Ittrend
Սկիզբ / staff.am / staff.am-ը մեդիայում / ItTrend: «Կարիերայի անցում դեպի ՏՏ». խորհուրդներ սկսնակներին առաջատար մասնագետներից

ItTrend: «Կարիերայի անցում դեպի ՏՏ». խորհուրդներ սկսնակներին առաջատար մասնագետներից

Girls in Tech-ի հայաստանյան մասնաճյուղի, Staff.am աշխատանքային հարթակի և ISTC կենտրոնի համագործակցությամբ Երեւանում առաջին անգամ մեկնարկել է «Կարիերայի անցում դեպի ՏՏ» կարիերայի կողմնորոշման հատուկ նախաձեռնությունը։ Նախաձեռնությունը  բոլոր նրանց համար է,  ովքեր փորձում են այլ ոլորտներից անցում կատարել տեխնոլոգիաների աշխարհ: Նախաձեռնության նպատակն է աջակցել ՏՏ ոլորտ ձգտող մասնագետներին համապատասխան խորհրդատվությամբ, ոլորտում կողմնորոշվելու խորհուրդներով և  մարտահրավերները հաղթահարելու և հաջողելու բանալիներով:

Աղբյուրը՝ ItTrend

Նախաձեռնությանը մասնակցել են  Հայաստանում գործող 8 առաջատար ՏՏ ընկերության մարդկային ռեսուրսների բաժինների ղեկավարներ, այդ թվում՝ Synergy, SFL, Webb Fontaine, Rockbite Games, Joomag, Ginosi, Benivo և 10Web:

«Սա բացառիկ հնարավորություն էր ՏՏ-ում աշխատանք փնտրողների համար ոչ միայն պարզապես ծանոթանալու ոլորտում առաջատար ընկերությունների ներքին մշակույթին,  այլ նաեւ նրանց ուղղել հուզող հարցերն ու բացահայտել աշխատանքի ընդունման նրանց քաղաքականությունը», – պատմեց Girls in Tech-ի հայաստանյան մասնաճյուղի ղեկավար Սեդա Պապոյանը:

«Կարիերայի անցում դեպի ՏՏ» նախաձեռնության մասնակիցները  հնարավորություն ունեցան տեղեկատվական հարթակի շնորհիվ ծանոթանալ մի քանի ընկերություններում առկա աշխատատեղերին և վերապատրաստման հնարավորություններին:

«Այս նախաձեռնությամբ մենք կարողացանք ցույց տալ, որ ՏՏ-ն որքան էլ որ գրավիչ է, միունույն է մեծ ջանքեր է պահանջում հաստատվելու եւ հաջողության հասնելու համար: Բայց եթե կա սովորելու եւ անձնային զարգացման հստակ մտադրություն, ապա պետք է ամուր առաջ շարժվել», – պատմեց Staff.am հարթակի համահիմնադիր եւ ղեկավար Լուիզա Ավետիսյանը:

«Կարիերայի անցում դեպի ՏՏ» նախագիծը կրելու է պարբերական բնույթ։

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

Signing

ՀՀ կրթության, գիտության, մշակույթի և սպորտի նախարարությունը և staff.am-ը այսուհետ կհամագործակցեն

ՀՀ կրթության, գիտության, մշակույթի և սպորտի նախարարությունը  և staff.am կարիերայի հարթակն այսուհետ կհամագործակցեն մարդկային ռեսուրսների հավաքագրման ոլորտում։  Այսօր՝ հունիսի 26-ին, ՀՀ …

Leave a Reply

Your email address will not be published. Required fields are marked *