ մեր համոզմունքն է, որ դա պետք է անել հաճույքով։ Այդ իսկ պատճառով մենք շատ լուրջ ենք վերաբերվում յուրաքանչյուր նոր մարդու մեր թիմ մուտք գործելուն, փորձում ենք հասկանալ, թե ինչպիսի նոր որակներ նա կհաղորդի մեր թիմին, ինչքանով կինտեգրվի և այլն։ Հարցազրույցին, այդպիսով, ներկա է գտնվում է և՛ ՄՌԿ մասնագետը, և՛ այն թիմի ղեկավարը, որի համար հավաքագրումն է իրականացվում , և իհարկե ես։

Բնականաբար դժվար է  հարցազրույցի ժամանակ այդ ամենը պարզելը, իսկ փորձաշրջանը օգնում է դրան։ Մեր հարցին, թե ու՞նի արդյոք Պավելը նախընտրելի հարց, որը հարցազրույցի ընթացքում օգնում է հասկանալ մարդու բնավորությունը․ նա պատասխանեց։

Սիրում եմ հարցնել, թե ինչ հոբի ունի թեկնածուն։ Իմ կարծիքով, եթե մարդն ունի աշխատանքից զատ այլ հետաքրքրություններ, և որոնց մասին նա հաճույքով է պատմում, ուրմեն այդ մարդու հետ աշխատելն էլ կլինի հետաքրքիր, և նա ինչ-որ նոր բան կբերի թիմին։ Դրական մարդ լինելն էլ ենք շատ կարևորում, մեր գործում հումորի զգացումը նույնպես շատ անհրաժեշտ բան է, լավ անտիսթրես է հանդիսանում։)

HelpsSystems թիմի անդամները
HelpSystems թիմի անդամները

 

Պավելը վերջում ավելացրեց։

Այն 8 ժամվա ընթացքում, երբ գտնվում ենք աշխատավայրում, փորձում ենք լինել առավելապես կենտրոնացած և աշխատանքի վրա սևեռված։ Հպարտորեն կարող եմ ասել, որ մեր թիմում հավաքվել են մարդիկ, ովքեր իրենց գործի գիտակն են, իսկ կորպորատիվ մշակույթը զուրկ է ավելորդություններից և աղմուկից․ մարդիկ գիտեն իրենց գործը, և թե ինչ սպասելիքներ ունի ընկերությունն իրենցից։

HS International-ի գրասենյակում մեր գտնվելու ժամանակ առիթ ունեցանք նաև հանդիպել HelpSystems -ի ԱՄՆ գրասենյակից ժամանած հյուրերի հետ։ Մասնավորապես, զրուցեցինք  Ջոն Ֆագայի հետ, ով հանդիսանում է Senior Product Test Enginer Ընկերության Լոս Անջելեսի գրասենյակում․

Հայաստանի և մասնավորապես HS International-ի կադրերի վերաբերյալ իմ կարծիքը շատ դրական է։ Ես աշխատում եմ ինչպես ծրագրավորման, այնպես էլ որակի կառավարման ինժեներների հետ։ Տպավորված եմ այս փոքր երկրում այսքան տաղանդավոր մարդկանց առկայությամբ։ Շատ եմ հավանում Հայաստանը, հասցրել եմ նույնիսկ մի քիչ ճամփորդել, տպավորված եմ ձեր հյուրընկալությամբ, ուտեստներով և, իհարկե, մարդկանցով, ովքեր շատ ջերմ են և բաց;- զրույցը սկսեց Ջոնը։

 

Ջոն Ֆագա, Senior Product Test Engineer Ընկերության Լոս Անջելեսի գրասենյակում

 

Մեր գրասենյակը գտնվում է Լոս Անջելեսում, շատ մեծ թիմ չենք, ունենք ծրագրավորողներ, որակի կառավարման մասնագետներ, նույնիսկ վաճառքի և մարքեթինգի մասնագետներ։ Շատ սերտորեն աշխատում ենք հայաստանյան գրասենյակի հետ։ Իմ այցի նպատակն էլ պարզապես թիմի հետ ծանոթանալն է, քանի որ անձնական շփմանը շատ մեծ տեղ ենք տալիս մեր ընկերությունում։ Շատ հաճախ ԱՄՆ-ում հյուրընկալում ենք մեր այլ երկրների գրասենյակների աշխատակիցներին ծանոթանալու և ուղղակի շփվելու համար։

Ես միանշանակ խորհուրդ կտամ երիտասարդ մասնագետներին միանալ HS International թիմին, քանի որ այստեղ մարդիկ իսկապես աշխատում են միջազգային մեծ ընտանիքում։ Մենք ունենք գրասենյակներ Եվրոպայում, ԱՄՆ-ում, Ասիայում, իսկ մեր հաճախորդներից շատերը համաշխարհային հայտնի ընկերություններ են։

Զրույցը շարունակեցինք Վահրամ Մարտիրոսյանի հետ, ով Principal Software Engineer – Team Leader է։ Վահրամը բացի HS International-ում թիմի ղեկավար լինելուց նաև դասախոսություններ է կարդում տարբեր ուսումնական հաստատություններում։ Սա ընկերության համար կրտսեր կադրերի ներգրավման շատ լավ հնարավորություն է։ Մեր հարցին, թե Վահրամը՝ որպես թիմի ղեկավար, ինչպես է հավաստիանում, որ իր թիմը պահպանում մասնագիտական մրցունակությունը, Վահրամը պատասխանեց․

Վահրամ Մարտիրոսյան, Principal Software Engineer - Team Leader
Վահրամ Մարտիրոսյան, Principal Software Engineer – Team Leader

 

Մեր ընկերությունում ներդրված է performance management -ի, շատ լավ համակարգ, որի միջոցով մասնագետների համար նշվում է եռամսյակային նպատակների խումբ։ Օրինակ, այդտեղ սահմանվում են ինչպես մասնագիտական, այնպես էլ սոֆթ հմտությունների բարելավման համար որոշակի նպատակներ, դրվում են թիրախային ցուցանիշներ, որոնց էլ աշխատակիցը պետք է հասնի նշված ժամանակահատվածում։ Իհարկե, նպատակների սահմանումից հետո ամեն ամիս աշխատակիցն իր ղեկավարի հետ քննարկում է արդյունքները հավաստիանալու, որ նա ճիշտ ճանապարհին է։

Վահրամը նշեց նաև, որ HS International-ը շատ հաճախ HelpSystems Խմբի մակարդակով հանդես է գալիս նորարարական լուծումներով։ Սա զարմանալի չէ, քանի որ նորարար լինելը հայկական ընկերության ԴՆԹ-ի մեջ է, շնորհիվ ինչի ընկերության աշխատակիցները միշտ ունեն իրենց մասնագիտական հմտությունները զարգացնելու շատ հնարավորություններ։

Տարիների ընթացքում կուտակած փորձի և լավ կատարված աշխատանքի շնորհիվ , մեր ընկերությունը բավականին լավ հեղինակություն է վայելում HelpSystems Խմբում։ Շատ հաճախ Խմբի նոր պրոդուկտների համար մասնագետներ են ընտրում հենց Հայաստանից, այլ ոչ թե այն թիմերից, որոնք հանդիսանում են պրոդուկտի պատասխանատու։ Մեզ համար սա իսկապես շատ մեծ ձեռքբերում է, և մենք շատ հպարտ ենք դրանով;- զրույցը եզրափակեց Վահրամը։

Մեր հաջորդ զրուցակիցը Վահե Վարդումյանն էր, ով հանդիսանում է Principal Software Engineer – Team Leader և աշխատում է HelpSystems-ի Իսպանիայում գտնվող գրասենյակի հետ։ Վահեի հետ խոսեցինք իր աշխատանքի մարտահրավերների մասին, ինչպես նաև հետաքրքրվեցինք, թե ինչն է Վահեն ամենաշատը սիրում իր աշխատանքում։

Վահե Վարդումյան, Principal Software Engineer - Team Leader
Վահե Վարդումյան, Principal Software Engineer – Team Leader

 

Մարտահրավերների մասով Վահեն նշեց ժամանակային տարբերությունները, քանի որ իրենց պրոդուկտի վրա աշխատում են թիմեր՝ Հայաստանից, Իսպանիայից և ԱՄՆ-ից։

Մյուս խնդիրը, որին կարծես թե HelpSystems-ում լուծում գտել են, այն է,որ մենք անմիջական շփում չունենք հաճախորդի հետ, ով մեզ կարող էր հաղորդել իր կարիքները և պահանջները,- նշեց Վահեն։

Հաճելի բաներն իհարկե HS International-ում շատ են։ Վահեի հետ խոսեցինք իր աշխատանքի մասին, և հարցրեցինք, թե ինչն է ամենից շատ  գնահատում իր աշխատանքում։

Մեր թիմը բաղկացած է 4 մասնագետներից, սակայն հաճախ <<հյուընկալում>> ենք նաև տարբեր թիմերից ժամանակավոր աշխատակիցներ։ Մենք աշխատում ենք Իսպանիայի թիմի հետ, և վերջերս ես իմ թիմակիցներից մեկի հետ գործուղվեցի Իսպանիա մեր գործընկերների հետ ծանոթանալու։ Իմ աշխատանքում եմ շատ գնահատում այն, որ մենք աշխատում ենք միջազգային ընկերությունում։ Մենք ոչ թե պարզապես կատարում ենք մեզ տրված հանձնարարությունները կամ լուծում ենք խնդիրներ, այլ ամբողջությամբ ընդգրկվում են աշխատանքի մեջ հասկանալու համար, թե ինչու է կատարվում այս կամ այն պրոյեկտը, ի վերջո ստանում ենք ամբողջական պատկերը։ Շատ հաճելի է տարբեր մշակույթների հետ շփվելը, իրենց կորպորատիվ մշակույթին ծանոթանալը։ Առհասարակ մեր HelpSystems Խմբի բոլոր գրասենյակներում էլ շատ հաճախ են լինում նման գործուղումներ։

Վահեն ավելացրեց․

Ընկերությունում աշխատում եմ դեռ Սորսիոյի ժամանակներից, շատ ուրախ եմ աշխատել մի թիմում, որտեղ աշխատակցին մեծ տեղ են տալիս, որտեղ ստեղծված է միջավայր աշխատանքդ լավագույն կերպով կատարելու և որպես մասնագետ զարգանալու համար։ Հետաքրքիր է, որ թիմում ունենք մասնագետներ, ովքեր ֆրիլանսերներ են եղել, և մեր թիմին միանալու իրենց որոշման մեջ կարևոր ազդեցություն է ունեցել նաև մեր ընկերության աշխատանքային միջավայրը։

HelpSystems թիմի անդամները

Մեր հաջորդ զրուցակիցը Վահրամ Թորոսյանն է, ով Senior Software Engineer է։ Վահրամին խնդրեցինք մի քանի բառով պատմել իր աշխատանքի մասին։

Իմ աշխատանքը հետևյալն է, ես UI/UX-ի մասնագետ եմ, և վերջին 1,5 տարվա ընթացքում հասցրել եմ աշխատել HelpSystems-ի տարբեր պրոդուկտների վրա։ Սրանք այնպիսի ծրագրեր են, որոնք կարող են ունենալ, օրինակ, կես միլիոն օգտատերեր, այսինքն պրոֆեսիոնալ UX -ը ցանկացած պրոդուկտի անբաժանելի մասն է։ Իմ աշխատանքում ամենից շատ գնահատում եմ այն, որ ես հնարավորություն ունեմ եմ ԱՄՆ-ում գտնվող իմ գործընկերներին առաջարկել առկա խնդիրների համար նոր հետաքրքիր լուծումներ, ինչի համար անընդհատ ինքնազարգացմամբ եմ զբաղվում, հետևում եմ շուկայի միտումներին, հետաքրքրվում եմ նորարարական գաղափարներով, թրեյնինգների եմ մասնակցում և այլն։ Հաճելի է, երբ քո կողմից առաջարկվող փոփոխությունը կամ նորամուծությունը հաճույքով ընդունվում է։ Կասեմ նաև, որ միշտ չէ որ ամեն ինչ այդքան հեշտ է, շատ հաճախ ես պետք է իսկապես համոզիչ լինեմ, որպեսզի իմ առաջարկն ընդունվի ?

Անի Խաչատրյան, Մարքեթինգի մասնագետ
Անի Խաչատրյան, Մարքեթինգի մասնագետ

 

Զրույցը շարունակեցինք Անի Խաչատրյանի հետ, ով համեմատաբար նոր է միացել թիմին, աշխատում է որպես Մարքեթինգի մասնագետ ՝ համագործակցելով գլոբալ HelpSystems Խմբի  մարքեթինգի թիմի հետ ։

Ես հանդիսանում եմ Գլոբալ մարքեթինգի թիմի անդամ, հանձնարարություններս ստանում եմ միանգամից ԱՄՆ-ում գտնվող իմ ղեկավարից իսկ օրվա վերջում , ինչպես իմ շատ գործընկերներ, ես նույնպես կոնֆերանս զանգի միջոցով հաղորդակցվում եմ իմ ղեկավարի հետ, ամփոփում հանձնարարություններն ու նախագծերը։ Իմ աշխատանքում շատ սիրում և գնահատում եմ այն, որ կարող եմ ինքս պլանավորել իմ աշխատանքը և ժամանակը, քանի որ հստակ գիտեմ ինչ է ինձնից պահանջվում։

Տաթև Աբգարյան, Java ծրագրավորող
Տաթև Աբգարյան, Java ծրագրավորող

 

Զրույցը շարունակեցինք Տաթև Աբգարյանի հետ։ Տաթևը Java ծրագրավորող է, ԵՊՀ Կիրառական մաթեմատիկայի երկրորդ կուրսում սովորելիս դիմել է Սորսիո ընկերության ինթերնշիփին, որից հետո նույն ընկերությունում աշխատել է որպես Android ծրագրավորող։ Իսկ այժմ արդեն Java տեխնոլոգիաների մասնագետ է։

Տաթև, համալասարան ընդունվելիս գիտեիք արդյոք, որ Java ծրագրավորող եք դառնալու։

Ոչ, անկեղծ ասած չգիտեի նույնիսկ թե դա ինչ է, սակայն դպրոցում սիրում էի մաթեմատիկա և ֆիզիկա, և ծանոթներիս ճիշտ խորհուրդով ընտրեցի այս մասնագիտությունը։ Շատ ուրախ եմ, որ մասնագիտությունս թույլ է տալիս ժամանակ հատկացնել նաև հոբիներիս և այլ հետաքրքրություններիս։ HS International-ում ամենաշատը սիրում եմ այն թիմը, որտեղ աշխատում եմ, քանի որ աշխատում եմ հաճելի մարդկանց հետ, ունեմ գործելու ազատություն, ինչպես նաև մասնագիտական զարգացման հստակ ուղի։

Հասմիկ Ղազարյան, Ծրագրավորող
Հասմիկ Ղազարյան, Ծրագրավորող

 

HS International-ում մեր մյուս զրուցակիցը Հասմիկ Ղազարյանն էր։ Հասմիկը նույնպես միացել է Սորսիո ընկերությանը որպես ուսանող, իսկ այժմ արդեն HelpSystems ընկերությունում ծրագրովորող է։

Աշխատանքում ամենից շատ գնահատում եմ աշխատանքային մթնոլորտը․ այստեղ սիրում ենք և՛ երկուշաբթիները, և՛ աշխատանքային մյուս օրերը, քանի որ սիրով ենք աշխատում ? Ինձ նաև շատ են դուր գալիս մեր ընկերության միջոցառումները, որոնք անց են կացվում ինչպես մեր գրասենյակում, այնպես էլ գրասենյակից դուրս։

Հասմիկի հետ խոսեցինք նաև մասնագիտական աճի վերաբերյալ, և արդյոք իր կարծիքով ընկերությունը ապահովում է կարիերայի աճի հստակ ուղի իր աշխատակիցների համար։

Ընկերությունը տրամադրում է բոլոր հնարավոր պայմանները և թրեյնինգները, այդ թվում նաև այն դեպքերի համար, երբ մասնագետն օրինակ ցանկանում է նոր տեխնոլոգիա իրացնել, այդպիսով բարձրացնելով իր մասնագիտական մակարդակը։ Օրինակ ես JavaScript ծրագրավորող եմ, և իմ մոտակա պլաններում է նաև back-end սովորելը։ Մենք նաև հնարավորություն ունենք ժամանակ-առ-ժամանակ ներգրավվել ընկերության այլ թիմերում, այդպիսով նաև ձեռքբերել նոր հմտություններ և ծանոթանալ նոր պրոյեկտների։

Խաչատուր Նիկողոսյան, Ավագ ծրագրավորող
Խաչատուր Նիկողոսյան, Ավագ ծրագրավորող

 

Խաչատուրը Նիկողոսյանը ավագ ծրագրավորող է և վերջերս է միացել HS International-ի թիմին։ Նրան տվեցինք մեր արդեն ավանդական դարձած հարցը՝ ինչը նրան ամենաշատը զարմացրեց ընկերությանը միանալուց հետո։

Բավականին ծանոթ էի ընկերության միջավայրին, սակայն ինձ հաճելիորեն զարմացրեց այն ազատությունը, որն առկա է ընկերությունում։ Աշխատանքի ծավալը բավականին մեծ է, սակայն այստեղ մասնագետներն ազատ են որոշումներ կայացնելու, ինչ-որ տեղ, իրենց ամենօրյա աշխատանքին ստեղծագործական մոտեցում ցուցաբերելու մեջ։ Ես դա շատ գնահատում եմ, քանի որ երբ աշխատակիցն ունի ղեկավարության վստահությունը, ապա ունի նաև շատ ավելին անելու և շատ ավելիին հասնելու ցանկություն։ Ես այստեղ աշխատում եմ լուսավոր և խելացի մարդկանց հետ, ովքեր սիրում են իրենց աշխատանքն ու ընկերությունը, և պատրաստ են անել ավելին։

Խաչատուրը մեր զրույցի ժամանակ նշեց, որ հնարավորություն է ունեցել շատ այլ ընկերություններում աշխատել, և HelpSystems-ն ընտրել է նաև այն բանի համար, որ շուտով նոր նախագիծ է սկսվելու, և ինքը հնարավորություն է ունենալու այդ պրոդուկտի վրա աշխատել, այսինքն այստեղ շատ բան իրենից է կախված, և դա իսկապես գրավիչ է ավագ ծրագրավորողի համար։

Գևորգ Իսկանդարյան, Principal Product Test Engineer - Team Leader
Գևորգ Իսկանդարյան, Principal Product Test Engineer – Team Leader

 

Գևորգ Իսկանդարյանը, ով հանդիսանում է Principal Product Test Engineer – Team Leader, ընկերության թերևս ամենահամեստ աշխատակիցն էր ։)

Գևորգը HS International թիմի ամենափորձառու մասնագետներից է, և հանդիսանում է նաև թիմի ղեկավար։ Աշխատում է HelpSystems-ի հետ դեռևս Սորսիոյից։ Իսկ վերջերս էլ ստացել է HelpSystems -ի գլոբալ Խմբի կողմից շատ պատվավոր մրցանակ՝ հանդիսանալով Խմբի լավագույն 3 աշխատակիցներից մեկը։ Գևորգը շատ համեստ անձնավորություն է, և երբ խնդրեցինք նրան պատմել, թե ինչպես ստացվեց, որ նման պատվավոր մրցանակ ստացավ, շատ համեստորեն պատասխանեց, որ երևի մի քիչ էլ պատահականություն կար։ Սակայն կոլեգաների հետ խոսելուց հասկացանք, որ այդ մրցանակը վկայում է այն մասին, որ Գևորգն իսկապես շատ կարևոր և պատասխանատու աշխատանք է կատարել, ինչի համար էլ Խմբի ղեկավարության կողմից ստացել է այդ բարձր գնահատականը։

Հայաստանում մենք ունենք 12 հոգանոց QA (Որակի կառավարման) թիմ։ Այնպես ստացվեց, որ HelpSystems-ի գլոբալ թիմերից մեկում ղեկավարության փոփոխություն եղավ, և ծրագրավորողների թիմը մնաց առանց տեխնիկական ղեկավար։ Քանի որ լավ ծանոթ էի այդ պրոդուկտին, իսկ թիմի հետ էլ աշխատել էի թեսթավորման կոնտեքստում, ապա սիրով համաձայնեցի միաժամանակ զբաղվել նաև այդ թիմի ղեկավարմամբ։ Այսինքն մի կողմից ես ամբողջությամբ պատասխանատու էի մեր հայաստանյան թիմի ավտոմատ թեսթավորման բոլոր գործառույթների համար, մյուս կողմից նաև օգնում էի իմ կոլեգաներին ԱՄՆ-ում։ Ահա ինչպես 2017թ․ սկզբին ինձ շնորհեցին այդ մրցանակը։ ?

HelpSystems խմբի կողմից տրամադրված հեղինակավոր մրցանակ
HelpSystems Խմբի կողմից շնորհված պատվավոր մրցանակ

 

Գևորգի հետ խոսեցինք նաև աշխատակացիների ընդունման իր մոտեցումների մասին, և թե ինչին է նա ամենաշատը ուշադրություն դարձնում ։

Շատ կարևոր է, բնականաբար, որ մասնագետն ունենա համապատասխան գիտելիքներ։ Հարցազրույցի ժամանակ տալիս եմ նաև տրամաբանական հարցեր հասկանալու համար՝ ինչպես է թեկնածուն մտածում։ Սոֆթ հմտությունների  մասով ՄՌԿ ղեկավարն է ավելի ներգրավված, սակայն ինձ համար էլ է շատ կարևոր, որ թեկնածուն համապատասխանի թիմի ընդհանուր <<բնավորությանը>>։ Նախընտրելի հարցերիցս է օրինակ, թե ինչպես թեկնածուի կոլեգաները իրեն մի քանի բառով կնկարագերին։ Միշտ հարցնում եմ, թե ինչ կբերեին իրենք իրենց հետ մեր թիմ։

Կրտսեր ծրագրավորող Գրիգոր Վարդանյան
Կրտսեր ծրագրավորող Գրիգոր Վարդանյան

 

Զրույցը շարունակեցինք կրտսեր ծրագրավորող Գրիգոր Վարդանյանի հետ, նա մի քանի ամիս ինթերշիփ անցնելուց հետո միացել է HS International թիմին որպես կրտսեր ծրագրավորող։ Նրա հետ խոսեցինք ընկերության մասին իր տպավորություններից։

Սովորել եմ Հայկական ծրագրերի ուսումնական կենտրոնում, որտեղ և հանդիպել եմ Վահրամ Մարտիրոսյանին։ HS Intertnational-ում անցել եմ 4-ամսյա ինթերնշիփ և ընդունվել եմ աշխատանքի։ Շատ ինտենսիվ է անցել իմ ինթերնշիփը, խորացել ենք հիմնականում C# տեխնոլոգիաների մեջ, ուսումնասիրել ենք web ծրագրավորում։ Ընկերության առավելությունը նրանում է, որ այստեղ մասնագետները շատ պատրաստակամ են սովորեցնել և ընդգրկել հետաքրքիր պրոյեկտներում, այդպիսով՝ մենք շատ արագ ինթերնից դարձանք կրտսեր մասնագետներ։ Ասեմ, որ ստացել էի առաջարկներ այլ ընկերություններից, և HS International-ը ընտրեցի իր պրոդուկտների բազմազանության և ինձ արդեն հարազատ դարձած գործընկերներիս համար։ Ինձ համար շատ կարևոր է, որ այստեղ օգտագործում են տարբեր տեխնոլոգիաներ այսինքն մասնագետը շատ արագ կարող է հմտանալ այլ տեխնոլոգիաներում նույնպես։ Անպայման կուզեմ նշել, որ այստեղ մարդիկ շատ են օգնում միմյանց․ Եթե որևէ հարց ունես, նրանք սիրով կպատասխանեն քեզ և կօգնեն առաջ անցնել։

Նշենք, որ Գրիգորը դեռ ուսանող է և պետք է համատեղի լրիվ դրույքով աշխատանքն ու ուսումը։

ՄՌԿ ղեկավար Մարգարիտա Մարգարյան
ՄՌԿ ղեկավար Մարգարիտա Մարգարյան

 

Ընկերության ՄՌԿ ղեկավար Մարգարիտա Մարգարյանի հետ զրուցեցինք մի շարք թեմաների շուրջ, ինչպիսինք են Employer Branding-ը, թիմային միջոցառումները, արտոնությունների փաթեթները, և այլն։

Ինչպիսի՞ն է HS International-ի մոտեցումը Employer Branding-ին Հայաստանում։

Ընկերությունը բավականին երիտասարդ է, ընդամենը 1,5 տարի է գործում, սակայն հաշվի առնելով աշխատակիցների և մասնավորապես ՏՏ մասնագետների մեծ պահանջարկը մեր թիմում, մենք բավականին աշխատանք են տանում Գործատուի բրենդավորման ուղությամբ, իսկ նպատակը, իհարկե, ավելի շատ լավ մասնագետների հայտնաբերումն և նրանց իրազեկումն է, աշխատաշուկայից լավագույն աշխատակցիների, այսպես ասած, տաղանդների ներգրավումն է։ Մեր թիմն ընտանիքի նման է, և չնայած որ աշխատակիցների թիվը գնալով մեծանում է, միևնույնն է մենք շատ հոգատար ենք միմյանց նկատմամբ։ Մեր ընկերության կարգախոսն է՝ երջանիկ են աշխատակիցներդ, երջանիկ են հաճախորդներդ։

Ինչպիսի՞ ուղիներ (channels) են օգտագործվում Գործատուի բրենդավորման համար

Հիմնական շեշտն իհարկե մեր աշխատակիցների վրա է, այսինքն, իրենք մեր դեսպաններն են աշխատաշուկայում, և սա, կարծում ենք լավագույն տարբերակն է,երբ աշխատակիցները գոհ են և խորհուրդ են տալիս HS Internationl-ն որպես գործատուի։ Ակտիվորեն սկսել ենք վարել ընկերության Ֆեյսբուքյան էջը, որտեղ պատմում ենք մեր աշխատակիցների, մեր թիմային միջոցառումների մասին և այլն։ Դե իհարկե staff.am-ը ևս մեկ հարթակ է, որի միջոցով մենք կապի մեջ ենք մեր պոտենցիալ աշխատակիցների հետ։

Թիմային միջոցառումներ

Թիմային միջոցառումներ ունենք ամեն ամիս, իսկ տարին 3-4 անգամ կազմակերպում ենք միջոցառումներ գրասենյակից դուրս։ Ամռանը 1 կամ 2 օրով քաղաքից դուրս ենք գնում, և անպայման ընդգրկում ենք նաև աշխատակիցների ընտանիքի անդամներին, քանի որ շատ ենք կարևորում work-life բալանսը։ Ամանորը նույնպես շատ հետաքրքիր ենք նշում։
Վերջերս օրինակ Տաթևի վանք էինք գնացել քեմփինգի։ Բոլորովին վերջերս ստեղծել ենք Fun Committee -ի, որում ընդգրկել ենք տարբեր աշխատակիցներ, և նույնիսկ նրանց անհատական զարգացման պլաններում նշվել է, որ իրենք պետք է կազմակերպեն թիմային միջոցառումներ։ Fun Committee -ի նպատակները երկուսն են՝ նախ իսկապես հետաքրքիր և բովանդակալից միջոցառումների կազմակերպումը, և նաև միմյանց հետ շփվելն ու մտերմանալը։ Fun Committee -ի շրջանակներում վերջերս մեր ինթերները <<Ի՞նչ, Որտե՞ղ, Ե՞րբ՞>> խաղ էին կազմակերպել։
Մի քանի օր առաջ մենք հյուրընկալել էին մեր ԱՄՆ գլխամասային գրասենյակից հյուրեր, որոնց համար կազմեկերպեցինք հայկական մոտիվներով միջոցառում՝ հայկական ավանդական պարեր, մրգեր, գաթա, թթու լավաշ և այլն։ Նրանց դա իսկապես շատ տպավորեց։

Ազգային պարերի դաս
Ազգային պարերի դաս
Լուսանկարում տարազներով
Լուսանկարում տարազներով

Հետաքրքիր միջոցառումներից կնշեմ նաև թեյի և սուրճի թեմատիկ միջոցառումները, որոնց անցկացրեցինք հենց գրասենյակում և ոլորտի մասնագետներ հրավիրեցինք մեզ մոտ։ Այս միջոցառումները հատկապես գնահատեցին մեր թիմի թեյի և սուրճի սիրահարները։

 

Հաջորդ Նախորդ
 22688321_359241797831786_4358763958363367058_n
 22539730_357990297956936_3652994359998852108_n

22383945_355591334863499_7524232246449747352_o

 21034556_339731806449452_5925695585857127078_n
 20768064_336443153444984_5993385949983968544_n
 20799419_336441643445135_5110895024397025001_n
20729160_336442450111721_6504585645706966900_n
 20799460_336435403445759_651178769726486561_n
 22528407_357990261290273_631866035083035892_n
Հաջորդ Նախորդ

Մենք ունենք նաև Performance Management -ի համակարգ, ըստ որի մասնագետները հստակ գիտեն իրենցից ինչ է սպասվում օրինակ 3 ամսվա կտրվածքով, ունեն հստակ սահմանված նպատակներ և զարգացման ուղի, որը շատ լավ է աշխատում․ Մասնագետները երբեք չեն ձանձրանում, քանի որ ունեն բավականին բարդ նպատակներ, որոնց հասնելու համար շատ աշխատանք պետք է կատարեն։

Մարգարիտայի հետ խոսեցինք մասնագետների թրեյնինգների և զարգացման մասին։ Մասնավորապես՝ ինչ միջոցառումներ է ընկերությունը ձեռնարկում աշխատակիցների մասնագիտական զարգացման ուղությամբ։

 Առհասարակ HelpSystems -ի հայկական մասնաճյուղը ամբողջ Խմբում ունի լավ համբավ, մենք հաճախ առանձնանում ենք ինովացիայով հանդես գալով կամ առկա խնդիրներին նոր մոտեցում տալով։ Դրա վառ օրինակը այն է, որ մեր նախաձեռնությամբ հայկական մասնաճյուղում Machine Learning-ի և Artificial Intelligence-ի նոր ուղություններ են հիմնելու, և այս թիմերն աշխատելու են HelpSystems-ի բոլոր 20 գրասենյակների համար։ Ընկերությունը հաճախ բիզնես գործուղումներ է կազմակերպում, որի ընթացքում ակտիվ փորձի փոխանակման հնարավորություն է ստեղծվում, մեր մասնագետները ծանոթանում են իրենց կոլեգաների հետ, ինչպես նաև սովորում և զարգանում են որպես մասնագետներ։

Անգլերենի դասընթաց ընկերությունում
Անգլերենի դասընթաց ընկերությունում

 

Երբ ընկերության գրասենյակում էինք, ներկա գտնվեցինք աշխատակիցների համար HS International -ի կողմից կազմակերպված անգլերենի պարապմունքներին։ ՄՌԿ ղեկավարից տեղեկացանք, որ 6 ամսյա անգլերենի կուրս են իրականացնում աշխատակիցների համար՝ համագործակցելով լեզվի առաջատար կենտրոններից մեկի հետ։

Հաշվի առնելով, որ մեր աշխատակիցները շատ սերտ շփում ունեն իրենց ԱՄՆ և այլ երկրներում գտնվող կոլեգաների հետ, շատ կարևոր է որպեսզի նրանք ավելի վստահ լինեն շփման մեջ։ Դասընթացները շաբաթական երկու անգամ են և անց են կացվում աշխատանքային ժամերին։

Մարգարիտայի հետ խոսեցինք նաև աշխատակիցների հոսունության մասին, և թե ինչ քայլեր է ձեռնարկում ընկերությունը հոսունության ցածր մակարդակ պահելու համար։

Մենք նոր թիմակիցներին ընտրելիս շատ մեծ շեշտ ենք դնում այն բանի վրա, որ թեկնածուն համապատասխանի թիմային մշակույթին։ Այսինքն՝ լինում են դեպքեր երբ մասնագետն իսկապես փորձառու է և ունի պահանջվող գիտելիքները, սակայն չի համապատասխանում բնավորության և սոֆթ հմտությունների մասով։ Այսպիսով՝ մեր նպատակն է ստեղծել այնպիսի միջավայր, որտեղ մարդիկ իրենց լավ զգան, աշխատեն սիրով և չմտածեն ընկերությունից հեռանալու մասին։

Արտոնությունների փաթեթ

HS International -ը տրամադրում է հայկական աշխատաշուկայում առկա լավագույն փաթեթներից մեկը։ Ստորև ներկայացրել ենք մանրամասները։

check-mark (4)  Բժշկական ապահովագրություն,

check-mark (4) Մասնագիտական թրեյնինգներին մասնակցելու հնարավորություն,

check-mark (4) Հիմնական արձակուրդից զատ, հավելյալ ազատ օրեր,

 check-mark (4) Մասնագիտական զարգացման և կարիերայի աճի հնարավորություն,

 check-mark (4)Անգլերեն լեզվի դասընթացներ աշխատանքային ժամերին,

check-mark (4) Քաղցրավենիք, մրգեր, սուրճ, թեյ,

 check-mark (4)Գործուղումներ,

 check-mark (4)Հանգստացնող մերսումներ,

check-mark (4) Սպորտով զբաղվելու առանձնահատուկ պայմաններ,

check-mark (4) Կազմակերպության բաժնետոմսերի տրամադրում աշխատակիցներին,

check-mark (4) “Baby born” փաթեթ 🙂


Դե ինչ ամփոփենք։

Համեստ, լուսավոր, խելացի և իրենց գործի գիտակ, հենց այսպես կնկարագրեինք HelpSystems ընկերության HS International հայաստանյան մասնաճյուղի թիմին։ Այստեղ դժվար է տարբերակել՝ ով է ղեկավար, ով ենթակա, քանի որ բոլոր աշխատակիցներն էլ նույն ոգևորությամբ և պատասխանատվությամբ են մոտենում իրենց աշխատանքին։ Հայաստանյան գրասենյակն ընդամենը 1,5 տարում հասցրել է կրկնապատկել իր աշխատակիցների քանակը՝ դառնալով
HelpSystems-ի մեծությամբ երկրորդ թիմը՝ գլխամասային գրասենյակից հետո։ Իրենց աշխատասիրության և գործի հանդեպ ցուցաբերած պատասխանատվության շնորհիվ էլ HS International-ի թիմը վայելում է իր լավ համբավը ամբողջ HelpSystems խմբի մակարդակով և ունի ինովատորի հեղինակություն։
Վստահորեն կարող ենք ասել, որ Հայաստանում HS International-ի նման ընկերությունները պետք է շատանան՝ իրենց հետ բերելով աշխատանքի նոր ստանդարտներ և կրթելով ինժեներների նոր սերունդ։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover_new

Rockbite Games. staff.am այց gamedev ոլորտի առաջատար ընկերություն

staff.am թիմն արդեն հասցրել է լինել հայկական տարբեր ընկերություններում՝ շատ նորարականից մինչև շատ կորպորատիվ, սակայն …

Leave a Reply

Your email address will not be published. Required fields are marked *