Ինչպես արդեն գիտեք, staff.am-ը հաճախ է ներկայանում նոր ու հետաքրքիր նախագծերով, որոնց միջոցով Ձեզ հետ ենք կիսվում մեր գործընկերների՝ Հայաստանում առաջատար ընկերությունների նորություններով ու հաջողություններով։
Վերջերս տեղեկացանք, որ Synergy-ն տեղափոխվել է ժամանակակից լուծումներով նոր գրասենյակ, որն ավելի է արտացոլում ընկերության թիմային ու կորպորատիվ մշակույթը։ Ու մենք որոշեցինք “Inside Company Office” նախագծի առաջին թողարկման ընթացքում լուսաբանել Synergy-ի երևանյան գրասենյակն իր բոլոր մոտիվներով ու հարմարություններով:
Անչափ շնորհակալ ենք Synergy-ի Հայաստանյան Գրասենյակի տնօրեն Աննա Ստեփանյանին, Մարդկային Ռեսուրսների Կառավարման դեղավար Աննա Կոնջորյանին և Պրոդուկտի ղեկավար Խաչիկ Բադեյանին` մեզ հյուրընկալելու և գրասենյակի պատմությամբ մեզ հետ կիսվելու համար։
ՄՈԴԵՌՆ, ՎԱՌ ՈՒ ՀԵՏԱՔՐՔԻՐ ԼՈՒԾՈՒՄՆԵՐՈՎ ԳՐԱՍԵՆՅԱԿ
Synergy-ի նոր գրասենյակի կառուցման գլխավոր մոտիվը նոր ժամանակների շունչը գրասենյակին փոխանցելն էր և աշխատակիցների համար հնարավորինս հարմարավետ, հաճելի աշխատանքային պայմաններ ստեղծելը։ Այժմ գրասենյակում ստեղծված է ընկերության անվանը համապատասխան այնպիսի էրգոնոմիկա, տրված են այնպիսի լուծումներ, որ աշխատակիցները ներդաշնակության մեջ են գտնվում իրենց աշխատավայրի հետ և նույնիսկ չեն զգում ինչպես է սլանում ժամանակը 🙂
ԱՇԽԱՏԱՎԱՅՐ, ՈՐՏԵՂ ԿԱՐԵԼԻ Է ԱՆՎԵՐՋ ՈԳԵՇՆՉՎԵԼ
Թափանցիկ, պարզ ու հարմարավետ գրասենյակում ամեն թիմ ունի իր առանձին սենյակը` աշխատանքային տարածք, որտեղ հնարավոր բոլոր պայմանները ստեղծված են, որ թիմն ունենա բոլոր հարմարավետությունները՝ աշխատանքը կազմակերպելու համար։
Synergy-ում քայլելիս կնկատեք նաև ներդաշնակ ու տրամադրություն ստեղծող գույներով մեկուսացման գոտիներ, զանգերի սենյակներ` բոլոր հարմարություններով, որոնք նույնպես նպաստում են մտավոր աշխատանքին, կենտրոնացվածությանը և աշխատանքի արտադրողականության բարձրացմանը։
Գրասենյակում գերակշռում է turquoise-ը (փիրուզագույնը)։ Իսկ փիրուզագույնի հետ համադրված են գույներ, որոնք ներդաշնակ են դարձնում ընդհանուր մթնոլորտը։
ԱԶԱՏՈՒԹՅՈՒՆ, ՀԱՐՄԱՐԱՎԵՏՈՒԹՅՈՒՆ ԵՎ ՀԱՆԳԻՍՏ՝ «ԻՆՉՊԵՍ ՏԱՆԸ»
Աշխատանքային առօրյան այստեղ հարուստ, բազմազան ու ակտիվ է անցնում։ Հարմարավետություններից առանձնահատուկ են coffee corner-ը, խոհանոցը, կլորավուն կամ ձվաձև բազկաթոռները։ Շուտով կից կառույցում՝ գրասենյակի շարունակությունում, նախատեսվում են «ինչպես տանը» հարմարություններ՝ հանգստի ու պարապմունքների տարածքներ, ննջելու եւ մեդիտացիայի սենյակներ։
Նշենք, որ «ինչպես տանը» մթնոլորտը չի սահմանափակվում միայն գրասենյակային տարածքներով ու գրասենյակային պայմաններով, այլև` ընդհանուր միջավայրով, որ տարիների ընթացքում Սիներջիում ստեղծվել է։ Ամեն թիմի ներսում ընկերական միջավայր է, տարբեր թիմերի շփումներն իրար հետ ջերմ ու ընկերական են։
UX-Ը SYNERGY-Ի ՆՈՐ ԳՐԱՍԵՆՅԱԿՈՒՄ
Synergy-ում թե՛ տարածքի բաշխումները, թե՛ ինտերիերը, թե՛ գունային լուծումները, թե՛ նույնիսկ նկարների դասավորվածությունը հատուկ մշակված են գործադիր տնօրենի՝ Արթուր Հովհաննիսյանի կողմից։ Որպես UX-ի մասնագետ՝ ցանկալի արդյունքը ստանալու համար նա իր UX մոտեցումները ներդրել է ինտերիերի մեջ։
“Կարևորում եմ այն, որ այս մշակույթը ոչ թե դրսից նկարված փաթեթ է, այլ հենց էմպիրիկ՝ մեր փորձից բխած ”,- Աննա Ստեփանյան:
ԱՄԵՆԱ~ SOCIAL ԱՆԿՅՈՒՆԸ
Ամենասոցիալական անկյունը այդքան էլ հեշտ չէ միանգամից որոշել։ Կախված տարվա եղանակից, սոցիալական և ինչու չէ նաև հանգստի անկյուն կարող է լինել պատշգամբը, որտեղից էլ հենց բացվում է քաղաքի համայնապատկերը։
Սեպտեմբերից մեկնարկել է «առողջ Synergy» արշավը և այդ նպատակին ուղղված քայլեր են ձեռնարկվում տարատեսակ սեմինարների, փորձի փոխանակման ու առողջ ապրելակերպի ջատագովների համայնքի ձեւավորման միջոցով:
ԱՄԵՆԱ՜ՀԱՄԵՂ ԱՆԿՅՈՒՆԸ
Synergy-ի երևանյան գրասենյակում հետաքրքիր կոնցեպտ է մշակվում, որը կլինի նորարարական, գրավիչ և, իհարկե, առողջ։
Ամենավերջին հարկում նախատեսվում է ռեստորան , որտեղ քաղաքի գեղեցիկ համայնապատկերը եւ մայրամուտները կարող են վայելել թե՛ աշխատակիցները, թե՛ այլ այցելուներ 🙂
ՀԱՃԱԽՈՐԴՆԵՐԻ ԱՆԿՅՈՒՆ
Այն, որ Synergy-ն միջազգային ընկերություն է ու համագործակցում է 75-ից ավելի երկրների հետ ամբողջ աշխարհում, միանգամից նկատելի է դառնում, երբ առաջին քայլն ես կատարում գրասենյակում։ Անմիջապես նախասրահում տեղակայված են Synergy-ի դրոշը, Հայաստանի և ԱՄՆ-ի դրոշները։ Իսկ դրոշների հարևանությամբ նկատելի է աշխարհի քարտեզը, որի վրա նշված են այն բոլոր երկները, որտեղ ընկերությունը գործունեություն է ծավալել ու ծավալում։
Գրասենյակի ինտերիերի հետ միաձուլված հուշանվերներից ամեն մեկն ունի իր պատմությունը. նրանք բերվել են գործընկեր երկրներից՝ տարբեր գործուղումների ժամանակ եւ իրենց ուրույն փայլն են փոխանցում ողջ ինտերիերին։
«Ինչքան նորաոճ, սիրուն, high tech գրասենյակ ուզում ես ունեցիր, եթե այդ գրասենյակի բնակիչները չունեն այն ներդաշնակությունը, իրար փոխկապակցված չեն, չունեն միմյանց հանդեպ ընկերական տրամադրվածությունը, սերն ու խնամքը, ոչ մի սիրուն գրասենյակ չի փրկի իրավիճակը։ Մեր աշխատակիցները նախորդ գրասենյակում էլ էին երջանիկ․ սա հավելյալ ուշադրություն թող լինի, բայց շատ կարևոր է կուռ, առողջ մարդկային հարաբերություններ ձևավորելը աշխատավայրում, ընկերանալը։ Իսկ գեղեցիկ ինտերիերն այդ ամենին պարզապես փայլ է հաղորդում»,- Աննա Ստեփանյան։
Ամփոփենք․ բրենդային նոր ոճով կառուցված Synergy-ի գրասենյակը Հայաստանի աշխատաշուկայում լավագույններից է, որ առաջարկում է հարմարավետ, ժամանակակից պայմաններ իր աշխատակիցներին՝ գնահատելով ու արժևորելով ամեն մեկի ներդրումը ընկերության զարգացման ու ընդլայնման գործում։ Հանգստի տարբեր գոտիներ, թիմային աշխատանքի համար հանգստավետ պայմաններ, առողջ սնունդ ու շատ այլ հնարավորություններ, որոնք առօրյան դարձնում են բազմազան ու հետաքրքիր։ Իսկ ամենակարևորը, որ նկատում ես Synergy-ում այն է, որ այստեղ ամենաթանկը մարդն է իր բոլոր արժեքներով ու տաղանդներով։
Դիտել Synergy բոլոր աշխատանքները
