Սկիզբ / Խորհուրդներ / Երբ ժամանակն է փնտրել նոր աշխատանք. StaffBlog-ի հետաքրքիր անդրադարձն այս հարցին

Երբ ժամանակն է փնտրել նոր աշխատանք. StaffBlog-ի հետաքրքիր անդրադարձն այս հարցին

Եթե շատերի նման Դուք էլ օրվա մեծ մասն անցկացնում եք աշխատավայրում, ապա շատ կարևոր է գտնվել ճիշտ կազմակերպությունում և, իհարկե, ճիշտ պաշտոնում:

StaffBlog-ի մեր հերթական հոդվածում այսօր կքննարկենք այն նախանշանները, որոնց օգնությամբ կարելի է որոշել արդյոք նոր աշխատանք փնտրելու ժամանակն է: Պատճառները միայն ցածր աշխատավարձը կամ վատ պաշտոնը չեն: Ըստ առկա վիճակագրության (ցավոք, նման վիճակագրություն ՀՀ-ում առկա չէ, և օգտվել ենք արտերկրի աղբյուրներից), բարձր պաշտոններ զբաղեցնող մարդիկ ավելի հակված են սթրեսների և դժբախտ են աշխատավայրում, քան օրինակ սկսնակները:

Աշխատավայրում դժբախտ լինելը շատ վնասակար է ինչպես Ձեր առողջության, այնպես էլ կարիերայի համար: Իսկ որո՞նք ենք այն նախանշանները, ըստ որոնց գուցե նոր աշխատանք փնտրելու ժամանակն է: Ստորև փորձել ենք մի քանի խորհուրդներ ներկայացնել, որոնք հուսով ենք կօգնեն Ձեզ կողմնորոշվել:

Հիշե՛ք, որ շատ հաճախ մեզ ընդամենը 2 շաբաթով (կամ գուցե քիչ երկար) արձակուրդ է անհրաժեշտ, և ամեն ինչ իր տեղը կընկնի: Իսկ, եթե դա էլ եք փորձել և չի օգնել, ապա շարունակեք կարդալ:

Երբ ժամանակն է փնտրել նոր աշխատանք

1 Ընկերությունը հնարավոր է ունի լուրջ խնդիրներ
Կան նշաններ, որոնք կարող են վկայել ընկերության ֆինանսական խնդիրների մասին: Օրինակ, ծախսերի կտրուկ նվազում, ղեկավար պաշտոններ զբաղեցնող մարդկանց շարքերում նոսրացումներ, հաճախակի ժողովներ փակ դռների հետևում և այլն:

2 Եթե ունեք ձգտումներ, սակայն առաջխաղացման հնարավորություն չկա
Կան մարդիկ, ովքեր տարիներ շարունակ հաճույքով աշխատում են նույն վայրում և կատարում նույն աշխատանքը: Սակայն, եթե Դուք ունեք ավելիին  հասնելու ձգտումներ, իսկ առաջխաղացման հնարավորություններ չկան, ապա գուցե արդեն ժամանակն է նոր աշխատանք փնտրելու: Հավաստիացեք, որ մինչ նման քայլին դիմելը, խոսել եք Ձեր ղեկավարի հետ և Ձեր մտահոգությունները հայտնել նրան:

3

3 Դուք ընդգրկված չեք կարևոր պրոյեկտներում, սակայն ըստ Ձեզ ունեք այդ պոտենցիալը
Եթե  կարծում եք, որ Ձեր մասնակցությունը համեմատաբար կարևոր  պրոյեկտներին կարող էր օգուտ բերել ինչպես Ձեր մասնագիտական աճին, այնպես էլ կազմակերպությանը, սակայն ինչ-ինչ պատճառներով Դուք ներգրավված չեք, ապա դա միանշանակ մտածելու տեղիք է տալիս: Այստեղ կա 2 ընտրություն՝ գործով ապացուցել, որ իսկապես ընդունակ եք և արժանի ավելիին, եթե չօգնեց, ուրեմն նոր աշխատանք փնտրելու ժամանակն է:


4 Անհաջող ղեկավար – սրանով ամեն ինչ ասված է
Ասյպիսի խոսք կա՝ մենք լքում ենք ոչ թե կազմակերպությունը, այլ մեր ղեկավարներին: Սա շատ դեպքերում է կիրառելի: Եթե ղեկավարը/manager-ը իսկական առաջնորդ է և հավասարապես ուշադիր է աշխատանքի և իր թիմի անդամների հանդեպ, հավանականությունը, որ կազմակերպությունը կլքեն, շատ ավելի փոքր է: Սակայն պատկերացրեք իրավիճակ, երբ ղեկավարիդ հետ ուղղակի տհաճ է շփվել, էլ չեմ ասում աշխատել կարևոր պրոյեկտներում կամ հանձնարարությունների վրա: Կամ, Դուք մասնագիտորեն ավելի գիտակ եք, քան նա, թիմում առկա է դիսկրիմինացիա, և այլն: Նման դեպքերում հավաստիացեք, որ խնդիրն իսկապես ամբողջությամբ ղեկավարի մեջ է, և փորձեք խոսել նրա հետ՝ թողնելով աշխատանքից հեռանալը որպես վերջին քայլ:

960x

5 Առավոտյան ուղղակի ստիպում եք ինքներդ Ձեզ գնալ աշխատանքի
Եթե որոշ ժամանակ է արդեն դժվարությամբ եք գնում աշխատանքի, և ամեն օրը Ձեզ համար <<երկուշաբթի>> է, ապա պետք է շատ լուրջ մտածել այդ ուղղությամբ: Շատ հաճախ սա ծանրաբեռնված աշխատանքի արդյունք է, որն իհարկե կարող է ունենալ ժամանակավոր բնույթ, սակայն եթե արդեն երկար ժամանակ է ունեք նույն <<ախտանշանները>>, ապա խորհեք կրկին:

cs-ulcerative-colitis-tips-sleep-better-symptoms-ulcerative-colitis-1440x810

6 Դուք այլևս խանդավառ չեք աշխատավայրում
Շատերի համար աշխատանքը վայր է, որտեղ մենք հնարավորություն ունենք իրագործել մեր ստեղծագործական ծրագրերն ու մտքերը, վայր, որտեղ մենք սովորում ենք և աճում որպես մասնագետ: Եթե Դուք էլ աշխատանքն ընկալում եք այս կերպ, և ինչ-որ պահից այլևս խանդավառությամբ լցված չեք Ձեր աշխատանքի հանդեպ, ապա պետք է նախ հասկանալ պատճառները, որոնք կարող են տարբեր լինել. Դուք այլևս մարտահրավերներ չեք տեսնում աշխատանքում, կան խնդիրներ թիմում, ղեկավարության կամ, օրինակ, ընկերության ռազմավարության հետ: Ամեն դեպքում, եթե սա շարունակական բնույթ ունի, իսկ Դուք աշխատանքին սիրում եք տրվել լիարժեք և իսկապես դրանից հաճույք եք ստանում, ապա ժամանակն է մտածել նոր աշխատանքի մասին:

iStock-537021780-1200x800

7 Տուժում է Ձեր առողջությունն ու անձնական կյանքը
Այս երկու կարևոր բաներն են հենց սահմանում մեր կյանքի որակը: Եթե վատ աշխատանքի պատճառով տուժում է Ձեր առողջությունը, ընտանիքի և երեխաների հետ անց եք կացնում շատ ավելի քիչ ժամանակ, սթրեսների մեջ եք և գերհոգնած, ապա անհրաժեշտ է միանշանակ ինչ-որ բան փոխել: Շատ հաճախ նման ռեժիմով աշխատելիս մենք սովորում ենք դրան և մտածում, որ հենց այդպես էլ պետք է լինի, և որ բոլորի մոտ էլ այդպես է:

– Մի՞թե այսօր հեշտ է աշխատանք գտնելը: Ո՛չ, իհարկե: Ուրեմն, մի՛ բողոքիր:

Ցավոք, նման զրույցներն ինքներս մեզ հետ շատ հաճախ ենք ունենում, երբ դժգոհ ենք մեր աշխատանքից, բայց մի բան հաստատ է – պետք է ամեն ինչ անել բարելավելու Ձեր work/life բալանսը: Գումար Դուք միշտ էլ կհասցնեք աշխատել, սակայն թանկագին առողջությունը և սիրելիների հետ լավ ժամանակը՝ երբեք:

outplacement

Ամփոփենք՝ տալով վերջին խորհուրդը․

Նոր աշխատանքի ընդունվելիս, մենք միշտ հույս ունենք, որ ամեն ինչ լավ է լինելու, որ մեզ գլխապտույտ կարիերա է սպասվում, և որ ամեն ինչ մեզ մոտ կստացվի: Այս ամենի համար մենք, իհարկե, ունենք հիմքեր, թե չէ ինչու պետք է ընդունեինք աշխատանքի առաջարկը: Իսկ, երբ որևէ պատճառով գալիս է գնալու ժամանակը, և պատճառը զգալիորեն ավելի լավ աշխատանքի առաջարկը չէ, այլ ընթացքում ծագած խնդիրները, ապա հեռանալիս «մի՛ այրեք կամուրջները»: Հեռացեք հարգանքով և «խելացի» կերպով: 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

Cover

Միտումնավոր սովորել՝ միայն քո պատասխանատվության ներքո է

Գործի բերումով շատ առիթներ եմ ունեցել ուսումնասիրել, թե ինչպես են մարդիկ սովորում՝ թե կողքից նայելով …

Leave a Reply

Your email address will not be published. Required fields are marked *